رواية حبيتك رغم فرق السن الفصل الرابع والعشرون 24 - بقلم أمل السيد

فتحت ريم عينيها ببطء شديد، ورأت أمامها شخصًا غامضًا. ريم: أنت؟ أكيد ما كنتش متوقع إني صح. حمد لله على السلامة من تاني يا حبيبتي. غمز لها. ريم: أنت أكيد مجنون. أنا هنا بأعمل إيه؟ فين أدهم؟ تؤ، أنا مش مجنون. بالنسبة لي، أنتِ هنا لأنكِ بتاعتي من الأول. أدهم ده راح لحاله، ما ينفعكيش. مش بيحبكِ تكوني غايبة عنه أسبوع وما يدورش عليكي. مش بيحبها، هههه. ريم: أسبوع! أنا اهتميت فيكي عشان جسمك ضعيف، ما استحملش المخدر.

ريم: أنت عايز مني إيه يا جمال؟ ولا حاجة، أنتِ بس. ريم: أنا عمري ما هكون لحد غير أدهم. جمال: وأنا مش هطلع خسران من الكل. الموضوع… ريم: أنت عايز تفهمني إنك متجوزتش لسه؟ بتحبني؟ ريم ضحكت بصوت عالي. الحياة علمتني كتير أوي، ما فيش حد بيستنى حد. يا ريت ترجعي مراتك وتنساني. لو عشان زمان، فأنا كنت طفلة. وشكرًا على اللي أنت عملته معايا زمان، مش هقدر أقول لك غير كده. جمال: بس أنتِ الحب الأول، مش بتنسى بسهولة كده.

عندك حق، ما فيش حد بيستنى حد. وعندي أولاد كمان، بس مش هطلع خسران. ريم: ربنا يخليهم لك. ياريت تسيبني أرجع لي عيلتي، زمانهم قلقانين عليّ. جمال: غلطانة، ما فيش حد قلقان عليكي. صاحبتك وجوزك بيحبوا بعض، وأنتِ في الباي باي. ريم: أنت كذاب. أنا بصدق في أدهم، وعمره ما هيعمل كده. جمال: بكرة نشوف. أنا زهقت من الكلام. سلام يا قطة. ريم: أنت رايح فين؟ عند أدهم. أدهم: هي ليه الحياة بتعمل فيا كده؟

… أنا مش عارف أقول لك إيه، بس الظروف بتجبرنا نعمل حاجة مش بإرادتنا. وإحنا اتعلمنا إن الحياة يوم معاكِ ويوم عليكي. يعني ما تبصلهاش ولا تفكري فيها. فكري أنا هاعمل إيه، ما تفكريش الحياة وحشة. الحياة حلوة. لأ، فكري أنا هاعمل إيه دلوقتي وبكرة. أنا لو فكرت إن الحياة بتعمل معايا كده ليه، مش هخلص من التفكير. أدهم: أنت اتغيرت خالص.

شهاب: أكيد طبعًا، لازم أتغير. أنا بقيت مسؤول عن عيلة، لازم كل خطوة بحساب. وأنا اتعلمت كتير أوي. زمان كنت بعاندك على حاجات تافهة، وهي كانت بتاعتك أصلًا. بس أنت أخذت الأحسن والأحن. أدهم: تعرف إنك واحشني كلامك أوي. شهاب: يا ابني، مش بحب العواطف دي. المهم، وصلت لإيه؟ موضوع ريم. أدهم: ولا حاجة، لسه زي ما هو. دورت في كل حتة، مالهاش أثر. الشرطة برده لسه بتدور. ما أعرفش أدور فين. شهاب: ارتاح أنت، كل شيء هيكون تمام.

أدهم: يا ريت. عند ريم في مكان مجهول. ريم: أنا عايزة أعرف هامشي من هنا إمتى. جمال: لسه محددتش يا حبي الأول. ريم: عن أبو برودك يا أخي. أنت إيه؟ ما عندكش دم؟ قلت لك أنا مش لحد غير أدهم. مش عندك عيلة؟ عايز مني إيه؟ جمال: يا بنت عمي، اهدي شوية. بلاش العصبية دي، وحشة عليكي. لأ، ما أنتِ هتكوني عيلتي. ريم: أنت شكلك مريض. يا رب خلصني منك. إن شاء الله أدهم هيلاقيني، وبعد كده هتشوف هيحصل لك إيه.

جمال: ههههههههههه. هلاقيكي حلم وليس واقع. المكان ده ما حدش يعرفه، لأنه تحت الأرض. ههههه. وأنا هخلصك من أدهم عن قريب يا عروستي المستقبلية. ريم: الظاهر إنك فاكرني البتاعة زمان اللي كانت بتعيط، بتيجي تستخبى فيك. ده كان زمان. دلوقتي أنا كبرت، بقيت أقوى. اللي يقرب مني آكله، لأن أنا ملك شخص واحد وبس. لو هتفكر تبعدني عنه، يبقى الموت أرحم لي. جمال: الكلام الجامد ده؟ لا، برافو. استعدي لخبر موت جوزك عن قريب يا حلوة. هههههههه.

ريم: لا، بجد. أنت عقلك مريض. فكر تقرب منه بس، هقتلك بيدي وهنسى إن في بينا دم بيربطنا. جمال: بت أنتِ؟ أنتِ شكلك عايزة تتربى ولسانك طويل. أنا هثبت لك إن أنا مش باهزر. ريم: اعمل اللي انت عاوزه. أنت ناسي إن في رب بيحمي كل حاجة؟ وأنا واثقة إن ربنا هيحمي حبيبي وهيلاقيني. وساعتها تشوف وتعرف إن خسرت كتير أوي إنك تبعد عن عيلتك. وساعتها هتعرف أنت خسرت إيه. أنت مش هتحسي دلوقتي.

جمال: لا، مانا خسرتهم، وخليك تخسري أنتِ كمان، أنتِ وأخوكي. أنا عارف إن جوزك ما لوش ذنب، بس أنتِ اللي تحديتني. وخليك تبكي على حبيبي. ههههههههههه. باي يا صغيرة على البكاء. ريم: يا رب، ما ليش غيرك. خلصني من اللي أنا فيه بجد، تعبت. وأحمِ أدهم من كل شر يا رب، وأحمِ كل عيلتي من المجنون ده يا رب. والنبي يا رب، ما ليش غيرك. عند سلمى ومحمود. سلمى: يا ترى ريم راحت فين؟ محمود: مش عارف. سلمى: بجد ريم طيبة، ما يحصلش فيها كده.

محمود: وأنا بيدي أعمه. سلمى: لازم ندور عليها. ما نفضلش قاعدين كده، عايزين نعمل حاجة. محمود: أنا معاكي، بس هنعمل إيه؟ إحنا دورنا كتير والنتيجة زي ما هي، زي ما بنروح زي ما بنيجي. سلمى: ممكن تكون انخطفت، أو حد ليه عداوة معاكم مثلًا. محمود: ممكن، بس الشرطة لسه بتدور، وإن شاء الله خير. سلمى: إن شاء الله. عند رنا وأدهم. أدهم: طبعًا أنتِ اتطلقتي من زمان، صح؟ رنا: آه.

أدهم: طبعًا أنتِ عارفة إن كل شخص يكمل حياته بعد أي صدمة، مهما كانت الظروف. حياتنا مش بتقف عند حد. رنا: مش فاهمة، أنت عايز تقول إيه؟ أدهم: الموضوع باختصار إن في عريس. رنا: مين؟ مين ده؟ أدهم: إنه اسمه… رنا انصدمت بعد ما سمعت الاسم. شهاب: أدهم، أنا لقيت مكان ريم. يا ترى أدهم هيعرف يلاقي ريم؟ ولا دي هتكون نهاية ريم؟ مين العريس؟