رواية هديه من مجهول الفصل التاسع 9 - بقلم محمد السبكي

وطي صوتك هتفضحينا. لأ أنا مش حرامي. أنا بسرق الناس اللي بتسرق حق غيرها. أنا بسرق معدومي الضمير اللي أكلين حقوق الغلابة. ده حقنا وأنا باخده منهم. بس ده مش مبرر للسرقة. وبعدين أنت ليه واثق فيّ أوي كدة؟ عشان أنتِ شبهي. وعشان حاجة تانية كمان. إيه هي؟ أنتِ معاكِ في بيتك كنز وللأسف ما تعرفيش عنه حاجة. كنز كفيل ينقلك أنتِ وأهلك في مكان تاني خالص. أبعد مما تتخيلي. أنت شكلك جاي تهزر وأنا ما عنديش وقت للهبل ده.

اقعدي بس يا شهد. والله كلامي جد الجد. اقعدي وأنا هفهمك. اتفضل قول أنا سامعاك. فاكرة الجهاز اللي دكتور جمال شيله عندك من فترة. أيوة طبعاً. ده جهاز حديث جدا والدكتور مش فاهم فيه. عشان كدا خلاه عندي لغاية لما يعرضه على خبير أجنبي. الله ينور عليكِ. طب ما جاش في بالك هو ليه شايله عندك إنتِ بالذات. ليه مش شايله في العيادة مثلا. عادي يعني. هو طول عمره بيشيل عندي الحاجات المهمة دي. أصل هو خايف حد يسمع عن الجهاز ده.

عايز هو بس اللي ينفرد بيه. هو فعلاً مش عايز حد يسمع عنه. بس مش من مجال الطب. هو تحديداً خايف من الشرطة. شرطة. أنت بتقول إيه. الدكتور بتاعك بيتاجر في الآثار وواخد مهنة الطب ساتر لأفعاله. أنت بتقول إيه. لا طبعاً مستحيل. الدنيا علمتني إن ما فيش حاجة اسمها مستحيل. وأنت بقا عرفت منين أنه بيتاجر في الآثار. يا بنتي أنا هكر قد الدنيا. طلع تليفونه ووراني محادثات كتير لدكتور جمال. وفعلاً كلامه كله مظبوط.