رواية حكاية عاشقين الفصل الثاني 2 - بقلم دهب مبروك

الاتنين بصوا لبعض بصدمه. ملك بصدمه: انت تبقى زياد! زياد بص لها بصدمه وكذا شعور امتلكه. بدون وعي: وحشتيني. ملك الدموع اتجمعت في عينيها ونزلت بسرعه. زياد راح وراها بس ملحقهاش. في طريقه للجامعه. ملك في نفسها: ياها يملك بعد حب ٧ سنين خطب غيرك ومش بيحبك وانتي زي المغفله مفكره انه بيحبك وجايه من الامارات راسمه احلامك وحياتك معاه. ضحكت من وجعها. زياد في نفسه: هي ليه كانت هتعيط؟ معقول تكون مش بتحبني على راي حسام؟

بس انا شفتها فين قبل كدا؟ اي ده، تبقى صحاب نرمين! يالهوووي ده حضرت خطوبتي! *** في شركه الصفا للمعمار. صفاء داخله من باب الشركه خبطت في حد. _هو انتي مش تحسبي؟ لا مش معقول انتي! صفاء: لا انت مش معقول يا محاسن الصدف. _بس للاسف محاسن ماتت هههههه. صفاء: دمك يلطش والله. ومشيت. _يخريبتك ياشيخه، هي الحلاوه عايزه منك ايه بس. وكمل مشي. صفاء في نفسها: كان يوم حبك اجمل صدفه. وابتسمت.

حسام للسكرتيره: اي البنات دي، كل واحده جايه مفكره نفسها جايه شارع محمد علي. السكرتيره: والله حصل يا فندم، بس في بنت برا اخيره واضح انها غيرهم خالص. حسام: دخليها، لما نشوف. السكرتيره خرجت. السكرتيره: اتفضلي يا انسه. صفاء: تمام. وخبطت على الباب، وحسام اذن لها بالدخول. صفاء دخلت وماشيه بطيء. حسام: اشتغلتي قبل كدا؟ صفاء: لا. حسام: فين السيفي؟ ولف وشه لي صفاء وبصلها وقال: انتي برضوا؟

صفاء: والله انا برضوا بقول الصوت مش غريب عليا. طلعت انتح. حسام بجديه: هاتي السيفي يا انسه. صفاء: اتفضل. وفي نفسها: يارب متقبل يارب. حسام: اتفضلي تيجي من بكره على مكتبك الساعه ٨ الصبح ومتتأخريش. صفاء: بتتكلم بجد والله؟ حسام: هكون بهزر معاكي يعني. صفاء: لا ده انت قفوش اووي بقا في الشغل، امال اي "محاسن ماتت". حسام بيكتم ضحكته: اخرجي برا، وتعالي من بكره. صفاء خرجت. حسام ضحك بصوت عالي. صفاء فتحت الباب

براحه ودخلت دماغها وقالت: صوتك يحمااااااار. وقفتلت الباب وهوبا اختفت من قدام الشركه نهائي. حسام: حمااااار، والله لهتشوفي يصفاء، هخليكي تقولي حقي برقبتي. وكمل شغل. *** في الجامعه. ملك ماشيه خبطت في حد. جاسم: مش تحسبي؟ ملك: اسفه مكنتش اقصد. ومشيت. جاسم بصلها وكمل مشي. كان وقت المحاضره هيبدأ. دخلت القاعه. ملك دخلت القاعه، وبعديها بخمس دقايق جاسم دخل القاعه.

جاسم: انا دكتور جاسم، هدرسلكم ماده ****. انا مش هشرح انهارده، هنتعرف على بعض وكده. الطلاب بدأوا يعرفوا نفسهم، وجي الدور على ملك. ملك: انا ملك. جاسم في نفسه: قصدك ملاك نازل من السما. وابتسم. بنت قاعده جمب ملك اسمها ندي. ندي: الظاهر ان الدكتور معجب بيكي يقمر، مشفتيش كان بيبصلك ازاي. ملك بابتسامه: ونبي اسكتي. وخلص وقت المحاضره. *** في كافيه الجامعه. ملك قاعده سرحانه. ندي جت وقعدت وقالت: ممكن نبقى اصحاب؟

انا معنديش صحاب، والظاهر انتي كمان. فا اي رايك؟ ملك بابتسامه: موافقه، بس رغايه اووي. ندي: ها يستي، عايزه اعرف مالك؟ عينيكي فيها حزن كبير اوووي.

ملك: كنت زي اي بنت عاديه، وكان عندي ابن الجيران، كنا اصحاب ونروح وناكل سوا ونشارك كل تفاصيل حياتنا سوا. لحد ما في يوم بابا قال اننا هنسافر الامارات علشان شغله، وسفرنا. رجعت لقيت ابن الجيران اللي اكتر شخص حبيته وفضلت السبع سنين اللي قعدتهم هناك احب فيه وابني احلامي عليه، بس للاسف مكنتش اتخيل ان كل احلامي دي بح، هو مش بيحبني زي ما انا بحبه. راح خطب، وللاسف حضرت خطوبته صحبتي، وبكل بساطه شفته انهارده صدفه، ويقولي ببساطه كده "وحشتيني".

ندي: ومين فينا منجرحش من الحب؟ الحب بقا عباره عن وجع قلب. انا دوقته من وجع الحب ده من سنه. مش هكدب واقولك نسيت لاني منستش. عارفه انا بقا اكتر شخص حبيته، شفت خيانته ليه بعيني، فشكلت خطوبتي منه، وهو مدافعش حتى عن نفسه ومبررش خيانته، بس لسه قلبي بينبض بحبه، وسايب جوايا شرخ. ملك: ياها، ده الكل مجروح بقا. قعدوا اتكلموا شويه وعرفوا حاجات عن بعض اكتر، وخدوا ارقام بعض كمان. *** عند ملك وصفاء. صفاء في المطبخ بتعمل اكل.

ملك وهي داخله من الباب: الله على الروايح الحلوه. صفاء من المطبخ: اماااال، ده اقل حاجه عندي. ملك دخلتلها. صفاء بصتلها وقالت: انا بفهمك لما ابص في عينك، مالك؟ ملك: شفت زياد الصبح، كان طالع من شقته. صفاء بغمزه: ايوو بقاا! ملك: بس يبقى زياد خطيب نرمين، فاهمه كميه الوجع اللي في الموضوع. فون ملك رن وكان نرمين. نرمين: لوكاااااااااا. ملك: وداني اتخرمت. نرمين: لا ميصحش عيب يفوزيييي. ملك: عامله اي ينرمين؟

نرمين: تمام الحمد لله. ملك: دايما يحبيبتي. نرمين: بقولك اي، ساعه والبسي وتعالي ناكل بره انا وانتي، اي رايك؟ ملك: لا مينفعش. الباب خبط. صفاء: احممم، انت زياد! زياد: اها، انا. ودخل من غير استأذن. ملك بوجع: هههههههه والله ينرمين انتي تحفه، ضحكتني في عز ما انا موجوعه. نرمين: زياد برضوا؟ ملك: هو في غير زياد واجع قلبي. زياد فتح الباب على ملك. ملك: اي يصفا؟ وعملت الفون ميوت.

وبصدمه: اي زياد انت حمااار، ازاي تفتح الباب عليا كدا! زياد: حمااااار انتي اتجننتي يملك. ملك: اتفضل من غير مطرود. ومسكت فونها وقفلت في وش نرمين. زياد: ملك انا عايز اتكلم معاكي لو سمحتي. ملك بدون وعي وبزعيق وصوت عالي ودموع: وانا مش هتكلم معاك، انا عامله ٧ سنين احب فيك وانتا رايح تخطب نرمين، ها عايز تتكلم في ايه؟ في انك مش بتحبني؟

وانا قلبي ابن ستين جزمه انه حبك. بتمتي بجد مكنتش رجعت هنا، انا خلاص بقيت ملك بلا روح وانت السبب، اخرج من هنا وابعد عني بقا، اخررررررررج. زياد: بس زياد من غير ملك مينفعش يعيش. ملك بدموع: بس انت خطبت اكتر صحبه بحبها في حياتي، روح اتجوزها وعيشوا حياتكم، ابعد عنيurgurgurg. زياد: عايزني اتجوز نرمين وانا بحبك.

ملك بجمود: اها، لانها بتحبك، وانا مقدرش اشوفها مكسوره، وانا متقدملي عريس وهوافق، لا ومش كدا كمان هعزمك يا استاذ زياد!!