رواية حكاية حلم الفصل الثالث 3 - بقلم رحاب محمد

حلم بتبص لقت قاسم واقف وراها وشكله لا يبشر بخير خالص. هي عارفاه لما بيتعصب كويس. وقفت وبتبصله وبتـبـلـع ريقها بخوف. قاسم بيضغط على كل حرف طالع منه بغيظ: "حلم، امشي قدامي ع البيت من غير كلام علشان مخليش منظرك زي الزفت قدام المكان كله، وهحاسبك على اللي عملتيه هناك." حلم بتحاول تظهر أنها مش خايفة منه. وربعت ايديها وبعند: "والله حضرتك عايز تمشي اتفضل، أنا قاعدة مع صاحبتي وهعرف أروح زي ما جيت. وإيه تحاسبني دي؟

انت مالك بيا أصلاً ها؟ قاسم شدها من إيدها بعصبية ومشي بيها بره المكان خالص. وهي بتـزعـق وبتحاول تفك إيده ومش عارفة، وكل الناس بتتفرج عليهم. حلم بعصبية: "سيب إيدي يا قاسم بقولك." مها ماشية وراهم: "حلم خلاص بقا، امشي معاه الناس كلها بتتفرج عليكم." حلم سكتت وهو ماشي بسرعة وماسك إيدها جامد وبيشدها معاه. وصلوا عند عربيته. حلم شدت إيدها منه بقوة: "ابعد إيدك دي عني، أنا مش هركب معاك."

قاسم بزعيق: "اركبي أحسن لك يا حلم، بالذوق." حلم بنرفزة: "أيوة ولو مركبتش يعني هتعمل إيه؟ مها بتحاول تهدي الموقف شوية وهي شايفة منظر قاسم عامل ازاي، وهي مش هتسكت. مها: "حلم لو سمحتي، كفاية كده في الشارع. اركبي وروحي معاه وابـقـوا اتكلموا في البيت." حلم بتبصلها ولسه هتتكلم. مها بصتلها برجاء. حلم ركبت العربية وقـفـلت الباب بعصبية. قاسم وقف تاكسي لـمـهـا وركب عربيته وساق بأقصى سرعة. وهو عارف أنها بتخاف من السرعة العالية.

حلم: "انت يا عم انت، هدي السرعة دي شوية." ريان مكمل ولا كأنه سامعها. حلم بنرفزة: "انت يبني يا تسوق كويس يـا تنزلني، أنا مش مستغنية عن نفسي." ريان وهو مركز في الطريق ومش باصص عليها: "ياريت مسمعش صوتك تاني لغاية ما نوصل." حلم هترد. بصلها بـصـة خوفتها، وهي فاهمة إنه كده على آخره بجد. وسكتت متكلمتش تاني. وصلوا عند بيوتهم، واللي هما جنب ڤلتين بنفس الشكل وميفرقش عنهم غير حيطة. حلم نزلت من العربية بسرعة وهتجري على بيتها.

قاسم نزل وراها ومسكها من إيدها وبزعيق: "خدي هنا انتي رايحة فين؟ هو أنا علشان مرتضتش أكلمك قدام الناس فاكرة كده الموضوع خلص؟ حلم بزعيق: "انت كل ده ومعملتش حاجة؟ انت سحبتني من إيدي وراك زي اللي ساحب جموسة وفرجت عليا الناس، وكل ده مش عاجبك؟ ولا هو علشان أنا سكتلك؟ قاسم: "مهو انتي جموسة فعلاً، أنا مغلطتش ولازم تتعاملي كده." مراد أبو قاسم: "في إيه يا ولاد؟ أنا طالع من جوه أشوف مين اللي بيزعق كده؟ ده أسلوب كلام؟

ده صوتكم جايب آخر الدنيا." حلم: "تعالى شوف يا عمو ابنك اللي مترباش." قاسم بعصبية: "أقسم بالله يا حلم، هضربك قلم يعدل لسانك ده ويظبطك كده سنتين لقدام." حلم: "طب لو جدع اعمل كده." مراد: "بس انتوا إيه؟ مفيش أي احترام لوجودي." حلم: "منتا شايف هو بيعمل إيه." مراد ضحك: "آه، فـتـقـولـيـلـي ابنك اللي مترباش عادي كده؟ حلم بحراج: "سوري، مكنش قصدي، بس انت مشفتش هو عمل فيا إيه." مراد: "عمل إيه وزعل حلم حبيبتي؟

وأنا أعلمهولك الأدب." قاسم بغيظ: "بابا، على فكرة هي اللي غلطانة مش أنا." مراد: "طيب ممكن تقولوا إيه اللي حصل؟ قاسم بغيظ: "الهانم أقولها استنى، هخلص شغل و هنروح مع بعض زي العادي. أخرج من مكتبي ألاقيها مشيت، تبقا غلطانة، هي صح ولا مش صح؟ مراد: "صح." حلم: "ياسلام، والشغل ده كان إيه يا محترم؟ حتة بت زي عود القصب بتتلزق فيك ودخلت تقعد معاه، ده يبقى شغل؟ وزعقلي علشانها؟ يعمو يبقى هو اللي غلطان صح؟ مراد بضحك: "صح."

قاسم: "انت عارف الهانم بتتكلم على مين؟ دي دارين بنت صاحب الشركة اللي مشاركينهم بتاعت لندن، وجاية تتكلم في شغل وهي كانت هتضربها، وأنا دخلت أصلح اللي هي عملته. كده هي اللي غلطانة صح ولا مش صح؟ مراد: "صح." حلم: "في إيه يا عمو؟ انت معاهم معاهم، عليهم عليهم؟ إيه واقف صح صح وخلاص؟ مراد ضحك: "منا مش عارف أوصل لحاجة منكم، أعمل إيه؟

قاسم: "بص يا بابا، من الآخر كده، أنا مغلطتش في حاجة. ولو أطول همسكها أكسر دماغها. دي مشيت ولا كأني قلتلها متمشيش، بس علشان هي غبية ومتخلفة راحت المكان اللي أنا عارف ومـتـأكـد إنها هتبقى فيه. بس عارف، ده كان في مصلحتك علشان لو مكنتش لقيتك هناك كنت هقتلك." حلم: "يعني انت شدتني وبهدلتني قدام الناس ومش شايف نفسك غلطان؟ وكل العيب بقى عندي؟ وبعدين إيه ماسكلي في حوار أضربك وأحاسبك دي؟ انت فاكر نفسك مين؟

قاسم: "أخوكي، مش أنا أخوكي ومسؤول عنك، وواجب الأخ إنه ياخد باله من أخته، ولا انتي شايفة إيه؟ حلم بتضغط على سنانها بغيظ: "أوووف، نيلة تاخدك انت وأختك يا شيخ." ومشت بسرعة ودخلت بيتها وهي بتشتم فيه بصوت واطي ومتعصبة. مراد ضحك بصوت عالي: "حلم دي فظيعة بجد." قاسم: "دي مجنونة وزهقتني." مراد بخبث: "زهقتك؟ اممم، بس حلو حوار أختك ده. بحب أسمعه منك كتير." قاسم بارتباك: "آه، أختي، أمال إيه يعني؟ مراد: "آه أختك، أنا قولت حاجة؟

قاسم: "عن إذنك أنا بقى يا بابا علشان تعبان وعايز أرتاح." ودخل البيت. مراد ابتسم بقـلـة حيلة: "نفسي تريحوني بقى انتوا الاتنين. ربنا يهديكم." ........................ عند أمال. أمال بابتسامة: "بجد أنا مش عارفة أشكر يارا إزاي، حبيبتي بتساعدني في كل حاجة." باسم بملل: "آه فعلاً." أمال: "طب ما تفكر معايا كده، أجبلها هدية كده تكون حلوة وأفاجئها زي ما هي عملت النهارده."

باسم: "هاتيـلـهـا سلسلة هادية كده على شكل فراشة، هبقى أوريلك صورتها، هي قالتلي عليها قبل كده إنها نفسها تجيبها." أمال: "الله، طيب، وحاجة هي عايزاها، هتبقى فكرة حلوة." وبتركيز: "بس إيه ده صحيح، هي ليه قالتلك انت عليها أصلاً؟ باسم: "عادي يعني يا أمال، وإحنا بنختارلك هدية عيد ميلادك قالتلي صدقة يعني." أمال: "طيب ماشي."

باسم قام وطلع علبة شيك من الدولاب وبيقرب بيها ناحيتها. ونزل على ركبته قدامها ومسك إيدها وخرج منها انسيال شيك. ولبسهولها وباس إيدها. وبصوت هادي كله حب: "دي أقل حاجة ممكن أقدمهالك في عيد ميلادك، مع إنـي عارف إنـه مش هيجي في جمالك حاجة." أمال ابتسمتله بحب: "بحبك أوي يا باسم. وبتبص على الانسيال: "الله، ده اللي أنا وريته لـيـارا قبل كده، أكيد هي اللي جابتهولك صح، يا حبيبتي يا يارا." باسم بنرفزة: "في إيه يا أمال؟

إحنا هناخد اليوم كله بنتكلم على يارا ولا إيه؟ أمال: "أنا آسفة يا حبيبي، والله مقـصـدتـش." باسم: "لا، برضه ضايقتيني بجد." أمال قامت وباسته من خده بخفة: "خلاص بقى، متبقاش رخيم." باسم ابتسم: "أنا برضو اللي رخيم، ماشي." أمال باستـه من خده تاني بخفة: "متزعلش." باسم: "لا بقى، ده أنا عايز أتصالح كويس." أمال ضحكت: "وأنا موافقة." وسكتت شهرزاد عن الكلام الغير مباح🤭. ..................................

عند حلم واقفة بليل في بلكونة أوضتها وبتكلم مها في الفون. حلم: "بس وحرق دمي وسبته ودخلت ومشفتش وشه من ساعتها." "إيه ده؟ ده صوته في البلكونة وبيتكلم، استنى كده يـبـت." قاسم أوضته اللي جنبها على طول، فلما يقف في البلكونة تسمع كل كلامه. قاسم بيضحك وبيتكلم وهي مش سامعاه كويس. حلم بتحاول تقرب أكتر علشان تسمعه بوضوح. قاسم: "ههههههه، يا حبيبتي، والله انتي وحشاني." "علطول إصلاح." حلم بصدمة: "حبيبتك؟

يترا قاسم بيكلم مين وهل بيحب بجد؟ وحلم هتعمل إيه بعد اللي سمعته ده؟