رواية حكاية كاميليا بقلم احمد محمود | كاملة

في يوم خميس الساعة واحدة بعد نص الليل، صحيت على صفعة من جوزي. كان ماسك في إيديه شريط منع الحمل إللي كنت مخبياه عنه وموبايلي، فاتح عليه رسالة بيني وبين ابن خالتي وبيسألني عنها. سأل من غير ما يديني حق الإجابة، رماني في قفص الاتهام وحكم عليا من غير ما يسمع كلمة واحدة. أنا حتى مالحقتش أنطق من كتر الضرب. "طيب أخلف تاني ازاي وإحنا مش قادرين نصرف على بنت واحدة! مامته بتزن ع الخلفة تاني عشان مش عايشة معانا ولا شايفة وضعنا. حاولت أشرحله أسبابي بس ماسمعنيش!" حاولت أفهمه إني كنت بستلف من ابن خالتي فلوس علشانه وعلشان أكشف على بنتنا ويمكن يوصل لأهلي حالي و قلبهم يحن، بس ماصدقنيش رغم إن الرسايل كلها واضحة قصاده. اتهمني في عرضي وضربني وأهانّي. كنت فاكرة الخناقة زي كل مرة هتنتهي هنا أو بإنه يحبسني شوية، لكن اتفاجئت بيه بيرميني بره البيت بهدوم النوم ويقفل باب الشقة. كنت مصدومة و بعيط زي...