رواية حكاية قمر الفصل الرابع والعشرون 24 - بقلم هاجر محمود

كان سيف في بيلف على عساكر الخدمة. وبعد ما خلص، طلع مكتبه واتصل على سالم. سالم: خير يا سيف؟ سيف: حضرتك عرفت اللي مي وامها عاوزين يعملوه؟ سالم: لا، حصل ايه؟ سيف: ناويين يسجنوا فارس بالقانون الجديد. سالم بعصبية: ايه؟ ازاي ده يحصل؟ انا غلطان اني مسيبتش الكلاب عليه. سيف: اهدأ يعمي، واكيد ليها حل. سالم: ها؟ معاك، انا لقيت الحل. اقفل انت. سيف: طيب وفارس؟ ابلغه؟ سالم: لا. سيف: حاضر.

قفل سالم المكالمة وقام منادي على كبير الحرس. كبير الحرس: امرك يا حج؟ سالم: هاتلي مي وامها دلوقتي. كبير الحرس: تحت امرك. بعد ما الحارس مشي، اتصل بالمحامي. سالم: يعني كده تمام؟ المحامي: ايوه. سالم: طيب انا عاوزك تظبط كل حاجه، فاهمني طبعًا. المحامي: اكيد. سالم: سلام دلوقتي، واول ما تجهز بلغني. المحامي: حاضر. *** جهزت قمر واخوها. وفضلوا مستنيين چنى لحد ما خبطت عليهم. نزلوا سوا كلهم وركبوا عربية اياد وطلعوا عالمطار.

چنى: اومال فين طنط نبيلة؟ قمر: مرضيتش تسيب بابا لوحده. چنى: مممممم. قمر بحماس: جاهزه للاجازة؟ چنى: اكيد. طلعت تليفونها واتصلت بجوزها سيف تبلغه مكانهم. وبعد شوية وصلوا المطار وركبوا الطيارة وطلعوا عالغردقة. وبعد ساعة ونص وصلوا الفندق. قمر وچنى قعدوا في الريسبشن لحد ما اياد استقبل الجروب السياحي وسكنهم. وبعد ما خلص مع الجروب راح لقمر. اياد: هنطلع عالاوض ولا ايه؟ قمر: اوض ايه؟ چنى: اللي هنقعد فيها مدة الاجازة.

قمر: انت محجزتش ولا ايه؟ اياد: لا طبعًا حجزت، بس ڤيلا خاصة عالبحر. قمر بمفاجأة: بجد والله؟ اياد: ايوه طبعًا عشان تكونوا براحتكم. قمر: ربنا يخليك ليا. اياد: يلا عشان نروح هناك. وراحوا كلهم عالڤيلا. ولما وصلوا دخلوا يتفرجوا عليها. وشاور اياد لكل واحده فيهم على اوضتها. چنى: سيف احتمال يجي؟ قمر: اهلا بيه. اياد: جوز چنى ينفع يجي؟ اياد: ايوه ما هو اتصل بيا وقالي انه جاي. قمر: لحقتو تكونوا صحاب؟ اياد: طبعًا.

چنى: شرف لينا والله انك صاحب سيف. اياد: شكرا، اسيبكم ترتاحوا وهرجع انا الفندق. قمر: ماشي. بعد ما مشي اياد، دخلت كل واحده غيرت هدومها ولبسوا حاجات خفيفة ونزلوا قعدوا في الجنينه سوا. چنى: على فكرة انا مش مقتنعه بالكلام اللي قولتييه امبارح. قمر: كلام ايه؟ چنى: اللي قولتييه عن فارس. قمر: تاني يا چنى، اقفلي بقا الموضوع ده. چنى: انا مش فهماكي بصراحة، في حد يجيله فرصه انه ينتقم من حد اذاه ويضيعها؟

قمر: انا مش عاوزه انتقم منه. چنى: افهم ليه؟ قمر: الدنيا هي اللي تجيبلي حقي احسن. چنى: مش فاهمه. قمر: ماهو الانتقام بيجرح القلب زياده مش بيشفيه زي ما انت فاكره، مجرد ما تبدأي في الانتقام مش هتشبعي ونفسك هتسيطر عليكي وتفضل توسوسلك، كمان بيبقا مفيش مكاسب كتيرة فيه، بالعكس بتندمي، لكن لما الدنيا تدور وحقك يجيلك لحد عندك ده احسن وانتي بترتاحي، خصوصا لو لقيتي الشخص ده بيترجاكي تسامحيه.

چنى: عندك حق، تعرفي انا ساعات بتعلم منك. قمر: بتتعلمي ايه؟ چنى: التسليم والتوكل على الله، القلب الابيض والطيبة. قمر: مش دايما طيبه، ساعات بكون شريره. چنى: متعرفيش، حتى شرك مش بيأذي بالعكس بيعلم. قمر: تفتكري؟ چنى: طبعًا والدليل معاذ. قمر: والنبي ما تيجبي سيرته، احسن الاقيه بيوقطع كلامهم رنة تليفون قمر. قمر: اهو لسه بقولك ايه؟ چنى: طيب ما تردي عليه، وحاولي تديله فرصه.

قمر بحزن: مش قادرة، مبقاش عندي طاقة لحد ولا مشاعر، فارس اخد كل حاجه ومشي ودي غلطتي. چنى: لا لا فوقي كده بلاش حزن احنا جايين نفرفش، قومي ننزل البح. قمر: على رأيك، يلا بينا. صوت: على فين منك ليها؟ *** كان فارس قاعد في مكتبه سرحان في اللي بيحصله الفترة الاخيرة، وقمر مراحتش من باله. سيف: مالك يا فارس؟ سيف: فيري، يا فيري. فارس: يلعن ابو الاسم ده. سيف: سرحان في ايه كده؟ فارس: في اللي بيحصلي الفترة دي. سيف: ايه حصل تاني؟

فارس: ابدا مفيش، الترقية ضاعت، والسفرية اتلغت وحالي واقف، وابويا غضبان عليا ومي عاوزه تسجني، وقمر مش لاقيها خالص. سيف باستغراب: وانت عاوز قمر ليه؟ فارس: حاسس ان اللي بيحصلي ده كله بسبب اني كنت ندل معاها. سيف: تفتكر؟ سيف: انا عاوز اكل، تيجي معايا؟ فارس: شوف انا بقولك ايه وانت بتقولي ايه؟ روح كُل، انا مليش نفس. سيف: براحتك. خرج سيف. فجأه رن تليفون فارس برقم نادين. نادين: الحقني يا فارسا. فارس: في ايه؟

نادين: خطيبي سابني وبيتهمني في عرضي. فارس: ايه؟ ، طيب اهدي وفهميني اللي حصل. نادين: الحيوان بيقول عني مش بنت بنوت. فارس: ايه السبب؟ نادين: انا محتاجالك محدش يعرف حاجه من ده. فارس: وانا هتصرف معاه، متقلقيش. *** خرج من مكتب فارس وراح المبيت وغير هدومه ونزل عالجراچ وساق عربيته للغردقة. وبعد ساعتين ونص وصل الڤيلا اللي قاعدين فيها چنى وقمر. سيف: على فين منك ليها؟ قمر: كنا هننزل البح. سيف: صح الكلام ده؟

چنى: ايوه، ده شط خاص. سيف بغيرة: وحياة امك. چنى: اهدا يا سيف. سيف: هي كلمة مفيش نزول بحر، عندكم البسين مقفول انزلوا فيه. قمر: سيف عنده حق. چنى: ماشي. سيف: ادخلوا انتو عقبال ما اجيب اكل واكلم اياد ونيجي. چنى: ماشي. ودخلت قمر وچنى البسين. واتصل سيف باياد واتقابلوا سوا واشتروا اكل ورجعوا قضوا اليوم كلهم مع بعض. *** بعد ساعة وصل المحامي وقعد مع الحج سالم في التراس. وبعد شوية دخل الحارس ومعاه سهام ومي.

سالم: اهلا اهلا اتفضلوا. سهام باستغراب: ايه الترحيب ده كله؟ سالم: تاخدوا كام؟ سهام باستعباط: كام ايه، واحنا هنا ليه اصلا؟ سالم: خمسين الف كويس؟ مي بابتسامة: مش قليلين شوية على مستقبل ابنك. سالم: اومال عاوزين كام وتتنازلوا؟ سهام: قدر تتقدر. سالم: ماشي، بس بشرط. مي: ايه؟ سالم: تمضي عالورقة دي. مي: ايه دي؟ المحامي: تنازل عن المحضر. سالم: طيب انا عاوزك تظبط كل حاجه، فاهمني طبعًا. المحامي: اكيد.

سالم: سلام دلوقتي، واول ما تجهز بلغني. المحامي: حاضر. سالم: حلو اوي، تعالى نتغدى بقا. المحامي: تقدر تنفذ اللي اتفقنا عليه. *** دخلت سهام بيتها بشنطة الفلوس وهي فرحانه. وبعد شوية حضرت مي ودخلت قعدت قدام امها. مي: اتنازلت خلاص. سهام: بتكلمي مين؟ مي: ها، لا ولا حاجه. مي: مش هنعد الفلوس بقا ولا ايه؟ مي: ايه ده؟ سهام: معرفش، بس سالم قال حلال علينا اللي في الشنطة. ضابط الشرطة: معانا امر بتفتيش الشقة.