رواية حكاية قمر الفصل العاشر 10 - بقلم ياسمين علي

نور: عامل ايه ياسائر؟ سائر: انا بقيت كويس، اول ما سمعت صوتك. نور: انا بتصل بيك علشان اقولك اني فكرت في اللي اتكلمنا فيه آخر مرة. سائر: نور لو سمحتي متستعجليش وخدي وقتك ومتتسرعيش. انا والله بحبك وعاوزك ومش هبعد عنك تاني. نور: انا كنت عاوزة اقولك اني موافقة. سائر: بجد يانور؟ نور: اه بجد، بس عندي شرط. سائر: انا هنفذ أي حاجة تطلبيها مني. قوللي. نور: انا وانت هنعيش هنا ومش هنسافر. سائر: إيه! إيه اللي بتقوليه دا يانور؟

نور: زي ما سمعت ياسائر. أنا مش هسافر بعد الجواز. أنا هفضل هنا وسط أهلي ومش هسيبهم. سائر: يانور انتي عارفة اني مش عاوز أكون هنا. نور: بس دي مش مشكلتي أنا ياسائر. سائر: يعني إيه مش مشكلتك يانور؟ اومال إزاي بتحبيني؟ نور: بحبك اه، بس مش هسيب أهلي عشانك. وبعدين ترجع انت في لحظة تسبني. سائر: كلامك دا يدل إنك مش واثقة فيا يانور. نور: دي الحقيقة. سائر: اومال وافقتي ازاي وانتي مش واثقة فيا؟

نور: عندي أمل إنك ترجعلي ثقتي فيك تاني. سائر: ووجودي هنا هو دا اللي هيرجعلك الثقة تاني؟ نور: وجودك هنا علشاني هو اللي هيخليني أرجع أثق فيك تاني ياسائر. سائر: ماشي يانور، أنا مش هسافر عشانك. نور فرحت ومردتش. سائر: سكتي ليه؟ نور: ممم ما فيش. كنت هتكلم أهو. سائر: طب أنا هروح أكلم بابا علشان نحدد معاد مع عمو أحمد. نور: لالالا طبعاً. مش دلوقتي. سائر باستغراب: ليه مش دلوقتي؟

نور: لما أحس إنك فعلاً هتستحمل تقعد هنا، بعدين ناخد الخطوة دي. سائر: انتي شايفة كدا؟ نور: اه اه طبعاً. الباب خبط. نور: ادخل. عايدة: العشا جاهز يا هانم. نور: طيب يا عايدة انزلي وأنا جاية وراكي. عايدة: حاضر يا هانم. نور: أنا لازم أقفل ياسائر دلوقتي. سائر: ماشي يانور، بس كلامنا مخلصش لسه. نور: ماشي، بعدين هكلمك. باي باي. *** قمر عمالة تلف حوالين ليل. ليل: في إيه ياقمر؟ مش عارفة أركز منك.

قمر: لا أنا كنت جاية أقولك لو عاوزة أعملك سندوتشات ولا حاجة. ليل: لا ياستي شكراً، مش عاوزة. قمر: طب كوباية شاي بلبن. ليل: مبحبهوش أصلاً. قمر: طب اعملك حبة شاي سادة. ليل: مش عاوزة ياقمر، الله. قمر: طيب من غير ما تتعصبي خلاص. الحق عليا. ليل: مش هتعصب اهو. اتفضلي. قمر رجعت خطوتين: أنا بس كنت عاوزة أتكلم معاكي حبة. ليل: هي مش باينلها مذاكرة النهاردة. اتفضلي ياقمر، عاوزة إيه؟ قمر: كنت عاوزة أسألك، عاملة إيه في كليتك؟

أوعي يكون حد بيضايقك. ليل: لا، أنا كويسة. قمر: هو انتي وكنزي الصبح روحتوا مع بعض الكلية؟ ليل: اه. قمر: مين وصلكم؟ ليل بتوتر: أسر. بس أنا مكنتش هركب. هي كنزي اللي أصرت. قمر: اه صح. فكرتيني بكنزي. مش أنا كلمت نجلاء؟ ليل: قالتلك إيه؟ قمر: شاكة إن في حد في دماغها. ليل: كل دا علشان رفضت العريس يعني؟ قمر: مش عارفة. دي أمها اللي بتقول، مش أنا. ليل: الله أعلم. قمر بخبث: تفتكري يكون الواد أسر اللي في دماغه؟

ليل وشها اتقلب: لا طبعاً، مستحيل. قمر: مستحيل ليه يعني؟ ليل: أسر مش بيحبها طبعاً. قمر: ولا هي كمان مش بتحبه. قمر: وانتي عرفتي منين؟ ليل بتوتر: مجرد توقع عادي. كنزي أكبر من أسر ومظنش تفكر فيه يعني. قمر: تصدقي عندك حق. راحت عن بالي إزاي دي. طيب أما أقوم أنا بقا أشوف البت تونة نامت ولا لأ. ليل: اه، روحي شوفيها. قمر: يلا تصبحي على خير. ليل: وانتي من أهله. قمر خرجت. ليل بتكلم نفسها: يارب استر وماتكونش لاحظت حاجة. ***

نور نازلة ع السلم وع وشها الابتسامة. أحمد: إيه يانور اتأخرتي ليه؟ هي عايدة مقالتلكيش تنزلي؟ نور: لا يا بابي، قالتلي وأنا نزلت وراها علطول. أسر: أهو زين جه كمان. حماته بتحبه. زين: ريحة الأكل تجنن. أحمد: عملت إيه في الشغل؟ زين وهو بياكل: كله تمام. والشحنة هتتسلم كمان يومين. ممكن تسبني أركز في الأكل اللذيذ دا. أحمد: ألف هنا. أسر: دوّقني الورق عنب دا كدا يا زين. شكله يفتح النفس. زين: لا، طعمه أحلى من شكله بكتير.

نور: فعلاً الأكل حلو أوي النهاردة وفي أصناف مختلفة. كريم بياكل وهو مبتسم وعارف سبب حلاوة الأكل. أسر: عايدة عاملة عظمة النهاردة. لازم نشكرها. أحمد: الأكل ده مش نفس عايدة. نور: يمكن دادة نجلاء ساعدتها. أسر: أنا بقول نجبها نسألها علشان نعرف هنشكر مين. أحمد: عاااايددة يا عااايدة. زين مش موقف أكل: أنا عن نفسي مش فارق معايا مين عمل الأكل. أنا ميت من الجوع أصلاً ومصدقت آكلة حلوة زي دي. عايدة: خير يا بيه؟ في حاجة؟

زين: عايدة، حقيقي تسلم إيدك. أنا هاكل صوابعي من جمال الأكل. عايدة: صحة وهنا ع قلبك يا زين بيه. بس الحقيقة مش أنا اللي عاملة الأكل. نور: شوفتوا زي ما أنا قولت. يبقا دادة نجلاء مافيش غيرها. عايدة: لا، نجلاء معملتش حاجة هي كمان. أحمد: اومال مين؟ زين: يبقا أكيد الأكل جاهز. عايدة: بصراحة الست قمر هي اللي عملت الأكل النهاردة. الكل: إيه!! زين شرِق وأسر عمال يخبطله ع ضهره: أنت كويس يا زين؟ أحمد: إزاي يا عايدة الكلام دا؟

اومال انتي هنا بتعملي إيه؟ عايدة: والله يا بيه هي اللي صممت. حتى اسأل الست نجلاء. زين: يبقا أكيد حطت سم في الأكل علشان تخلص مني. أحمد: إيه الكلام اللي بتقولوه دا يا زين؟ زين: انت مش سامع دي بتقولك صممت. عايدة: لا يا بيه سم إيه اللي تحطه. دي أكلت منه قدامي وأنا أكلت، والست نجلاء أكلت. كلنا أكلنا وزي الفل أهو. أحمد: طب روحي انتي يا عايدة. وتاني مرة الموضوع دا ميتكررش. عايدة: اللي تشوفوه يا بيه. عن إذنك.

أحمد: مش عيب اللي قولته ع قمر دا يا زين قدام عايدة؟ زين: طيب قولي دي إيه اللي يدخلها المطبخ؟ أكيد فيه سبب. أسر: والله ياريت تدخل كل يوم. دا نفسها حلو أوي. زين: اه، مانت ليك حق تطبّل. نور: غريبة يا زين، دانت كنت شوية وهتاكل دراعنا. زين: الكلام دا قبل ما أعرف مين اللي عمل الأكل. نور: ومالها قمر يعني؟ زين: اسمها لوحده يسد النفس. أنا طالع. أسر: مش هتكمل أكل؟ زين: شبعت. أسر: أحسن بردك. ***

مر الأيام ع أبطالنا. منهم اللي حياته عادية زي زين وقمر، مازالوا واخدين موقف من بعض وبيحاولوا ميتقابلوش أو يكون فيه بينهم كلام. ومنهم اللي حياته كويسة جداً زي أسر وليل، اتقربوا من بعض جداً بس لسه معترفوش لبعض بحبهم. ونور وسائر رجعوا زي الأول وأحسن. أما بالنسبة لحازم، كان مشغول طول الفترة دي في شغله وفي نفس الوقت بيفكر في كنزي، بس مش عارف ياخد قرار. وكنزي مركزة في دراستها وآخر سنة ليها. ومنهم اللي مدمر زي صافي. تعالوا نشوف حصل فيها إيه!

*** صافي منهارة: أنا هتجنن! إزاي أسر يبعد عني كل الفترة دي؟ ميحاولش يطمن عليا حتى. أنا خلاص حياتي وقفت من غيره. كل دا بسببها خدته مني. سهر: اهدي ياصافي ياحبيبتي، مش كدا. هيحصلك حاجة. صافي: أهدي إزاي؟ أنا خلاص اتدمرت. أسر كان كل حاجة بنسبة ليا. دا مبقاش طايق يبص في وشي حتى. سهر: طيب سيبي الموضوع عليا وأنا هحله. صافي: تحليه!! انتي السبب أصلاً. انتي اللي خلتيه مش طايقني.

سهر: الحق عليا إني كنت بجيبلك حقك من الجربوعة دي. ياستي أنا غلطانة أصلاً. أنا قايمة أعمل اللي تعمليه. صافي: لالا متسبنيش. أنا آسفة يا سهر والله. أنا مش عارفة أنا مالي بقيت عصبية دايماً ونفسيتي وحشة. سهر: انتي بتاخدي الدوا اللي عطيتهولك؟ صافي: اه، كنت باخده بس خلص. هو اللي كان بيهديني. لما أنزل هبقى أجيبه. سهر: لالا، لالا. تجيبيه منين؟ صافي: في إيه يا سهر؟ أجيبه من الصيدلية طبعاً. مالك؟

سهر: لا، أصل العلاج دا بيجيلي مخصوص من برا. مش موجود منه هنا. انتي متعبيش نفسك خالص. أنا هجبلك. بصي استني. أنا لسه جيلي نوع تاني أحسن من اللي اديتهولك ميت مرة. أنا جربته. خدي ياحبيبتي العلبة أهي. دا هيريحك جداً. ولما يخلص قوليلي وأنا هجبلك غيره. متشغليش بالك. صافي حضنتها: ياحبيبتي أنا متشكرة أوي يا سهر ع وقفتك جنبي. واسفة تاني إني اتعصبت عليكي. متزعليش مني. سهر: أزعل منك انتي؟

دانتي أختي الصغيرة وحبيبتي. عمري ما أزعل منك أبداً. صافي: ربنا يخليكي ليا يا سهر. سهر بابتسامة: يارب ياحبيبتي. *** سارة: وليد عامل إيه؟ غريبة يعني جيت الكلية مش عادتك. وليد: أمشي يعني؟ سارة: لالا طبعاً خليك. تعالي اقعد معايا. أصل ما فيش حد جه النهاردة غيري. وليد: صافي مجتش ولا إيه؟ سارة: معرفش عنها حاجة من وقت خناقتها مع ليل. وبكلمها مش بترد. وليد ماسك الموبايل ومش مركز معاها: ممم ماشي، أنا هبقى أكلمها أشوفها.

سارة: ماشي. بقولك إيه؟ ماتيجي نفطر؟ أنا لسه مفطرتش وجعانة جداً. وليد: ..... سارة: وليد، انت سامعني!! وليد بيبص حواليه: اه اه معاكي. بسسس... سارة: بتدور ع إيه؟ وليد: بدور على... اه اهيي جت. وشاور بإيده وهو مبتسم. سارة بتلف تبص لقيت بنت جاية. هنا: هاي ليدو، عامل إيه؟ وليد: أنا زي الفل والله. هنا: أخيراً جيت الكلية. وليد: والله أنا جاي مخصوص عشانك. لو أعرف إنك قمر كدا كنت جيت من زمان. هنا: يا بكاش.

بصت لسارة: سوري، مأخدتش بالي إنك واقفة. سارة: ولا يهمك. هنا: طب إيه؟ مش تعرفينا؟ وليد: دي سارة. حكيتلك قبل كدا عن سارة وصافي وأسر. هما أقرب ناس ليا، عشرة عمر، أصحاب وأخوات كدا. سارة بضيق: اه، أخوات وأصحاب. وليد: طب إيه؟ هنفضل واقفين كدا؟ تعالي نروح نقعد في مكان. هنا: اه ياريت يلا. تيجي معانا ياسارة ولا عندك محاضرات؟ سارة: اه عندي محاضرات. روحوا انتوا. هنا: طب، اتشرفت بمعرفتك. يلا بينا يا وليد. وليد: يلا. ***

قمر قاعدة لوحدها وبتفكر: وبعدين ياقمر؟ هتفضلي عايشة عند الناس كدا وانتي معاكي اللي يعيشك انتي واخواتك؟ لالا، بس أنا مش عاوزة حاجة منه. هو راح وسابنا من زمان أوي وقدرنا نعيش من غيره هو وفلوسه. انتي بتقولي إيه بس! انتي نسيتي انتي سبتي دراستك واشتغلتي وتعبتي قد إيه علشان تأكلي أخواتك بس، وفي الآخر كله راح منك في ثانية. هترجعي كل دا إزاي؟ هتشتغلي من أول وجديد ولا هتمدي إيدك للناس؟

مش من حقك ترفضي الفلوس دي. دا حق ليل كمان. متحرمهاش منه. قمر بصوت مسموع: يااارب ساعدني ودلني ع الصح. طلعت الورق والحاجات اللي أبوها سابهم ليها وبتقلب فيهم، لقيت ظرف صغير فتحته. "جواب من أبوها": "بنتي الغالية قمر،

أكتب لكِ هذا الجواب وأعلم مدى كرهك الشديد لي بسبب ما فعلته معكم. كم أتمنى أن أقول هذا الكلام أمامكم وأعتذر على ما فعلته. أعلم أن الاعتذار لا يوفيكم حقكم. كم أشتاق لكم وأتمنى أن يعود بي الزمن. لا أريد منكم سوى المسامحة على ما فعلته. أحبك كثيراً ابنتي الغالية قمر." قمر قفلت الجواب وغمضت عينيها وبدأت تعيط وتفتكر كل اللي شافته من أبوها اللي عمله فيها وف أمها وقد إيه كان قاسي عليها لأنها اتولدت بنت مش ولد زي ما كان عايز.

قمر: أسامح إزاي يارب؟ مش قادرة أنسى. صعب، صعب. تونة: قمر! انتي بتكلمي نفسك. قمر فاقت: تونة، انتي هنا من امتى؟ تونة: من ساعة صعب صعب. اتجننتي وبتكلمي نفسك؟ قمر: لا يا تونة، أنا بكلم ربنا. تونة: هو فين ربنا؟ هو كان هنا؟ قمر: ربنا في كل مكان يا تونة، موجود سامعنا وشايفنا. لما بكون مخنوقة بفضل أتكلم كدا وهو يسمعني ويساعدني. تونة: بجد ياقمر؟ يعني أنا ممكن أكلمه؟ قمر: أيوة طبعاً ياحبيبتي. تونة بفرحة: ماشي.

قمر: تحبي بقا أحطلك تأكلي؟ تونة: اه اه، أنا جعانة أوي. قمر: عنيا ليكي. أشيل الحاجات دي بس وأحطلك. عملالك كفتة تستاهل بقك. تونة: هيييييييه! *** سارة داخلة بيتها وهي زعلانة من اللي حصل. نادر: سارة، انتي جيتي ياحبيبتي. سارة: أيوة يا بابا. نادر: كنت عايز أتكلم معاكي. سارة: ممكن نأجل الكلام علشان تعبانة وعايزة أرتاح. نادر: لا ياسارة، لازم تعرفي إني قريب هسافر. عندي شغل برا وهقعد فترة طويلة. سارة: وأنا إيه المطلوب مني؟

نادر: المطلوب منك إنك تسافري لوالدتك في إسكندرية لحد ما أرجع. سارة: أسافر لماما؟ انت يابابا اللي بتطلب مني كدا؟ نادر: اه ياسارة. أنا مش هطمن عليكي وانتي هنا لوحدك. سارة: طب ودراستي وحياتي؟ نادر: بسيطة، تنقلي إسكندرية. سارة: بسيطة إزاي يعني؟ أنا مش هنقل حاجة. أنا هفضل هنا. نادر بعصبية: وأنا مش موافق. مش همشي وأسيبك هنا لوحدك. سارة: خلاص، متمشيش. نادر: يا سلام! يعني عايزني أضيع فرصة الشغل من إيدي علشان أقعد جنبك؟

سارة بتعيط: مانت كدا بتضيع حياتي وصحابي مني وكل حاجة. نادر: هما فين صحابك دول ياسارة؟ مبشوفش حد منهم. دايماً انتي معاهم وهما مش معاكي وعلطول لوحدك. اسمعي الكلام وروحي عيشي مع مامتك وأختك في إسكندرية. هما دول اللي يستاهلوا تكوني معاهم بس. فكري كويس ياسارة. سارة دخلت ع أوضتها من غير ما ترد وقعدت تعيط. كل حاجة ضدها. هي فعلاً عايشة لوحدها. مالهاش حد. حتى اللي هي موجودة علشانه هنا مش سأل فيها. مبقتش عارفة تعمل إيه! ***

في الشركة. السكرتيرة: الأستاذ حازم مستني حضرتك برا. زين: دخلي بسرعة. حازم دخل سلم عليه وحضنه. زين: إيه يابني الغيبة دي كلها؟ فينك؟ حازم: الشغل كان حاطط عليا جامد. زين: تشرب إيه؟ حازم: ولا أي حاجة. أنا جاي أتكلم معاك شوية. زين: خير ياحازم؟ اتكلم. حازم: أنا شكلي وقعت يا زين. زين: وقعت إزاي؟ حازم: قصدي حبيت يعني. زين: لا متقولش. أخيراً ياراجل. دي مين دي بقا اللي وقعتك؟ حازم: حد انت تعرفه. زين: مين!! حازم: كنزي.

زين: بجد؟ دا من امتى؟ حازم: من وقت ما قلبت عليا العصير وأنا بفكر فيها. زين: علشان كدا بقا كل شوية داخل طالع علينا. وأنا اللي فاكر إنك بتيجي علشاني. اتاريك عينك ع البت. حازم: بصراحة اه. مع إن شخصية كنزي دي مكنتش في بالي خالص ولا عمري فكرت في شخصية كدا. لا ومختلفة عني نهائي. اللي هو لو حد كان حكالي عنها من غير ما أشوفها كنت استحالة حتى أفكر فيها. بس مش عارف. زين: العب. دانت واقع ع الآخر بقا. طب هي إيه رأيها؟

حازم: بتحبني. زين: انتوا اتكلمتوا واعترفتوا لبعض بقا؟ وأنا آخر من يعلم. حازم: لا والله. دانا سمعتها صدفة. بس هي متعرفش مشاعري ناحيتها. زين: طيب ماتتقدملها. مستني إيه؟ حازم: ضغط الشغل عليا الفترة دي جامد. بس مش سايبة تفكيري. وخصوصاً إن متقدملها عريس تاني وأمها هتغصبها عليه. زين: دادة نجلاء تعمل كدا مستحيل. حازم: لا هتعمل كدا علشان شاكة فينا وحاسة بحاجة غريبة. عندها حق. أنا لازم آخد خطوة في الموضوع دا و...

*التليفون رن.* زين: استنى ياحازم. أيوة... طيب، دخليه. ماشيه. حازم: فيه إيه؟ زين: حماك عاوزني. سامح دخل. سامح: ازيك يا حازم؟ عامل إيه؟ حازم: الحمد لله، أنا كويس. زين: خير يا عم سامح؟ سامح: الأستاذ أحمد مستنيك في مكتبه. زين: طيب، قوله عندي شوية حاجات كدا هعملها وأروحله. سامح: ماشي يابني. عن إذنكم. موبايل سامح رن. سامح: أيوة ياختي؟ عاملة إيه؟ والعيال عاملين إيه؟ لامؤخذة يا أستاذ زين. زين: خد راحتك يا عم سامح.

روحية: أنا بخير الحمد لله ياسامح. والعيال زي الفل. أنا بتصل بس علشان أعرف ردك في الموضوع اللي كلمتك فيه. سامح: موضوع إيه ياروحية؟ روحية: يووة ياسامح، انت نسيت؟ موضوع جواز كنزي. سامح: اه اه افتكرت. والله لسه البت مردتش عليا. روحية: يعني إيه الكلام دا؟ دا خالد خلص جيشه ونزل ومستني الرد علشان يجيلك. سامح: خالد خلص جيشه؟ حازم رفع حاجبه. زين بصوت واطي: مالك؟ في إيه؟ حازم: خالد دا العريس.

زين: طيب، الحق نفسك بقا. الواد خلص جيشه وممكن يجي في أي وقت. حازم: انت شايف كدا؟ زين: أيوة طبعاً. يلا. سامح: طيب ياروحية خلاص هكلمها تاني وأعرف ردها وأقولك. سلميلي ع جوزك والعيال. يلا سلام ياحبيبتي، سلام. معلش يا زين يابني صدعتكم. زين: لا، صدعتنا إيه دا خير ما عملت. سامح: أقصد إنك تتكلم هنا أحسن ما تتكلم برا. زين: أيوة أيوة فهمتك. يلا أسيبكم أنا بقا. زين زق حازم: عم سامح، استنى بس. حازم كان عاوزك في موضوع مهم.

سامح: خير يابني؟ اتفضل. حازم متوتر: أنا يا عمي كنت عاوز أطلب إيد بنتك كنزي. سامح: بنتي كنزي؟ حازم: اه. سامح: بس يابني دا في واحد متقدملها قبلك. حازم قلب وشه. زين تدخل بسرعة: بس يا عم سامح. كنزي لسه مقالتش رأيها. سامح: أيوة صح، كنزي لسه مقالتش رأيها. الله، انت عرفت منين يا زين؟ زين: احم احم. ماهو حضرتك لسه قايل دلوقتي. أنا من رأيي انت تسأل كنزي وتختارها بين حازم والعريس التاني.

سامح: حاضر، هعمل كدا. بس لو البت موافقتش عليك يا أستاذ حازم، إحنا هنفضل حبايب. حازم ابتسم: طبعاً طبعاً. انت اسألها بس انهاردة ورد عليا. سامح: ماشي يابني. واللي ربنا عاوزه هيكون. يلا عن إذنكم. زين: اتفضل. حازم: يلا يا زين، استأذن أنا كمان. زين: خلاص، خدت مصلحتك وماشي. حازم ضحك: لا والله. بس أنا لسه هرجع الشغل تاني. زين: ماشي ياحازم، ربنا معاك. *** نور: سائر، عامل إيه؟ وحشتني.

سائر: وانتي كمان والله. أنا لسه مخلص شغل وداخل البيت اهو. نور: ياحبيبي ربنا معاك. عمو فاروق عامل إيه وصافي؟ سائر: كويسين. نور، كنت عاوز أكلمك في موضوع مهم. نور: خير ياسائر؟ اتكلم. صوت صريخ من بعيد. نور: إيه الصوت دا عندك؟ سائر: مش عارف. اقفلي دلوقتي يانور. أشوف في إيه. نور: ابقى طمنّي ياسائر ونبي. سائر: ماشي، سلام سلام. طلع يجري ع فوق. هدي طالعة من أوضتها مفزوعة: الصوت دا جاي منين ياسائر؟

سائر بتوتر: مش عارف. تقريباً عند صافي. هدي: صافي! يلا نشوفها بسرعة! دخلوا الأوضة، وصافي عمالة تكسر في الحاجة وتصرخ وهما مصدومين. هدي: صاااافي! سائر: إيه اللي بتعمليه دا يامجنونة؟ صافي بعصبية: ابعدوووو عنننييي! اخرجووووا! مش عاوزة أشوف حد! أنا بكرهكوا! ابعدوا عني! أنا مش عاوزكم! هدي بتقرب منها: اهدي ياحبيبتي بس. صافي بعصبية: ابعدييي عني! متقربيييش! هدي: حاضر، حاضر. بس اهدي بس، فاهمينا مالك؟

سائر: حبيبتي، عرفيني بس مين مضايقك. وأنا هاخدلك حقك. بس اهدي علشان خاطري. صافي بدأت تعيط: أنا لوحدييي. سائر: مين قال كدا؟ إحنا جنبك أهو. صافي: أنا مش عاوزكم انتو. أنا عاوزة هو. هدي: هو مين؟ صافي: أسر. بس أسر بيكرهني. أسر بعد عني علشان مش بيحبني. خدته مني. سابني علشانها. *صرخت جامد* سااابني علشااانهاااه! هدي: اهدييي بس، مين قال إن هو سابك؟ انتي مش قولتيلي إن هو زعلان منك بسبب اللي عملتيه؟ هو هينسى الزعل ويرجع يكلمك.

صافي: مش هيكلمني. مش عاوز يشوفني خلاص. أسر ضاااع مني. سائر: أنا مش فاهم حاجة. هدي: استني ياسائر. اسمعيني يا صافي ياحبيبتي. أنا عاوزاكي تهدي دلوقتي. أسر مضاعش، ياما زعلتوا من بعض عادي. أوعدك إن هو هيكلمك. بس أنا عاوزاكي تهدي. صافي: بجد ياماما هيكلمني؟ هدي: أيوة ياحبيبتي. علشان خاطري اهدي. صافي: امتا؟ امتا؟ قوليلي هيكلمني امتا؟ هدي: بكرا. صافي: بجد بجد بكرا؟

*مسكت المهدئ اللي سهر اديتهولها وخدت منه واحدة*.. أنا كدا ههدا وهبقا كويسة وهنام علشان أصحى ألاقيني بكرا وأسر يكلمني. بجد ياماما هيكلمني؟ هدي: أيوة ياحبيبتي. نامي وارتاحي دلوقتي. صافي: حاضر. يلا اخرجوا علشان أنام يلا. هدي: يلا ياسائر. سائر خرج: أنا عاوز أفهم. إيه موضوع أسر دا؟ وإزاي تعمل كدا في نفسها عشانه؟ هدي: صافي متعلقة بأسر من زمان ياسائر. صحوبيتهم قلبت معاها بحب. سائر: وهي اللي بتعملوا دا حب؟ دا جنان.

هدي: معاك حق. بس هي أول مرة يحصلها كدا. علطول بيتخانقوا عادي. أول مرة أشوفها في الحالة دي. سائر: طب وانتي هتعملي إيه؟ إزاي تعشميها إن هو هيكلمها بكرا؟ ممكن ما يكلمهاش. هدي: متقلقش. أنا هتصرف. سائر: هتتصرفي إيه يعني؟ فهميني. هدي: هروحله. *** سامح: السلام عليكم. نجلاء: وعليكم السلام. سامح جاي بدري يعني. سامح: الأستاذ أحمد خلص شغل بدري. نجلاء: طيب ياخويا أحضرلك العشا؟ سامح: لا استني، عايزك. نجلاء: خير ياسامح؟

سامح: خالد خلص جيشه ومستني ردنا. نجلاء: قولوا موافقين طبعاً. سامح: هي كنزي وافقت؟ نجلاء: اه وافقت. كنزي خرجت من الأوضة: لا يابابا، أنا موافقتش ع حد. نجلاء: انتي بتتصنتي علينا يا كنزي؟ كنزي: أيوة ياماما بتصنت. طالما الموضوع ليه علاقة بمستقبلي. سامح: استني يا نجلاء، دا مش وقته. بنتك بتقول مش موافقة. نجلاء: هي مش عارفة مصلحتها فين. سامح: بس مش دا اللي اتفقنا عليه يانجلاء. وبتكذبي عليا تقولي البت موافقة.

نجلاء: أنا آسفة ياخويا، بس غصب عني. الفرصة متتعوضش. سامح: فرصة إيه يانجلاء؟ وهو آخر راجل يعني؟ قولتيلي البت ألف واحد يتمناها. كنزي: ريحوا نفسكم. أنا مش موافقة، لا عليه ولا ع غيره. ومش عاوزة أتجوز أصلاً. أنا عاوزة أعيش معاكم. انتوا زهقتوا مني ولا إيه؟ سامح: لا ياحبيبتي، تنوريني. هو أنا ليا غيرك. وكدا يبقا أنا أخدت منك ردين مش رد واحد. نجلاء: ردين إيه؟ سامح: أصل كنزي جالها عريس تاني انهاردة. نجلاء بفرحة: بجد يا سامح؟

كنزي: يلاهوووي! هو أنا خلصت من الأول علشان تجبلي التاني؟ *طلعت فوق الكنبة* اسمعوووني بقا انتو الاتنين. دا قرار مني اهو وأنا بكامل قوايا العقلية. ومش هسمح لحد يفرض عليا الجواز. سامعة يانوجا؟ نجلاء: سامعة ياختي. اقعدي جنبي ياموكوسة. بدل ما تتجوزي وتجيبيلي شوية عيال كدا. كنزي: أنا مش هتجوززز ياماما. مش هتجوز. مش هتجوز. مش عاوزة أتجوووز ياستي مش عاوزة.

سامح: خلاص انزلي من فوق لتقعي. وتعالي اتصليلي بالراجل دا أكلمه أقوله إنك مش موافقة. كنزي: أيوةة مش موافقة ومش هوافق. يعرفني منين هو علشان يتقدملي؟ اتصل بيه وأشتمه كمان. سامح: لا عيب يا كنزي. هو الراجل عمل إيه يعني؟ خدي الموبايل اهو. طلعيلي اسمه على بال ما أغير هدومي علشان هو مستني ردي انهاردة. كنزي: مستعجل أوي بسلامته. دانة لو أعرفه بس همسكه أفشفش دماغه. صح يا بابا، هو اسمه إيه؟ سامح: الأستاذ حازم.

نجلاء وكنزي: حازم مين!!!! سامح: الأستاذ حازم صاحب زين. متعرفوش ولا إيه؟ كنزي بصدمة: الظابط حازم؟ سامح: أيوة هو دا. كنزي: إيييييه؟ نجلاء: هي هي. قلبي عندك يانوسة ياحبيبتي. أنا أقوم أحضر العشا. كنزي: استني ياماما انتي راحة فين؟ ساعديني ونبي اتصرف. نجلاء: أنا مالي ياختي. مش عملتي فيها خفاش وطيرتي ع الكنبة؟ ومش عاوزة اتجوز يا بابا. أنا عاوزة أعيش جنبكم. اشربي بقا.

كنزي: لالا، مانا مكنتش أعرف إن هو حازم دا. ونبي ياماما ساعديني. قولي لبابا إني موافقة. نجلاء: لا مش هيصدقني. مش انتي كدبتيني قدامه؟ مش هقدر أتدخل. قوليله انتي. كنزي: استني بس ياماما انتي راحة فين وسايباني؟ نجلاء: مش فضيالك ياحبيبتي. كنزي: لا لا افضيلي. مش انتي عاوزة تفرحي بيا؟ نجلاء: ابقي افرحي بنجاحك بقا ياكوكو. كنزي: لالا افرحي بجوازي أحسن. نجلاء: مالك يابت؟ ماتنشفّي كدا. هو الواد دا واكل عقلك للدرجة؟

كنزي: بحبه ياماما. انشالله يخليني ليكي لتساعديني. نجلاء: انتي كدا بتدعي عليا. كنزي: اهئ اهئ اهئ. ليه كدا بس يا انوجة؟ دانتي بنت. نجلاء: طب اسكتي خلاص. أبوكي جايلك. كنزي: يعني هتساعديني؟ نجلاء: اسكتي يابت اسكتي. سامح: ها؟ طلعتي الرقم؟ نجلاء: بقولك إيه يا سامح. أنا شايفة إن الواد كويس. منديله فرصة كدا ييجي وتتكلموا. سامح: فرصة إيه يانجلاء؟ البت رافضة. هو عافية؟ نجلاء بصت لكنزي: أنا عملت اللي عليا. أقوم أحضر الأكل بقا.

كنزي مسكت فيها: لالالالا. انتي راحة فين بس وسايباني؟ سامح: في إيه يا كنزي؟ انتي موافقة ع كلام أمك دا؟ كنزي بتلقائية: أيوة، أيوة. سامح بصّلها. كنزي: قصدي إن ماما عندها حق. ووطت رأسها في الأرض. نجلاء: ملاك ياحبيبتي وبتتكسفي. ملاك. سامح: يعني أكلمه أقوله إيه؟ نجلاء: قولوا إن ييجي هو وأهله. نتعارف كدا عليهم ونتكلم. واللي فيه الخير يقدمه ربنا. سامح: خلاص ماشي. طالما كنزي موافقة. أنا هطلع أكلمه برا علشان الشبكة.

كنزي اول لما سامح خرج فضلت تتنطط وهي فرحانة. هيييييه! هيييييه! نجلاء: اتهدي يابت في إيه؟ كنزي: فرحانة ياماما، فرحانة. نجلاء: عارفة لو عملتي الحركات المتخلفة دي قدام الناس، هبوظلك الجوازة. تقعدي عاقلة وراسية كدا. كنزي: لالا ونبي متبوظهاش. حاضر. مش هتسمعيلي صوت. نجلاء: أيوة كدا تبقا بنتي حبيبتي. تعالي تعالي في حضني. كنزي حضنتها: مبسوطة ياماما.

نجلاء: أيوة طبعاً. طالما طلع راجل كدا واتقدم. مش صرمحة وكلام فارغ. كدا أنا أحبه. *** سامح: أيوة يا أستاذ حازم. أيوة سامعني. حازم: أيوة يا عمي سامعك. سامح: طيب، إحنا منتظرينك انت وأسرتك كدا تنورونا. حازم بفرحة: يعني موافق؟ سامح: لالا، إحنا هنقعد قعدة تعارف كدا. علشان البت كمان تعرفك. ولو وافقت أنا مش هعترض. حازم: أكيد هتوافق. سامح: إيه؟ حازم: بقول إن شاء الله توافق. سامح: ماشي ياحبيبي، شوف يوم كدا وقولي.

حازم: بكرا إن شاء الله. سامح: بالسرعة دي؟ حازم: اه، أصل أنا واخد إجازة بكرا. سامح: تنورنا في أي وقت ياحازم يابني. يلا أسيبك أنا بقا تشوف اللي وراك. سلام. حازم بفرحة: سلام يا عمي. فريال: بتكلم مين يا حازم؟ وايه الفرحة دي؟ فرحني معاك. حازم: هفرحك يا ست الكل. بكرا بإذن الله هنروح نتقدم للبنت اللي بحبها. فريال: بجد يا حازم؟ بتتكلم جد؟ أوعى تكون بتضحك عليا. حازم: بجد والله ياماما. لسه قافل مع باباها.

فريال:

لولولولولولولولولولولولولولولولولوليييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييي

حازم: لا إله إلا الله. فريال: دانا الفرحة مش سيعاني والله. مش مصدقة إنك خلاص هتتجوز. حازم: لا، أتجوّز إيه دي قعدة كلام بس. فريال: وإن شاء الله تكمل وتبقى جواز. حازم: يارب يا ماما، يارب. *** اليوم التالي. أحمد: زين، ع فين كدا؟ زين: عندي مشوار يابابا. أحمد: انت مش هتقعد في القعدة مع صاحبك؟ زين: اه طبعاً هقعد معاهم. هو مشوار سريع وهاجي. انت كمان هتقعد صح؟ أحمد: أيوة يابني. كنزي زي نور أختك بالنسبة لي.

زين: ماشي يابابا، أنا هروح بقا علشان متأخرش. أحمد: ماشي يا زين. عايدة: الست هدي تحت يابيه وعاوزة تشوف أسر. أحمد: هدي عاوزة أسر في إيه؟ عايدة: معرفش والله يابيها. أحمد: طيب روحي صحّي أسر وانزلي شوفيها تشرب إيه. ولو نور صاحية خليها تنزل تقعد معاها لحد ما أسر ينزلها. عايدة: حاضر يابيه. *** قمر وليلى وتونة داخلين ل كنزي. قمر: لولولولولولوليييي! ألف ألف مبروك ياحبيبتي! كنزي: حضنتها. الله يبارك فيكي ياقمر.

ليلى: والله يابت كنت شاكة فيكم من يوم القسم. كنزي: بس ونبي لاحسن ماما تسمعك وتقلب عليا تاني. قمر: لا تقلب عليكي إيه بس، دانتي عروسة. نجلاء: منورنا والله ياحبايبي. قمر: دا نورك يانوجة. قوليلي بقا بتعملي إيه وأساعدك. نجلاء: لا، أنا عملت كل حاجة والله. روحوا بس مع كنزي شوفوها هتلبس إيه وظبطوها، أحسن دي لابخة. كنزي: بقا كدا ياماما؟ نجلاء: لالا، دي عسلة. قمر: مش عاوزين نزعل عروستنا بقا.

ليلى: يلا من غير كلام كتير، قدامي ع جوه. *** نور: عاملة إيه يا طنط هدي؟ هدي: الحمد لله ياحبيبتي. أنا كويسة. انتي أخبارك إيه؟ نور: أنا كويسة يا طنط. أسر زمانه نازل دلوقتي. أهو نزل. أسر: أهلا وسهلا، أهلا. إزاي حضرتك؟ هدي: أنا بخير ياحبيبي. معلش جيت فجأة كدا. نور: لا يا طنط تنوري في أي وقت. أنا هسيبكم بقا. هدي: ماتخليكي. نور: معلش يا طنط بس علشان عندنا عروسة وكدا هروح لها بقا. هدي: عقبالك ياحبيبتي.

نور: يارب يا طنط. يلا عن إذنك. أسر: اتفضلي. هدي: طبعاً بتسأل نفسك إيه سر الزيارة دي. أسر: بالظبط. خير. هدي: أنا جايلك بخصوص صافي يا أسر. أسر قلب وشه: أنا الموضوع بنسبة لي انتهى. انتهى إيه؟ هو مكنش في موضوع من أصله. وكويس إن حضرتك جيتي يمكن تفهميني وتحاولي تفهمي صافي. إني مفيش بيني وبينها أي حاجة.

هدي: فاهمة يا أسر. بس انت مش عارف حالة صافي اتدهورت إزاي. مش لازم يكون في بينكم حب. بس ع الأقل انتوا كنتوا أصحاب وعشرة عمر. متسبهاش واقف جنبها. والله العظيم أنا لو مكنش حالتها وحشة مكنتش جيت لحد عندك. بس أنا حاولت معاها. وأخوها حاول. هي مش هتتحسن غير لما ترجع تكلمها. أسر سكت. *** نور: أنا جيت. نجلاء: نورتي ياحبيبتي. تونة: إيه اللي في إيدك دا يانور؟ نور: دا هدية بسيطة لكوكي. كنزي: هدية ليا بجد؟

وريني كدا. الله حلو أوي. بصي ياماما الفستان حلو إزاي. نجلاء: ليه كلفتي نفسك بس يانور؟ نور: هو أنا هلقي أعز ولا أغلى منكم يادادة؟ تونة: ااه يابت يا كنزي انتي وقعتي الواد يالئيمة. جالك كلامي يانوجة. تونة متقولش حاجة وتطلع غلط أبداً. ليلى: لا ياشيخة. نجلاء بتضحك: اه والله. تونة كان ليها نظرة للمستقبل. ليلى: ليه؟ ساحرة؟ تونة: مش سحر ولا حاجة. بس البت كنزي كانت بتسابلو وحاجات كدا. مش قادرة أتكلم.

ليلى كتمت بوقها: اسكتي يخربيتك. انتي بتقولي إيه؟ تونة: بقول الحقيقة. أكذب يعني؟ ليلى: لا تنقطينا بسكاتك. قمر: إيه رأيك يا تونة تطلعي تلعبي برا لحد ما نخلص؟ تونة: لا مش طالعة. نور: ع فكرة كريم قاعد برا بيرسم. تونة: بجد؟ كريم برا؟ ليلى: شوفي البت وبجاحتها. تونة: مالكيش دعوة انتي. قمر حبيبتي ممكن أطلع أقعد مع كريم؟ قمر: روحي ياحبيبتي. بس متزعليهوش. تونة: حاضر حاضر. وطلعت تجري. صوت حاجة انكسرت. قمر: ياساتر يارب. إيه دا؟

كنزي: الصوت دا عند ماما. نور: تعالوا نشوفها طيب. قمر: فيه إيه يانجلاء؟ خير؟ نجلاء بتعيط: بطلع طقم الكاسات من النيش اتكسر كله. كنزي: انتي كويسة طيب ياماما؟ نجلاء بتعيط: في داهية أنا. المهم الطقم. كله اتكسر. طقم جوازي اتكسر بسببك يافقر انتي. كنزي: يوة وأنا مالي؟ نجلاء: اسكتي. أنا متغاظة منك. قمر: استهدي بالله بس يانجلاء. وأنا هروح أجيبلك غيره. نور: وتروحي ليه بس؟

إحنا عايشين مع بعض ولله. واللي محتاجينه خدوه من الفيلا. إنتو أصحاب. قمر: خلاص ياليل روحي هاتي الكاسات من الفيلا وأنا هلم اللي اتكسر دا. وانتي يانور حطي ميكاب لكنزي. مفيش وقت. زمان الناس جاية. ليلى: ماشي، أنا هروح. مش هتأخر. نور: يلا يا كنزي. قمر: صلي ع النبي بقا يانوجة. نجلاء: عليه أفضل الصلاة والسلام. *** هدي: ع اتفاهمنا يا أسر؟ أسر: حاضر. هعمل كدا ومش هكسفك. بس لازم تحاولي تفهميها إن أنا وهي مفيش حاجة بينا.

هدي: حاضر ياحبيبي. بس هي ترجع زي الأول وهكلمها. شكراً أوي يا أسر. واسفة إني أزعجتك. أسر: لا، ولا يهمك. انتي تيجي في أي وقت تنوريني. هدي: متشكرة أوي ياحبيبي. يلا أستأذن أنا بقا. أسر: اتفضلي. هدي ماشية وأسر معاها. و ليل خارجة من المطبخ بالكاسات. اتقابلوا. ليل واقفة بصالها ومصدومة. الكاسات وقعت من إيدها. أسر طلع يجري عليها: ليل! انتي كويسة؟ هدي: ليل!!! ياترى إيه سبب صدمة ليل لما شافت هدي؟ معقول هيكون فيه سر ورا هدي؟

هنعرف في الأجزاء الجاية. تابعوا.