رواية حكاية قمر الفصل الحادي عشر 11 - بقلم وردة في البستان

قمر: بت ياتونة مالك قاعدة بتنامي ع نفسك ليه كدا.. اطلعي نامي فوق يلا. تونة: لا مش بنام.. أنا هقعد معاكي. قمر: لا اطلعي نامي وأنا هخطف رجلي بسرعة أروح المشوار اللي كنت راحة الصبح دا. تونة بنوم: ماشي هطلع أنام. قمر باستها: مش عاوزة حاجة أجبهالك وأنا جاية. تونة: آه تفاح. قمر: عيوني ليكي تفاح وعنب كمان. تونة: هييييييه. قمر: يلا يا حبيبتي أنا ماشية، خلي بالك من نفسك.. سلام. آسر ركب هو ووليد العربية. وليد: ليل واقفة أهي.

آسر ماشي بالعربية لغاية عندها. آسر نزل راح لها: تعالي نوصلك. ليل: لا شكراً اتفضل امشي أنت. آسر: شكلك مقبلتيش الاعتذار. ليل: لا قبلته بس. آسر: بس إيه مستنية حد. ليل: آه مستنية. آسر: حبيبك؟ ليل: لا طبعاً.. أنا مستنية.. مستنية السواق بتاعي هييجي يوصلني، مينفعش أمشي من غيره عشان بابا ما يزعقليش.. أهو جه.. يلا سلام. راحت ركبت العربية (أوبر طبعاً) آسر: سلام وركب عربيته. وليد: لو صافي شافتك كانت قتلتك.

آسر ضحك: لو بقا.. ومشوا. قمر راجعة وماشية فرحانة وبتكلم نفسها: دي البت تونة لما تعرف إني جبتلها مانجا كمان.. هتفرح مش بعيد من فرحتها تخزقلي عيني. بتدخل الشارع لقيت زحمة والناس بتجري. قمر وشها قلب: ياساتر يارب في إيه. عربي جاي يجري: الحقي يا ست قمر. قمر: فيه إيه يخربيتك أخبارك كلها سودة في إيه انطق. عربي: البيت عربية الكبدة بيولعوا يا ست قمر ومحدش عارف يطفيها.

قمر: يلااااهووووي البيت بيولع.. افتكرت إن تونة طلعت تنام.. رميت الحاجة اللي في إيدها وطلعت تجري. وعاوزة تدخل البيت والناس بيمسكوها. سيد: رايحة فين يا قمر استني هتموتي نفسك. قمر بتصرخ: سيبوني فتون جوا.. بنتي جوا.