رواية حكاية قمر الفصل السادس والستون 66 - بقلم وردة في البستان

سارة دخلت شافت المنظر طلعت تجري وقفت قدام صافي. سارة: انتي اتجننتي! ايه اللي بتعمليه دا؟ اعقلي ياصافي. صافي زقتها وقعت فالأرض: ابعدي عني. سارة قامت تاني: مش هبعد ومش هسيبك، انتي اختي وصاحبتي، مش هسيبك تضيعي نفسك ياصافي… هاتي المسدس علشان خاطري. صافي: مش هديهولك، قولتلك ابعدي بقا. سارة بتشد منها المسدس: قولتلك مش هبعد… سبيه ياصافي. صافي بتشد المسدس منها جامد، طلعت طلقة بالغلط… الكل صرخ.

صافي بتبص فإيدها لقيت دم، وسارة وقعت فالأرض. وليد بصدمة: ساررررةةةةة!!! الكل جري على سارة. صافي مصدومة وجاية تقرب. سائر شدها جامد: ليه عملتي كدااااا ليييه؟ ضيعتييي نفسك. زين: الاسعااااف بسرعةةةة. وليد ماسك سارة وبيعيط: سارة متسبنيش… أنا آسف مش هبعدك عني تاني والله ولا هزعلك، بس متسبنيش… أنا بحبك ياسارة مش هقدر أعيش من غيرك. سارة بصت لهم كلهم ورجعت بصت لوليد وحطت إيدها على خده مسحت دموعه.

فجأة عينها قفلت وإيدها بعدت عنه. ليل صرخت وحضنت قمر، وكنزي اغمي عليها. وليد مسك إيدها: سارة… سارة ردي عليا… متفقناش إنك تسبيني، لا… فتحي عينك… علشان خاطري فتحي عينك بس… أنا آسف والله ارجعيليييي… أبوس إيدك متسبنيييش ياساررة. حضنها وقعد يصرخ: سااااااارررةةة. *** سهر: حمدالله ع سلامتك يافاروق، اتاخرت ليه كدا؟ فاروق: كان فيه شوية شغل بس كنت بخلصهم… انتي إيه اللي مقعدك لحد دلوقتي؟

سهر: أصل كنت سهرانة مع صافي مسبتهاش غير لما نامت. فاروق: صافي نامت… طب أنا طالع أطمن عليها. سهر بخوف: لالالا بلاش. فاروق: بلاش أشوف بنتي؟ انتي اتجننتي ولا إيه؟ سهر: لا مقصدش يافاروق… أقصد إني تعبت لحد ماخليتها تنام. فضلت تسأل عن هدي وأسر وامتى هيرجعولها وكده، لو صحيتها تاني هتسألك، يبقى الأحسن سيبها نايمة، وبكرة ابقى أشوفها. فاروق: عندك حق… أنا مبقتش عارف أرجعهمالها إزاي والله حاسس إني متكتف ومش قادر أعملها حاجة.

سهر: متقولش كدا بس… إن شاء الله يرجعولها، متقلقش، اطلع انت بس استريح… وبكرة كل حاجة هتتحل. فاروق: يارب ياسهر… يلا تصبحي ع خير. سهر بابتسامة متصنعة: وانت من أهله ياخويا. *** مني: ريم.. بت ياريم اصحي. ريم: نعم ياماما. مني: هي اختك متصلتش تطمنا إنها وصلت ليه؟ أنا قلقانة عليها. ريم: تلقيها بس انشغلت فالفرح ونسيت تتصل. مني: طيب هي هترجع امتى؟ الوقت اتأخر.

ريم: لا ماهي قالت هتقعد عند صاحبتها مش هترجع النهاردة… متقلقيش بقا ياماما وادخلي نامي وسبيني أنام. مني مشيت راحت ع أوضتها وهي قلقانة ومش مرتاحة وبتحاول تطمن نفسها بكلام ريم. التليفون رن. رقم سارة. طلعت تجري ترد: الوو… أيوه ياسارة… انتي فين؟ قلقتيني عليكي. ليل بتحاول تستجمع نفسها: أنا ليل صاحبة سارة… ممكن حضرتك تيجي بكرة القاهرة؟ مني: إيه؟ أجي القاهرة ليه؟ وسارة فين؟ عاوزة أتكلمها، اديني سارة أطمن عليها. ليل عيطت

وقمر خدتها منها الموبايل: الو حضرتك والدة سارة. مني: أيوه أنا. قمر: طيب لازم حضرتك تيجي القاهرة بكرة انتي ووالدها. مني: أنا مش فاهمة حاجة… أجي ليه وبنتي فين؟ حد يفهمنيي فين سارررة. قمر: البقاء لله… بنت حضرتك اتوفت. مني: إييييييييه!!!!! *** فاروق نايم، موبايله رن. فاروق: الو… أيوه ياسعد بيه خير؟ في حاجة؟ سعد: انت فين يافاروق؟ الدنيا مقلوبة هنا. فاروق: أنا فالبيت… إيه حصل؟

سعد: بنتك متهمة فجريمة قتل، وبيتحقق معاها دلوقتي. فاروق بصدمة: بنتي؟ بنتي مين؟ انت اتجننت؟ أنا بنتي نايمة ف أوضتها… أكيد مش هي… بنتي متقتلش. سعد: بقولك بنتك بيتحقق معاها دلوقتي… فوق يافاروق وتعالى بسرعة. فاروق الموبايل وقع من إيده وبيحاول يقوم مش عارف. حاول يقوم ويروح لأوضة صافي وبينادي عليها بصوت عالي: صااافي… بنتيي. سهر طلعت ع صوته: في إيه يافاروق؟ مالها صافي؟ فاروق دخل الأوضة ملقاش صافي. سهر: ياخبر!

هتكون راحت فين دي؟ فاروق: بنتتتييي… صافي هتضيع مني. سهر: أهدي يافاروق… رايح فين بس استنى. فاروق بيحاول ينزل ع السلم، مش قادر يتحرك. بيحاول يضغط ع نفسه لحد ماوقع ع الأرض. سهر: فاروق.. فارووف رد عليا فاروق. *** فالمستشفى، مني وريم وصلوا وهما منهارين. مني: بنتيى فين؟ عاوزة أشوفها. قمر: اهدي ياحبيبتي… ممنوع الدخول عندها. مني: عاوزة أودعها، دخلوني عندها، هي فين؟ قمر راحت لزين: زين اعمل حاجة خليها تدخلها. زين: أعمل إيه؟

قدامك قالوا ممنوع. قمر: دي أمها يازين… إزاي ممنوع؟ لازم تشوفها… انت مش شايفها عاملة إزاي؟ الست هيجرالها حاجة. زين: لو دخلتلها هيجرالها حاجة بجد. قمر: لا هترتاح لما تودعها… علشان خاطري خليهم يدخلوها. زين: حاضر ياقمر. *** سائر داخل يجري: إيه اللي حصل لبابا ياسهر؟ انطقي. سهر بتمثل العياط: والله ما أعرف ياسائر، أنا كنت نايمة… لقيته بيزعق وبينادي ع صافي، طلعت أشوفها معاه ملقتهاش، وفجأة وقع فالأرض، وجبته ع المستشفى.

سائر: الدكتور مقالش حاجة؟ سهر: لا لسه مخرجش… أهو. سائر: خير يادكتور بابا عامل إيه؟ الدكتور: مش خير خالص… فاروق بيه جاتله صدمة عصبية شديدة اتسببت فجلطة فالمخ. سهر: ياحبيبي ياخويا… ياريتني كنت أنا وانت لا. سائر: طيب ممكن نسافروا يتعالج برة؟ الدكتور: حالة فاروق بيه متسمحش إنه يسافر حالياً. سائر: وإيه الحل يادكتور؟ وفي أمل يرجع طبيعي ولالا؟

الدكتور: في نسبة صغيرة جداً بالعلاج يرجع طبيعي… بس الأهم من إنه يرجع طبيعي ولالا… إن تحافظوا ع حالته دي. سهر: يعني إيه يادكتور؟ نحافظ ع حالته؟ الدكتور: يعني ممنوع وصول أي أخبار وحشة ليه، لحد ماالخطر اللي عليه يزول… وإلا ممكن لقدر الله أي خبر وحش يتسبب فموته. سهر: بعد الشر… متقلقش يادكتور، أنا هخلي بالي منه… هو هيخرج امتى؟ الدكتور: يخرج إيه ياأستاذة؟

مينفعش خالص، لازم يفضل تحت عينينا الفترة دي… وانتوا عليكم منع أي أخبار وحشة عنه وبس… عن إذنكم. سائر: يارررب! إيه اللي بيحصلي دا؟ مش عارف ألاقيها من صافي اللي ضيعت نفسها ولا من أبويا اللي بيضيع مني. سهر: مالها صافي ياسائر؟ سائر: صافي قتلت ياسهر. سهر: إييه؟ إزاي حصل كدا؟ أنا مش مصدقة… طب هي فين دلوقتي؟ سائر: اتحقق معاها ومن كلامها هتتعرض ع طبيب نفسي، والأكيد إنها هتدخل مستشفى الأمراض العقلية. سهر: يعني صافي مجنونة؟

سائر: مش عارف ومش قادر أستوعب اللي هي عملته امبارح… دي لا يمكن تكون صافي اللي أعرفها… صافي اتغيرت للأسوأ. *** زين: خليها تدخل ياقمر بس متغيبش. قمر: حاضر. ست مني… تقدري تدخلي تشوفيها. ريم: أنا كمان عاوزة أشوفها. قمر مسكتها: تعالي ياحبيبتي… سيبي ماما بس تدخل. ريم بتعيط: اشمعنى أنا لا؟ أنا كمان عاوزة أشوفها… عاوزة أعتذرلها، أنا السبب، أنا اللي قولتلها تروح… ياريتني ماسيبتها تبعد عنا، ياريتني كنت منعتها.

قمر حضنتها: أهدي ياحبيبتي متحطيش الذنب ع نفسك… دا قدر ومكتوب. ريم: هي هتوحشني أوي أوي. قمر: لا حول ولا قوة إلا بالله… ادعيلها ياحبيبتي، هي محتاجة الدعاء. مني دخلت الأوضة، أول لما شافت بنتها انفجرت من العياط. مني: ياحبيبتي يابنتي… مين عمل فيكي كدا وحرمني منك؟ دانا مصدقت اتجمعت بيكي… ليه ياخدوكي مني؟ دانا لسه بدري أوي ياسارة… ملحقتش أشبع منك يابنتي.

عاوزة أعرفك حاجة ياسارة… أنا مكنتش بعيدة عنك بمزاجي… لا كان غصب عني، والله كان غصب عني… ومكنش سهل عليا… بس كنت مطمنة… أبوكي بيحبك، كنت مطمنة عليكي معاه… دلوقتي أنا أعمل إيه من غيرك؟ دانا مصدقت بقيتي معايا ياسارة… حرموني منك يابنتي. *** هدي: كفاية لعب ويلا ياتونة ادخلي نامي… انتي منمتيش من امبارح. تونة حضنتها: لا ياماما أنا خايفة أوي… مش عاوزة أنام. هدي: خايفة إيه بس؟ أنا معاكي. تونة: خايفة البت تيجي تقتلني أنا كمان.

هدي: متخافيش، هي اتقبض عليها خلاص ومش هتقتل حد تاني… يلا ادخلي نامي. تونة: طب تعالي معايا. هدي: حاضر. قمر وليل جم وهدي طلعت تجري عليهم. هدي: عملتوا إيه؟ اتدفنت خلاص؟ قمر: اه ياماما… ربنا يرحمها ويصبر أهلها. هدي: ليل انتي كويسة؟ ليل: لا أنا مش كويسة… سارة كانت صاحبتي الوحيدة، مكنتش تستاهل يحصل فيها كدا… سارة ماتت بدالي ياماما، أنا اللي كنت هموت مش هي. قمر: متقوليش كدا تاني… أنا مكنتش هسمح لحد يأذيكي.

هدي: وكنتي هتعملي إيه بقا؟ كنتي هتقفي قدامها زي ماعملتي علشان تحميها؟ وبدل ما أخسر واحدة أخسر التانية. قمر: مش مهم أنا… المهم محدش يأذي حد من أخواتي. هدي: ادخلوا ارتاحوا دلوقتي ونتكلم بعدين… يلا ياقمر خدي أخواتك وادخلوا. قمر: ماشي. *** فريال: جت الحزينة تفرح ملقتلهاش مطرح… كان مستخبيلك فين دا بس يابني… الفرح يتقلب جنازة… وكله بسبب مين؟

بسبب مجايبك… بوظتي فرح ابني. أقول إيه بس ماهو الغلط عند ابني… لو كان خلاني أنا أختارله مكنش حصل كل دا. ماتردي يا أختي، انتي ساكتة ليه؟ بكلم نفسي أنا. كنزي: أنا آسفة. فريال: وأعمل إيه بأسفك أنا؟ وابني حبيبي بايت برا البيت يوم فرحه؟ كنزي: عن إذنك. فريال: تعالي هنا رايحة فين؟ اتصليلي بيه ييجي دلوقتي. كنزي: حاضر، هدخل أجيب الموبايل. *حازم جه* فريال: حمدالله ع سلامتك يا حبيبي. أحطلك تأكل؟

حازم: الله يسلمك يا ماما. هي كنزي فين؟ بقيت كويسة دلوقتي؟ فريال: كنزي إيه دلوقتي؟ بقولك تأكل، انت مأكلتش من امبارح. حازم: مش جعان، عاوز أطمن عليها. فريال: طب اطمن عليا أنا الأول. حازم: مالك يا ماما؟ انتي تعبانة؟ فريال: تعبانة دي شوية عليا. حازم: مالك؟ حاسة بإيه؟ فريال: نار جوايا، ورأسي هتنفجر من اللي حصل امبارح. بقا بعد ما أستنى كل ده عشان أشوفك وانت بالبدلة يحصل كدا. وكله منها، اللي جوا دي هي السبب.

حازم: وهي كنزي مالها يا ماما؟ هي اللي قالتلها تقتل؟ متنسيش إن هي كمان فرحتها باظت بسبب اللي حصل، مش إحنا بس اللي ضحايا. فريال: لا يا حبيبي، إحنا مالنا بالناس دي. أنا معزمتهمش ف الفرح ولا أعرفهم. حازم: انتي معزمتيش بس أنا عزمت، ودول صحابي من قبل كنزي. يعني هي مالهاش ذنب. أوعي يا ماما تكوني قولتي لكنزي كلام يضايقها. هي مش ناقصة. فريال: لا قولتلها ولا فتحت بوقي حتى. حازم: ماشي يا ماما. عن إذنك هدخل أشوفها.

فريال: ادخل يا حبيبي. اطمن عليها، لا أكون كلت منها حتة ولا حاجة. حازم: كنزي عاملة إيه؟ طمنيني. بقيت كويسة؟ كنزي: هي ماتت بجد. حازم: آه يا كنزي، واتدفنت خلاص. كنزي بكت: أنا اللي جبتها. أنا السبب يا حازم. ياريتني ما سمعت كلام أسر. حازم: اهدي يا كنزي. اللي حصل ده مش بسببك، ده نصيبها. متحمليش نفسك فوق طاقتها. ارتاحي دلوقتي ولما تصحي نتكلم.

كنزي: مش عارفة. مش بتغيب عن عيني لحظة. ومش قادرة أنسى لما كلمتها وكنت بقنعها تيجي الفرح. ياريتها كانت رفضت. حازم: كنزي فوقي. انتي مالكيش ذنب. أظن مش انتي كمان اللي عزمتي صافي وعطتيها المسدس. اهدي كدا وافهمي، انتي معملتيش حاجة وحشة. ده نصيبها يا حبيبتي. ارتاحي بس انتي دلوقتي. كنزي: حاضر، هحاول. * بعد مرور أسبوع * نجلاء: سامح.. اصحى يا سامح.. يلا قوم ياراجل. سامح: في إيه يانجلاء ع الصبح؟ مالك؟

انهاردة إجازة، بتصحيني ليه؟ نجلاء: عاوزاك توصلني. سامح: أوصلك؟ انتي خارجة ولا إيه؟ نجلاء: آه، وانت جاي معايا. سامح: على فين كدا؟ نجلاء: هروح أشوف بنتي، وحشتني. بقالي أسبوع بحاله مشوفتهاش. عاوزة أطمن عليها. سامح: تطمني عليها؟ هي مع حد غريب؟ ماتسبيهم يكملوا الشهر، لازم تروحي تغلسي عليهم. نجلاء: ماهي مقصوفة الرقبة قاعدة معاهم. مرواحي هو اللي هيضايقهم يعني. سامح: مين مقصوفة الرقبة دي؟

نجلاء: أم حازم. هتكون مين غيرها مقصوفة رقبة. سامح: عيب كدا يانجلاء. ميصحش نقول ع الناس كدا. نجلاء: اسكت. ده أنا مبقوقة منها على الآخر من يوم الفرح واللي عملتوه ف البت. يرضيك تعكنن ع بتك وتقولها المكياچ بتاعك وحش؟ يرضيك؟ سامح: معلش يا نجلاء، عديها. يمكن مبتفهمش ف المكياچ. نجلاء: طب مانت كمان مبتفهمش. سامح: بتقولي إيه يانجلاء؟ نجلاء: أقصد إنك مبتفهمش ف المكياچ، بس عجبك صح؟ سامح: الشهادة لله، أنا بنتي حلوة ف كل حالاتها.

نجلاء: ومين يشهد للعروسة؟ سامح: طب يلا يا أم العروسة. قومي حضريلي الهدوم علشان نروح للعروسة. نجلاء: من عنيا الاتنين. هدي: ليل، أسر مستنيكي برا. ليل: ... هدي: ليل، أنا بكلمك. ليل: حاضر يا ماما، طالعة. هدي: متتأخريش طيب. هدي: أهلاً وسهلاً بيك يا حبيبي. تحب تشرب إيه لحد ما ليل... ليل خرجت وشكلها متبهدل وتعبان. هدي: ليل، انتي إيه مطلعك بالحالة دي؟ ليل: مالها حالتي؟ أنا كويسة أهو. تونة: اجري حطي ف وشك حاجة ليطفش منك.

أسر بيضحك: لا متقلقيش، مش هطفش. أنا راضي بكل الحالات. ليل حطت علبة قدامه. أسر: إيه ده؟ ليل: الخاتم بتاعك. أنا وانت مش هنكمل. أسر: نعم!! انتي بتقولي إيه؟ هدي: إيه اللي بتقوليه ده يا ليل؟ ليل: زي ما سمعته. أنا وأسر مش هنكمل مع بعض. أسر: طب ليه؟ ممكن أفهم أنا عملت إيه يخليكي تقولي كدا؟ ليل: أنا خدت قرار. أسر بعصبية: وأنا من حقي أرفضه. ليل: لا، مش من حقك. هدي: اهدوا بس وصلوا ع النبي. العصبية مش هتحل حاجة.

أسر: ليل يا حبيبتي، أنا مقدر إنك متاثرة باللي حصل وموت سارة، وكلنا متاثرين. بس الوقت ده هيعدي. القرار اللي بتاخديه ده غلط. ليل: لو متاثر بموتها فعلاً، كنت وافقت ع اللي بقوله. أنا وانت مش هننفع لبعض يا أسر. أنا اتأخرت أوي ف القرار ده بسبب تأخير. اتسببت ف موت أقرب واحدة ليا. أنا مش هستحمل حد تاني يحصله حاجة بسببي. هدي: مش بسببك يا ليل، قولتلك مليون مرة. اللي حصل ده مكتوبلها. انتي ليه مصممة تشيلي نفسك الذنب؟

ليل بتبكي: لا، بسببي يا ماما. هما كانوا صحاب مع بعض. من يوم ما دخلت بينهم وهما اتفرقوا. أنا مش بس السبب ف موت سارة. أنا السبب ف اللي حصل لصافي. أنا خدت منها كل حاجة. عاوزين يحصلها إيه لما تشوف حبيبها مع حد غيرها؟ أنا مش قادرة أسامح نفسي. أسر بعصبية: مش حبيبها، افهمي. أنا مش حبيبها ولا عمري كنت حبيبها. كل الأفكار دي ف دماغك وبس. ليل مسحت دموعها: وأنا قولت اللي عندي يا أسر. مش هغير قراري. لو سمحت ابعد عني.

أسر: ده آخر كلام عندك... ماشي يا ليل، اللي تشوفيه. هدي: أسر استنى بس يا أسر. ليل قعدت تعيط وتونة جريت عليها حضنتها. هدي: مش عملتي اللي ف دماغك ومشيتي كلامك. بتعيطي ليه دلوقتي؟ ليل: أنا بحبه أوي. هدي: انتي هتجننيني ليه؟ منين بتحبيه ومنين عاوزة يبعد عنك؟ ليل: مش عاوزة حد يتأذي بسببي يا ماما. أنا خايفة. أعمل إيه؟ هدي: طيب اهدي خلاص، علشان خاطري.

* في المستشفى.. في الأوضة اللي فيها فاروق، سهر داخلة تتسحب وفاروق فاتح عينه وشايفها. * سهر ابتسمت: حمدالله ع سلامتك يا أخويا يا حبيبي. يوه، دانا نسيت إنك مش بتتكلم ف مش هتعرف ترد عليا. بس تصدق كدا أحسن. مرة بقا من نفسي أتكلم وانت تسمع وبس.

بصتله: ياااه، الرقدة دي شوفتها قبل كدا. مش فاكرة مين. آه افتكرت. كانت أمي الله يرحمها. اللي ماتت لوحدها بعد ما طردتها وحرمتني منها بكل قسوة وجبروت. وكل لما أقول سامحيه يا بت، دا مهما كان أخوكي بردك. متشيليش منه. ألقيك بتعمل عملة أوحش من اللي قبلها. حتى الشخص اللي حبيته رفضت تجوزهوني. ظلم ورا ظلم ورا ظلم. لحد ما خلتني زي مانت شايف كدا واقفة قصادك وأنا جوايا كرهه ليك يكفي العالم ويفيض منه كمان. فاكر بنتي اللي حرمتني منها؟

فاروق باصلها ومستغرب وبهز راسه. سهر: بنتي اللي مسبتنيش حتى ألمحها. أخدها ف حضني. خطفتها مني. كنت فاكر مش هعرف إن اللي عمل كدا يبقى إنت. كنت فاكر أنا عايشة كل السنين دي خدامة عندك تقولي يمين.. يمين. شمال.. شمال. كنت فاكر كل ده ببلاش كدا! تبقى عبيط يا فاروق. أنا عشت كل ده عشان أنتقم منك وأخد حق كل ذرة وجع خلتني أحس بيها. أنا جيلك دلوقتي ومبسوطة وبقولك أنا خدت حقي منك. ف بنتك الوحيدة. نقطة ضعفك يا فاروق هي صافي.

فاروق مبرق لها وعاوز يعرف حصل إيه لصافي ومش قادر يتحرك ولا يتكلم. سهر ضحكت ع منظره: طبعاً عاوز تعرف إيه اللي حصل لدلوعتك؟ دلوعتك اللي انت دمرتها بحبك ليها. خلتني مركزة غير معاها. عاوز تعرف بنتك فين دلوقتي؟

ف مستشفى المجانين. جننتهالك على الآخر. كنت بخطط لها من وهي صغيرة. أنا اللي زرعت حبها لأسر. أنا اللي كنت بعلقها بيه. ومن الناحية التانية كنت بعرف أسر إنها مش بتحبه، وإنه مجرد لعبة زي الألعاب اللي بتشبّط فيهم بس. أنا اللي كنت بديها مخدرات على إنها مهدئ. مخدرات تجننها. وأنا اللي حطيت المسدس ف مكتبك وكنت متأكدة إنها هتاخده. شوفت بقا أنا كنت صبورة إزاي؟

زي ما بيقولوا صبرت ونالت. لا وانتوا الاتنين تقعوا ف يوم واحد. لا، حقيقي أمي دعيالي. انت تعرف أنا ممكن أخلص منك دلوقتي. وأطلع أصرخ وأقول الحقوا أخويا بيموت. قربت من الأجهزة، وفاروق متابعها وعنيه مليانة دموع وخايف. راجعت تاني قربت منه. بس مش هعمل كدا، عارف ليه؟ عشان أنا مش هستفيد حاجة بموتك. بالعكس، أنا كدا هريحك. بس شكلك كدا أحلى بكتير. والخوف مالي عينك وقلبك. مش قادرة أبعد نظري عنهم. الدكتور دخل: انتي بتعملي إيه هنا؟

سهر دمعت ولفت للدكتور: كنت داخلة أطمن ع أخويا. مش قادرة أشوفه وهو بالشكل ده يا دكتور. اتصرف، اعمل حاجة. أخويا لازم يرجع زي الأول. أنا ماليش غيره. الدكتور: طيب اهدي بس يا أستاذة واتفضلي اخرجي برا. مينفعش تدخلي هنا تاني غير بإذن مني. سهر: اللي تشوفه يا دكتور. عن إذنك. خرجت ومسحت دموعها وضحكت ومشيت. تونة مستخبية تحت اللحاف. تونة بصوت واطي: الوو. كريم: الو يا تونة، عاملة إيه؟

تونة: أنا كويسة يا كريم. مش وقته، مش وقته. اديني أسر بسرعة. كريم: الو يا تونة، مش سامع صوتك. انتي بتتكلمي منين؟ تونة: أنا مستخبية تحت اللحاف. مش عاوزة حد يسمعني. فين أسر يلا، هاتوه بسرعة. فيه موضوع خطيررر لازم أتكلم معاه فيه. كريم: مش عارف أسر فين. تقريبا مجاش. بس إيه هو الموضوع ده؟ قوليلى وأقوله. تونة: لالا، مش هينفع أقولك. اديني رقمه. كريم: خلاص، طالما مش هينفع تقوليلي. أنا كمان مش هينفع أديلك رقمه. يلا باي باي.

تونة: استنى استنى، متقفلش. خلاص هقولك. كريم: يلا قولي. تونة: بص يا كريم، انهاردة الواد أخوك ده جه عندنا. والبت ليل أختي طلعتله منكوشة ومتبهدلة ورميت الدبلة ف وشه. وقالتله أنا مش عاوزة أشوف وشك هنا تاني. كريم: تووووونةة! تونة: خلاص خلاص. هقول الحقيقة. بصراحة هي عطتله الدبلة بس وقالتله مش هنكمل. كريم: وإيه حصل؟ تونة: أخوك العرة مشي وسابها وهي قعدت تعيط. وتقول بحبه، بحبه. كريم: وانتي عاوزة أسر في إيه؟

تونة: عاوزة علشان أقوله ليل بتحبك، بتحبك. بس غاوية استعباط. كريم: أوعي تعملي كدا يا تونة. تونة: ليه يعني؟ انت مش عاوزاه يتجوز أختي؟ ولا نكنشي مش قد المقام؟ كريم: لا، مينفعش تقولي حاجة زي دي. كدا انتي يبقى اسمك فتانة. تونة: مش مهم، فتانة من فتانة مفرقتش. كريم: تونة اسمعي الكلام. لو أسر عرف، مش هكلمك تاني خالص. مالكيش دعوة باللي اتقال قدامك. هما هيرجعوا لوحدهم بس انتي متفتنيش تونة : هحاول ماشي .. مش هتديني رقم اسر بقا

كريم : قولنا ايه تونة : متفهمشي غلط دانا كنت هسمع الكولتون بس بعد شهر سائر : حمدالله ع سلامتك يابابا .. نورت بيتك سهر : حمدالله ع سلامتك ياحبيبي فاروق مش عاوز يبصلها سائر: انا اسف يابابا انا هسيبك بس علشان عندي شغل .. بس متخافش هسيب سهر معاك .. والعلاج بتاعه اهو ياسهر تديهولو ف مواعيده سهر : متقلقش دا ف عنيا فاروق فضل يعمل اصوات ويهز رأسه ويبعد عن سهر .. وسهر برقتله سائر : في ايه هو بيعمل ليه كدا .. كأنه

مش عاوزك تقعدي معاه سهر : ااه انا فهمتوا .. هو مش عاوزني اسيب الشغل لوحده .. حتي وانت ف تعبك يافاروق بتفكر ف الشغل .. سائر : طب خلاص مافيش مشكلة .. انا هخلي نعمات تقعد معاك متقلقش وانا مش هتأخر فاروق هز رأسه بالموافقة قمر : صباح الخير يازين زين : صباح النور .. فطرتي ولا لسه .. لو تحبي ننزل الكافتيريا نفطر سوا معنديش مشكلة قمر ابتسمت : لا انا سبقتك فطرت معاهم ف البيت

زين : الف هنا ياستي .. طيب وراكي حاجة بعد الاجتماع نتغدا سوا .. ولا اتغديتي كمان معاهم ف البيت قمر ضحكت : لا دي لسه معملتهاش زين قرب عليها قمر بعدت : في ايه يازين زين مسك السلسلة اللي ف رقبتها: السلسلة دي جبتيها منين قمر : دي كريم عطهاني زين : للدرجة دي كريم بيحبك قمر : ليه بتقول كدا زين : علشان دي سلسلة ماما الله يرحمها قمر : الله يرحمها زين : حافظي عليها بقا قمر : حاضر زين : هستناكي بعد الاجتماع هنتغدا

سوا زي مااتفقنا قمر : حاضر ومشوا وهما مبسوطين وكان في عقربة من بعيد بتراقبهم و الغل طالع من عينها .. اكيد عرفتوا هي مين هدي : نورتني ياحبيبي .. والدك عامل ايه سائر : زي ماهو .. بس خرج من المستشفي انهاردة هدي : وصافي سائر : دا اللي كنت جيلك علشانه .. هدي : خير ياحبيبي في ايه

سائر : انا لسه كنت جاي من عند الدكتور النفسي الي بيشرف ع حالة صافي .. وآكدلي انها كانت بتاخد نوع مهدأ مش موجود ف مصر هو دا اللي كانت بترتاح عليه .. والغريبة اني دورت عليه ف البيت ملقتش ليه اثر .. معندكيش معلومة اسمه ايه او شكله هدي : والله انا مش فاكرة اسمه .. مصدفتش اني شوفته قبل كدا .. ااه افتكرت .. انا سمعت سهر قبل كدا وهي بتقول لصافي انها هتجبهولها .. ممكن تسأل سهر هتقولك سائر: سهر !!!

افتكر ريأكشن فاروق لما قالوا سهر هتقعد معاك .. وافتكر انه قال لسهر ع مفجأة اسر لليل ف فرح حازم سائر : انا هستأذن هدي : انت مشربتش العصير سائر : معلش انا لازم امشي دلوقتي حالا .. عن اذنك في الشركة سائر فتح باب المكتب جامد سهر باستغراب : مالك ياسائر سائر : ايه علاقتك بالعلاج اللي كانت بتاخده صافي سهر اتوترت : علاج .. علاج ايه .. انا مش فاهمة حاجة سائر : المخدرات ياسهر .. اللي كنتي بتجيبيها لصافي .. اللي بسببها اتجننت

سهر : ايه اللي بتقولو دا ياسائر .. مخدرات ايه انا مش فاهمة انت بتتكلم عن ايه .. وايه علاقتي بجنان صافي انا سائر : بلاش المخدرات .. صافي عرفت منين فرح حازم وان اسر هيفجأ ليل .. وعرفت منين مكان الفرح اصلا .. اكيد منك مانا الي زي الغبي قولتلك كل حاجة .. صح ولا غلط سهر : غلط كل اللي بتقولو غلط .. انا اصلا مشوفتش صافي يوم الفرح .. انا مروحتش ع البيت .. انا كنت سهرانه برا .. انت ظالمني ياسائر

سائر : انا لسه جاي من عند هدي وقالت ان انتي اللي كنتي بتجيبي العلاج لصافي سهر : اااه قول كدا بقا .. الست هدي هي اللي وقعت بينا .. ليه ميكنش هي وبتنتقم من ابوك ف اللي عملوا فيها زمان .. انا هعمل كدا ليه سائر : علشان اللي عملوا فيكي زمان انتي كمان .. سهر اتصدمت انه عارف سائر : انا عارف كل حاجة .. امي كانت بتحكيلي كل حاجة ابويا عملها فيكي .. وكنت بستغرب هدوئك طول الوقت

سهر : محصلش .. انا معملتش حاجة .. دا اخويا وصافي بنته وكنت معتبراها بنتي .. استحالة اعمل فيهم حاجة .. هدي بتوقع بينا ياسائر فوق .. هدي دي ىتكرهك انت واختك .. مش بتحبكم .. انت طول عمرك بتكرهها اكيد مش هتصدقها وتكدبني انا سائر : ماشي يا سهر انا مش هصدقها .. ومش هصدقك .. انا هعرف مين السبب ف كل دا بطريقتي .. بس من هنا لوقتها مشوفكيش لا ف الشركة ولا ف البيت .. وهكلم المحامي يديكي حقك كله سهر: انت بتطردني

سائر : مش هستأمنك لا ع بابا ولا ع مالنا .. عن اذنك سهر بصاله ومتعصبة: شكلك ناوي تحصل ابوك واختك قامت راحت ع مكتب زين وشافت قمر جاية ع المكتب وماسكة ملفات بتبص فيها دخلت عند زين وهي بتعيط ومنهارة زين: في ايه ياسهر مالك .. فاروق حصله حاجة سهر حضنته وقعدت تعيط: شوفت للي حصلي يازين .. شوفت سائر عمل فيا ايه .. استغل رقدت ابوه وطردني من البيت والشركة زين بيحاول يبعدها: طيب اهدي وفهميني عمل كدا ليه .. انتي عملتي ايه

سهر مسكت فيه اكتر : مش عارفة .. انا معملتش حاجة يازين .. كله سابني ف الاول بابا وبعدين ماما ودلوقتي صافي وفاروق وسائر بيطردني انا بقيت لوحدي يازين .. متسبنيش يازين انت كمان انا ماليش حد غيرك قمر فتحت الباب شافت المنظر وسهر شيفاها زين : اهدي مش هسيبك استجمعت نفسها و خبطت ع الباب .. زين اتصدم وزق سهر قمر : الملفات اللي طلبتها زين خدها منها ومش قادر يتكلم قمر : انا هستأذن .. زين : مش هتحضري الاجتماع قمر :

زين : طيب استني هنزل معاكي هوصلك .. وبالمرة نتغدا سوا قمر : معلش مش هينفع .. انا عندي معاد مش عاوزة اتأخر عليه .. ابقا اتغدا مع سهر .. عن اذنك زين مسك ايدها : قمر استني انتي فاهمة غلط قمر : مالهاش لازمة تبرر .. كأني مشوفتش حاجة .. زقت ايده عن اذنك قمر واقفة قدام الشركة مستنية عربي وعنيها مليانة دموع سليم شافها وقف العربية قدامها ونزل : قمر انتي كويسة .. ايه موقفك كدا قمر : اه انا كويسة .. عن اذنك

سليم : مش هسيبك تمشي ف حالتك دي .. تعالي هوصلك قمر : مافيش داعي .. انا مستنية حد سليم : الحد شكله هيتاخر تعالي معايا اركبي .. يلا ياقمر زين رايح جاي ف المكتب ومتعصب ومش عارف يعمل ايه .. سهر جاية تقرب عليه تاني سهر : انت زعلت يازين علشان قمر شافتنا زين رفع ايده قدامها : ياريت متتكررش تاني ياسهر لو سمحتي

سهر : انا اسفة مكنتش عاوزة اتسببلك ف احراج .. انت شكلك معجب بقمر .. وانا مش هرضا افرق بينكم لو عاوزني اروح اعرفها الحقيقة دلوقتي وانك مالكش ذنب انا مستعدة زين بيبص شاف قمر واقفة : ايه موقفها مع سليم سهر جت تجري تبص اتعصبت : سليمم !! ايه علاقتهم ببعض زين : انتي تعرفي سليم سهر : لا معرفهوش .. بس كنت بشوفوا جيلك هنا بس مش اكتر .. عن اذنك انا لازم امشي سليم : هتفضلي ساكتة .. مش عاوزة تعرفيني مالك قمر: مافيش ضغط شغل بس

سليم : لو زين مضايقك .. انا ممكن اكلمهولك قمر : ممكن تقف هنا سليم : راحة فين قمر نزلت ووقفت ساكتة .. وسليم وقف جنبها سليم : كبرتي ولسه متغيرتيش قمر : متغيرتش ازاي سليم : لسه زي مانتي لما بتزعلي من حاجة اوي اوي .. تروحي اي مكان فاضي وتفضلي سرحانة وساكتة قمر : وانت لسه فاكر كنت بعمل ايه زمان

سليم : انا منستش اي تصرف كنتي بتعملي ولو صغير حتي .. ولا نسيتك انتي .. حتي بعد ماقعدتي من المدرسة .. كنت عارف عنك كل حاجة .. وكنت بتابعك دايما .. بس مكنتش عارف اساعدك علشان كنت لسه صغير .. انا عارف انك نستيني من زمان .. بس حتي لو دا حصل انا هفضل ممتن للصدفة اللي جمعتنا ببعض تاني قمر: مالهوش لازمة الكلام دا دلوقتي يا سليم .. احنا كنا صغيرين وقت ماكنا بنحب بعض .. احنا كبرنا دلوقتي والكلام دا عدي عليه كتير اوي

سليم: بنسبالك انتي بس ياقمر .. انا معرفتش الحب غير لما حبيتك .. جربت احب تاني بعدك فشلت ومنستكيش .. انا بس نفسي تديني فرصة بس نقرب تاني من بعض .. وانا هعوضك عن كل السنين اللي بعدنا فيها عن بعض .. انا مش عاوزك تردي دلوقتي خدي وقتك وفكري .. قمر : انا جعت سليم ضحك : وانا كمان والله .. تعالي هعزمك ع الغدا قمر : مش هينفع علشان متفقة مع ماما اني هتغدا معاهم .. سليم : ااه يعني هتغدا لوحدي قمر ابتسمت : لا طبعا ..

انت معزوم عندنا سليم : مامتك اكلها حلو قمر : جدا سليم : طب يلا اركبي بسرعة قمر : يلااا كنزي : صباح الخير فريال : قولي مساء الخير .. داحنا بقينا العصر ياحبيبتي كنزي: حازم بيجي متأخر هصحا بدري اعمل ايه فريال : ايه ايه ايه ايه .. وانتي بتصحي بس لحازم .. دا كل مفهومك عن الجواز .. والأكل والشقة .. دا اللي نجلاء علمتهولك كنزي : ماهو حضرتك مش بتحبيني ادخل مطبخك ولا بتحبيني اروق البيت .. اعمل ايه علشان ارضيكي

فريال : لا ياحبيبتي متعمليش حجتي .. المطبخ عندك اهو ادخلي اعملي اكل لجوزك قبل مايجي .. وريني بقا هتعملي ايه كنزي قلقت : هو الاكل ايه الي هيتعمل فريال : ادخلي شوفي بنفسك .. انا مجهزالك كل حاجة كنزي دخلت المطبخ لقيت كرنبة كبيرة و اطباق فيها بتنجان وكوسة وفلفل وورق عنب و فرختين ورقاق كنزي : ينهار ابيض ايه دااا كله .. فريال : ايه ياحبيبتي مالك .. اتخضيتي ليه .. دانا مردتش اطلعلك البطة كمان قولت اخليها يوم تاني

كنزي: هعمل كل دا ازاي .. حازم قرب يجي فريال : محدش قالك اصحي العصر .. انا هسيبك بقا علشان المسلسل بدء كنزي : اعمل ايه .. اعمل ايه .. اتصلت بامها نجلاء : الو .. ايه ياكنزي عاملة ايه كنزي: الحقينييي ياماما .. انا ف مصيبة قمر : ايوة هنا سليم : طيب هستأذنك دقيقة بس مش هتأخر قمر : رايح فين سليم : السوبر ماركت دا مش هتأخر عدي وقت وجه قمر : ايه دا سليم : شوية حاجات لفتون قمر باستغراب : فتون .. انت عرفتها منين

سليم بتوتر : ف مرة لما شوفتك ف الحارة كنتي بتنادي عليها .. وانا سمعت الاسم قمر: بس انا مبقولهاش فتون انا بقولها تونة سليم ضحك: ايوة مانا سمعت تونة .. و اكيد فهمت ان اسمها فتون قمر: اه ماشي سليم: مش هنطلع ولا غيرتي رايك ومش هتغديني قمر: لا مغيرتش رأي اتفضل هدي جت تجري ع الباب: حماتك بتحبك .. انا لسه مخلصة الاك .. انتي معاكي ضيوف سليم ابتسم: ازيك ياهانم .. انا سليم زميل قمر ف ال... قمر: زميلي ف الشغل .. وهو وصلني ..

مكنش ينفع معزمهوش هدي: ينور طبعا .. اهلا وسهلا .. اتفضل قمر: طيب اسيبك انا ياسليم هدخل اغير بس .. البيت بيتك طبعا سليم: اتفضلي تونة بترقبوا من بعيد .. وبتراقب الحاجات اللي معاه وهو شافها فرح اوي وشاورلها تيجي تونة جريت: انت بتشاورلي انا صح سليم هز راسه: اه انتي .. عاملة ايه تونة: انا كويسة .. وبتبص ع الكيسة سليم ضحك وعطهالها: خدي الحاجات دي ليكي تونة عينها لمعت: كلها كلها ليا سليم: اه كلها كلها ليكي

تونة بتلقائية حضنته جامد: شكرا اوي ياعمو .. انا بحبك اوي سليم بدالها الحضن وعينه دمعت: وانا بحبك اوي اوي ياحبيبتي قمر: الظاهر ان تونة حبيتك اوي هدي: جايبلها نقطة ضعفها لازم تحبه قمر: الاكل جهز ياماما هدي: اه ومستنيكم كمان قمر: طب يلا ياسليم اتفضل نجلاء: مصيبة ايه ياكنزي انطقي .. في ايه

كنزي: انا لسه صاحية دلوقتي .. لقيت مامت حازم جيبالي اكل كتير اوووي وعاوزني اعمله قبل مايجي حازم .. وحازم كلها ساعتين ويخلص وممكن قبل كدا كمان .. نجلاء: اعملي بانية ومكرونة كنزي: ياريت كان ينفع بس دي مطلعالي كل انواع المحشي وفراخ ورقاق وحاجات كتير اوي .. دا مش بس مافيش وقت .. انا مش هعرف اعمل ولا حاجة من دول اصلا

نجلاء: تستاهلي علشان اقولك اتعلمي الاكل ياكنزي .. بصي عليا وانا بعمل يكنزي .. تقوليلي لا ياماما .. مامت حازم هتعمل كل حاجة .. اشربي بقا كنزي: لا مش وقت شماته ياماما ساعديني .. حازم لو رجع ملقاش اكل هيضايق وهي هتقول ان انا اللي المفروض اعمل وهيزعل مني نجلاء: شوفي الولية العقربة .. عاوزة توقع بين ابنها ومراته .. بس انا مش هسيبها تعمل اللي ف دماغها كنزي: هتعملي ايه

نجلاء: ادخلي اللبسي .. وانا هكلم جوزك اقولو اني عزمكم وهصمم انه يجي .. انا الاكل عندي جاهز وكله تمام كنزي: حاضر .. حاضر هدخل اللبس .. طب وهي هتأكل ايه نجلاء: هي بقا تأكل في نفسها .. مالناش دعوة هدي جايبة طبق فاكهة وقعدة: مقولتليش بقا ياقمر .. ايه حكاية سليم دا قمر: مافيش حكاية عادي .. زميلي ف الشغل ليل: سليم مين تونة: اه مانتي ليل نهار مرزوعة ف اوضتك .. مانتيش دايرة باللي بيحصل ليل: مش فيقالك .. لو فايقة

كنت قمت جبتك من شعرك تونة: انا فايقة تحبي اجيبك انا ياحبيبتشي هدي: دول لو مولودين فوق رؤوس بعض والله ماهيعملوا كدا قمر: اومال انا اعمل ايه اللي عايشة معاهم من زمان ليل: مقولتوش بردك مين سليم تونة: انا اقولك دا واد قمور ايه يابت ياليل .. طول بعرض وعينه ياخررابييي ملونة وحلوة وملعلطة كدا .. وجبلي حاجات حلوة كتير .. شكله مش بخيل يابت ياقمر .. وهيغنغك ليل: هينغنغها .. لا ياقمر متضيعهوش من ايدك دا هينغنغك هدي: طب وزين

قمر اتضايقت: ماله زين .. انا ماليش علاقة بيه .. كل الي بيني وبينه شغل وبس هدي: مالك اتحولتي ليه .. هو حصل حاجة قمر: لا ياماما محصلش انا داخلة انام .. تصبحوا ع خير ليل وهدي بيبصوا لبعض ومستغربين تونة: عليا النعمة الواد زين دا شكله عمل مصيبة سليم بيفتح الباب .. لقي سهر ف وشه سليم: انتي ايه جابك سهر: اخص عليك ياسليم .. بدل ماتقولي وحشتيني سليم: هقولها لو حاسسها .. خلصي ياسهر .. عاوزة ايه

سهر: انا جاية اقولك اني خلاص ياسليم .. هسمع كلامك .. وهسيب كل حاجة وحقي وهسافر وهنبعد عن كل دا سليم ضحك جامد سهر: انت بتضحك ع ايه سليم: ع اللي بتقولي .. وعليكي فاكرة اني مش عارف انك انتقمتي خلاص وخدتي حقك .. وعاوزة تسافري علشان تهربي .. بس خلاص ياسهر .. انتي اختارتي من زمان .. وانا خلاص نهيت اللي بينا من زمان اوي .. بس انتي مش واخدة بالك سهر اتعصبت: يبقا اللي شوفته صح بقا .. انت ايه علاقتك باللي اسمها قمر سليم:

انتي بتراقبيني سهر: رد عليا .. ايه علاقتك بقمر سليم: علاقتي بيها موجودة من قبل مااشوفك .. وياريتني فضلت معاها ومجربتش احب غيرها .. قمر دي اللي كنت بحكيلك عنها زمان وعن حبي ليها .. اللي كنتي بتحاولي بكل الطرق تنسيهاني .. عرفتي قمر مين سليم: اهو حب العيال اتطور .. وقريب هيكون جواز سهر: استحالة انت بتكدب عليا .. قمر بتحب زين مش بتحبك .. استحالة تتجوزك سليم: هنشوف .. استأذنك بقا ممكن ادخل الحمام

سهر قعدة بتحاول تهدي نفسها لحد ما موبايل سليم رن وشافت اسم قمر والشر طلع من عينها وردت قمر: الو ياسليم .. انا فكرت ف كلامك . . وموافقة ع اللي طلبته مني .. سهر كانت فاكرة ان انتقامها خلص خلاص وهترتاح .. بس الظاهر الشر االي جواها مالهوش حد والمرة دي هيطول قمر .. ياتري ايه االي هيحصل ..