رواية حكاية قمر الفصل التاسع 9 - بقلم وردة في البستان

نجلاء: اتكلم عدل مع أبوك يا آسر. أحمد: وأنتي مستنية إيه من واحد بقى صايع زي ده... أنت فاكر إن أخبارك مش بتوصل و حركاتك كلها عارفها. آسر: طبعًا من الجواسيس اللي بتمشيها ورايا تراقبني. نور: بابي خايف عليك يا آسر. آسر: آخرتها هتطلعوني أنام ولا إيه. أحمد: آخرتها تسيبك من القرف اللي أنت فيه ده وترجع تاني لدراستك. آسر: وإيه المقابل بقى.. هترجعلي أمي اللي اتحرمت منها!

نجلاء: إيه اللي بتقولوا ده يا آسر.. فريدة الله يرحمها عند ربنا دلوقتي.. أبوك بإيده إيه يعمله. *كريم واقف بيتفرج.* آسر بعصبية: كان بإيده.. كان بإيده وسابها تموت قصاد عينه.. علشان هو أناني مبيحبش إلا نفسه وبس. *أحمد ضربه بالقلم.* نور بتعيط: بابي أرجوك متعملش كده. آسر بعصبية: أنت بتضربني علشان بقول الحقيقة.

أحمد: الظاهر إن أنا معرفتش أربيك كويس.. أنا أناني وسيبت أمكم تموت علشان أنقذ أخوكم. *بيشاور على كريم.* مش بإيدي عمرها كده.. أعمل إيه حاولت.. بتلوموني على حاجة مش بإيدي. زين نزل يجري على صوتهم. أحمد بيشاور عليهم كلهم: كنتوا فين أنتوا وأختكم كانت هتضيع مننا النهاردة!! كنتوا فين واحد نايم والتاني ساهران والتالت بيرسم...

كنتوا مستنيينها تضيع علشان تيجوا تلوموني.. وتقولوا أنا السبب.. أنت السبب أنت إزاي متنقذتش أختنا.. صح؟!! آسر مشي خالص ونور طلعت تجري وراه. زين: نور مالها حصلها إيه. أحمد: أختك كانت هتتخطف وستر ربنا اتلحقت. زين: حصل إزاي ده. أحمد: ناس طلعوا عليها وفيه واحدة لحقتها وهي دي اللي كانت عندها. زين: وطبعًا أديتها فلوس مقابل إنها أنقذت بنتك. أحمد: أيوة أديتها فلوس و... زين قاطعه بضحكة تريقة: وأنت دخلك عليك الحوار ده.

أحمد: قصدك إيه. زين: أقصد إن ده حوار بيتعمل اتنين يخطفوا وواحدة تنقذ وتبان إنها بطلة في الموضوع. نور: بس هي أنقذتني فعلاً وضربت اللي خطفوني. زين ضحك جامد: كمان ضربتهم لا دي تلقيها جامدة أوي. نور: أنت بتتريق. زين: أومال بتكلم جد.. فوقي يا نور دي ناس فاهمة وعارفة كويس أوي إزاي تنصب على الناس بالطريقة.. أنتي بس اللي متعاملتيش مع الناس دي وفاكرهم طيبين.

نور: هما طيبين فعلاً وقمر مش زي ما أنت بتقول قمر جدعة بجد.. أنت بس علشان متعرفهاش بتقول كده.. دول ناس جميلة أوي هي وليل وتونة. زين: تونة! تصدقي جعت. نور: لو كانت هنا كانت كلتك بجد. زين: مين دي. نور: تونة. زين: أنا طالع أنام علشان أنتي شكلك اتجننتي. _قمر عينها بتطق شرشر وجاية على جعفر وهو قاعد. جعفر: أهلاً بست الكل.. حاجة ساقعة يلا للست قمر.

قمر حدفت الشيك في وشه: لو فاكر إنك بفلوسك الحرام هتعرف تأثر على أخواتي يأثروا عليا تبقى غلطان.. أنت لو آخر راجل في العالم ولا حتى هبص في وشك.. حط الكلمتين دول حلقة في ودنك وافتكرهم قبل ما تحاول تقرب ليا أو لحد من أخواتي.. فاهم ومشيت. جعفر بعصبية: شوووووووووقي. شوقي: أوامرك يا معلمي. جعفر: نفذ اللي قولتلك عليه.. الليلة. شوقي: حاضر يا معلمي.

_قمر رجعت بتبرطم: كنت نقصانك أنا على الصبح يا جعفر الكلب أنت.. قال هاتولها حاجة ساقعة.. دا أنا عايزة أشرب قهوة على روحه إن شاء الله. ليل بتسخر: برافو.... روحتي ضربتيه ولا هزقتيه. قمر: يا نبي ياليل ابعدي عن دماغي أنا فيا اللي مكفيني. ليل: عرفتي بقى إن كل فرصة تجيلنا ترفضيها. قمر: أنتي تقصدي إيه؟ ليل: أقصد الشيك اللي مردتيش تاخديه.. وجعفر اللي بترفضيه وهو هيموت عليكي وقادر يعيشنا عيشة أحسن من دي.

قمر: أنتي اتجننتي عايزة تبيعيني لجعفر علشان تعيشي عيشة أحسن.. طب هتعيشي العيشة الأحسن إزاي دا فلوسه كلها حرام. ليل: مين قالك إنها حرام.. دا معلم وتاجر كبير. قمر: في المخدرات يا حبيبتي بيتاجر في المخدرات.. عايزني أتجوزه.. بلاش دي عايزني أرمي نفسي مع واحد أكبر مني ومتجوز مرتين. ليل: مش أحسن ما تتجوزي واحد بلطجي. قمر: ولا هي اتجوز دا ودا ما اتجوز الأحسن منهم. ليل: وأنتي فاكرة إن هيجيلك دكتور يعني..

قمر عينها اتملت دموع: أنتي شايفة إن أنا مستاهلهوش الدكتور.. عندك حق أنا واحدة طالعة من الإعدادية مكملتهاش حتى.. وببيع كبدة.. هيجيلي دكتور ليه.. دا أنا أحمد ربنا على المعلم إن هو قبل بيا.. عندك حق. ليل: أنا مقصدتش اللي فهمتي يا قمر. قمر: لا أنتي صح يا ليل أنتي صح.. أنا نازلة بقى أشوف عربية الكبدة.. عن إذنكم. ليل: أنا مكنش قصدي أزعلها.. تونة بصيت لليل ونزلت ورا قمر. تونة: أنتي بتعيطي.

قمر مسحت دموعها بسرعة: بيس يا هبلة أعيط إيه... مبعيطش. تونة حضنت قمر: متزعليش أنتي جميلة وهتتجوزي واحد جميل زيك.. وهي نجوزها لغدنفر المعفنة دي.