رواية حكاية نورين والجبالي الفصل التاسع 9 - بقلم دعاء احمد

نورين بفرحة: تعرف كان نفسي أشتغل مع بابا، بس هو طول عمره بعدني عن كل شغله. تعرف أسر ابن عمي يعرف حاجات في الشركة أنا معرفش عنها حاجة. مالك: المهم أي حاجة تصممها توريهالي، مش عايز شغل من دماغك. نورين: ماشين. مالك: يلا ننزل ناكل، أنا وقعت من الجوع. نورين: يلا. انتهى اليوم بسرعة بفرحة نورين عشان مالك صلحها، بس برضه كلامه لسه سايب أثر جواها مضايقها. تاني يوم الصبح بدري، نورين صحيت بدري بنشاط.

أخدت دش ولبست دريس أسود طويل واسع جميل وشيك. وطبعًا مع شعرها القصير مديها رونق خاص وجميل. مالك بنعاس: إيه النشاط ده كله؟ نورين: معلش، أصل ده أول يوم شغل ليا والمدير بتاعي صعب أوي. مالك: تمام. ماشي يا لمضة، هاخد دش وننزل سوا. بعد شوية نزل مالك ونورين. كاميليا: صباح الخير يا ولاد. نورين: صباح الورد يا كوكي. نوريم: انتوا خارجين؟ مالك: نورين هتشتغل معانا في الشركة. ماهر: بجد؟ صحيح، أنا معرفش انتي خريجة إيه؟

نورين: أنا يا سيدي مهندسة ديكور. قولولى هات موبايلك يا مالك. مالك: اشمعنى؟ نورين: هاثبتلك إني حريفة في شغلي. وفتحت صفحة على النت كنت بتنزل عليها الشغل بتاعها في كاليفورنيا. سيف بانبهار وصدمة: هو انتي؟ نورين: هو أنا إيه؟ ماهر أيضًا بصدمة: ملكة الديكورات المجهولة. نورين بفخر: أيوه. شغل بعمله بيكون لناس برايفت وبنزله على صفحات التواصل. يعني مفيش شركة تعرف مين المهندسة دي، عشان كدا طلعوا عليا الاسم ده.

مالك باستغراب: وفكري المنشاوي يعرف إن بنته هي صاحبة الشغل ده كله ومخليكيش تشتغلي معاه؟ نورين بضيق: فكري المنشاوي مش فاضيلي أصلاً. مالك: تمام. يلا بينا. سيلفا: مش هتفطروا؟ مالك: هنفطر برا. وانت يا ماهر وانت يا سيف خالص. واطلعوا على الشركة وأنا هحصلكم. سيف: انت مش رايح الشركة؟ مالك: لا. يلا يا نورين. خرجوا وركبوا العربية. نورين: انت رايح على فين؟ مالك: انتي عايزة تروحي فين؟ نورين: نفسى أقعد على البحر.

بعد شوية وصلوا عند مطعم على البحر. مالك طلب لهم فطار. نورين بفرحة كأنها طفلة: المكان حلو أوي يا مالك. مالك: بس انتي أحلى بكتير. نورين بتفكير: مالك. مالك: ها؟ نورين: هو مصير علاقتنا إيه؟ مالك: مش فاهم. نورين: يعني احنا دلوقتي متجوزين بطريقة غريبة ولأسباب أغرب برضه. نورين: عارف كل ما افتكر إنك اتجوزتني عشان تخليني أعوض عيلتك عن غياب سلمى ببقى حاسة إن في حاجة أنا معرفهاش ولسه هتفاجأ.

مالك: نورين، انتي عايزة تنهي العلاقة دي؟ نورين: ... مالك: أنا عارف إنه مكنش ينفع أجبرك على جوازنا. نورين: اللي حصل حصل يا مالك. كفاية. مالك: يلا عشان نروح الشغل. راحوا الشركة وكلهم مستغربين وجود سلمى في الشركة، لأن سلمى دكتورة، وحراجه، ومحدش يعرف عن جواز نورين بمالك ولا حد يعرف نورين أصلاً. نورين: فين مكتبي؟ مالك: انتي مالكيش مكتب. نورين: أومال هشتغل فين إنشاء الله؟ مالك: في مكتبي أنا. جهزت لك كل حاجة.

نورين: هو مكتبك هيسعنا إحنا الاتنين؟ مالك: ليه؟ انتي فاكرة أوضة مكتب؟ ده أنا حجاز خاص. نورين دخلت مكتبه وهي فاتحة بوقها من الصدمة. مكتب فخم جداً بالألوان الأبيض والأسود والأزرق، واسع جداً ومترتب بتنسيق شديد. مالك: اقفلي بوقك يا هبلة. نورين: ده كله مكتب يا ابن المفترية. مالك: وانتي فاكرة إن مكتب مالك صقر الجبالي عامل إزاي؟ ده مكتبك. يلا وريني شطارتك. بعد شوية سيف وماهر دخلوا عليه.

سيف: مالك، أنا هنزل المنتجع السياحي عشان أشوف وصلوا لإيه وأشوف كمان مهندسين الديكور عملوا إيه. طبعًا نورين سمعت من هنا وقامت على طول. نورين: مالك. مالك: أفندم. نورين: أنا ممكن أنزل مع سيف أشوف المنتجع ده، وأوعدك هاحضّرك شوية تصميمات تحفة. مالك: ليه؟ نورين: عشان مش هكون موجود ومضمنش أي تصرف غبي تعمليه. نورين: أوعدك مش هاعمل أي مصيبة. مالك بعد إصرار نورين وافق إنها تنزل مع سيف.

نورين: سيف، بقولك أنا هتجول في الموقع لحد ما انت تخلص شغلك هنا. سيف: ماشي، خلي بالك على نفسك. مالك مديني الوصايا العشر عشانك. نورين: والله انتوا عيلة فاضية، فاكرين إنكم مهمين وعليكم أعداء في كل مكان. سيف: يلا يا نورين، شوفي هتعملي إيه. برا الموقع. شخص: هي البنت دي؟ التاني: أيوه، هي. كمال بيه عايزها. ساغ سليم ومحدش يقربلها. الشاب: يلا يا سميرة، عارفة دورك.

سميرة: ماشي يا خويا، متزوقش، مع إن البت قمر ومتستهلش البيه بتاعك ده كمان. الشاب: انجزي يا أختي، إحنا مالناش نقول رأينا، اللي يتقالنا ننفذه. سميرة بضحكة مايعة: على رأيك، مدام هنقبض. ونزلت من العربية ودخلت الموقع. حارس البوابات: رايحة فين يا ست؟ سميرة بتمثيل: انت مجنون ولا إيه؟ يا فريدة شكري، سكرتيرة مالك بيه الجديدة. إزاي تمنعني من الدخول؟ لو كلمته دلوقتي هتبقى سنتك زفت.

الحارس بخوف: أنا آسف يا فندم، اتفضلي. أنا مقدرش على المشاكل مع مالك بيه. دخلت وهي بتدور على نورين لحد ما لقيتها. سميرة بخبث: مدام نورين. نورين: أيوه. سميرة: مالك بيه عايز حضرتك، هو برا قدام المنتجع وطلب مني أديلك. نورين باستغراب: مالك؟ ودا عايز إيه؟ ما إحنا كنا سوا من شوية. تمام، أنا هاخرجله. نورين خرجت عشان تشوف مالك. لسه بتخرج من البوابات في حد شدها جامد ودخلها عربية سودة. نورين: مااااااالك.

سيف خارج عشان يشوفها، مالقهاش، ولسه بيطلع على البوابة سمع صراخها. سيف بصدمة جرى عشان يشوفها، العربية جريت وبعدت عنه. راح راكب عربية وطالع وراهم. عند مالك كان عنده اجتماع، وجاله اتصال من سيف. مالك: قلت لك بلاش تاخد نورين معاك، أكيد عملت مشكلة. سيف: الحق نورين يا مالك. مالك بخضة: في إيه؟ سيف: في حد خطف نورين. أنا كنت وراهم بس اختفوا.

مالك سمع الكلام ده، حاسس إن الدنيا وقفت حواليه، لكن فاق من الصدمة وطلع يجري. كل الموظفين والمهندسين استغربوه. مالك الجبالي اللي دايماً يمشي بكل هيبته بيجري زي المجنون. عند نورين. نورين: سيبوني، سيبوني، انت وهو، وربنا لو مالك عرف بس إنكم لمستوا شعرة مني لايدمركم. كمال: اهدي يا نورين هانم واسمعيني الأول. نورين: انت؟ كمال بخبث: اسمعيني، أنا هنا عشان عايز مصلحتك. نورين: انت عايز مني إيه؟ وليه خطفتني؟ كمال: ...

نورين بدموع ووجع: لا يمكن انت كداب، مالك لا يمكن يعمل كدا معايا، لا يمكن. كمال: ... تاب، شوفي الفيديو ده كده والصور دي. نورين وهي بتسمع تسجيل بين كمال ومالك: كفاية، كفاية، حرام عليكوا. نورين: الصدمة كانت أكبر من أنها تقدر تستوعب أي شيء. نورين: أنا عايزة أمشي من هنا. كمال: صدقيني يا نورين، أنا عملت كل ده عشان لو كنت استنيت شوية كمان كان مالك الجبالي هيدمرك باللي هيعمله.

نورين كأنها اتشلت بعد كل اللي كمال حكاه، لأنه قتل جواها كل إحساس حلو عاشته واتمنته مع مالك. هو فعلاً قدر يدمر العلاقة اللي بينهم. نورين: عايزة أمشي. كمال: طبعًا، العربية هتوصلك للمكان اللي انتي عايزة. نورين بصريخ: ملكش دعوة بيا، أنا عايزة أمشي من هنا لوحدي. خرجت من الفيلا وهي بتفكر كل لحظة بينها وبين مالك. جوازهم الغصب. كذبته عليها في الأول لما قال إنها مراته وأنها فاقدة الذاكرة. يوم الحفلة. لما حضنها.

ولما كان دايماً يشيلها من على الكنبة وياخدها جنبه على السرير. وافتكرت الكلام اللي كمال قاله والفيديوهات والصور، وبقت بتموت. نورين بصرخة ودموع: ليه يا مالك؟ دا أنا حبيتك. بعد ساعة تقريبًا وهي بتمشي عشان تطلع على الطريق، وصلت لكشك. نورين: ممكن أستخدم التليفون لو سمحت. ... نورين: الواسر.

نورين: اسر، تعالي لي على إسكندرية وهات معاك الباسبور بتاعي وكل ورقي. هو في الشنطة اللي كنت جاية بيها من أمريكا، هات الشنطة بحالها وتعالى لي. اسر: ليه؟ نورين: احجز لي تذكرة على ألمانيا. اسر: نورين. نورين: لو سمحت. بعد ساعة ونص اسر وصل لنورين ولقاها قاعدة بتعيط بحرقة. اسر وهو بيحضن نورين: اهدي يا قلب أخوكي، مالك يا نورين؟ نورين: أنا حبيته وهو ميستهلش يا اسر. اسر: ... تاب، اهدي، اهدي واحكي لي. نورين: جبت الحاجة بتاعتي.

اسر: أيوه في العربية. نورين: حجزت لي تذكرة. اسر: أيوه، كمان كام ساعة. نورين: ... تاب، خدني أي فندق، عايزة آخد دش قبل ما أبعد عن البلد دي. نورين وأسر راحوا فندق. هي ظبطت نفسها وخرجت تاني مع أسر وراحت على المطار. نورين: اسر، خلي بالك على سارة، هي بتحبك بجد. اسر: لو تقولي لي بس إيه اللي حصل. نورين: مش مهم يا اسر، بس خلي بالك على الشغل هنا وعلى بابا. اسر باستغراب: أول مرة تهتمي بعمي فكري.

نورين: أصلي اكتشفت إن هو لو كان خاين فأنا عشت مع واحد أسوأ منه بكتير. بقولك امشي يا اسر دلوقتي. اسر: بس لسه فاضل تلات ساعات على الطيارة. نورين: لو سمحت يا اسر، امشي انت وأنا هتواصل معاك، خالص، كل حاجة هترجع لوضعها الطبيعي. اسر فعلًا مشي بعد إصرار نورين. عند مالك كان هيتجنن وهو بيدور على نورين ومش لاقيها. كنان: مالك، اهدا عشان نقدر نفكر. مالك: أهد إزاي بس؟ دي بقالها خمس ساعات مخطوفة وأنا هنا مش عارف مين اللي خطفها.

وسيم: شخص موثوق فيه وهو اللي بيجيب لمالك كل المعلومات المهمة. وسيم: مالك بيه، في معلومة لسه وصلني حالًا. مالك بلهفة: عرفت مكانها؟ وسيم: لا، بس عرفت إن أسر المنشاوي نزل إسكندرية مع كام ساعة. مالك: هو فين دلوقتي؟ وسيم: في فيلته اللي هنا. مالك خرج بسرعة وراح فيلا أسر اللي في إسكندرية. الحارس: مين حضرتك؟ مالك: بلغ أسر إن مالك الجبالي عايزه. الحارس: اتفضل، أسر بيه مستنيك. مالك دخل بسرعة لقى أسر قاعد وحاطط رجل على رجل.

أسر: أهلاً مالك بيه، جوز أختي وبنت عمي. مالك: نورين فين؟ أسر: أوعى تكون فكرتني غبي يا مالك. من أول يوم نورين كانت في فيلتك وأنا عارف إنها عندك. مالك: كنت عارف إني اتجوزتها. أسر: تفتكر أسر المنشاوي هيسيب بنت عمه تخرج من الفيلا من غير تليفون ولا أي وسيلة اتصال، وكمان معرفش هي فين؟

من أول يوم وأنا عارف إنها معاك. ولما اتجوزتوا، منكرش إني فرحت عشان أنا عارف إن مالك صقر الجبالي راجل لا يمكن يظلم حد معاه. لكن تدمر حياة نورين، ده اللي عمري ما هسمح لك بيه. بس أنا دلوقتي متأكد إن في سوء تفاهم، عشان كده عايزك تروح لها وتحل الموضوع. مالك: هي فين؟ أسر: نورين في المطار، وكلها نص ساعة وتكون في الطيارة وخارجة بره مصر. لو بتحبها روح الحقها. مالك بسرعة خرج من الفيلا وهو رايح المطار. فجأة جاله اتصال.

الدكتور: مالك بيه، الحق سلمي هانم في خطر ولازم ندخل عمليات ومحتاجين حضرتك حالًا. مالك بسرعة: أنا جايلك حالا، اعمل كل المطلوب لسلمى. وفجأة بقى فيه نارين، أخته اللي بتموت، ومراته اللي هتضيع منه للأبد. راح بسرعة المستشفى. بعد سنتين......... بعد سنتين في ألمانيا

في صالة ملاكمة تقف نورين بملابس رياضية وتلعب الملاكمة بكل قوتها، كأنها تفرغ طاقة غضب وانكسار. لا ترى أمامها خصمها، ولكن ترى مالك الجبالي، ذلك الذي أحبته وكانت نهاية علاقتهم الفراق. الفراق قاتل، ولكنه يعلمنا كيف نكون أقوياء. يهتف الجميع باسم نورين، ولكنها لا تبالي. المدرب: Spiel ist aus. انتهت المباراة. نورين: Verzeihung. آسفة.

لتترك خصمها وتنزل من حلبة الملاكمة وهي في شدة غضبها. فطول تلك السنتين لم تفارق صورته خيالها. في غرفة تبديل الملابس تجلس نورين وهي تمسح عرقها وتفكر به. ليرن هاتفها. نورين: الواسر. نورين: اسر، حفلة تكريم أفضل شركات الهندسة بعد بكرة. مش ناوية تنزلي مصر بقى؟ نورين: طيارتي كمان أربع ساعات وهكون في مصر. اسر: في خبر لسه وصلني عن مالك الجبالي حالًا. لا، لا يا قلبي، متدقيش، ده سبب في كسرتك. لسه عندك قه في الإحساس.

نورين: مالك؟ اسر: مالك هيخطب بكرة. نورين: هههههه، بجد؟ مبروك. لازم طبعًا أباركله بنفسي، ده برضه كان جوزي. تمام يا اسر، هاكلمك تاني.

نورين في السنتين دول اتحولت بالكامل. صحيح نفس الملامح ونفس العيون الجميلة والشعر القصير، لكن بقت شخصية مطفية، مش زي نورين المرحة والمجنونة الحمقاء. نورين بقت سيدة أعمال من الطراز الرفيع، أبهرت الكل بشغلها، وخصوصًا بعد ما الكل عرف إنها ملكة الديكور المجهولة. وشركات المنشاوي بقت منافسة لشركات الجبالي بقوة. اللي حصل في السنتين

نورين بعد ما اتكلمت مع كمال سافرت ألمانيا من غير حتى ما تقابل مالك لآخر مرة، وبقت تكره نفسها لأنها بجد حبته. كمان رفعت قضية خلع وكسبتها وانفصلت عن مالك. كمال بيحاول يقرب من نورين عشان يكسر مالك للأبد، لأنه عرف إن مالك بيحبها بجد. مالك بعد ما عرف إن نورين سافرت كان هيروح وراها، بس في نفس الوقت سلمى حالتها كانت خطيرة وكان لازم يروح المستشفى ضروري. وبعد كده بدأ يكره نورين لأنها سابته وسافرت من غير سبب وسابته.

سلمى فاقت من الغيبوبة ورجعت لماهر. كنان ورنيم ارتبطوا بشكل رسمي. سارة وأسر خلفوا ياسين. في قصر الجبالي كان كئيب، لا يوجد به تلك الروح التي أضافتها نورين في تلك الفترة الصغيرة التي قضتها معهم. بالرغم من وجود شبيه لها، ولكنها ليست مثلها أبدًا. ربما في الشكل هما نسخة واحدة، ولكن في الطباع مختلفان تمام. سلمى هادئة جدًا، أما نورين مجنونة، حمقاء، وطيبة للغاية.

في مكتب مالك، يجلس على كرسيه بهيبته المعتادة، ولكن بملامح باهتة، وهو يمسك الكاميرا الخاصة بنورين وينظر لصورها. كم هي مجنونة تلك الحمقاء، ولكن ابتسامتها جميلة جعلتني أسيرًا لها طوال تلك السنتين. مالك في نفسه: ليه مشيتي؟ لو كنتي استنيتي شوية كنت هعلن جوازنا. بس انتي متستاهليش إني أفضل أحبك. يدخل عليه ماهر. ماهر: لما انت لسه بتحبها ليه، مرجعتش ليها وخليت المشكلة اللي بينكم؟ وكمان بتجهز لخطوبتك؟

مالك بجمود: عايزني أعمل إيه؟ أروح أترجاها ترجع وهي اللي مشيت بمزاجها. ماهر: مالك، انت مصدق الكلام ده؟ سيف: في اليوم اللي اختفت فيه، قالك إن هي اتخطفت. محاولتش تعرف مين اللي عمل كده ولا إيه اللي حصل؟ خلاها تمشي. مالك: خلاص الكلام. ماهر: ماشي يا مالك، بس خلي في علمك إنها نازلة مصر النهاردة، وعندها اجتماع في الشركة. وسيم بلغني إن طيارتها هتوصل كمان ساعتين. ليتركه ويخرج.

يتركه في بحر أحزانه، ولكن فجأة يقوم ويخرج من المكتب، بل من القصر بأكمله. في القصر. سلمى: ماهر، هو مالك خرج؟ ماهر: أيوه يا حبيبتي، راح لها. سلمى: بجد؟ إيش عرفك؟ ماهر: أنا حافظ مالك. سلمى: تعرف إن نفسي أشوف البنت دي. ماهر: كأنك بتشوفي نفسك في مراية بس بشعر قصير. بعد ساعتين في المطار، تخرج نورين من المطار وتخلع نظارتها وتنظر للمكان. نورين لنفسها: في البلد دي شوفت أيام جميلة وأيام سيئة. يا ترى إيه اللي مستخبي؟

ينظر لها من بعيد، لم تتغير ملامحها كثير، ولكن تبدو أقوى من ذي قبل. كم هي جميلة، ولكن تبدو هي أيضًا حزينة. ذهبت للشركة وأنهت عملها وعادت إلى قصر المنشاوي برفقة أسر. أسر: اتغيرتي أوي يا نورين. نورين: للأحسن ولا الأوحش؟ أسر: لو من ناحية الشغل للأحسن بكتير، لكن من ناحية نورين البنت اللطيفة، لا يا نورين، بقيت قلبك جامد ومشاعرك باردة. نورين: البركة فيه.

لتدخل إلى القصر وترحب بها سارة، دادة فاطمة، وذلك الطفل ياسين، ابن أسر وسارة. تسريع الأحداث. تاني يوم بالليل. نورين بتجهز نفسها لخطوبة مالك. لبست فستان أزرق واسع وضيق من الخصر واصل لحد الركبة، وعقد من الفيروز، وخاتم ألماس، وبيرفيوم جذاب ومكياج جميل. ونزلت عشان توصل للخطوبة.

في قصر الجبالي، كان واقف يظبط الجرافته وافتكر نورين لما راحوا سوا واشتروا ليهم لبس، وهي خليته يلبس تريننج ويمشي بيه في الشارع عادي، مع إن مالك الجبالي دايماً بيكون رسمي. بعد فترة كان وقت تلبيس الدبل. دخلت نورين بجاذبيتها وشياكتها التي تضاهي العروس نفسها، مما جعلها ملفتة للأنظار. تدخل وعلى وجهها ابتسامة ساحرة، وتتجه ناحية مالك وتلك التي تجلس بجانبه خطيبته. نورين مسكت المايك: هالو إفري بادي. مالك بصدمة، نظر لها.

نورين: ألف مبروك يا مالك بيه. صحيح، أحب أعرفكم بنفسي، نورين فكري المنشاوي. لينظر الجميع لها بدهشة، فهي سيدة الأعمال الأشهر على الإطلاق في أوروبا، ومعظمهم لم يروها من قبل. مالك بحدة: إيه اللي جايبك؟ نورين: جايه أبارك لك يا عريس. مالك: وليه مشيتي؟ تلالت عينيها بالدموع وهي تتذكر كل حرف قاله كمال. نورين بضحكة ساخرة: مشيت عشان أتقي شرك. ونظرت لخطيبة مالك.

نورين: ألف مبروك، بس ياريت خلي بالك على نفسك منه، بدل ما تتكسري زيه. سلمى راحت وقفت قصادها، مش مصدقة قد إيه نورين شبهها. سلمى: انتي إزاي شبهي كده؟ توجه نورين نظرها لسلمى. نورين: أسوأ شيء حصل لي إنني شبهك، بسببك أنا حياتي اتدمرت. رنيم بفرحة: نورين! انتي كويسة؟ ليه مشيتي؟ وإيه اللي خلاكي تمشي؟ نورين: إزيك رنيم؟ انتي إيه أخبارك؟ رنيم: أنا وكنان اتخطبنا. نورين: مبروك. رنيم: وسيلفا وشريف هيتجوزوا كمان أسبوع.

نورين: ربنا يوفقكم. نورين بتسرع وكذب: أنا كمان اتخطبت. الكل بصدمة: إيه؟ نورين: اتخطبت. إيه؟ مفيش مبروك؟ مالك بغيرة قاتلة: انتي مراتى. لتضحك بصوت عالي ساخر: مراتك يا شيخ، حرام عليك، ده انت بتخطب. رنيم: واتخطبتي لمين؟ نورين: كمال الدسوقي. مالك اتصدم فعلاً، يوم ما تتقرر الجواز تتجوز عدوه. سلمى بسرعة: انتي مجنونة؟ كمال ده واحد حقير، ده كان عايز...

وفجأة انهارت في البكاء وهي تتذكر ما كان سيفعله كمال لولا إرادة الله أنقذته. ليحملها ماهر ويأخذها لغرفتها. نورين مشيت وهي مش فاهمة كمال عمل إيه لسلمى عشان تنهار كده، بس افتكرت لما مالك قالها إن كمال كان سبب في دخول سلمى في غيبوبة. وبصدمة، هو ممكن يكون كل اللي كمال قاله كذب، بس الفيديوهات والتسجيل.