رواية حكاية نورين والجبالي الفصل الثامن 8 - بقلم دعاء احمد

مالك بصوت عالي نسبياً. طلاق، بتحلمي يا نورين، انتي ملك مالك الجبالي ومش هسيبك، وخلي في علمك إني هتجوزنا وهتفضلي مراتي طول العمر، واسكتي بقى بدل ما أكسر نفوخك قدام الناس. نورين. برضه هتطلقني يا مالك؟ انت فاكرني هعيش مع واحد زيك ليه؟ مختلة عقلي؟ مالك بضحكة. أيوه. ولا نسيت؟ نورين. ده انت مستفز. الأغنية خلصت ونورين سابت مالك وهي متضايقة من بره، لكن من جواها مبسوطة أوي عشان مالك مصمم إنه يخليها مراته وميطلقهاش. رنيم.

نورين يا نورين. نورين. نعم. رنيم. عايز يقابلني بكرة. نورين. كنان؟ رنيم. هو في غيره؟ نورين بغمزة. العب، هي الصنارة غمزت. رنيم. مش عارفة، بس حاسة إن قلبه مال. نورين ضحكت. يعني؟ رنيم. ضحك يعني قلبه مال، يعني هنشبك قريب. رنيم بلهفة. يارب. نورين. بقولك إيه، متغني. رنيم. أيه؟ أغني قدام كل دول؟ رنيم. وإيه المشكلة؟ نورين. مش عارفة، بس أخاف، ده أنا بغني دايماً لوحدي، أو مع سارة. رنيم.

متخافيش، وعلى فكرة صوتك جميل أوي، رائع، صدقيني. نورين. طب هغني إيه؟ رنيم. أي حاجة تحبيها. نورين بابتسامة وهي بتبص لمالك. تمام، في أغنية عايزة أغنيها. رنيم بسرعة راحت واقفة على المسرح. لو سمحتوا، النهاردة هقدملكم موهبة جديدة، صوت رائع وجذاب جداً، يا ريت ترحبوا بـ... نو... سلمي صقر الجبالي. الكل سقف لنورين، وهي ابتسمت وراحت خدت المايك وقالت للفرقة على الأغنية والموسيقى بدأت. نورين بابتسامة وصوت عذب جميل.

مش قادرة لسه أصدق إنك بقيت معايا وخلاص، كل اللي ياما حلمت بيه بقى بين إيديه. مش عايزة حاجة تانية، خلاص حبك كفاية، وأحلم وأتمنى إيه من الدنيا؟ ده انت كتير عليا. ربنا يخليك لقلبي، تبقى طول العمر جانبي. كل ما أسمع حاجة عنك بعرف إني اخترت صح. كان لقانا أحلى صدفة، ياللي جنبك ببقى عارفة. من حسن حظي إني قابلتك، تقدر تقول جيتني في وقت. وأنا كنت قبلك مش عايشة، ودلوقتي هعيش. ياما عليك كنت بدور، وبجد مش قادرة أتصور.

لو عمري عدى قبلك ومقابلتنيش. ربنا يخليك لقلبي، تبقى طول العمر جانبي. خلصت الأغنية والكل سقف ليها، أمها كانت مركزة مع مالك وهو كمان، وخصوصاً لما قالت "كان لقانا أحلى صدفة". نورين ابتسمت وسابت المايك وراحت وقفت جنب ماهر عشان تغيظ مالك أكتر. ابتسمت نورين وهمس لماهر. بصي يا ماهر، أنا عايزة أولع في مالك وأخليه يندم على قراره إنه ينكر جوازنا، فممكن تساعدني؟

ماهر استغرب إن نورين خدت عليه أوي، وهم لسه عارفين بعض إمبارح، لكنه ابتسم عشان هو نفسه مالك يعترف بحب نورين. ماهر. تمام، عايزني أعمل إيه؟ نورين. بصي... ماهر. انتي عايزة يق*تلني؟ نورين. تباً للجبناء، إيه يا ماهر؟ انت لازم تساعدني. ماهر. انتي بتحبيه؟ نورين بصراحة مطلقة. بصي، معرفش، بس أنا بطمن ليه وبن يرتاح ليه أوي، لما بعيط بياخدني في حضنه. أقولك حاجة، بيفكرني بماما أوي. ماهر. تمام، هساعدك.

نورين قربت منه بسرعة وب*استه من خده، وهي متأكدة إن مالك واقف هيتشل من الغيرة. أم ماهر اتصدم من نورين ومن جنونه. ماهر. هساعدك، بس بلاش جنان بالله عليكي عشان مالك ممكن يقت*لك. نورين. تمام. ماهر راح الاستيج ومسك المايك. مساء الخير يا جماعة، بصراحة في حاجة عايز أقولها دلوقتي لحبيبة قلبي سلمي. ماهر بصدق مش بس تمثيل، زي ما اتفق مع نورين. سلمي، انتي أغلى حاجة عندي في الدنيا دي، أدفع عمري كله وأعيش لحظة معاكي، انتي عمري كله.

بحبك وبعشقك من زمان أوي، من أيام ما كنتي في ابتدائي. بحب طيبتك، بحب أبص في عيونك، بحب قربك، والله العظيم بحبك. تسمحيلي بالرقصة دي؟ نورين حسّت بصدق ماهر في كل كلمة قالها لسلمي، واتمنت إن سلمي تفوق وترجع لماهر. نورين بابتسامة جميلة قربت من ماهر وهي بتبص لمالك. أنا كمان عايزة أقول حاجة. أنا معرفش يعني إيه الحب، بس الأكيد إني بطمن في وجودك، بحب قربك، بحب حضنك، بحس معاك إني مطمنة أوي.

حتى خنا*قاتنا بحبها أوي وعايزة أكمل معاك لآخر العمر. ماهر نسي إنها نورين مش سلمي. حضنها جامد ولف بيها قدام مالك وكل العيلة والضيوف. لكن فجأة سابها. ماهر بهمس. آسف، أنا بجد مكنتش أقصد. نورين بابتسامة متفهمة. ولا يهمك. وفجأة الإضاءة انطفت وركزت على نورين وماهر، ورق*صوا سوا. مالك بقى خالص هينف*جر من نورين، وبجد مش قادر يستحمل. خلصوا. الحفلة تقريباً انتهت والناس بتمشي. مالك شد نورين بسرعة وغضب وهو مش شايف قدامه. كاميليا.

مالك مالك؟ ... وكمل طريقه وسحب نورين وراه وهو على وشك الانفجا*ر بجد. نورين بدأت تتشاهد وهي ماشية وراه وبتحاول تسحب إيديها منه، بس بدون أي فايدة. سيف. ليه كدا يا ماهر؟ كان لازم تعمل كدا؟ اهو دلوقتي احتمال يقت*له. ماهر. صدقني، أنا كل كلمة قصدت بيها سلمي مش نورين، وقولتلها إن ده خطر لأنها متعرفش غضب مالك. ولما حضنتها كان في دماغي سلمي. كاميليا. ربنا يستر. في جناح مالك. زق نورين وقفل الباب بالمفتاح. نورين بخوف. في إيه؟

ولكن فجأة صف*عها مالك بقوة شديدة، جعلتها تسقط وهي لا تعي ما يحدث. نورين بدأت تنز*ف من بوقها، وبتعط بقهر وانهيار، فلم تكن تتخيل حتى بأحلامها إنه سيفعل ذلك. مالك بصوت عالي كفحيح الأفعى. انتي واحدة خاينة وزبا*لة، أنا مكنتش أتخيل إنك تتجرأي وتبو*سي واحد متعرفيهوش، وواضح إنك متعودة، وده عادي عندك يا آنسة؟ ولا آنسة إيه بقى؟ ما انتي كنتي عايشة برا مصر، متوقع منك إيه؟ تبقي شيخة؟

نورين انصدمت من كلامه وحست إنها خدت ضربة جديدة، كل مرة حد يخذلها. نورين قامت وقفت ومسحت دموعها و*دمها وبتتكلم ببرود. وإيه اللي يضايقك؟ حتى لو زي ما انت بتقول، هتفرق معاك في إيه؟ مالك للأسف كنت فاكرك إنسان نضيف، بس انت كمان زيه. نورين. بكرة الصبح هنروح لأي ماذون وتطلقني، وعايزة تنشر في الصحافة وتدمر شركات أبويا، اعملها. وقول إن بنت المنشاوي هربت يوم فرحها عشان تتجوز واحد تاني، وإنها د*مرت سمعة عيلتها.

عارف يا مالك، أنا بك*رهك. سابته وراحت تاخد هدوم من الدولاب وراحت الحمام، وأول ما قفلت الباب بكت بحرقة ووجع وفضلت وقت طويل في الحمام تعيط. نورين لنفسها. عجبك كدا يا نورين؟ بقى دا اللي اتجوزتيه؟ هو ده؟ كنتي فاكرة هيحبك ويعوضك عن حنان أبوكي؟ انتي غبية أوي يا نورين. سيبيه وامشي يا نورين، ده ميستاهلش تكوني معاه. عند مالك. خرج بغضب من الجناح وراح لجناح ماهر. مالك بزعيق. انت إزاي تسمح لنفسك تحضن مراتي يا ماهر؟ ماهر.

مالك، اهدي واسمعني كويس. نورين بتحبك وكانت عايزة كده عشان تغير، مش أكتر، وده كله اتفاق مش أكتر. مالك بصدمة. إيه؟ بتحبني؟ ماهر. أيوه، أوعي تأذيها يا مالك، لأنها بجد تستاهل حد يحبها عشان هي طيبة أوي. مالك بيوبخ لنفسه. أنا عملت إيه؟ إزاى أعمل كدا؟ كان لازم أسمعها الأول، أكيد هي بتكرهك دلوقتي. وساب ماهر وخرج. أخد العربية وبيلف بيها وهو متضايق.

نورين أخدت دش سخن ولبست بيجامة بيضاء وراحت نامت على الكنبة وهي مش طايقة أي حد ولا عايزة تتكلم. في مكان تاني. كمال. عجباني أوي يا مراد، دي مزيونة، جميلة ورقيقة أوي وصوتها يلهوي، دي عدت سلمي بمراحل، دي متستاهلش واحد زي مالك، ده دي عايزة واحد يقدرها زيي. مراد. يعني إيه؟ كمال. أنا عايز نورين بس تكون مراتي، مش زي ما كنت هعمل مع سلمي. مراد. تتجوزها؟ كمال. يا ريت، بس ده عايز تخطيط.

عايزها تكره مالك وأكون في عيونها أنا البطل. مراد. أنا عندي فكرة تخليها تكره وتقرب منك. كمال. إيه؟ مراد... كمال. يخربيت عقلك، دي مش هتكره، بس دي احتمال ت*ولع فيه. كمال في التليفون. أيوه يا ابني. شخص. أهلاً يا باشا. كمال. عايزك تجيبلي نورين المنشاوي في أسرع وقت. الشخص. تومر يا باشا على المخزن. كمال. لا، على الفيلا القديمة. ينهي اتصاله ويبتسم بخبث وهو على مشارف تدمير مالك الجبالي. عند مالك.

فضل يلف بالعربية وهو متضايق من نفسه ومن غضبه اللي بيدمر كل حاجة. رجع الفيلا الساعة اتنين بالليل. دخل جناحه، لقى نورين نايمة على الكنبة وعيونها مدمعة. مسك إيديها. مالك. أنا آسف، صدقيني، بس أنا بغير عليكي. وحمل نورين ونايمها جنبه على السرير وغمض عينه وراح في النوم. مالك رجع القصر الساعة اتنين بالليل. طلع جناحه لقى نورين نايمة على الكنبة. مسك إيديها وهو ندمان على الكلام اللي قاله. مالك.

ياريت تسامحيني يا نورين، أنا عملت كدا عشان بحبك، مقدرش أشوفك قريبة من حد غيري. أنا معرفش إزاي قولت كدا، بس أنا لما بتعصب مبعرفش بقول إيه، واللي قولته كان بسبب حبي ليكي. يا رب تسامحيني. وقام شالها وراح على السرير نام واخدها في حضنه وراح في النوم. الصبح. نورين صحيت وهي حاسة بإيد محاوطة خصرها. وبتفتح عينيها، لقت مالك حضنها. نورين زقته جامد وبعدت عنه. هو صحي مفزوع. نورين بزعيق. طلقني. مالك.

اخرسي، وكلمة طلاق مسمعهاش تاني، أظن فاهمة. نورين. هتطلقني يا مالك؟ أنا بك*رهك. بكرهك. مالك. كذابة يا نورين، انتي بتحبيني. نورين بضحكة سخرية. أحبك؟ يوم ما أحب أحبك انت يا مالك بيه؟ أنا مبكرهش في حياتي قدك. في الأول كنت بكره بابا عشان خان ماما وكان سبب في مو*تها، ودلوقتي بكرهك عشان انت كمان واحد زبالة وحقير. ولو حبيتك للحظة واحدة، فأنا بكرهك دلوقتي أضعاف مضاعف. مالك.

لو قولتيها ميت مرة عمري ما هصدقك، لأنك لو مش بتحبيني مكنتش اتفقتي مع ماهر عشان تشوفي إذا كنت بغير ولا لأ. نورين وهي تهم بالخروج من الغرفة. طلقني يا مالك. لتخرج وتتركه واقفاً. نورين نزلت وهي حزينة ونفسها تخرج من الفيلا وترجع كاليفورنيا وتنسى كل حاجة وترجع لأيام ما كانت عايشة لوحدها قبل ما تعرف مالك وقبل ما تحبه. أيوه، هي دلوقتي اعترفت إنها بتحبه، بس هيفرق إيه إنك تكون مع إنسان مبتحترمش؟ والحب أساس بيبدأ بالاحترام.

كلهم كانوا قاعدين على السفرة مستنين مالك ينزل عشان يشوفوا مالك عمل إيه مع نورين. رنيم. نورين انتي كويسة؟ نورين... نورين مشيت من غير ما ترد، وراحت قعدت في الجنينة وهي عايزة تخرج بس عارفة إن مالك مانع خروجها من القصر. رنيم. هو عمل إيه يا ماما؟ دي مش بترد. كاميليا. الله أعلم يا بنتي، بس انتي عارفة أخوكي لما بيتعصب مبيشوفش قدامه. ماهر. أنا السبب، كل ده بسبب. مالك نزل ببرود ولا كأنه عامل حاجة. مالك. صباح الخير.

الكل بصوا له باستغراب، واللي هو ليك نفس تنزل عادي ولا كأنك عامل حاجة؟ مالك. مالكم؟ في إيه؟ نورين فين؟ كاميليا. قاعدة في الجنينة، مالك انت عملت إيه لنورين؟ مالك. ماما لو سمحتي، دي حاجة بيني وبين مراتي ومش عايز حد يتدخل. ومشي. كاميليا. مش هتفطري؟ مالك. ماليش نفس، هاروح الشركة، يلا يا ماهر وانت يا سيف. خرج وبص لقى نورين قاعدة عند البسين وسرحانة. تنهد وخرج. ماهر. مالك، نورين مالها؟ مالك بجمود.

أظن قولت، دي حاجة تخصني أنا ومراتي ومش عايز حد يتدخل. راح الشركة. نورين قعدت تعيط وهي نفسها يجي يصلحها وهي هتسامحه، بس هو مشي ببرود. بعد ساعتين. مالك. ألو، أيوه يا سيلفا، بقولك عايزك تشغلي نورين ومتخليهاش تدخل الأوضة بتاعتنا لحد ما أكلمك تاني. سيلفا بفرح. ماشي يا ابيه، من عنيا. وقفلت معاه. عند نورين. سيلفا. نورين، بقولك أنا عايز اكي تساعديني في كام حاجة كدا. نورين بابتسامة باهتة. ماشي يا ستي، عايزة إيه؟ سيلفا.

انتي عارفة إني مخطوبة وكده، كنت عايزة تيجي معايا أوضتي، هفرجك على كام حاجة جايباهم وتقوليلي رأيك بما إنك متجوزة وكده، بصي بصراحة رنيم مش هتعرف، هي كمان سنجل وماما انكسف شوية منها. نورين في نفسها. وحياتك أنا سنجل أكتر منكم، بس على الله. نورين. ماشي، يلا. وراحت مع سيلفا وقعدت تفرز معاها الحاجات اللي سيلفا جايباها، وهي حاسة إن سيلفا عايزة تضيع وقت مش أكتر. نورين. كده خلاص، أنا هاروح أوضتي عشان تعبانة شوية. سيلفا. تمام.

وبسرعة رنت على رنيم. سيلفا. دورك يالا. رنيم. تمام. رنيم. نورين. نورين. أيوة. رنيم. أنا خارجة مع كنان النهاردة ومش عارفة ألبس إيه، وكمان عايزاكي تظبطيلي مكياج. نورين. ماشي، يلا تعالي نروح نشوف هنختار إيه. دخلت أوضة رنيم وراحت على الدولاب. نورين. انتوا هتتقابلوا الساعة كام؟ رنيم. خمسة. نورين. يعني بالنهار، مش لازم فستان، إيه رأيك في لبس كاجوال؟ رنيم. أعتقد هيبقى حلو عليا.

نورين كل شوية تختار حاجة وهي ترفض عشان تضيع الوقت، لحد ما اختارت بنطلون جينز أزرق واسع وبلوزة فيروزي بكمام طويلة وشال وردي. كانت جميلة جداً. مالك اتصل على سيلفا وقالها خلاص كدا، ممكن تسيبها. سيلفا اتصلت برنيم وبلغتها. نورين. في إيه؟ رنيم وهي بتقفل مع سيلفا. لا مفيش. نورين. تمام، أنا هاروح أنام شوية عشان تعبانة أوي. رنيم. ماشي، اتفضلي. نورين راحت أوضتها وأول مادخلت اتصدمت. في شركة المنشاوي.

آسر قاعد مشغول وهو بيتكلم مع المهندس. آسر. لازم التشطيب يخلص على المعاد المحدد يا باشمهندس سليم. سليم. هو فعلاً مفضلش غير حاجات بسيطة والمنتجع يتشطب بالكامل. آسر. تمام، وعايز مهندسين الديكور يبدأوا في شغلهم عشان ننتهي على التسليم. تليفونه رن. آسر. ألو، أيوه يا داده فاطمة، في إيه؟ دادة فاطمة بلهفة. الحق الحق يابني، سارة اغمى عليها وبحلول تفوقها مش بتفوق. آسر. أنا جاي حالا وهبعت دكتور.

آسر سمع الكلام ده اتنفض جرى برا الشركة وأخد العربية وساقها بسرعة جداً. وصل أخيراً على القصر. آسر. سارة، سارة. دادة فاطمة. الدكتور فوق عندها يا ابني. آسر بسرعة طلع لسارة وهو هيتجنن عليها. آسر. مالها يا مصطفى؟ دكتور مصطفى. متخافش، هي كويسة، بس لازم تتغذى كويس عشان هي ضعيفة جداً، وده مش كويس لحالتها. آسر. مالها حالتها؟ دكتور مصطفى. مبروك يا بشمهندس، المدام حامل. آسر بفرحة. حامل بجد؟ دكتور مصطفى.

أيوه، دي شوية أدوية لازم تاخدها ولازم تتغذى كويس وترتاح الفترة الجاية، وإن شاء الله خير، ولازم تعدوا عليا في المستشفى عشان نقوم باللازم. آسر. حاضر يا دكتور، وشكراً. الدكتور مشي وأسر حاسس إنه أسعد إنسان على الكوكب. آسر قرب من سارة وحضنها جامد. مبروك مبروك يا حبيبتي. سارة بفرحة. هبقى ماما، وانت بابا. آسر. أحلى ماما في الدنيا. سارة. بحبك يا آسر. آسر. وأنا بعشقك. في فيلا الجبالي.

نورين دخلت الأوضة وكانت متزينة بالورد في كل مكان. دخلت لقيت علبة على التربيزة وعليها ورقة، فتحتها وبدأت تقرأ. "آسف، عارف إن دي أول مرة أعتذر لحد، بس انتي مش أي حد، انتي أغلى حد عندي. أنا عارف إن كلامي كان صعب، إنك تنسيه، بس انتي قلبك أبيض ومجنونة. أنا آسف يا بنت المنشاوي." فتحت العلبة لقيت فيها كاميرا أحدث موديل، وهي طبعاً من عشاق التصوير، مسكت الكاميرا وبدأت تركبها. فرحت جداً بيها.

ولقيت علبة تانية فيها شوكولاتة، كل الأنواع اللي بتحبها. مسكت الكاميرا وبدأت تصور، وفجأة لقيت مالك قصادها. مالك بابتسامة جميلة. عجبتك؟ نورين. جاي تصالحني بكاميرا؟ مالك. عشان عارف إنك بتحبيها. نورين. هصالحك، بس بشرط. مالك. أومري. نورين. إنزل اشتغل معاك في الشركة. مالك بتفكير. بس دا خطر. نورين. ليه؟ مالك. عشان أنا عندي أعداء كتير، وجايز يحاولوا يأذوكي. نورين بسخرية.

يا عم، محسسني إنك حد مهم أوي، كل شوية أعداء وبودي جاردات كتير، مش عارفة ليه. مالك. ماشي، هننزل سوا من بكرة. نورين. هتنبهرفي. في فيلا الدسوقي. كمال. يعني كدا الصور اتظبطت على الصوت؟ فوتوشوب؟ كدا أحسن، حد بتاع جرافيك عمره ما هيعرف إن دي تركيب. والصوت؟ مطابق، حتى اسمع. سمع ذلك الصوت ويبتسم بخبث وهو ينوي على تدمير مالك الجبالي. كمال. بس دي مصورة، يعني بتفهم في الشغل ده. ممكن تعرف إن ده تركيب. الشاب.

عيب عليك يا باشا، ده على جث*تي إنها تعرف.