رواية حكاية ورد الفصل الثامن 8 - بقلم كوكي سامح

روح.. تعالى معايا على الڤيلا المهجورة. جلال.. يلا. وخد روح ومشى معاها لحد الڤيلا المهجورة. وكانت بتتكلم معاه طول الوقت بكل تلقائية لحد ما وصلوا عند شجره الفل الدبلانة. روح.. هى دى الشجره. أنا عرفت إن ورد مدفونه تحتها. جلال.. أنا هحفر وأشوف لو بتكذبي. روح.. أنا مش بكذب، صدقني. بص فوق كده شايف الغرفة اللي فوق دي؟ فيها شاشه كبيرة. شوفت فيها كل اللي حصل من أول لما المشكلة بدأت لحد ما الراجل دفن الست في الحفرة دي.

مع إن البنت كانت بتقول إن ورد هي اللي مدفونة. جلال.. بنت مين؟ روح.. ما أنت متعرفهاش. أنا بس اللي أعرفها. يلا بقى احفر الأول وكل حاجة هتبان. جلال.. احفر بإيه حضرتك؟ روح.. طيب استنى أنا هرجع الفيلا أجيب من عم حمزة الفأس. جلال.. بسرعة. روح سابته وراحت جابت الفأس ورجعت في دقايق. جلال خده منها وفتح فلاش الموبايل وابتدى يحفر مكان ما روح قالت. ويحفر ويحفر ويحفر. جلال.. أنا تعبت والله. روح.. يا عم أنجز.

جلال.. أنا بني آدم لازم أستريح. روح.. أنا مش ورد ها؟ جلال.. أنا هكمل حفر لما أشوف آخرتها معاك إيه. وكمل حفر. جلال.. إيه ده، في حاجة ظهرت؟ روح.. إيه؟ طلعت ورد؟ جلال وطى وقرب فلاش الموبايل وقرب وقال: أنا لازم أنزل الحفرة. روح.. لا بلاش تتعور. جلال.. متخافيش. ونزل جلال وشاف هيكل عظم من سنين وقال: من الواضح كده إني هصدقك. في هيكل عظم وواضح إنه من سنين. روح.. هيكل عظم بس؟ جلال.. وفيه حاجة غريبة جنبه. روح.. في إيه؟

جلال.. هدوم. وخد الهدوم وطلع وقال: الهدوم دي لصاحبة الجثة أكيد. روح قالت وهي مرعوبة: أيوة، أيوة. الهدوم أنا شوفتها وعارفها كويس. جلال.. بتاعت مين؟ انطقي. روح.. هات الهدوم كده. ومدت ايدها وخدتها ووقع منها ورقة قديمة أوي. جلال.. استنى، ده في ورقة كمان. وطى خد الورقة من على الأرض. روح.. هي نفسها الورقة اللي كانت في الصورة بتاعت الست اللي في المرسم. مع إن البنت قالت إن الورقة المقصودة ورا البرواز.

يبقى أكيد بقى الورقة اللي ورا البرواز حاجة تانية. إنما الورقة دي هي اللي كانت في إيد الست. جلال.. ست مين وورقة إيه؟ أنا مش فاهم حاجة خالص. روح.. الهدوم دي للست اللي في صورة. أنا معرفهاش والصورة في المرسم. يعني الست صاحبة الصورة نفسها صاحبة الڤيلا اللي عايشة فيها سناء. ما أنا شوفت الفيلم. الست دي هما قتلوها. جلال.. هما مين؟ روح.. راجل وست تانية. ما هي قفشتهم مع بعض. ولما بهدلتهم قتلوها وخدوا ابنها منها يا عيني.

منهم لله. بس المهم أنا روح ولا ورد؟ جلال.. لما أفهم كل الألغاز دي أنا هقولك إنت مين. روح.. على فكرة أنا روح وأنت عارف كده. جلال.. في سؤال. لما إنتي روح ودلوقتي حضرتك قولتي إن ورد مدفونة. ولما حفرت طلعت مش ورد. يبقى فين ورد؟ روح.. هو أنا هتجننننن؟ من شوية فين ورد؟ جلال.. أنا عاوز أشوف الست اللي في المرسم. أصل عمري ما دخلته. روح.. تعالى. بس الأول هات الورقة عاوزة أعرف مكتوب فيها إيه. جلال.. بسيطة. ومسك الورقة وكانت

قديمة خالص ولما فتحها قال: هاتي فلاش الموبايل ناحية الورقة. روح قربت الفلاش وجلال بيقرأ الورقة وقال: مش معقول اللي مكتوب ده. لا لا لا. ووقع من طوله. روح.. جلال في إيه؟ ما نزل على الأرض تفوق جلال. وكانت هنا الكارثة.