رواية حكاية رغد الفصل الثاني 2 - بقلم نورهان عادي

وقفنا البارت اللي فات لما قاسم قال ليها إنه عايزها في موضوع. دخلت مع قاسم بيه المكتب، لاقيته بيقول لي: "شكراً على إني رجعت له المحفظة، لو كان حد تاني كان أخدها." قلت له: "العفو." وكنت لسه هقوم، قال لي: "استنى، أنا عايزك في موضوع تاني." قلت له: "موضوع إيه؟ قال لي: "عشان إنتي أمينة ورجعتي لي المحفظة." وبعدها لقيته بيسألني: "إنتي اسمك إيه الأول؟ وعندك كام سنة؟ وبتدرسي ولا شغلك بس على تاكسي؟ قلت له:

"إني اسمي رغد وعمري 20 سنة وبدرس وفي كلية ألسن وليا سنة وأخلص الكلية." لقيته بيقول لي: "أهلك عايشين؟ وليه بتشتغلي على تاكسي؟ قلت له: "إن أبي توفى وأمي بعد وفاة أبي تعبت وأنا بشتغل عشان أقدر أكمل دراستي وأقدر أجيب لأمي علاجها عشان أمي عندها القلب وعلاجها غالي."

لقيته بيقول لي إنه هيشغلني عنده في الشركة وبمرتب كويس. ولما سألته ليه هيشغلني مع إني دورت على شغل بس مش لقيت، قال لي إني أمينة وهو حابب يساعدني. وقتها أنا فرحت أوي وشكرته وسألته هبدأ شغل امتى. قال لي: "من بكرة، وعلى دراستك تقدري تيجي بعد الكلية. وعشان مش معاكي السي في، لإنك مكملتيش دراستك أنا هشغلك وبعد ما تخلصي الكلية أبقى هاتي السي في بتاعك." وبعدها استأذنت وروحت وأنا مبسوطة. ولما ماما شافتني وأنا مبسوطة سألتني:

"إيه سبب سعادتك؟ وقتها حكيت ليها كل حاجة، وهي فرحت ليا إني هشتغل بدراستي وكمان أحسن من شغلي على التاكسي. وبعدها قعدت مع أمي لما ييجي وقت نومي ودخلت نمت. وفي الصباح صحيت ولبست وجهزت لأمي الفطار وأدتها علاجها. أخدت السي في بتاعي وروحت الشركة. ولما وصلت عند الشركة لقيته نازل من العربية. ولما شافني قالي: "يلا على الشغل." مشيت معاه. ولما وصلنا عند الأمن قال لهم يدخلوني على طول لإن بقيت بشتغل معاهم في الشركة.

دخلنا المكتب بتاعه، وديته السي في ومضيت على العقد وروحت استلمت شغلي. وبعد شهر من شغلي في الشركة جالي اتصال من جارتي إن أمي تعبت ونقلوها المستشفى. أداتني عنوان المستشفى. أنا وقتها انهارت لإن دي أمي اللي بقيالي بعد وفاة أبي. دخلت عشان أستأذن من قاسم بيه. ولما دخلت وشافني منهارة كده قال لي: "إيه في؟ قلت له: "إن أمي تعبت وفي المستشفى وكنت جايه أستأذن منك." قال لي: "طبعاً اتفضلي، وأنا جاي معاكي."

وفعلاً روحنا المستشفى وسألت على الغرفة اللي فيها أمي. ولما وصلت عند الغرفة اللي فيها أمي كان الدكتور طالع من الغرفة. سألته أمي عاملة إيه؟ قال لي: "إن أمي لازم تعمل عملية ضروري في القلب." سألته كام تكلفة العملية؟ قال لي: "إن العملية غالية." ساعتها أنا انهارت. لقيت قاسم بيه بيقول لي: "إنه هيدفع لي فلوس العملية وهيدور على قلب لأمي." وقتها أنا فرحت، بس سألته ليه هيعمل كده؟ قال لي: "إنه هيعمل كده بس بشرط."