رواية حكاية سارة الفصل السابع 7 - بقلم اسماء محمد

سيف اتضرب عليه بالرصا"ص ووقع على الأرض

سيف بصراخ : سيييف

الناس أتلمت واخدوه فى العربيه على المستشفى وساره ركبت معاهم وهي بتعيط

وبعد وقت وصلوا كلهم المستشفى ودخلوه العمليات

ساره بدموع : يارب احميه يارب مليش غيره

بعد وقت دخل هشام وراح عندها وقال بلهفه مصطنعه : ابنى ماله عملتي فيه ايه

ساره باستح"قار : ابنك ميستحقش اب زيك انت واحد ظالم

هشام مسكها من دراعها بقوه وقال بغضب : واحده زيك هتعرفنى ولا ايه فوقى ياعسل انتي ملكيش اي لازمه

ساره زقته وشدت دراعها ولسه هتتكلم الدكتور خرج من الأوضه وهي جريت عنده

ساره بدموع : سيف عامل ايه يادكتور كويس صح

الدكتور : الحمد لله الاصابه طلعت سطحيه وقدرنا نطلع الرصا"صه وتقدرى تشوفيه لما يتنقل أوضه عاديه

ساره بارتياح : الحمد لله يارب شكرا يادكتور

الدكتور : الشكر لله عن أذنك

الدكتور مشي وهي وقفت قدام هشام بقوه مصطنعه : طول ما سيف بخير انت متقدرش تعمل معايا حاجه

سابته وراحت الأوضه ال هينقلوا فيها سيف دخلت الأوضه وشافته قاعد بتعب جريت عليه بدون وعى وحضنته

سيف بابتسامه وتعب : أهدى ياحبيبتى انا كويس

ساره بدموع وشهقه : انت كمان عايز تسيبنى

سيف لسه هيتكلم قاطعه دخول هشام

هشام بلهفه مصطنعه : ابنى سيف عامل ايه ياحبيبى

سيف بغموض : الحمد لله يابابا

هشام بتوتر : انا هنزل اشوف حساب المستشفى واطلع تاني

سابهم وخرج

ساره بتوتر : س سيف عايزه اقولك على حاجه

سيف : قولى ياحبيبتى

ساره : والدك ليه يد فى الموضوع ده وانا متأكدة

سيف بابتسامه وثقه : طب مانا عارف

ساره بصدمه : ازاى ؟؟؟؟

سيف : هقولك بعدين

في المستشفى

سامح بخوف : أمى عامله ايه يادكتوره

الدكتوره بأسف : والدتك جالها جل"طه شديده أدت لش"لل كلى وكمان فقدان النطق

سامح بصدمه : ط طب ايه الحل انا مستعد أعمل اي حاجه بس عشان ترجع كويسه

الدكتوره : للأسف احنا عملنا ال علينا ودلوقتي العلاج هو ال هيكون موجود ويمكن يعمل مفعول ودي معجزه عن أذنك

سامح قعد على الكرسى وقال بصدمه : لاء لاء أكيد انا فى حلم يارب انا عارف ان غلطت بس مش هستحمل حاجه فى امي يارب

تانى يوم

هشام : البت دي كشفتني وانا مش هسيبها الا لما اق"تلها واخلص منها

سامح بحزن ووجع : انا مستحيل اشترك معاك فى الجريمه دي كفايه ال حصل

هشام بسخريه : تصدق صعبت عليا هتعمل نفسك حزين على امك مانت عارف انها كانت مشتركه فى كل حاجه وانت ابنها واتحمل بقا بعدها

سامح بجمود : وانا مش هساعدك وهروح اقول لسيف على كل حاجه

هشام ضحك بشده وقال : بقا عيل زيك عايز يبوظ كل ال عملته لاء يابابا انسى انت اصلا متلزمنيش

سامح بعدم فهم : هتعمل ايه يعني

هشام طلع مسد"سه ووجهه ناحية رأسه وقال بشر : لازم تمو&ت وجودك ميهمنيش

سامح غمض عيونه بدون مقاومه

وفجأه صوت جه من وراهم

: احسن حاجه لما الشر يخلص على بعضه من غير مجهود

سامح وهشام بصدمه : سيييف !!!!

سيف بسخرية : ايوه سيف ال عارف لعبتكم القذ"ره من أولها

ساره دخلت هي كمان وقالت : وعارف كمان أن انتم سبب كل حاجه دمر"ت حياته ودلوقتي جه وقت الحساب