رواية حكايتي الفصل الخامس 5 - بقلم هاجر العفيفي

نور بهدوء: عايز تتجوزني ليه؟ زين بتوتر: معجب بيكي يعني. قاطعته نور: أكيد مش حب، لأن أنا مشوفتكش غير مرتين تلاته بس بالصدفة. زين بتنهيدة: الصراحة كده يا آنسة نور، أنا عندي مشاكل كتير، وإنتي الوحيدة اللي هتقدري تساعديني. نور بدهشة: إزاي؟ زين قص عليها خطته. نور: اممم، طب وأنا هستفاد إيه في الآخر؟ زين: صدقيني هعيشك أحسن عيشة، ويمكن القدر يكون له رأي تاني ومنطلقش. نور بابتسامة: وأنا موافقة.

زين بفرحة: أنا متشكر ليكي جدا جدا يا نور. نور: مفيش شكر ولا حاجة. اتفق مع يامن على كل حاجة. سابته ودخلت، وهو اتنهد براحة. نور بدموع: كان نفسي يحبني زي ما بحبه، والله أنا محبتش في حياتي كلها قده. واليوم اللي قررت أن أقرب منه فيها والدته حذرتني وهددتني بأخويا. تعبت أوووي. سارة بحزن: اهدى يا حبيبتي، دموعك غالية اوووي. أكيد هييجي في يوم ويحبك. زين دلوقتي تايه، وبسبب أمه.

نور بسخرية: ده اللي مستحيل يحصل. عارفة أنا وافقت على جوازي منه ليه؟ سارة: ليه؟ نور: عشان يامن هيسافر آخر الأسبوع، وكمان نفسي أكون قريبة من زين حتى ولو لفترة قليلة بس. سارة: اهدى يا حبيبتي، وإن شاء الله هيكون ليكي خير. نور برجاء: يارب. زين اتفق مع يامن على كل حاجة، وقرروا يكتبوا الكتاب بأسرع وقت. "بارك الله لكما وبارك عليكما وجمع بينكما في خير." جملة قالها المأذون. زين بابتسامة: يلا يا نور. نور: يلا.

نور حضنت يامن بدموع: أوعى تغيب عليا، ارجع علطول. يامن بحب: متخافيش ياقلبي، مش هتأخر. هخلص الشغل وأرجعلك علطول. زين بمرح: لاء لاء، أنا كده هغير بقا. ضحكوا على كلامه، وبعدين نور مشيت مع زين وطلعوا على بيتهم. زين تلفونه رن، طلعه واتكلم فيه وقال: كله تمام، نفذ اللي قولتك عليه. قفل التلفون، ونور مكانتش بتتكلم خالص. بعد وقت وصلوا البيت. زين: مساء الخير. والدته ونيرمين: مساء النور. نيرمين بدلع: اتأخرت ليه يازينون.

نور دخلت وقالت ببرود: محدش يدلع جوزي غيري ياعسل. نيرمين بعصبية: مين البتاعة دي وبتكلمني كده ليه؟ زين بغضب: اللي بتتكلمي عنها دي تبقى مراتي ياهانم، واتكلمي معاها كويس. والدة زين قالت بغضب: برضوا نفذت اللي في دماغك يازين واتجوزتها؟ دي مش من قيمتنا ولا تشرفنا. زين بعصبية: نور مراتي وكرامتها من كرامتي، يعني أي حاجة تزعلها تزعلني. والدته بتحدي: يبقى اعتبري أمك ما"تت لو مطلقتش البنت دي.

زين ببرود: مش قبل ما أكشف الهانم اللي قدامك دي. نيرمين بتوتر: برضوا بتكدبني. زين بسخرية: تؤ تؤ، يا خبر! تصدقي صعبتي عليا. مش عيب تبقي حامل من أخويا وجاية تلبسيهالي أنا؟ والدة زين بصدمة: إنت بتقول إيه؟ زين بغضب: بقول الحقيقة. نيرمين بتوتر وخوف: م... محصلش. اتفاجأت بق"لم نزل على و"شها من زين، وقعها على الأرض، وراح فتح الباب ودخل منه مروان صاحبه وهو معاه أخو زين وهو مربوط ومضر"وب. والدة زين: يا مصيبتي ابني.