رواية حكايتي الفصل الرابع 4 - بقلم هاجر العفيفي

نيرمين بدموع: كده برضوا يازين ترميني أنا واللي في بطني وعايز تتجوز؟ شايفة يا طنط. وجهت كلامها لوالدة زين. زين بصدمة أكبر: انتي بتقولي إيه؟ تفاجئ بقلم نزل على وشه من والدته. والدته بغضب: الكلام ده صحيح يا زين. زين بصدمة: أمي انتي بتضربيني عشانها؟ دي كدابة والله. نيرمين بتمثيل: أهئ أهئ لو مش مصدق يلا نروح للدكتور. زين بغضب: أيوه هنروح للدكتور وهنعمل تحليل DNA عشان أكشف و...

والدته: مفيش الكلام ده، إحنا مش عايزين فضايح، هنروح للمأذون وتكتب عليها. نيرمين بصتلهم بانتصار. زين بغضب: مش هيحصل. سابهم وخرج بعصبية. والدة زين: معلش يابنتي حقك عليا، هو بس مصدوم. بس انتي اللي كنتي مع زين قبل كده؟ نيرمين بتوتر: ا... ا... أيوه، بس هو كان بيتهرب مني آخر فترة وراح قال إن أنا اللي بعدت عنه، بس صدقيني يا طنط هو اللي عمل معايا كده ووعدني واتخلى عني.

والدة زين: معلش يابنتي حقك عليا، أنا مش هسمح بكده أبداً، وهو لما يهدأ أنا هكلمه. نيرمين بخبث ودموع مزيفة: تسلميلي يا طنط. يامن بابتسامة: حبيبي عامل إيه؟ نور بهدوء: الحمد لله ياحبيبي. إيه انت خارج ولا إيه؟ يامن: لأ، بس كان في حاجة كده عايز أقولها. لنور: خيري. يامن بتوتر: في عريس متقدم لي. نور باستغراب: مين ده؟ يامن: زين جارنا اللي أنقذك من الوقعة قبل كده. نور بانفعال: لأ طبعاً. يامن بدهشة: مالك يا نور؟

هو شخص كويس جداً وكتر خيره إن وقف معانا وقت لما وقعنا. نور بسخرية وهي بتفتكر إنه هو اللي وقعها: آه كتر خيره فعلاً. يامن: ها بقا موافقة؟ هتكون مجرد مقابلة بس، هييجي يوم الخميس. نور بتنهيدة وهي متأكدة إن مش هتخلص من كلام أخوها قالت: ماشي، اللي تشوفه. يامن بابتسامة: شايف ليكي كل خير. نور اكتفت بابتسامة. زين بغضب: شوف يامروان البنت ال... عملت إيه أنا هتجنن، والمصيبة إن أمي صدقته.

مروان: اهدا يا زين، البت دي طلعت مش سهلة، وأنا عندي لك الحل. زين بلهفة: إيه هو؟ مروان بابتسامة: بص يا عم. في المساء. زين رجع البيت وفتح الباب شاف أمه ونيرمين قاعدين. زين ببرود: مساء الخير. والدته بقلق: زين كنت فين كل ده؟ زين بسخرية: هتهمك يعني؟ وإيه اللي مخلي البتاعة دي لسه هنا؟ ألقى كلامه وهو بيشاور على نيرمين بقرف. والدته: زين ميصحش ال انت بتعمله ده. زين ببرود: صحيح، أنا فرحي آخر الأسبوع.

نيرمين بفرحة: يعني هتتجوزني؟ زين بسخرية: ومين قال إن هتجوزك انتي؟ أنا هتجوز نور. والدته بغضب: إحنا مش اتكلمنا في الموضوع ده قبل كده وأنا رفضت. زين: وأنا بحبها وهتجوزها. وروحي بقا شوفي هتلبسي مصيبتك لمين. سابهم ودخل أوضته. نيرمين بصدمة: طنط. والدة زين بغضب: متخافيش، زين هيكون ليكي وبس، استحالة يتجوز البت دي.