رواية حكم عاشق الفصل الخامس عشر 15 - بقلم دنيا ثروت

رحيم: يعني إيه مشكلة نسائية؟ الدكتورة: يعني لما جوزها يدخل عليها مش هيبقى فيه دليل إنه دخل عليها عشان فيه مشكلة نسائية. محرجة، ومينفعش أقولها. رحيم: اممم. وطالما بتقولي كده، ماهو ممكن هي مش بنت بنوت. انتي عرفتي منين بقى؟ الدكتورة: لأ، هي بنت بنوت. ولو مش بنت بنوت كان بان قدامي، لكن المشكلة دي تخصها. قمر بفرحة: يعني إيه بنت بنوت صح يا دكتورة؟ الدكتورة: آه صح يا مدام قمر. عن إذنكم.

نور: خلاص بقى ابعد عني. أعمل إيه أكتر من كده؟ أنا أنتحرت عشان أخلص منك. عايز إيه مني تاني؟ حرام عليك. راجي بصدمة: انتحرتي إزاي؟ وليه؟ وليه يا نور؟ نور بضحكة ممزوجة بتعب: ليه يا نور؟ إنت خليت فيها ليه؟ بعد ما دمرتني وأذيتني بتقولي ليه يا سيدي؟ أنا كرهت نفسي، كرهت أبص في وشي في المراية. راجي: أنا آسف. نور: ضحكت والله. مش قادرة. آسف على إيه يا راجي؟ ولا بتقول كده عشان أخلص من التعب وأصورلك شوية صور؟

راجي: مسحتهم كلهم يا نور، بس أرجوكي ارجعيلى. نور: أرجع لمين ولا إيه؟ إنت مستوعب اللي بتقوله؟ ماتمسحهم ولا تغور. راجي: سامحيني يا نور عشان خاطري. نور: أسامحك على إيه؟ إنت عيشتني أسوأ أيام حياتي. أنا كرهت حياتي. حتى لو مسحتهم أنا مش هنسى. هتبقى نقطة سودا في حياتي. ابعد عني وعن حياتي. قفلت في وشه وهي منهارة. هايدي بتريقة: المزة قفلت في وشك ولا إيه؟ راجي: ما يخصكيش. وبعدين كذا مرة قولتلك متجبيش سيرتها على لسانك.

هايدي: أجيب زي ما أنا عايزة. بعدين هي واحدة رخيصة. راجي: احترمي نفسك، دي هتبقى مراتي. ولسه جاي يمشي، هايدي وقفته: لو فكرت تتجوزها، صورها هتبقى منشورة في كل السوشيال. نبيل: فردوس، بس لو عملتي كده رحيم ممكن يموتك فيها. فردوس: ولا هيقدر يعمل حاجة. أنا بس هثبت إنها أم زبالة وأخد يزن في الآخر. نبيل: وإنتي عايزة تاخدي يزن وتجبيه هنا؟ ومعرفش ألم عليكي على سرير. فردوس: يزن مين اللي أجيبه هنا؟

أنا هرميه في أي دار أيتام. هو أنا ناقصة؟ أنا بس بعمل قرصة ودن عشان رحيم بيه يتعلم. نبيل: طيب يا ستي، اللي تحبيه. في المساء. رحيم: بكرة إن شاء الله نور هتطلع يا أمي، متقلقيش. هويدا: على خير يا ابني. بس ما يصحش البنت تعمل كده عشان ضغط مذاكرة. رحيم: يا أمي عادي، بعدين إنتي عارفة إن نور هرمونات. صوت التلفزيون كان واطي، كأنها سمعت صوتها. قمر: رحيم، على التلفزيون بعد إذنك. بعد ثواني.

نبيل بكل جراءة على الشاشة: السادة المشاهدين، إزاي توافقوا إن طفل يتربى مع واحدة غير أمه؟ وكمان كانت متجوزة قبل كده. أنا بوجه رسالتي للأستاذة قمر: لي رخصتي نفسك وأخدتي زوج من فرشة مراته.