رواية حكم عاشق الفصل السادس عشر 16 - بقلم دنيا ثروت

رحيم مسكها من خصرها: انتي كويسه؟ قمر وهي دايخة: هو أي اللي بيقوله ده؟ واغمي عليها في حضنه. رحيم: قمر قمر فوقي حبيبتي انتي كويسه. الممرضين اتصرفوا، دخلوها الأوضة. بعد ربع ساعة، بيتكلم في الفون بزعيق: القناة دي تتقفل حالاً. الشخص اللي على التليفون: يابيه بس مينفعش حضرتك، ممكن تشيل المقطع اللي عايزه لكن متقفلش القناة. رحيم: أنا قولت اللي عندي، القناة دي تتقفل والمقطع ده يتحذف من كل مكان، فاهم ولا مش فااااهم.

وقفل في وشه. هويدا: انت مالك طايح في الكل كدا لي؟ مش عشان حتة خدامة تعمل كدا؟ بعدين الراجل قال أي غلط. رحيم: أمي، أنا وانتي وكلنا عارفين إن قمر مسرقتنيش من هدير، والجو الزبالة اللي هي وصلته ده. هويدا: طيب سيبك من دي، بس هي استغلت إن فردوس مش موجودة واخدتك عشان فلوسك. رحيم بزهق: هو في أي؟ قمر عملت أي لكل ده؟ ده بدل ما تشكريها على رعايتها ليزن، انتي شايفه إن ده المقابل؟ نبيل: اخرجو برا، سيبوني أنا وفردوس لوحدنا.

ميادة: لو عايزني استنى معاها استنى. نبيل بزعيق هز المكان كله: أنا قولت اخرجو برااااا. اخرجو الكل، وكانت فردوس بترتعش. نبيل: كويسه اه، بعد ما القناة هتتقفل يبقي كويس، بسببك القناة هتتقفل ياهانم. فردوس: مش هتتقفل. نبيل: يعني اي مش هتتقفل؟ رحيم ادي أوامره إنها تتقفل. فردوس: رحيم وهتصرف معاه، ولو يطول يجي هنا راكع هيجي. نبيل: ودي بقا هتعمليها ازاي؟ فردوس: هتعرف بعد ما أعملها، وأنا أهو وانت أهو، لو القناة اتقفلت.

قامت وقربت عليه تبوسه: أي رأيك نرجع البيت؟ نبيل وهو بيلف ايده ويشدها بقوة: شكلك حبيتي البيت أوي. فردوس: حبيت الجولات أكتر. وتعالّت ضحكتها المايصة المثيرة. ميادة كانت على بعد مترين بتبص عليها بكل حقد وغل. صالح: ما خلاص يا أميرة، كل شوية نفس الحوار، هي مشيت وحتى مسألتش فينا، عايزاني أعمل أي بقا؟ أميرة: متعملش حاجة، بس افتكر، عايزة أفتكر حاجة واحدة، إنك ضيعت بنتك من إيديك.

صالح: هي اللي ضيعت نفسها، أنا مليش فيه، ويلا بقا اعملي لقمة عشا، مش ناقص. فاروق: يلا يا نيفين امضيني. نيفين: قلبي مش مطاوعني يافاروق. فاروق: قلبك مش مطاوعك إيه؟ انتي عايزاها تيجي هي وابنها وتطردك بره؟ نيفين: بس دي بنتك يافاروق. فاروق: نيفين هتمضي ولا هتبرع بيهم. وبالفعل مضت بإبتسامة خبث. رحيم: يعني هي أحسن يا دكتور؟ الدكتور: اه، هي داخت بسبب الضغط، بس هي كويسة، هتفوق بعد شوية إن شاء الله، عن إذنكم.

بعد دقايق، دخل عليها كانت بتفوق. رحيم: انتي كويسه ياقمر؟ قمر: أي اللي سمعته برا ده. رحيم: كأنك مسمعتيش حاجة، كبري مخك ياقمر، منحطش عقلنا بعقلهم. قمر: رحيم كفاية كدا، أنا عايزة أطلق. رحيم بعصبية: انتي بتقولي أي؟ قمر: أنا عايزة أفسخ العقد اللي بينا. هويدا بتوقع منها الكوبايات من وراهم: عقد جواز؟!!!!