رواية حكم عاشق الفصل الرابع والعشرون 24 - بقلم دنيا ثروت

رحيم : يعني إيه أرجع حالاً؟ وإيه اللي خلاها قضية رأي عام؟ انت فاهم بتقول إيه؟ المحامي : رحيم بيه، أنت لازم ترجع. لو اتأخرت عن كده، هتدخل السجن أنت وقمر هانم بتهمة خطف الطفل. رحيم بزعيق هز الفندق : خطف طفل إيه! ده ابني، ابني! المحامي : هترجع وهنحل الموضوع ده، بس ارجع. رحيم كسر الفون بعصبية. قمر : رحيم، في إيه؟ أنت كويس؟ سليمان : باين إن الخبر وصل لحضرتك قبل ما أقوله. قمر : خبر إيه ده؟

رحيم : فردوس طلعت على الشاشة وهي بتدعي إنها أخدت ابنها منها، والقضية بقت رأي عام، ياقمر، بقت رااااي عام! قمر : أنت بتقول إيه؟ مستحيل ياخدوا يزن مني! رحيم : اطلعي جهزي الشنط، هنرجع حالاً. قمر طلعت فعلاً وهي مرعوبة إنهم ياخدوا يزن منها، وفي نفس الوقت مرعوبة سليمان يقوله كلام. راجي : البسي هدومك يا نور، أنا مش عايز حاجة. نور : خلاص مش عايز، يبقى طلقني. راجي بزعيق : أنتِ إيه؟ إيه؟ مبتفهميش؟

كفاية اللي شفته قدام عيني، كفاية. نور : ارجع لهايدي، ارجع للي شبهك، اشتكيلها، اتجوزها. راجي زعقلها : نور، هايدي ماتت، ماااااتت. نور : قصدك إيه؟ راجي : قصدي إنها انتحرت عشان كانت عايزاني. نور قعدت على السرير بصدمة: ليه؟ لييه قتلتينا؟ لييه؟ راجي : صدقيني، مكنش ذنبي. صدقيني. نور : يعني إيه مكنش ذنبك؟ أنت في واحدة كنت بتهددها، والتانية علقتها على السرير. مستني إيه يا شيخ من ربنا؟ راجي : سامحيني، ومش عايز حاجة تانية.

نور : أسامحك إزاي؟ يا عم فكك مني، ومتفكرش فيا، فكر في ربنا. راجي : هتوب. نور : بعد كل ده؟ راجي قرب عليها ومسك إيدها وهو بيبص في عينيها بدموع : إحنا الاتنين هنتوب، وأوعدك مش هخذلك. وطت راسها، دموعها بتنزل في صمت. راجي بيرفع راسها وهو بيبص لعيونها بعشق : عشان خاطري يا نوري. وقرب عليها وهو متجهاً بفمه ليبوّسها بتوهان. نور استجابت معاه، ووقع الفستان من عليها، ولكن في لحظة... رحيم : بس أنت مقولتليش، برضو عرفت كل ده إزاي؟

سليمان : يعني إيه؟ رحيم : عرفت منين إن أنا متجوز ومخلف ومطلق؟ سليمان بضحك : ههههه، لأ عادي، بيانات أنت دخلتها الفندق. بتيجي عليهم واحدة : سليمان بيه، مالك مش عايز يسكت. سليمان بيحضنه في إيديه (كان طفل عنده سنة) = حبيبي، مش عايز يسكت ليه؟ رحيم : إيه ده، أنت عندك ولد؟ تبارك الله، عسل. سليمان : هو حلو، بس زي ما أنت شايف...

أمه سايباه ومشيت، تخيل يارحيم بيه، راحت اتجوزت واحد تاني، وكمان متجوز ومخلف. يعني تخيل تربي ولاد الناس ومتربيش ابنها. قمر من وراهم بتبلع ريقها : رحيم، إحنا جاهزين، ممكن يلا. رحيم حضنها قدامه : أتمنى ربنا يرزقك باللي تستحقك، زي أنا مثلاً. مش عارف عملت إيه عشان ربنا رزقني بقمر حبيبتي. أخدها من إيدها تحت أنظاره، وركبوا العربية، وصلوا المطار وركبوا الطيارة. بعد مرور ساعتين، وصلوا البيت. قمر : هنعمل إيه دلوقتي؟

رحيم : هتستني معاد المحكمة، ونروح ونشوف الهانم دي هتعمل إيه. بيرن تلفونه = رحيم بيه، أنا قدرت أوصل لحاجة هتقدر تحسبنا القضية وتخرج برا حياتك. رحيم : أنجز، عرفت إيه؟ = فردوس هانم متجوزة عرفي من تاني يوم أطلقتو...