رواية حكم عاشق الفصل الثامن والعشرون 28 - بقلم دنيا ثروت

لسه متزفت خاسر ابني قدامك وانتي بتقولي طلقني!! قمر : أنا مبقتش طايقة العيشة ده. رحيم بيحاول يتحكم بعصبيته وهو بيتكلم : عيشة إيه ياقمر هانم!! قمر : أنا زهقت من كل ده، أنا عايشة معاك ليه؟ عشان أخدم ابنك وخلاص. رحيم : معلش بس انتي بتقولي إيه؟ انتي واعية؟ قمر : آه واعية، ودي بقا أكتر لحظة أنا واعية فيها. لو عندك رجولة 1% طلقني يارحيم. رحيم ضربها بالقلم

بقوة لدرجة شفاها نزفت : أنا مش عايز حرف واحد منك، ومسمعش صوتك تاني في البيت ده. قمر كانت لسه هتتكلم، قرب عليها وهو بيهمس لودانها بتحذير: ورب العرش العظيم لو جبتي سيرة طلاق تاني لهيكون آخر نفس طلعتيه في حياتك. وبيمشي من قدامها. قمر بتقع على الأرض بحرقة وهي ماسكة قلبها بعياط شديد. *** راجي : صباحية مباركة ياعروسة. نور كانت لابسة قميصه على السفرة بتمسك إيديه بحنية ودموع : هتوعدني ياراجي إنك هتتغير؟ راجي وهو

بيحط صباعه على شفايفها : أيوه هغير من نفسي كمان وكمان ياعيوني وقلب راجي. نور : خلاص بقا بطل دلع، وكل الأكل اللي قدامك بهدوء وأدب. راجي : معنديش أدب. نور : اممم ماهو باين. راجي : عايزة إيه يعني؟ هو في زي سعادة؟ نور بعدت إيدها عنه بحزن : تفتكر هيسامحوني؟ راجي بصيغة الأمر : تعالي على رجلي يانور. نور : يلهوي. راجي بعصبية : انجزي يانور. نور خافت منه وقعدت على رجله بسرعة بكسوف.

راجي وهو بيحضنها من خصرها: ينفع بقا تنسي موضوع اللي مزعلك ده؟ نور : بس دول أهلي ياراجي. راجي : كل حاجة هتتحل. ورفع وشها ليه بعشق : يلا بقا اهتمي بجوزك شوية. *** فردوس : يا حبيبي اسكت، مانا غيرت هدومك وجبتلك الأكل وريتك. اسكت بقا. نبيل : ماحنا قولنا توديه لأي زفت ملجأ، ولا انتي مبتفهميش ومش عايزة تفهمي؟ فردوس : أحد الحكم النهائي، بعدين هرميه. نبيل بتحذير: إياكي ثم إياكي إن تلعبي بديلك يافردوس.

فردوس : يا عم مش هعمل حاجة، بس الواد مش عايز يتزفت يسكت. نبيل : شكله واد مقرف. فردوس : بس بقا يانبيل، ده طفل. أخدته في حضنها عشان ينام، بس يزن مكنش بيسكت، مش عايز يتقبلها. فردوس بزعيق : يخربيت كدا، اخرس بقا شوية، أنا زهقت منك. يزن بدأ يصرخ من العياط بسببها. فردوس بهدوء بتحاول تتحكم في عصبيتها: يابني أخرس بقا، في إيه؟ هو أنا عشان زعقت ياحبيبي، أنا أمك، يعني المفروض أكون وحشتك. عملتلك كل حاجة، عايز إيه تاني؟ ***

لواحظ : كفاية ياسليمان، انت أكيد مش عايز مني كدا. سليمان : انتي لو مروحتيش معايا النهاردة، هرميكي في أي دار مسنين، وبنتك اللي فرحانة بيها مش هتاخد قرش من الميراث بتاع أبويا. لواحظ : وجه اليوم إن أشوف ابني بيرميني. ماهو اللي عملته في قمر بيطلع عليا. سليمان : أمي، هتعملي اللي بقولك عليه ولا لأ؟ لواحظ : لو عليا كنت مشيت من عندك من بدري، بس بنتي أي ذنبها، دي اختك ياشيخ. سليمان بتهديد : ها يالواحظ هانم؟ اليوم التالي.

باب شقة رحيم بيخبط بشدة لدرجة الباب هيتكسر. رحيم بزعيق وهو بيفتح : مين بيخبط بالتخلف ده؟ لواحظ : فين قمر هانم يارحيم بيه؟ رحيم : وانتي عايزاها ليه؟ وتعرفيها منين؟!! لواحظ : مرات ابني وابنها عايزها..!!!!!!