رواية هل القلب يتغير الفصل السادس 6 - بقلم سهر فارس

الو الو يابرادك يا شيخة أنا هموت من القلق عليكي من امبارح، إنتي فين يازفتة إنتي؟ في... طب خليكي مكانك أنا جاية. قعدت أفكر، أنا خلاص هحكي كل حاجة لقمر وهسيبها على ربنا. وبعدين أصلاً قمر جدعة وطيبة، وأكيد مش هتتخلي عني وهتفضل جمبي. عدى نص ساعة وأنا بفكر وأقنع نفسي إنها مش هتتخلي عني لحد ما لقيت حد بيحط إيده على كتفي. قمر. مش حرام عليكي خوفي وقلقي وقلبي اللي هيقف ده؟ آسفة، بس صدقيني كنت خايفة. خايفة من إيه؟ هحكيلك.

وحكيتلها ومخاوفي من إنها تسيبني بسبب أهلي زي الباقي. طب والله إنتي هبلة، يعني أنا هسيبك عشان كدا؟ دا تفكيرك فيا؟ مكنتش أعرف إنك فاكرة إني سطحية أوي كدا. لا ياقمر، أكيد عارفة قد إيه إنتي صحبتي، وإنتي عارفة قد إيه بحبك، بس دا من خوفي بسبب اللي حصل زمان واللي لسه بيحصل. آسفة. خلاص ماشي، ننسى كل اللي حصل ده ونبتدي من جديد. قوليلي، الدكتور ده بقى اسمه إيه؟ احم احم، ما دا اللي لسه هقوله بقى. إيه هو؟ اسمه إيه؟

عبدالرحمن سعيد. دا اللي في بالي؟ دا هو هو عبدالرحمن؟ قولي بتهزري؟ لا بهزرش، هو هو. يعني أنا أعرف دكتور نفسي منين أنا الله. تعالي. وفضلنا وقت نجري ورا بعض ونهزر ونضحك. وبعد وقت. ميعادك إمتى معاه المرة الجاية؟ يوم الثلاثاء. يعني بعد يومين؟ أشطا، أنا جاية معاكي. جاية معايا عشاني ولا عشان حبيب القلب؟ وأهو صدفة بقى.

عشاني طبعاً، وأهو مفيش مشكلة إني أشوفه الحيوان اللي مش بيسأل ده بقالنا شهر ولا فكر يقول عندي بنت عم أسأل عليها. أشطا، يلا. أنا هروح عشان الأخ محمد هلاقيه نصب المحكمة. ماشي، أراكِ الثلاثاء. إن شاء الله. نسيت أقولكو، عبدالرحمن يبقى ابن عم قمر، دايماً بتحكيلي عنه وأنها بتحبه، بس هو عمره ما عبرلها عن حاجة. وأخيراً وصلت البيت وعدى اليومين، ورحنا له. أهلاً ياسارة، إيه ده؟ قمر. عبدالرحمن. إنتي تعرفي سارة؟

احم، ما هي دي صاحبتي اللي أنت نصحتني إني أواجهها. يعني دا الدكتور؟ طب ما تقولي يابنتي نخليه يعمل خصم ليكي. دا عبدالرحمن ابن عمي. ولو دا إحنا ببلاش خالص عشانك ياقمر. عاملة إيه وأخبارك وإخبار عمي ومرات عمي؟ والنبي لو مهتم يا أخ، كنت عرفت. دا أنت من أكتر من شهر ولا فكرت تسأل أصلاً. عارف إني مقصر والله. كويس إنك عارف. وقعدنا نتكلم شوية. بعد نص ساعة تقريباً سمعنا خبط على الباب. أخيراً وصل. هو مين؟ هتعرفوا. ادخل.

سلامو عليكم. محمد!!! هنسيبكوا إنتوا الاتنين، واتكلموا على راحتكم بهدوء. لازم تتواجهوا مع بعض. يلا ياقمر. يلا فين؟ أنا مش هسيبها لوحدها معاه. قمر يلا، وأنا هفهمك كل حاجة. روحي ياقمر، متقلقيش. وخرج عبدالرحمن وسارة وسابونا مع بعض. إزيك عاملة إيه...