رواية هلع الفصل السابع 7 - بقلم اية

رسلان: انتي رديتي بالغلط؟ سما: لا وما تسألنيش ليش رديت. رسلان: ياستي مش ح نسأل. سما: في حاجة ولا زي ما ديما تقول ران نطمن. رسلان: ران نطمن، كنت مع أسير حطيته فالحوش وتوا مروح فالطريق مسكت التلفون قلت نجرب حظي بلكي ترد. سما: تحكي وأنت تسوق يعني. رسلان: اه الطريق فاضية. سما: وليش طولتو برا. رسلان: كنت مكسدين مع جماعة أصحابنا، وانتي ليش سهرانه؟

سما: كنت مع البنات ع أساس فاتحات فيلم يتفرجن مع بعضهن واختي بايته معانا وهكي، بس حرفياً الفيلم يشتغل بروحه كل وحدة عقلها فوادها. رسلان: وانتي عقلك وين؟ سما: شي، كنت نتفرج لعند انت رنيت. رسلان: واضح انه الفيلم ممل بكل اللي رديتي. سما: لا بس مش عارف متوتره عشان بكرة. رسلان: أول شي اضحكي ديما، ثاني شي مافيش شي يوتر ولا شي ح يتغير نفس قبل نفس بكرة. سما: عارف شن خاطري؟ رسلان: قول.

سما: خاطري بس يردو هلي يوم واحد، يكون بابا هو اللي وكيل عليا بكرة ويحكي على شروطي معاك، كان خاطري نحبك ونعيش حياة طبيعية وهادية. خاطري ماما تكون معايا، كانت ديما تقولي خاطري نعرف من الي بياخذك بس كنت عنادية وحركتي واجدة ونحب نعرف كل حاجة، كانت تقولي ح يجي اللي يعقلك ونحكيله على هبالك. رسلان: هلك مش ح يكونو معاك لأنه هضا هكي ربي كاتب، وكلنا لها معاك إنه الموته كانت واعر وغدرة بس هذي الدنيا.

أمك اللي صارلها قضاء وقدر، بس في أمل إنها تطلع من اللي هي فيه، حتى لو أمل بسيط، بس ما تنسيش إنه ربي قادر على كل شي. أما بالنسبة ليا، أنا ح تحبيني هذي ما فيهش نقاش. سما: رسلان ماتعبليش قلبي، خليني نمشي نشوف الي فاضل من الفيلم قبل ما يطلعن لي البنات. رسلان: بالفتحة مش كسرة. سما: وصلت؟ رسلان: اه توا خاش. سما: تمام. رسلان: بتكملي الفيلم؟ سما: اها، خ نخش جنب البنات.

رسلان: ماتبكيش، اه اذكري إني معاك حتى لو انتي مش حابه بس معاك. سما: انت مُتعب بكل. رسلان: تصبح على خير. سما: تلاقي الخير. رسلان: حاجة مازلتي واعية. أمه: عارفني ما نطمنش إلا لما نحقك خاش. رسلان: كيف بديري بعد نجوز أمالا. أمه: أول حاجة مانكش بعيد مني، ثاني حاجة هي تكون بنت حلال وتريحك ح انتهني عليك. رسلان: إن شاء الله. أمه: ما تبيش تخليني نشوفها؟

رسلان: أمي شرحتلك كم مرة وضع البنت، وما لهش حد، وعمها طلب إنه كله يكون كلام رجالة، وأنا البنت شفتها ونبيها وعاجبتني. أمه: أهم شي انت متريح. رسلان: متريح، انتي ماتفكريش، بعدين ساهل ح تشوفيها تو بعد الدفع نشيلك لها. أمه: والله؟ رسلان: من عيوني، خشي تريحي. سالمة: ماكلمتيش رسلان، سألتي كم حد جايب. ميرا: كذا عطوني شحن تو موسى يرن يلقاه مقفل، يدير قصة وأنا معنديش راس.

راندة: كملتيها لنا بنات، تِت الصوت بنات أسس، كان روحتي مع راجلك ارحم. ميرا: والله مش عارفه كني تقول ليا أسبوع مش راقده. سالمة: اهو العصر يأذن صبن صبن. موسى: القهوة واتيه؟ سالمة: واتيه، هي كلم حد يشيل معاك الحلويات. موسى: غير خليني نشيل القهوة تو نرد. سما: شنو ما قالكش شي؟ سالمة: دوبهم كيف بدو. أحمد: يبقى مادامنا متفقين العرس مش حيكون في وقت قريبع.

عاشور: نحن شرطنا الوحيد إنه البنت اتريح، كيف ما تعرفو البنت ماعندهش حد وحكيتلكم ظروفها كلهم، مانبوش شي غير إنها ما تشكيش منه ويحافظ عليها. أحمد: معناها على بركة الله. سير: بنكلم رسلان قاعد يحرق من بدري يرن. موسى: اطلع برا الصور فاضي مافي حد. سير: تي نحن أول ما خشينا وانت ترن، ما صار إلا كل خير، شن ح يسير يعني يا اوڤر. رسلان: بلا حناطة وقولي اتفقوا. سير: أكيده ما لزونش يعني. رسلان: ح تبان لك خفة الدم هذي.

سير: خليني نخش سيبت الجماعة وطلعت نكلم فيك. رسلان: تي اوكي دروحك درت جماعة تم تطلع كلمني اها. سير: احترمني عشان نهدرزلك شن صار بعدين. رسلان: را نفلم عليك مش نحترمك. سير: تو نخش نقوللهم رسلان قال معش يبي، مازلنا فيها. رسلان: صكر را بجد ح نفلم. روان: حقني صاحب رسلان طالعه برا، حي علمي كان ما يقولها. سما: اسير؟ سالمة: هضا لي قلتيلي عليهم. ميرا: اسير ما اسير. راندة: صاحب رسلان ما صاحب رسلان.

سما: ماتخافيش مش ح يحكي شي، شن الهبال هضا بيقوللهم شفت روان طالعة يعني. روان: مش عارفه بس خفت. سما: يعني ما سمعتي شي. روان: ما لحقتش نوصل أصلاً، أنا دوبي خشيت قالي ابرمي وردي. راندة: يغار يغار لا من عشق غار. روان: بالكبايه في نص راسك راه. سالمة: هي ميرا رني. ميرا: شوف حد منهم بندزو معاه حاجات لهل رسلان. موسى: تو نجيك. سير: أيوا. موسى: قتلك راجي لحظة ما نندريش شن بيدزو غادي. سير: تمام. موسى: عطيهن الرسلان.

سير: مانوعدكش يوصلن. موسى: صحتين. تيح: شكلهم عرب كويسين. موسى: عقبال دفعك. تيح: يارا زمري. موسى: تي تقول نعزم فيك عالموت ازح. تيح: هو موت بالنسبة ليا وللي حتحصل في. موسى: ماتكثرش معايا اه. تيح: انت اللي بديت. أحمد: شن القربج لي عطيته الاسير هضا. موسى: حركاتهن جوا أكيده غصبا عن سما دازاته. أحمد: كيف ما نحق فيك حركات سالمة اختك هذينا. موسى: أكيده. تيح: موسى أنا بنمشي نطق شور الحوش. موسى: تم بيناتنا الوتيح.

أحمد: كل شي كيف ما تبي، حتى العرس دويت فيه. سما: ربي يخليك ليا. أحمد: تدلل العروس. سما: احمد! أحمد: خلاص طالع. روان: تي هيا رنييييييييي لكي ساعة أكيده وصلو من بدري الساعة قريب ٩. سما: اخرلك مرة تحطيني فموقف هكي. رسلان: كان نحساب جيبت هلي تخليك ترني، را جبتهم من زماننن. سما: رسلااان. رسلان: أيوه. سما: اسير جا. رسلان: من امتى الدلاله هذي؟ سما: ان شاء الله خير كنك. رسلان: يعني رانه بدال ما تسألي عليا تسألي عليه.

سما: ما قتلكش كيف حاله، أنا نسأل طق فيك ولا لا عشان دزيتلك معاه حاجات لكي، الهلك يعني. رسلان: الهلي اهااا، له ساعة مدرس السياره يهدرز عند وجي ما عطاني شي. سما: عموما في كيس أبيض فيه عشا هضا ل. رسلان: الاسير؟ وخير ان شاء الله كنه هو اللي جاي يخطب ولا هو اللي دفع فيك. سما: اللهم طولك ياروح، تي من روان مش مني. رسلان: روان محد مهتم؟ سما: هي اه. رسلان: كيف صار اهتمت ولا شن. سما: حالياً لا. رسلان: شكلها ح تكون حرب.

سما: شكلها. خلاص با. رسلان: تردي لما نرن اه. سما: إن شاء الله خير. رسلان: طلع الي جايبينه ليا يا مسخ. سير: تي نسيت امه بكل. رسلان: نسيت اه خسارة ما حاسبينك بس. سير: والله جد. رسلان: ومش أي حد أخرى. رسلان: قالت لك هكي واحد واحد متعادلين. سير: من قال؟ رسلان: روان قالت السما قوليله هكي. سير: تي ما قالت لك واحد واحد يعني درتلها حاجة وردتها ليا وخلاص كملت. رسلان: خلاص كملت اهاااا.

سير: دابيني حصلت تعشاية خليني نتوكل معندي عليش قاعد قدام وج. رسلان: من يوم وغادي ب تحكي بأسلوب توا خاطب أنا. سير: هضا ماناقص. سالمة: بنات امتحاناتي أنا يبدن الأحد، حي علي. سما: ما فتحتيش فيها كتاب انتي. سالمة: والله ما عندي نفسية ولا نية. سما: سالمة خلاص آخر سنة خليها تبلط كيف ما تبلط. سالمة: المشكلة أنا شايلة معايا مادة أصلاً من السنة لي قبلها. راندة: اتقدعن خاشه صيدلة تحسابها لعب. سالمة: مادخلكش.

روان: يييييييه بيبدن عاد. ميرا: ياربي منبيش نروح. سما: ميرا فكينا من حسه. ميرا: بتروح؟ موسى: اه هي. ميرا: يعني بكرا ماعنديش جامعة أنا را. موسى: ميرا؟ ميرا: اوففففف. موسى: صقر مبروك. سما: الله يبارك فيك، قبل بنقولك عقبالك. موسى: لا عادي قول. ميرا: شن تقول. روان: راجلك خاطره يجوز أخرى شكل. ميرا: وأنا قلت لا؟ سما: انتي أكثر وحدة عارفه اللي في. سما: ماتعودنش عالجلاطة وقلة الأدب هكي متربيين نحن؟

ميرا: ما قلتش شي شن الأوڤر هضا نبصر ما حتى هوا كان يبصر مفروض أنا لي نزعل أصلاً. سما: تروحي تعتذري منه فاهمه؟ ما قلنالكش حبيه وموتي فيه بس عامليه ب احترام. ميرا: أوووووف اوف كلكم ضدي وواقفين معاه. سما: صكري فمك را نصبيلك. ميرا: انتي تنصحي فيا شوفي كيف تعاملي في رسلان!

سما: ماتدخليش المواضيع في بعضهن، موسى ولد عمك وراجلك يعني مانعرفوش أمس ولا اليوم، بس رسلان اليوم كيف قعد خطيبي ويدوبك نعرفه ف نعامله كيف ما نعامله بعد ما يقعد راجلي ساهل. سالمة: بنات وطن صوتكن خلاص ماصارش شير. روان: اهدن خلاص حصل خير. ميرا: هاه شفتي. سما: بتسكتي ولا لا؟ ميرا: تي باهي فهمت خلاص. ميرا: ياربييي مانعرفش نعتذر من حدددد. ميرا: نحطلك تاكل؟ موسى: لا بنطلع. ميرا: وين؟ الوقت متأخر. موسى: للحوش الثاني.

ميرا: موسى عاد مش بقصدي يعني قلتها بعدين انت الي كنت تبصر يعني عادي حتى أنا بصرت. موسى: بس انتي ما قلتيهش ببصارة ماشفتيش روحك كيف وانتي تحكي بجديه! ماشفتيش نظرة الي عادي مش فارقه معايا اللي فعيونك. يعني كأني ما نسوش بكل، مانبيش شي أنا نبيك تحترمني. ميرا: أنا أسف. ميرا: والله أسفه ومش قصدي بس هكي طلعت مني بدون ما نفطنم. موسى: عشان أنا مش فارق معاك ماتحسبيش في كلامك لما تقوليهم. ميرا: وممكن فارق عشان هكي قلته.

موسى: ميرا ماتلعبيش ب اعصابي. ميرا: باهي ما تمشيش عارفتك ح تطلع وتمشي للمسبح و تروح عالفجر. موسى: بعد ترقدي تو نطلع. ميرا: وراس موسى ما تطلعش. موسى: وعليش. ميرا: هك منبيكش تمشي وانت زعلان مني أنا غلطانه أصلاً. موسى: باهي ماتبكيش خلاص. ميرا: يعني مش ح تمشي. موسى: لو قعدتي تبكي ح نمشي. ميرا: باهي خلاص سكتت ها. ميرا: نسخنلك؟ ميرا: ومن حذاه غسلت وجها وخشت للمطبخ. راندة: حي علمك كنك كنه وجك؟ شن دارلك احكي.

راندة: انتي ما شفتيش وجه ما شفتيش نظرة وهوا يهدد فيا. ميرا: ما تخافيش مش ح يقدر يدير شي ديما اللي يهدد كذابة. راندة: سيبت البنات وكنت ماشيه شوركن نسمع فيه يمشي ورايا يخوف يخوف مش طبيعي واللهم. ميرا: اهو موسى يرن شكله برا. راندة: باهي ردي عشان ما يديرش موضوع زي هضا اليوم. ميرا: ال. موسى: برا انام. ميرا: اوكي طالعين. سالمة: وين سرحانة؟ سما: شي كالعاده عقلي يشيل ويجيب، شن درتي في اول امتحان؟ سالمة: نص ونص.

سما: تي شن فيه؟ سالمة: ب ايميل جديد عالماسنجر دزلي شوف. سالمة: حي علي امي وحي باينه عليا سيارته نهاية الشارع مدرس. سما: اهدي بس انتي مش شورك ب شي كلهم عارفين إنك معش تبيه وشفرتك وغيريتها لو صار أي حاجة انتي ما لكش بيها دخل. سالمة: لو طلع حد تعارك معاه هضا مش واعي يا سما كان فطنله أحمد ح يطلع يدقدقه وحسن مرات يضرب احمد يقتله لأنه مش فاطن الروحه مانبيش مشاكل حي علي امي.

سما: شن نديرو باهي مش ح يدير شي هو قالك قاعد فالشارع بس خليه قاعد تو يمل ويمشي. سالمة: أحمد ماسك و يطلق عالفجر ح يروح يحق سيارته برا. سما: لالالا زودها هضا ب كل. سالمة: سما حي عليا را ينزل بابا تخيلي يجي موسى بعدك موسى ما معش تفاهم ح يقتله على طول. سما: استني بس ح نحاول نشوف حل.