رواية هلع الفصل الثاني والعشرون 22 - بقلم اية

تعرف بابا يعني! اشتغلت معاه وشفته! رسلان نزل الأكل من يده وبحت فيا. شن خطرلك تسألي؟ عارفني مانقدرش نقعد ثانية بدون مانفكر. عقلي يشتغل أربعة وعشرين ساعة وكل مرة جايب شي جديد. وكل مرة يخطر عليا شي. و شن جابلك المرة هذيسما؟

آخر فترة هكي قعدت نفكر فيك. يعني من قبل كان تفكيري ملخبط مش همي من الشخص يلي بيشاركني حياتي. توا كيف استوعبت إنه في حد معايا وبديت نركز فيك. كنت ديما حايسة مابين ماما والقضية وميرا اختي والمستشفيات. معش فضيت أصلاً إني نفكر في حياتي أو حياتنا يعني. وضحك. و شن لقيتي؟ نحكي بصراحة؟ آخر صراحة. ولو قلتي حاجة وندمتي اعتبريني ما سمعتش.

حاولت نسيطر على توتري ونفسي المتلخبط بس لازم نقول أنا شن نحس. بلكي نفهم روحي وبلكي نتريح ويحول الخوف اللي مسيطر على حياتي. خذيت نفس وبحتت فيه.

رغم الظروف الصعبة اللي مريت بيهن بس تخيل قعدت نقول شن كان ح يسير لو ما فيش رسلان. جيتني في نهاية السنة الأولى من القصة يلي صارت. ومن وقتها وأنت حواليّ. رغم رفضي لك في البداية ورغم كيف كنت نتهرب منك وما نردش عليك. بس يوم عن يوم قعدت لما نبي نطمن نمشيلك. ولما نبي نحس إني مش بروحي برضو نجيك. مش فاهمة ولا عارفة ليش. بس نحس ربي دزك ليا عشان تحميني عشان تطمني. كل ما نفكر شن كانت حتكون حياتي والسنتين هذين كيف حا يمرن بدونك. ما نقدرش نتخيلهن أبداً.

ابتسم. وأنا عايش عشان نكون جنبك. باهي ليش؟ عليش أدير هكي لوحدك؟ ما عطاتكش حتى فرصة إنك تقرب منها ولا حاولت حتى إني نتعرف عليك. كنت نفكر في روحي والمسؤوليات اللي عليا. وما فكرتش فيك. خليتك بالاسم متجوز بس.

رغم هكي صابر وما حاولت تدير أي شي غصب عني. أول مرة نحكي بصراحة هكي بس بنفهم. أنا مش صغيرة ونفهم يعني شن حايكون بين أي اثنين متجوزين. ياسيدي غير الشي هذا مثلاً. ما كنتش من الناس اللي نديرلك في غدا مثلاً. أو إني أنوض معاك للشغل. ورغم هكي ولا عمرك حسستني إني مقصرة.

بس أنا كنت نفكر فيك. وكنتي ديما في بالي. ماننكرش فالبداية كان الموضوع إني زعلت لما انتشر الخبر فالشركة وسمعنا اللي صار. وبعد فترة ولما حكيت مع عاشور وصدفت إنك انتي اللي تكوني ليا. وزاد حكالي عليكِ وشن صار في أمك. قلبي وجعني. بس بعدها أنا بروحي مش فاهم شن لي صار. بالنسبة ل إني ما خذيتش منك شي بالغصب. فهذي مش رجولة. شن الفايدة إني نجبرك على شي؟

لا أنا ح نكون راضي ولا انتي. والشي هذا مش أول حاجة نفكر فيها. ما ننكرش إني نبيها معاك. انحرجت وحاولت تغير الموضوع. ممكن ما زلت تحس بنفس الشعور إنك زعلان عليا بس مش فاهم. عشان قعدت تشوف فيا من قريب وحسيت بيا أكثر. مسك كباية الميه. أو ممكن عشان نحبك مثلاً! وتوترت ووجهي قعد ألوان بزيادة. معش عرفت نكمل كلامي ولا نصبي. قعدت متنحة ومش فاهمة. هو يحبني أنا؟ هو قالي أنا نحبك؟ نزل الكباية من يده وكسر التوتر اللي أنا فيه.

نردو لموضوعنا. كنت نعرف باتك. أها. ل إني أنا بديت نشتغل وباتك كان مدير وقتها. كم لكِ؟ خمس سنين. اشتغلت معاه ثلاث سنين وسنتين بعد ما توفى. كنت تعرفه؟ تعرف شغله! كان في حد مثلاً داير معاه مشكلة؟ حد ممكن يكون سبب في اللي صار؟ أنا اشتغلت معاه في نفس المكان وهوا مديري. يعني كان اللي بينا أوراق وشغل وصباح الخير والسلام عليكم. كان يأمن فيا عالحسابات وكل الشغل كان عندي. بس غير الشغل ما كنتش نعرف شي.

سامحني كثرت عليك بس أنت عارف إني ملخبطة ومش فاهمة شي. عارفك وفاهم. بس ممكن تهتمي بصحتك وبحياتك وتبطلي تشغلي دماغك على أبسط شي. راك ما تاكليش كويس ولا ترقدي كويس. معش نبي نشوفك هكي. كول الأكل صقع ونحن ما أكلينش حاجة. ماه كنت في محقق واحد قعدت في اثنين عندي فنفس الحوش. خلاص هاه سكتت. كول. ثاني يوم رسلان

نضت بعد ما كان عندي تحقيق اليوم اللي قبله مع سما. وفوق التحقيق كان في حاجات هكي متلخبطة عندها مش فاهمة روحها هي شن تبي! بس أنا كنت فاهم وعشان هكي قلتلها إني نحبها عشان بجد أنا نحبها. ووقتها توترت وارتبكت وأخذت عقلي وردة فعلها. نضت الصبح وكانت راقدة. طلعت وقبل ما نمشي شور الشركة خطمت على أسير. صبح يافتاح. أي فتاح بشوفت وجهك. على أساس وجهك اللي بيفتحها عليا. كذا النبي. مد قهوتك. مد له الكباية. مطلعتك بلا فطور.

لاء. مابيتش نتعبها. أهو تعرف كيف تعامل الناس. كنك تستحقر معايا. وانت من قالك ناس. فك منه كباية القهوة. عدي باه خلي الناس يشربوك قهوة ويستقبلوك من صبح ربي. غير اسمعني بس. احكي. لكي ساعة بتسمعني. امس سألتني لو إني نعرف باتها. أنا ما فهمتش. سما عندها بطء استيعاب؟ يعني لكي قريب سنة مابين معرفة وخطبة وزواج. وتوا كيف ركزت إنك تعرف باتها. ماه تعرف إنك تشتغل فالشركة. كيف اشتغلت فجأة بالاسقاط النجمي. نازلة عليك خفة دم عالصبح؟

سما تفكيرها كلها فالقضية وباتها وأمها وحياتها. ما كانش شغلها أنا ولا فكرت فيا عشان هكي ما سألتش. باهي وأنت شن رديت؟ قلتلها إنه مديري فالشغل. شن ح نقول يعني. باهي وهضا اللي ينقال أصلاً. عليش تفكر مالصبح. أنا خايف عليها من التفكير. خايف إنه تفكيرها يتعبها. قعدت نرد عليها باختصار ف أي موضوع يخص القضية. ل إني نشوف فيها كيف تتعب وتمرض بعد ما تصير أي حاجة. أنت أدير هكي عشانها وعشان صحتها وعشان أنت تحبها. فماتفكرش.

إن شاء الله خير. شنجوك أنت مع روان؟ يعني أنا ممنوع نقول اسم مراتك وأنت تقول عادي؟ تو روان مراتك؟ لاء. بس ح تقعد. تي كيف صار. متلخبط عشان هكي ماشي وحدة وحدة. أنت تقعد هكي أحسن. لأنك كان خشيت خبط ح تهبد الدنيا. زي ما هبدتها أنت. خرفي. ماشي للشركة أنا. اوكي يا شركات. كلها محاسب راك. احكي هنا عندك. //// ميرا جت جنب موسى فالسرير. صباح الخير. أحسن اليوم. امتى نضنا. مالش نص ساعة عشان نديرلك فطور وتاخذ دواكم. خلاص. الدوام.

لاء. أكبر غلط إنك تاخذ الدوا يوم وتسيبه لما تحس إنك كويس. هو مضاد حيوي يتاخذ ٣ أيام. خلاص اليوم آخر يوم. قربه عنده. حاضر يا دكتورة قلبي أنت. ابتسمت. أكيد مستغرب صح؟

من زمان وأنا نبي نكون معاك هكي. بس كنت خايفه والله. خايفه من إني نحبك وتعدي زي ما كلهم عدوا. خايفه نقول لي فقلبي وبعدها تطلع إنك شافق عليا بس. ولما تلقاني نحبك تمل. كنت كل ما نشوفك تحكي بالتلفون هكي بروحك نخاف تكون شفت وحدة غيري. ولما البنات ببصارة يقولن تو موسى يمل ويجوز وحدة أخرى. ندير في روحي مش معدلة. بس والله قلبي يقعد يوجع فيا. و كلام عميمة فاطمة إنك مش متريح معايا وديما تلوم في عمو عاشور عشان هو سبب زواجنا. نقعد ناكل في روحي ونقول صح هو مش مبسوط معاي.

قاطعها. بتبكي نزعل. أنا عمري ما نشوف غيرك. ولا عمره كلام حد أثر عليا. كنت حاس بيك رغم إنك وجعتي قلبي. يعني زعلتك صح؟ شن ندير عشان تسامحني. ومن قالك زعلان؟ مانبيش شي غير إنك تكوني معايا. بس. مسحت دموعها ورفعت راسها وجت فحضنه. ماتبش تاكلم. هي نصلي ونجيك. //// في الليل عند مراد مجيد. أنا معش كلمت البنات بكل. انشغلت. أنا كل مرة بنعزم سما معش تصير. على خشت مراد. من بتعزموا. بنات عمتك معش كلمناهن. عيب. ما كلمتوهنش.

من يوم العزومة فحوش جدهن مالهش واجد. معش كلمت حد. خش مراد الدارة ومسك تلفونه بيرن على سما. بس حس إنه الوقت متأخر. ابتسم واذكر إنها كبرت واجوزت ومعش قعد الوضع كيف قبل. دزلها مسج. "بنن رن عليك بس خفت الأسد يدير موضوع." خمس دقايق وردت سما. "بلا هبال خويا أنت. رن ف أي وقت ياسامط." "بنطمن عليكن بس." "مافيش جديد في شي. نفس وضعنا." "تبي أي حاجة دوريني. را يقعد الأخ مش مريحك بس." "مراد بلا تصغير عقل." "تصبح على خير."

"وانت من أهلها وتفرحنا بيك." "هضا وجي كان عاد دورتك." حطيت التلفون فالشحن وصبيت ندخن برا. //// مرن كم يوم ما فيهن جديد غير عند ماما اللي كانت تعبانة. وأحمد عنده العلم بس ما يبيش يقوللنا. وعاشور قال لموسى إنه موافق على تيج. يومها قبل ما يعطي عاشور الموافقة جت فاطمة عند سالمة فالدار. باتك حكالي على مفتاح. شن حكالك.

شوفي. مفتاح زي ولدي وطول عمري حاسبته واحد من العيلة ومش براني. بس وين يجي الموضوع للزواج. أنا أمك ومن حقي ننصحك وانتي على كيفك. ساد خوك اللي ما قدرتش ننصحه ودار ما في راسه. ماما موسى راحته في قعدته مع ميرا. صدقيني لو بعد عنها هكي موسى يزعل. بس حالياً هو مبسوط والله. وميرا مش كيف ما أنتِ تفكري راهي كويسة بكل معاه وما تحبش تزعله. صح في بداية زواجهم كان الموضوع صعب. بس توا الموضوع اختلف وكلنا ملاحظين.

خليني منهم. أنا نعرف موسى كبير ويعرف مصلحته. غير قلب الأم شن أديريله. اسمعيني أنتِ بس. تعرفي مرض مفتاح وخليني نحكيلك كأني صاحبتك. راه مريض قلب. صح حالته ماتعتبرش خطيرة. بس ماتعرفيش قدام شن يصير. ممكن يتعب أكثر. أو ممكن يعني في الأمور اللخرا مش حيكون كيف الشخص الطبيعي. وهضا كله احتمالات. بس حطيهن في بالك. دروحي تحشمت. ماما را أنا صيدلانية وغير هكي بنت و نعرف. فما تخافيش. هضا كله عارفته وعارفة حالة تيج بالتفصيل.

معناها أنا عليش ننصح يا فانص. على خشت رندة. كنكم ما كلمتوني نهدرز معاكم. لا كلا. أنا ما فيا ما نهدرز. بنعدي نرقد. نعست. أن حظرت الشياطين غابت الملائكة. معروفة. نننننن باردة. وطن صوتكن را ينوض باتك. كنها ماما شن كانت تقولك. كانت تحكيلي على مفتاح عشان مرضه وهكي. وانتي شنو. ما في شي ح يتغير. أنا نحس إني متريحة بكل. معناها ديري لي متريحتله. أهو يرن. شوية ونجي راه. قريب نكمل قراية. ////

كنت يومها مش فاهمة كني. من أول ما نضت وأنا في بالي رسلان. من يوم قالي نحبك وأنا ملخبطة. كل ما أنوض وألقاه فالشغل يوحشني. ونقعد نبي نشوفه. وكل شوية بدون ما نفطن نمسك فالتلفون ونرن عليه بنسمع صوته. ما فهمتش ليش اللخبطة هذي. صبيت حكيت مع البنات شوية عالقروب. ودوشت ولبست وطلعت. شعري مبلول وصقع. على خشت رسلان قصاد المغرب هكي. مش طولت اليوم. ما قلتلك أسير عازمني عالغدا بعد الشغل. لعند المغرب.

حط المفتاح والتلفون عالطاولة وخش للدار ويحكي معايا. طلعت من الشركة ٣. على ما تغدينا وقعدت معاه شوية. طلع. وصلته للمحل وكسدت معاه شوية وجيت. فيه تحقيق ثاني؟ ضحكت. ليش واخذها تحقيق يعني؟ نسأل عشان وحشتني مثلاً. كان فاتح الدولاب يطلع في تيشرت يلبسه. صكر الدولاب وبحت فيا. عندك حرارة اليوم ولا شنو؟ وقرب مني حط يده على راسي. لا كويسة. ومسك شعري. كنه مبلول. تو شن الحناطة هذي.

سما ما تلعبيش بأعصابي. مش ح نقدر آخذ منك أي كلمة جدية عشان أنتِ اليوم كويسة بكرة تقلبي. وأنا قلبي خلاص والله. خذا دبشه وخش للحمام. وأنا ما قدرتش نرد عشان كلامه صح. كنت كل ما يقرب مني شوية أتوتر ونقعد خايفة. بس اللي كنت متأكدة منه إني ما نبيش نتعلق بيه. كنت خايفة إنه لما نحبه هيمشي ويسيبني. بس هو ما كانش فاهم أو ممكن مل مني. والله ما فهمت شن ندير ولا عارفة كيف هنتصرف.

طلعت ولعت التلفزيون فالصالة و قعمزت عالكنبة. العيون عالتلفزيون بس عقلي مش معايا. //// عند البنات كانن وقتها يهدرزن. بنات نحس بروحي واحشني ربيع بكل. و شنو في بينكم اللي ترايفي عليه. ما فيش بينا شي بس ح يكون بينا. كيف ح تطقي فيه. مش عارفه. عندي رقمه بس سماطة إني نرن صح؟ بكل. أنتي أس ما حد سألك. من رأي سالمة حتى أنا. ما فيكنش جو بكل. ح يجي يوم و ح تقعدن انتن الاثنين تحوسن فالمطبخ. خطبتي أنا وربيع وقولن رندة ما قالت.

على رنة تلفون روان. خلوني عاد أنا نشوف مستقبلي. صبت من حذاهن. أسير؟ هزت براسها وطلعت من حذاهن. أنا مستقبلي قصدي تيج. ما رنش عليا اليوم. متعاركين ولا شنو؟ لاء بس مستعجل إنه يدير دفع و كل شي رسمي. عشان على قوله ما يبيش يحكي معايا من ورا موسى. وباهي شن فيه لو درتي خطبة هي مش فاتحة. ما قلت شي حتى أنا. هو بس متوتر وكل مرة بيحكي لموسى تصير حاجة. تحبيه؟ نحبه لدرجة ما كأنش حبيت وانخطبت قبله. تصوري! ما سألكش بكل على الهم حسن؟

معش تقولي اسمه الحقير. لالا. يعرف إني كنت مخطوبة من قبل طبعاً. بس ما سألنيش بكل. بس نحس بنحكيله. أنا نحس فيه خاطره يعرف بس متردد. يا عيني عالي قعد يحس. ضحكت على رنة تلفونها. أهو يرن. حياتي. صبت سالمة ترد ورندة المسكينة مسكت تلفونه. امتى ترن حتى أنت. //// عند روان أسير. عارفه إنك طول اليوم في بالي. اليوم بس؟ من أول ما شفتك بس اليوم بزيادة بكل. وشمعنى اليوم. مش فاهم!

كل يوم عن يوم نغرق أكثر. كل ما نسمع رسلان يحكي على سما طول تجي في بالي أنتِ. وأني بنكون معاك ونشوف فيك هكي وأنتي معايا في نفس الحوش. حوش شنو. ضحك. تو سيبتي الكلام كله ومسكتي فالحوش. ماه يعني حوش ما حوش. تحسه الموضوع كبر. روان أنا نحكي جد. بطلي تهرب. خذت نفس وبجدية.

أسير. اوكي. المده اللي نعرفوا فيها بعضنا مش شوية. بس برضو مش كبيرة. مانبيش ننخدعوا فالبدايات ويكون هضا كله مجرد انبهار بس متاع البداية. بعدها نملو. نبي نتأكدوا صح نحن شن نحسه. بس أنا متأكد! وبكل أخرى. مني. إنحبك. وماتقوليهش ليا راه. مانبيش نسمعها منك لحد ما انتي تتأكدي. كان رد روان عبارة عن سكوت وقلبها يدق وحست إنه نفسها شوية وه ينقطع. قاطعها صوت أسير اللي فهم خوفها. صوتك وين. أه؟ معاك. ضحك.

خوذي نفس. تقول قتلك بنخطفك. أسير. عيون أسير الاثنين. أنت تحكي جد؟ صح. أنا ما تاخذيش مني شي جد. بس المرة هذي الوحيدة اللي ما كنتش فيها نبصر. ه تراجيني. معاك العمر كله. أهم شي انتي تكوني متريحة. //// عند أحمد اللي كان يحكي مع ضحى ما قلتش للبنات على أمهم؟ مانبيش أشغلهن. بعدين مش أول مرة تنتكس. ديما تصيرلها وترد بعدها كويسة. نقوللهن تو يخافن ويتعبن ومش فيدهن شي. بس سما وصيتني إنه لو تصير حاجة نقوللها. معش عرفت شن ندير.

عارفها تربش من ورايا وتدور. بس ماتقوليلهش شي. مش عشان حاجة والله. بس عشان صحتها. ما صدقت هي وأختها ردوا حياتهن شوية وتهنوا. وأنت امتى بترد حياتك؟ كيف؟ أنت مش شايف روحك كيف غارق في شغلك والقضية ومش فاضي حتى ساعة لروحك. الله غالب. هضا شغلي. لا. مش شغلك. أنت تهلك في روحك والل. تصديقي إنه انتي أول حد يفكر فيا. احمد. لا إله إلا الله. الواحد ما يقولش كلمة كويسة يعني. ابتسمت. الساعة كم شغلك بكرة؟ تواعيني ٧ ونص.

اوكي. حتى أنا طالعة مع محسن الصبح عندي دوام فالمستشفى. خلاص معناها نكمل شغلي ونجيك. وين تجيني؟ مستشفى بوك. ضحك. وين الرومانسية اللي من خمس ثواني. ح نوريها لكِ بكرة. أنت شكلك رقدت وتحلم. تصبح على خير. وانتي من أهلي. //// كنت مازلت نتفرج عالتلفزيون. مرة نشوف المسلسل ومرة عقلي يودر ويغرق فالتفكير. قطع تفكيري رسلان جا قعمز جنبي. تديري قهوة. كيف ما تبيش تطلع؟ لا خلاص ما فيا ما يطلع توا.

نحسابك بتدوش وترد تمشي لأسير فالمحل. سادني أسير اليوم. مليت من وجه. ضحكت وصبيت. تو ندير قهوة ونجي. مسكني من يدي رديت قعدت جنبه. على فكرة حتى أنت وحشتيني بكل اليوم. مش على أساس كنت نلعب بأعصابك. بس أنا نقولك فيها من قلبي. " وكان يبحت فعيوني" توترت وحاولت ما نبحتش فيه. رسلان تحبني؟ ضحك. مفروض أنا اللي نسألك السؤال هضا عشان أنا إجابتي واضحة. مش اليوم ولا امس. بحثت فيه. باهي يعني مش ح تسيبني لو شن ما صار؟

ردينا نفس الكلمة؟ مشيني على قصاد عقلي بس اعتبرني طفلة وجاوبني. ابتسم وقرب. مش هنسيبك لو فاضل في عمري ثانية حنكون فيها معاك. ولو قعدنا هكي طول العمر حنقعد معاك وجنبك. وما فيش حد ح يخليني نبعد عليك غير اللي خلقني بعد عمر طويل. مسكت يده. وعد صح. ضحك. مش فاهم كنك بس وعد. نبي نطمن. وطبست تبحت في يده اللي كانت في يدي. نعرف إنك تحبيني بس خايفه. رديت بحتت فيه. ومن قالك يا واثق أنت؟

عيونك قالن وصوتك كيف يتوتر وقريب يختفي والكلام محوتك يطلع لما تقعدي جنبي. خوفك عليا ديما من إني نبعد عليك. مكالماتك لما نطلع. قربك مني. رقدتك جنبي ومسكتك ليدي. بس انتي خايفة ومش فاهمة من شنو وعليش. كان كلامه كله صح. بس مش قادرة نطلع الكلمة. مش قادرة نقولها له. نخاف بعد يعرف يختفي. مش فاهمة ولا حاجة. كنت مش قادرة نرد عليه بس ماسكة يده. قرب مني.

رسلان ماتديرش شي. أنت ما تبيش خلاص. حول كأنه ما صارش شي. نحن الاثنين عرفنا لي نبو نعرفوه. جا عند وذنها. كويس إني صبرتلك هضا كله وكويس أصلاً إني قادر نسيطر على روحي طول ما كنتي معايا. ضحك. رسلان! مش ح تندمي؟ أذكر إني أنا اللي بديت. وخر وجا قدامه. مش تبي قهوة. ضحك. ممكن تسكتي بس! أي قهوة. وقربني منه. //// عند سالمة عالفجر ح تحكي معاه بكرة. خلاص أه حنخظم عليه فالشركة ونقوله. توترت.

كل ما بنحكي معاه يا يقعد قالب وجه متعارك مع ميرا. يا عنده شغل فالشركة. يا يوصل فالبنات للجامعة. معش حصلته بكل. بكرة البنات عندهن جامعة. أصلاً. ح يحطهم ويمشي للشركة أكيده. أه تو ندوره. سكت شوية بعدها قال. عادي أسألك. حست شن ح يسألها. قول. عليش فسختي خطبتك اللي فاتت. تصدقي إنه من دون الأيام كلهن مبدري قلت للبنات إني بنحكيلك. و شنو بتحكي. علي خطبتي وهكي. نسمع فيك.

حكت سالمة لتيج قصة حسن بس باختصار عشان ما تخشش في تفاصيل يجرحنه. بس حكتله المهم واللي المفروض يعرفه وكيف إنه طلع حقير وضيع من عمرها سنين ووقت ومشاعر كلهن عالفاضي. تيج طبعاً كان يسمع. وكيف أي راجل مش حاب إنه يسمع اللي يحبها تحكي على غيره مهما كانت طبيعة العلاقة. بس صبر وخلاها تكمل للأخر. وبعد ما كملت كلامها ما سألهش أي سؤال وغير الموضوع كلياً. بكرة عندك شغل. فهمت إنه مش حاب الموضوع. أه. بس مش ح نطول.

خلاص الوقت تأخر بكل. تريح. مش ح تسأل أي حاجة. أنتِ حكيتي كل حاجة فخلاص. مش مهم عندي نعرف أي شي. لا. نبيك تعرف حاجة مهمة بكل. شنو. إنه أنت لما خشيت حياتي ما كأنش عرفت حد قبلك أصلاً. ولا حبيت حد. ضحك. وتقولولي كنه قلبك تعبان. //// سما. يعني توا هكي نقدر نقولك إني نحبك. ابتسم. تصدقي إنك واحشتيني وإنتي جنبي. خليك عشان تحس بيا لما نقولك. ما تطولش برا. أصلاً كله من أسير. أي أسير بس. "مسك يدي وحضني" أنتِ في عقلي طول اليوم.

و قلبك؟ لا هكي نتعب أنا. قول بس. "وفقلبي من زمان بكل". رسلان ح نموت والله لو سبتني. رفع راسه وبحت فيا. أنتِ ما تبيش تبطلي دراما. خلاص بطلت. عادي نقول نحبك باهي. "رفعت راسي وبحتت فيه" لو نسمعها مليون مرة حتكون كأنها أول مرة. ابتسمت وجيت بنصب. وين مصبية. بنديرلك قهوة. الصبح قريب يصبح. أي قهوة بس. ما تبيش نديرلك شي. لو جيعانة صبي كولي. أنا مانبيش شي إلا إنك ترقدي فحضني. اليوم نايض بدري وتالف شوية ونرقد.

خلاص هنقعد جنبك لحد ما ترقد ونصبي ندوش و ناكل. غمض عيونه. نحبك. //// ثاني يوم طلع رسلان وقبل ما يمشي للشركة مشى لأسير فالمحل. صباح الخير. كنك تقول مصاحبني أنت. يوم يومين مخطم عليا قبل الشغل. ياراجل صبح مثقل دمك. خذا كباية القهوة اللي قدامه وشرب منها. كنك امس نرن عليك ما ترد. ابتسم. شي. روحت تالف. قعدت شوية ورقدت. حط أسير الكباية. شن الابتسامات اللي توزع فيهن عالصبح هذينا. ان شاء الله خير. كباية القهوة.

اطلع جيب قهوتك جاي ومش فاطر راها. معنديش حتى حق دخان. كنها سما ما دارتلك قهوة. بتبدا اتحنط. ح نقتلك ونطلع. دروحه واعر ويغار. قعمز رسلان مقابله وشوية وبيطربق أسير ضحك. ان شاء الله خير. صار قتلي امس رقدت بدري. لا وطالع مش شارب قهوة وتوزع في ابتسامات وجاي رايق. مازال مش مركز. بحت فيه وطلع باكو الدخان. صباحية مباركة يا حبيبي. فك منه الباكو. كلمة زيادة ندفنك فالمحل هن وما حد يعلم بيك.

ضحك ودار إشارة على فمه إنه سكت. وخذا كباية القهوة ورد ابتسم. ولعلي خليني أتوكل للشركة. طلع الولاعة. غير راك تقعد سرحان طول اليوم بس. أسير أقسم بالله كلمة أخرى نقربعها بينك وبين روان. فوتني. إلا المدام. خلاص أربح سكتت. زعزع رسلان الولاعة على وجه أسير وطلع يضحك. طلع أسير تلفونه ورن على روان. صباح الخييييير. صباح أجمل صوت في الدنيا. شن الروقان اللي عالصبح هضا. متصبح في وجه رسلان. ضحكت. حرام عليك. قاعد فالمحل!

أها. من شوية جيت. وقاعد تشرب في قهوة وتدخن صح. ضحك. يا عيني عالحفظ الروتين. أنت ما تعرفش تقعد جدي. خلاص هاه قعدت. أنتِ وين. قاعدة نلبس. عندنا محاضرة اليوم. عادي نجي نشوفك عشان وحشتيني. أسير. المحل ما تجييش كل شوية مسيبه. بعدين محاضرة وحدة و ه نروح. يعني ما تبيش تشوفيني. لاء. يعني نبي. بس مانبيش نعطلك وتجي على خمس دقايق. عشانك نجي حتى على خمس ثواني. شن تحكي أنت. ماه يعني حوش ما حوش. تحسه الموضوع كبر.

روان. أنا نحكي جد. بطلي تهرب. خذت نفس وبجدية. أسير. اوكي. المده اللي نعرفوا فيها بعضنا مش شوية. بس برضو مش كبيرة. مانبيش ننخدعوا فالبدايات ويكون هضا كله مجرد انبهار بس متاع البداية. بعدها نملو. نبي نتأكدوا صح نحن شن نحسه. بس أنا متأكد! وبكل أخرى. مني. إنحبك. وماتقوليهش ليا راه. مانبيش نسمعها منك لحد ما انتي تتأكدي. كان رد روان عبارة عن سكوت وقلبها يدق وحست إنه نفسها شوية وه ينقطع. قاطعها صوت أسير اللي فهم خوفها.

صوتك وين. أه؟ معاك. ضحك. خوذي نفس. تقول قتلك بنخطفك. أسير. عيون أسير الاثنين. أنت تحكي جد. صح. أنا ما تاخذيش مني شي جد. بس المرة هذي الوحيدة اللي ما كنتش فيها نبصر. ه تراجيني. معاك العمر كله. أهم شي انتي تكوني متريحة. //// عند موسى وميرا من بعد اللي صار بينهم واخيراً واخيراً كانو رايقين ومتفاهمين بدون حواجز وبدون خوف وبدون توتر. موسى. وقت عالجامعة ووقت عالشركة. نضت. حنديرلك قهوة على ما لبست. تمام. صبت من جنبه وبرمت.

موسى تعرف إني نحبك بكل صح. عالسرير يحك في عيونه. لاء. ما نعرفش. كيف؟ قصدك ما تعرفش بجد. على فكرة انحبك أكثر من ما أنت تحبني. ضحك وصبا عندها. هذي مستحيلة وما تقدريش. ليش مستحيلة. عشان أنا حبيتك من أول ثانية جمعتني بيك. بس انتي طولتي. قربت منه. مش شرط. وماتقولش هكي عشان ح نزعل. أنا نحبك أكثر وخلاص انتهى النقاش. تعرفي إنه لو نقعد اليوم كله وأنا نسمع فالنقاش هضا مش ح نمل. وقتتت هيا. التلفون يرن. طلعت ميرا وموسى خش يلبس.

ميرا. نازل أنام. هي لاحقتك. بنخطم عالبنات راه. أحمد طلع بدري وسالمة بيحطها عمو عاشور بس متأخر. باهي تمام. خذا موسى مفتاح السيارة ونزل. كملت ميرا لبسها وخذت شنطتها ولحقاته للسيارة. أول ما صكرت الباب وبرمت. شوف كله طويل وواسع وشعري خششته جوه. ابتسم. أنحبك وأنتي تسمعي فالكلام. ما تعودش بس. ابتسم. ح نستغرب أصلاً لو ما عاندتيش. مش ح تكوني ميرا. ضحكت. باهي أنت كويس صح؟ مش مريض. ميرا عاد خلاص. مش مرضه هي. حبستيني معاكم.

يعني طلعت محبوس. مسك يدها. أنتِ عارفه لو نقعد معاك العمر كله في مكان واحد مستحيل نفكر نطلع. تعرفي ما كنتش نحساب روحي نحبك هكي. و امتى عرفتي. "ودرس قدام حوش البنات وبيبلهن" سر. فتحت رندة باب السيارة. صباح الخير. شكلكن مصبيات عند الباب. ركبت روان. أه. طولتم. أنا كنت نلبس. محوتك لقيت حاجة واسعة. "وبحتت فموسى" أدبببب. ننزلو بس. وقعدن البنات يتناقرن لحد ما وصلن للجامعة. نزلن البنات. ردوا بالكم.

حفظت والله. مش ح نصبي مع حد ولا نحكي مع حد. ونقعد مع البنات ونرد على تلفوني. خلاص نحبك. وسكرت الباب ولحقت البنات. ابتسم وماكنش قادر يرد. كان مازال يحس بروحه يحلم بعد الصبر اللي صبره على ميرا. واللي كانت فيه هي توا تعامل فيه هكي وتحبه. //// روان. توا كيف خشيت. قاعد عند البوابة أنا. اوكي. تلقاني فالكافتيريا. أسير جاي؟ أه. كلمني الصبح قالي خمس دقايق ويمشي. أنا بنمشي. ما وصلت كليتي إلا والمحاضرة بادية.

حنخش نطلب حاجة نشربها. ما تطوليش. خلاص تمام. صباح السماحة. ابتسمت. صباح النور. تو لازم الخشة الكافتيريا كل صبح. نطلعو مستعجلين. نوصلو نشربو حاجة ونطلعو دغري للمحاضرة. قاعدة مليانة الشباب كلهم فيها. وأنا شن دخلي بيهم. ناخذ فحاجتي ونطلع. جاي بتعارك؟ لاء. جاي نشوف السماحة. أسيررررر. عليك حشم. ما تبيش تمشي للمحل. وصل الأسير مسج على تلفونه من رقم غريب. مسك تلفونه وقرا المسج. أسير تسمع فيا؟