رواية حلال الأسد الفصل السادس 6 - بقلم أسماء حبيب

في بيت أيه.... ساره،،، ما شاء الله قمر يا أيه قمرررر. أيه،،، شكرا أشكحتيني ههههه. أم أيه دخلت بسرعه،،،، يا بنت يا أيه العريس وصل. أيه كان قلبها بينبض بسرعه مش عارفة خوف توتر قلق. ايه خرجت وقعدت بعد ما حطت العصير ومكنتش بتبص خالص كانت مكسوفة جدا! محمود،،، تعالي يا أيه العريس عايز يقعد معاكي. أيه مشيت وقعدت في ركن وكان العريس قاعد فيه. زياد بسخرية ،،، اهلا وسهلا يا أيه كنتُ أخشي ان أتي متأخراً هههههه.

أيه رفعت رأسها بصدمة،،،، هو انت. زياد بوجه اشبه بمعالم الغضب،،،،، أنتي ألي رسمتي مستقبلك ألي هيدمر بين أيديه. أيه بخوف ولا كن متصنعة القوة،،،، شوووف انا مش هقول لخويه علي ألي عملته لأنه هيبهدلك ومش خايفة منك خاالص على فكرة ومستقبلي بين أيد ألي خلقه وخلقك. زياد،،، واللهم قوي أيمانك يا أختاه. (وقرب منها بسرعة لدرجة أنها شهقت وحطت أيديها على وشها بخوف)

لوووو مش وافقتي اقري على روح أخوكي الفاتحة، أخومي الحداد ده ميخدش في أيدي غلوة. زياد رجع على الكرسي عادي،،،، قولتي أي يا قرة عيني. أيه ودموعها نزلت غصب عنها،،،، على فكرة لو مفكر إنك بفلوسك وسلطتك في الدنيا تقدر تتجبر على الناس فاعرف إن في رب اسمه الجبار وقادر إنه يهدك في لمح البصر. زياد بنظرة ملل،،،، خلصتي، قبل ممشي قدامك يوم لو الرد موصلنيش أخوكي و و... وأبنه هيسفروا فوااااق ماشي يا هه أيه ، ياااا أخ محمود.

محمود جه بابتسامة و زياد سلم عليه وخرج هو وعيلته، أما أيه فدخلت أوضتها وقفلت بالترباس وحطت المخدة على وشها وكانت بتصرخ خوف...

خوف على أخوها اللي عوضها عن حنان الأب وسندها بعد ربنا في الدنيا ولا لهفته على ابنه اللي لسه مجاش على الدنيا كسرة وألم وخوف هضحي بمستقبلها عشان خوفها على أخوها من متجبر في الأرض ترمي نفسها وسط النار عشان تحمي أخوها من إنه يتكوي منها تعذيب النفس أسوأ من تعذيب الجسد صعب جدا ولاكن ما باليد حيلة..... أم أيه بقلق ومحمود بيخبط عليها،،،،، يا أيه أيييه!

أيه مسحت دموعها بسرعة وتذكرت كلام حلا عن ذكر الله.. ألا بذكر الله تطمئن القلوب... أيه بابتسامة وتصنع الكسوف وفتحت الباب،،،، نعم. محمود باطمئنان وبيحضن أخته،،،، يا شيخة وقعتي قلبي، أي يا بت الكسوف ده هههه. أيه،،،،، متكسفتيش بقي يا حودة. أم أيه بلهفة،،، ها يا بت أي رأيك في العريس دا جاهز من كله! أيه بابتسامة صنعتها ولكن خلفها ألم شديد،،،، ألي انتي شيفاه يا ماما.

أم أيه،،،،،، لووووولوووولووولييييي وتفك نحسك يا بنت يا أيه دنا هفرق الشربات على الحتة كلها ولا وكبرتي يا بت وبقيتي عروسة. محمود بضحك وبيميل على أيه ،،،،، أمك شكلها أتلبست ههههه. أيه،،،، شكلها كدا هههه. ساره بعدم ارتياح وخدت أيه على جنب،،،، أيه أنا لي مش شايفة اكي مبسوطة مالك اوعي تخبي عني حاجة.! أيه حضنتها وعيطت جامد.... ساره بخضة،،، أيه اهدي، مالك بسسس.

أيه ولحظة إن أمها جايه،،، ل لاء لاء دي دموع الفرحة، بس مش متخيلة إني ممكن أبعد عنكم. ساره بشك ،،،، أكيد هو ده السبب يا أه! أيه، أه طبعاً. أم أيه وشدتها،،، تعالي دنا لازم أرقيكي عشان عيون الحساد. ساره ووقفت جنب محمود جوزها،،،،، مش عارفة لي يا محمود مش مرتاحة.

محمود بابتسامة،،،، إن شاء الله خير، بصي يا ساره في 50 ألف كنت محوشهم عشان فرح أيه هما مش هيكفوا أوي بس شوفي هتحتاجي أي وأنا هدبر مبلغ كمان عشان لو عايزة حاجة، مش عايزها تحس بنقص أو إنها أقل من أي عروسة لو طلبت حاجة قوليلي على طول. ساره بابتسامة،،،، وأنا مش عايزة الدهب خده وبيعه يا محمود المهم عندي تكون أيه مبسوطة...

أيه ولي كانت داخلة تجيب حاجة وسمعت حورهم دموعها بتنزل بألم ووجع نفسها تاخدهم وتهرب بيهم بعيد عن أي حد يفكر يأذيهم بس...... أما سراج خرج من المستشفى وروح... حلا كانت مستنية معتصم في الجنينة عشان يجي من عند أسد ألي بيدربه... سراج بضحك،،، مالك مش على بعضك لي كدا.. حلا،،، معتصم عند الجيران وأنا بحب أقعد أتخانق معاه وسي أسد شاغل دماغه منا خلاص اتركنت على الرف... سراج بضحك،،، حلا بيه الست حلا تتركن على الرف لاء لاء.

حلا بغرور مصطنع،،،، عارفة. سراج،،،، تتحط في درج المكتب بس. حلا وبتجري ورا سراج،،،،، خد هنااااا خد. سراج خرج من الفيلا بسرعة،،،،، أنا رايح لمعتصم سلااام. حلا،،،، بقي كدا سروجه سروجروج تسيب اختك كدا، اخص اخص مكنش العشم ابدا! سراج كان هيمشي بس سلمي كانت داخلة،،،، سراج عايزك في موضوع لو هتمشي... سراج دخل هو وسلمي وطبعاً حلا رزلت عليه وشدته من ودنه لأمه متبقاش حلا....

سلمي،،، بصراحة يا سراج أنا وميادة صحبتي عايزين نروح معرض نشتري لبس وكده فممكن تسمحلي انتي وحلا أروح. حلا،،،، ان كان عن نفسي مفيش مشاكل بس خلي بالك من نفسك. سراج،،،، طيب بس بشرط.... في الفيلا عند أسد ألي بيدرب معتصم ومبسوطين... معتصم،،،، The Lion شوف عضلاتي. أسد بضحك،،،، يا سلام وهي هتلحق تكبر! معتصم بتزمر،،،، اه، طب هات دراعك كدا ونقيس نشوف مين عضلاته أكبر هه.

سيف ومتابع بضحك،،،،، لا جامد يا معتصم خلي بالك بقي أصل أسد من نفسك. كان سراج بره،،،، طيب مممن اخش وربنا أنا ما حرامي. أسد سمع صوته وسمع إنه يدخل بعد كدا... سراج وشايف معتصم وهو بيضرب ومندمج.... سراج،،،،، معتصم كدا بقي واد خطر لازم أضرب أنا كمان يا أسد. أسد،،، وماله تعاله. أسد لسه بعلمه أول حركة سراج جري،،، أي يا عم هو انتي عايز تتمرن عليااا ولا أي، كفاية علقة امبارح ههه.

معتصم وبيتكلم بسخرية،،،، خواف، أنا هوريك أنا وهو هنعملها ازاي وتعلم بقي. سراج،،، أي يا ابني طب كدا كرامتي ضاعت. سيف بضحك،،، تعاله يا دك وأنا أعلمك بالهداوة شكل العلقة أثرت جامد ههههه. كان سيف بيدرب سراج وكانوا مبسوطين أوي. والدة أسد "نجوى" وجايبة عصير ليهم،،،، طيب خدوا بريك وكملوا بعدين طحن في بعض ههههه.

سراج،،، شكراً والله جيتي في وقتك يا أمي دا سيف كان هيرزعني بونية، بس الحمد لله ربنا سترها مع الغلابة اللي زيي ههههه. سيف بابتسامة،،، سراج كنت عايز أسألك عن حاجة. سراج وبشرب العصير،،، اسأل. كانت سلمي بتكلم ميادة في الموبايل.... ميادة،،، حلو أي يا سلومة، وصبري رضي هو كمان أكيد بقي لازم يرضى مش فيها تخفيضات ههههه. سلمي،،،،، هههه هو الراجل برضه بتعب في الفلوس. ميادة،،،، اه والله يا سلمي، خلاص بعد الجامعة إن شاء الله.

سلمي،،،، سلام يا قلبي. ميادة،،،، ااه قلبي الصغير لا يتحمل ههه. سلمي،،،، هههه دا انتي مشكلة. ميادة،،،، طب سلام أصل حماااصة صحي. سلمي 😍 قلباااااي اديله بوسة وقليله إنها مني ليه. ميادة 🥱 اسكيوزمي ابني مش بيتباس غير مني ومن أبوه بس سلاام. سلمي،،،، كدا ماشي يا ميادة. حلا كانت بتخبط على الباب.... سلمي،،،،، ادخلي. حلا جريت ونطت على السرير،،،، سلوووووم. سلمي،،، شكلك كدا جاية في مصلحة. حلا بضحك،،،، يا واد يا جامد اللي فهمني.

سلمي،،، ههههههه كنت عارفة والله. حلا بابتسامة،،،، خدي يا ستي هاتيلي الطلبات دي معاكي. سلمي،،، أيييح طيب. حلا بتحضنها،،،، حببتشي حبببتشيييي حببتشي حببتشي حببتشي خممممة حببتشي. سلمي بضحك،،، اهو قلبت فيفي عبده المصلحة بتعمل أكتر من كدا يااا جدعان. حلا،،، اخص عليكي كدا . سلمي،،، خلاص بقي يا لولو هجبلك كل اللي انتي عايزاه مرضية. حلا،،،، خلاص مرضية ، سولام. سلمي،،،، سولام. سلمي لقت حد بيرن،،، ألوووو سوزي ازيك.

حلا بسرعة خدت منها الموبايل،،،، خلتواااااا قلبي قلبي قلبي. زينة في الموبايل بفرحة،،،، قلب خلوى، وحشتوني أوييي. حلا فتحت الاسبيكر،،، وانتي كمان. زينة،،،، مش تباركوا لزياد راح النهارده وشاف عروسة كانت عجباه وشكلها محترمة أوي. حلا،،، كدا لاء دا أنا لازم أشوفها بقييي الللف مبروك هنيجي بكرة أصل النهارده مش هينفع خالص مالص. زينة،،، وأنا مستنياكم اياكم تتأخروا. حلا،،، من عيوووني. قعدوا يتكلموا شوية وبعدين فصلوا الخط.

سلمي،،، الشعب بيتجوز واحنا معنسين هههه. حلا،،، يتها نصيبة اللي عايزة جواز يا أخشي منها السنجلة ملها عيشين براحتنا. سلمي،،،، هههه ماشي يلا بقي من هنا. حلا،،، بتطرديني. سلمي،،، لت بطردك بس. حلا،،، اه بحسب أنا خارجة بقي أما أشوف سي سراج اللي هيبات عند الجران ده. أما في الشارع في مكان عام كان صلاح معاه خمس شباب وقاعدين يتكلموا... صلاح،،،، فهمتوا تعملوا إيه. شاب منهم انصدم،،، نهار أبوك أزرق، انتي عارفة انتي هتعملي إيه!

شاب تاني،،، دي فيها سجن ونيابة وبلاوي سودة يا صاحبي. صلاح،،،، بلاش نبر منك ليه. شاب ثالث،،،،، لا يا عم إحنا نعاكس اه وعملنالك محبة مننا لاكن إيه اللي بتقولوه ده، دا كلام كبير أوي. صلاح،،،، أنا مش هعرف أتصرف لوحدي. شاب آخر،،، يا عم دي مصيبة. شاب وبيشرب شاي،،،، شو يا زميل البت مش أذتك في حاجة واللي انتي ناويه عليه ده يودي في كلابوش. صلاح وطلع مبلغ كبير من جيبه،،،، طب وكده. هنا الشباب بصوا لبعض وبعدين ابتسموا.

شاب منهم،،، يعني انتي ضامنة إننا منتكشفش! صلاح،،، عيب عليك يا زميل ما أنا هكون معاكم يعني هودي نفسي في داهية. الشاب في نفس واحد،،، اتفقنا. في مكان أو بالأحرى ملهى ليلي كان زياد بيشرب كتير.... زياد وسكران خالص وجمبه شيماء.... زياد وبيزعق وهو بيكلم شيماء ومش في وعيه،،،، أنا هوريها اه وريها. شيماء للاستغراب،،، توري مين يا حبيبي! زياد،،، هي مفكرة نفسها مين هاااا مفكرة نفسهاااا مين، أنا هربيها اااه هربيها.

شيماء بتوهان،،، مين دي يا زياد! زياد بسخرية،،،،، أ ي ه هااااهاااااهااااااااا. شيماء بغيره،،،، مين أيه دي! زياد وقف وجسمه مش متوازن خالص وبيزعق،،، مراتي هااااهااااههههههه أنا اتجوزت خلاص شغلوااا المزيكا يلااااا. شيماء بصدمة،،، م مراتك. زياد ومسك إيد شيماء،، يلاااا نرقص يلااا.

شيماء بعدت إيديها بعصبية وخرجت من المكان كله ودخلت العربية بتاعتها وبتدورها بعصبية ،،، بقييي أنااا أضحي بمستقبلي وشغلي علشااانك وفي الآخر تتجوز وأنا اللي بتحايل عليك بقالي سنين ، ماشي يا زياد اللعبة هتتقلب عليك كنت الصياد بس دلوقتي هتكون الفريسة. شغلت العربية بغضب ومشيت... سراج كان رايح هو ومعتصم بعد ما سلموا على أسد وسيف ودخلوا الفيلا بتاعتهم وعدى الليل على الكل.... في صباح اليوم التاني.....

كانت سلمي وميادة مستنين حد على باب الجامعة.... سراج ووقف العربية،،، يلا يا سلمي، أسف اتأخرت! سلمي،،،، لاء عادي، يلا يا ميادة. ميادة ركبت مع سلمي ورا وسراج غض البصر عنها وكان في زحمة للمعرض... في المسجد عند حلا كانت قاعدة بتشرح و تتناقش مع السيدات بس فجأة وقفت شرح وحطت إيديها على قلبها بوجع. الستات اتخضوا وأيه وأيات جريوا عليها،،، مالك في إيه! حلا بتغمض عينيها ودموع بتنزل زي الشلال،،، استر يا رب.

نجوى،،، اهدي يا بنتي حد يتصل على دكتور يا جماعة. سلمي وسراج وميادة وصلوا المكان وكان فيه زحمة أوي. سراج،،، سلمي،،، هعمل مكالمة مش هتأخر مش تتحركي من هنااا. سلمي،،، حاضر يا سراج. سراج خرج من المعرض وهنا كانت عربية سيف وصلت ونزل هو وأسيل. سيف،،، شكراً يا سراج، أسيل ادخلي اتفرجي على اللي انتي عايزاه. أسيل بملل،،،، اوك. ميادة وبتتكلم مع الراجل،،، أيوه مش في منه أحمر! البياع،،، لا والله يا أستاذة خلص! ميادة،،، سلمي ش...

سلمييي سلمي انتي فين! ميادة سابت الهدوم وقعدت تلف يمين وشمال طلعت من الباب الخلفي للمعرض ظناً! إنها راحت لخوها، وهناك شافت واحد شايل سلمة وبيدخلها العربية... ميادة بصراخ،،،، سااااااااالللمااااااي. واحد انتبع ودخلها بسرعة وهنا ميادة جريت على سراج اللي كان بيكلم سيف.... ميادة بصراخ،،،، ألحقققق سلمييييي ناس بيدخلوها في العربية. هنا سيف وسراج جريوااا بسرعة لقوا العربية بتتحرك.

سيف رجع بسرعة وركب العربية بتاعته وكان بيحاول يلحق العربية اللي فيها سلمي. واحد من الشباب بقلق،،، ألحق يا صلاح في عربية ورانا. صلاح بعصبية وبيخبط الكرسي بغضب،،،، لييي مفيش خطة ظبطة. شاب آخر بغضب،،،، وده وقت الندم هنعمل إييي. شاب فتح باب العربية،،،، يلا يا عم ارميها. صلاح بصدمة،،، انتي هتعمل إيه يا متخلف دي هتموت. شاب آخر،،، ما تموت ولا تغور في داهية أمال نلبس مصيبة. سيف انصدم إن الباب انفتح....