رواية حلم الفصل العاشر 10 - بقلم ايمان شرقاوي

أدهم: احم بابا ماما وانتي يا زردة.. أنا موافق اتجوز سلمي. حلم: بجد لولولولولولولوي. عبد الرحمن: النهاردة بإذن الله هكلم مامتها وناخد منها ميعاد. ربنا يتمملك على خير ويفرحك دايما يا حبيبي. أدهم: ربنا يبارك لنا فيك ويحفظك يا رب يا بابا. أحلام: مبارك يا نور عيني. حلم: عندنا فرح مبارك يا دومي. أدهم: عقبالك يا زردة. في بيت محمد ورضوي. زياد: شوفي كده ماما رضوي. رضوي: برافو يا حبيبي ندخل بقى على المسألة التانية.

محمد: بتعملوا إيه يا حلوين. رضوي: حمد لله على السلامة. زياد: بابا.. ماما رضوي ساعدتني في الواجب. محمد: ربنا يبارك لنا في ماما رضوي يا رب.. أومال فين مريم. رضوي: فضلت تتنطط وتلعب لغاية ما تعبت وفي الآخر أكلت ونامت. محمد: شكراً على وجودك جنبي وجنب أولادي ومعاملتكم الطيبة ليهم أنا بحبك جداً. رضوي: ده واجبي على فكرة... وأنا بحبك جداً ربنا يبارك لي فيك. عند حلم في المسجد: حلم: عاملين إيه يا حلوين جاهزين لدرس النهاردة.

الأطفال: جاهزين يا لومااا. حلم: طيب حد عنده أسئلة النهاردة ولا نبدأ على طول. ماجد: أنا عندي سؤال يا لومااا. حلم: اتفضل يا ماجد. ماجد: أنا ليا صحاب في المدرسة بنات وماما دايماً بتزعقلي وبتقولي حرام ومينفعش وأنا شايف إني لسه صغير مفيهاش حاجة يعني لم يبقى عندي صحاب بنات.

حلم: شوف يا ماجد أولاً عندنا في الدين الإسلامي حرام وغلط إنه يبقى فيه علاقة صداقة بين بنت وولد.. المفروض البنت تقتصر صداقتها على البنات وبس واحتكاكها بالولاد يبقى مع أبوها أخوها خالها عمها محارمها بمعنى أصح... وده مش كبت حرية وظلم للبنات زي ما ناس كتير شايفة...

البنت بمعنى أصح ربنا خلقها حساسة ولطيفة وخلق فيها كل شيء جميل عشان كده ربنا بيحافظ عليها وعلى مشاعرها من العلاقات والصداقات والكلام ده وجعلها غالية كأنها ماسة حاجة غالية جداً مش أي حد يكلمها ولا يتعامل معاها بالعكس لم تبقى هي حافظة ربها ونفسها زوجها بعد كده بيتمرمط حرفياً عشان تبقى من نصيبه لأنها غالية وغالية جداً كمان وبالنسبة ليك أنت يا ماجد ماما كلامها صح لأنك طالما من صغرك اتعودت على إنه يبقى عندك صحاب بنات يبقى لم تكبر شوية مش هتقدر تستغنى عن الصحوبية دي فهمتني. ماما عايزة تحميك من الخطر ده.

ماجد: حاضر يا لومااا أنا من النهاردة مليش دعوة بأي بنت. حلم: شاطر يا ماجد... نكمل بقى سيرة النبي عليه أفضل الصلاة والسلام...

عمل صلى الله عليه وسلم رعي الأغنام ثم بالتجارة وتاجر في مال السيدة خديجة رضي الله عنها. تزوج من السيدة خديجة وكان عمره 25 عام وسن السيدة خديجة 40 عام.. كان النبي صلى الله عليه وسلم يحب أن يختلي بنفسه في غار حراء في جبل النور ليتأمل في خلق الله عز وجل وكان ذلك قبل تكلفته بالرسالة بثلاث سنوات.. عندما كان عمره صلى الله عليه وسلم 40 عام بدأت طلائع النبوة تلمع وتلوح حيث جاءه جبريل عليه السلام وهو في غار حراء وقال اقرأ فقال النبي ما أنا بقارئ

قال صلى الله عليه وسلم: فأخذني فغطني حتى بلغ مني الجهد ثم أرسلني فقال: اقرأ فقال صلى الله عليه وسلم ما أنا بقارئ قال صلى الله عليه وسلم: فأخذني فغطني الثانية حتى بلغ مني الجهد ثم أرسلني فقال اقرأ فقال صلى الله عليه وسلم ما أنا بقارئ

قال صلى الله عليه وسلم: فأخذني فغطني الثالثة ثم أرسلني فقال "اقرأ باسم ربك الذي خلق.. خلق الإنسان من علق.. اقرأ وربك الأكرم الذي علم بالقلم.. علم الإنسان ما لم يعلم". صدق الله العلي العظيم... نكمل بقى المرة الجاية يا حلوين مع السلامة. في بيت حلم. أحلام قلقة بشدة. عبد الرحمن: مالك يا أحلام في إيه. أحلام: نتيجة حلم ظهرت وأدهم راح يشوفها أنا قلقانة جداً عليها آخر سنة ليها ربنا يسترها عليها.

عبد الرحمن: إن شاء الله خير متقلقيش حلم شاطرة وكل سنة بتفرحنا. صوت دقات على الباب. أحلام: أدهم جه. أدهم: السلام عليكم يا أمي. أحلام: وعليكم السلام ورحمة الله وبركاته ها طمني يا ابني أختك عملت إيه. أدهم: ............. أحلام: ..............