رواية حلم الفصل الحادي عشر 11 - بقلم ايمان شرقاوي

أدهم بحزن: والله يا ماما مش عارف أقولك إيه. أحلام بدموع: لا حول ولا قوة إلا بالله، كنت حاسة والله. عبد الرحمن بحزن: شالت كام مادة؟ أدهم بتمثيل الحزن: أنا روحت يا بابا لقيت النتيجة معلقة، دورت على اسمها لقيتها تقدير عام امتياز مع مرتبة الشرف. أحلام بحزن: أكيد هتزعل، ربنا يعوضها خير يا... امتياز! أدهم بضحك وهو يركض: بهزر معاكي يا ماما، إيه مبتهزرش يا رمضان. أحلام بغيظ وهي تركض وراءه: تعال هنا يا ولد وأنا هوريك الهزار.

أدهم وهو يستنجد بوالده: الحقني يا بابا، أنت بتضحك! عبد الرحمن بضحك: شوف بعد الخضة اللي سببتها لنا دي تبقي تستاهل.. شوفي شغلك يا حلومتي. أحلام بخبث: من عينيا يا حاج. أدهم وهو يلطم: يا ختااااي... يا ختاااي، الحقوني. صوت دقات على الباب. أحلام: صوت الباب أنقذك مني يا أدهم، اصبر بس... تفتح الباب. حلم بحب: السلام عليكم يا ماما. أحلام بفرحة: وعليكم السلام ورحمة الله وبركاته. حلم بتعجب وهي

تنظر إلى خف أمها المرفوع: سلاح الأم المصرية مرفوع ليه؟ عبد الرحمن بضحك: أصل أدهم راح وجاب نتيجتك. حلم وهي تركض: استني بس يا ست الكل نتفاهم. أحلام بضحك: استني يابت مش ليكي ده لأدهم... أنتِ الحمد لله امتياز مع مرتبة الشرف. حلم بصدمة وبلاهة: مين اللي امتياز معلش. عبد الرحمن بضحك: فوقي يا حلم وركزي، أنتِ نجحتي الحمد لله وخلصتي تعليم. أدهم وهو يخرج من غرفته: لولولولولولولولوي، وبقيتي أجمل دكتورة في الدنيا.

حلم بدموع وهي تحتضنه: بجد يا أدهم؟ الحمد لله... الحمد لله، ربنا يخليك ليا يا رب. أدهم وهو يقبل رأسها: ربنا يفرح قلبك دايماً يا رب يا زردة. أحلام وهي تنظر لعبد الرحمن بدموع: ربنا يحفظكم يا رب. عبد الرحمن بحنان: مبارك يا حبيبتي.. وبمرح، أهو الواحد دلوقتي يكشف ببلاش. حلم وهي تحتضن والدها: بعد الشر عليك يا بابا من المرض. أحلام بفرحة: تعالي يا لومااا ساعديني نحضر الغدااا. حلم بطاعة: حاضر يا ماما. عند سلمى ووالدتها.

فاطمة: سلمي يابت يا سلمي. سلمى: نعم يا ماما، جيت أهو. فاطمة بفرحة: متقدملك عريس زي الفل هو.. سلمى بمقاطعة: أنا مش موافقة يا ماما، مستحيل أتجوز وأسيبك لوحدك. فاطمة بحزن: استني بس يا بنتي، مش تعرفي مين. سلمى بضيق: لا يا ماما، مش عاوزة أعرف مين. فاطمة: ده المهندس أدهم، عريس ميترفضش. سلمى بتعجب: أدهم مين؟ فاطمة بفرحة: المهندس أدهم عبد الرحمن، جيراننا اللي تحت. سلمى بصدمة: لاااا يا ماما، أدهم لا، مش موافقة.

فاطمة بغضب: هتوافقي يا سلمى، فاهمني، ولو بتقولي مش عاوزة تسيبني وحدي، شقته في نفس العمارة يعني مش هتسبيني وحدي. سلمى بحزن: يا مااماا اصل.. فاطمة بمقاطعة: مفيش أصل ولا فصل، وبهدوء يا بنتي، أنتِ خلصتي كلية واشتغلتي، ناقصك إيه بس عشان تتجوزي؟ أنا نفسي أفرح بيكي وأطمن عليكي قبل ما أموت. سلمى بحزن: بعد الشر عليكي يا ماما، ربنا يديم وجودك يا رب، وبضيق خلاص أنا موافقة، هشوفه بس، القرار بعد ما أقابله برضه.

فاطمة بأمل: ماشي، قابليه وإن شاء الله خير.. بكرة بالليل جايين. سلمى بصدمة: بكرة يا ماما.. بكرة؟ ولسه فاكرة تقوليلي؟ عديني كده، ألمع الشقة وأحضر فستاني. فاطمة بضحك: كل ده ومش موافقة، أومااال لو موافقة كنتي عملتي إيه. سلمى بخجل وتردد: أصل.. أصل يا ماما لازم بيتنا يكون شكله نضيف وحلو، ولا إنتي إيه رأيك. فاطمة بضحك وهي تغمز لها: طبعًا يا نور عين ماما. عند حلم: حلم بصراخ: اااااااادهم… اااااااادهم. أدهم بفزع: إيه؟

في إيييه؟ حلم بضحكة مكتومة: مفيش يا حبيبي، ماما قالتلي أصحيك بس كده. أدهم بغيظ وهو يلقي الوسادة عليها: قالتلك صحيه مش تفزعيه تموتيه. حلم ببراءة: بعد الشر عليك يا دومي. أدهم بغيظ: إزاي بقي، ما الشر جمبي أهو. حلم وهي تسحب ذراعه تعضه: قصدك أنا شر يا أدهم. حلم ببراءة: علامة عشان متهوش مننا. بعد شوية: أدهم: نعم يا ماما. أحلام: …………………. أدهم بصدمة: لا طبعًا، أنا مش موافق.