رواية حلم الفصل الخامس 5 - بقلم ايمان شرقاوي

الأم بغضب: انتي مين يا بتاعة انتي؟ وإزاي تتدخلي بيني وبين ابني؟ حلم بصدمة: انتي بتشتميني؟ وبعدين يا ستي أنا حلم، معلمة القرآن بتاعة عمرو. وعاوزة أتكلم معاكي شوية. الأم بزهق: أهلاً يا ختي، بس أنا مش فاضية الصراحة. وبغضب: هو الولد ده عمل حاجة؟ حلم بحزن على عمرو: بالعكس، عمرو ده شاطر خالص وولد مؤدب جداً. ممكن أتكلم معاكي بقي؟ الأم بموافقة: طيب اتفضلي. ها، ادينا وحدينا. في إيه؟

حلم بهدوء: أنا شايفة إن مش معاكِ غير عمرو. اومال ليه الولد حاسس بالمعاناة دي معاكي؟ أم عمرو: معاناة إيه يا عنيا؟ ابن بياكل أحسن أكل، وبيلبس أحسن لبس. ناقصه إيه بقي؟ حلم بحزن: حضرتك، إنك تحسسيه إنك بتحبيه وخايفة عليه وواقفة جنبه أحسن من مليون أكلة حلوة. إنك تفرحي لما يفرح، وتوقفي جنبه لما يزعل، أحسن من اللبس اللي بتقولي عليه. أم عمرو بغضب: انتي جاية تعلميني أربي ابني إزاي؟ أنااا... حلم بمقاطعة: ابنك مريض.

أم عمرو بخوف: إيه؟ انتي بتقولي إيه؟ حلم بحنان: يا حبيبتي، ابنك تعبان. حاسس إنه ملوش حد. حاسس إنك بتكرهيه. بيقعد يشوف الأطفال مع أمهاتهم قدام المسجد وعيونه مليانة دموع. انتي ليه بتعملي فيه كده؟ حرام عليكي، ده طفل. أم عمرو وهي تنفجر باكية: مش أنا السبب، والله مش أنا. أنا تعبت، مش عارفة أعمل إيه. هو السبب، مش أنااا. حلم بتهدئة: اهدي طيب. مين السبب؟ وإن شاء الله نلاقي حل.

الأم بحزن: أبوه. أبو عمرو مش بيشتغل. أنا اللي شغالة. وعشان مكملتش تعليمي، ملقتش شغل غير في مدرسة جمبنا هنا كعاملة نظافة. اليوم كله في المدرسة بشتغل من هنا لهنا، وبطلع وأنزل مية مرة. لما برجع البيت بغير هدومي وأشوف طلبات البيت والطبخ... إلخ. باجي على العصر مبقدرش حتى أتكلم، ببقى مخنوقة وتعبانة. لما بيجي عمرو من المسجد بيبقى عاوز أسمعله وأذاكرله، بس مش ببقى قادرة أتحرك حتى. عشان كده بزعق فيه عشان يسيبني لوحدي.

حلم بدموع: يا حبيبتي، ربنا يصبرك ويعينك يارب. بصي، نصيحة مني، حاولي تقربي منه شوية، وحاولي تقعدي معاه وتحسسيه إنك بتحبيه. وأنا إن شاء الله من دلوقتي هحاول أشوفلك شغل يكون كويس. إن شاء الله خير. أم عمرو بابتسامة: انتي طيبة جداً زي ما بيقول عمرو عليكي. ربنا يحفظك يارب. حلم بطيبة: ربنا يباركلك يارب يا حبيبتي. يلا نشوف عمرو. بعد شوية وهي تحتضن عمرو: الأم: أنا بحبك أوي أوي يا نور عيني. أنا آسفة إني زعلتك.

عمرو بسعادة: وأنا بحبك أووووي يا ماما. أنا فرحان أوي أوي عشان انتي بتحبيني. الأم بدموع: بحبك أكتر من أي حاجة في الدنيا. مساءً عند حلم: عبد الرحمن بحنان: يومك كان عامل إزاي النهاردة يا زهرة؟ حلم وهي تقبل يده: زي الفل يا حبيبي. متقلقش عليا، بنتك أسد. عبد الرحمن بحب: أنا واثق من كده. أحلام بضحك: حزروا فزروا، مين اللي عمل الكيكة دي؟ أدهم بحب: أكيد انتي يا ست الكل. أحلام بحنان: لا يا حبيبي، دي عمايل حلم.

أدهم بفزع: إيييييييييييييه؟ طب يا جماعة، أنا افتكرت مشوار مهم. عن إذنكم. عبد الرحمن بحسرة: مش حافظ رقم الإسعاف؟ شوفه معاك كده يا أدهم. أحلام بمساندة لحلم: طب على فكرة الكيكة حلوة جداً. كفاية إنها من إيدين حلم. حلم وهي تحتضنها: بحبك يا ماما. عبد الرحمن بحب: أكيد حلوة، مش حلم اللي عاملها. أدهم بضحك: يلا نجرب. بعد شوية:

عبد الرحمن وهو يقبل رأسها: حلوة جداً يا حلم، تسلم إيدك. بس المرة الجاية ابقي استني عليها في الفرن شوية. حلم بسعادة: بجد يا بابا؟ هييييه، أخيراً عملت حاجة حلوة. أدهم وأحلام: تسلم إيدك يا لوماااااا. جميلة جداااا. حلم بفرحة: ده هغرقكم كيكة من دلوقتي. بعد إذنكم بقي هدخل أنام عشان مرهقة شوية. تصبحوا على خير. الجميع: وانتي من أهل الجنة يا حبيبتي. بعد رحيل حلم: أدهم: الفوار بسرعة يا ماما.

أحلام بضحك: مش للدرجة دي يا أدهم. وبعدين مقلتوش ليه الحقيقة قدامها بدل المنافقة دي؟ ها؟ عبد الرحمن بحب: مش لازم يا أحلام نكسر بخاطرها ونقولها وحشة كده مرة واحدة. لازم نراعي تعبها ونراعي إنها فكرت واجتهدت عشان تعمل حاجة تفرحنا. أدهم بتكملة: فعلاً يا ماما. كفاية نشوف الفرحة اللي في عيونها إنها عملت لينا حاجة. صحيح المرة دي مش مستوية كويس، المرة الجاية هتبقى أجمل. وإن شاء الله في تقدم.

أحلام بدموع وهي تحتضنهم: الحمد لله على وجودكم في حياتي. ربنا يحفظكم يارب. عبد الرحمن بمشاكسة: اوعااا يا ولد، متحطش إيدك عليها. أدهم بعند: لأ، دي أمي يا حاج. مليش دعوة. عبد الرحمن بغضب مصطنع: قوم يا ولد أحسنلك. أدهم: لا يعني لا. عبد الرحمن: يا ابن... أحلام بضحك: باااااس، خلاص. أنا اللي همشي. عبد الرحمن: لا يا حبيبتي، أدهم اللي هيمشي. أدهم بضحك: كان نفسي أعاند، بس ميعاد نومي خلاص. تصبحوا على خير.

عبد الرحمن بحب: كده يا باشمهندس، من غير ما ترمي السلام حتى. أدهم وهو يحتضن والده: مقدرش يا بابا أنام من غير ما أحضنك. طبعاً ده شيء أساسي. ربنا يحفظك لينا يارب. عبد الرحمن بحنان: ربنا يباركلك يارب يا بني. في صباح يوم جديد عند رحمة صديقة حلم: يرن جرس الباب وتذهب لتفتح الباب وتجد زوجها ومعه فتاة أخرى. رحمة: مين دي؟ محمد ببرود: مراتي. رحمة بصدمة: .............