رواية حلم الفصل السابع 7 - بقلم ايمان شرقاوي

شيماء بصدمة: اتجوز؟ أحمد اتجوز؟ الأم بصدمة: شيماء! انتي هنا من امتى؟ شيماء بدموع: أحمد اتجوز بجد يا ماما؟ عبد الله بحزن: ده نصيب وقضاء وقدر يا بنتي، وانتي نصيبك كده. متزعليش نفسك، إحنا ما صدقنا صحتك بدأت تتحسن شوية. شيماء بخذلان: بعد إذنكم، أنا داخلة أوضتي. الأم بدموع: أنا هروح أشوفها يا عبد الله، البنت حالتها صعبة جداً. عبد الله بتفهم: سيبها دلوقتي، لان كلامك معاها هيزيد تعبها أكتر.

الأم بحزن: حاضر. ربنا يهون عليكي يا بنتي. في غرفة شيماء: شيماء وهي تكتم صوت صراخها بالوسادة: آآآآآآآآآه يارب... يارب أنا تعبت والله. أنا عملت إيه بس؟ ده كنت بنفذله كل طلباته، عمري ما رفضتله طلب. هيا دي جزاتي؟ فلاش باك: أحمد: شيمو حبيبتي، انتي فين؟ شيماء باستغراب: أنا هنا أهو، بس أول مرة تقولي حبيبتي يعني؟ أحمد بابتسامة صفراء: حبيبتي ونور عيني كمان، اقعدي بقى، أنا عاوزك في موضوع مهم. شيماء باهتمام: خير.

أحمد: بصراحة كده، أنا عاوز أوسع المشروع بتاعي ومحتاج الدهب بتاعك أبيعه. ولم المشروع يكسب هجيبه تاني. شيماء بحب وهي تقلع دهبها: أهو يا حبيبي، خده. ربنا يوسع عليك يا رب. أحمد بفرحة: ربنا يخليكي ليا يا حبيبتي. عودة من الفلاش باك: شيماء بضحك ودموع: ههههههههههه، كان بياخد دهبي عشان يتجوز بيه؟ هههههههه. عند حلم في المسجد: عمرو بجدية مصطنعة: وقفي عندك يا أستاذة حلم، مش هتدخلي. حلم بخوف مصطنع: ليه بس يا أستاذ عمرو؟

أنا عملت إيه؟ عمرو بجدية: عندك تأخير نص ساعة. حلم بحزن: أيوا، أنا اتأخرت نص ساعة عشان كنت بجيب الشيكولاتة ليكم. عمرو وهو يضيق عينيه: جبتي شيكولاتة نوعها إيه؟ حلم وهي تكتم ضحكتها: بابليز يا فندم. عمرو: احم احم، سماح المرة دي. حلم بضحك: طيب، يلا بقى هاتوا أسئلتكم عشان نبدأ الفقرة الجديدة بتاعتنا. أنا هتكلم النهارده عن أجمل شخصية في الكون. الأطفال بحماس: هييييييييييييييييييه. زياد بفرحة: أنا عندي سؤال يا لوما.

حلم بحب: اتفضل يا زيزو. زياد: أنا دلوقتي كبرت ورايح تالتة ابتدائي، ينفع أعمل فيس بوك وأدخل على الإنترنت؟

حلم بتفهم: شوف يا زياد، أنا من رأيي إن أكتر حاجة وحشة حصلت الأيام دي هي الفيسبوك والإنترنت. وأنا شايفة إنك لو رايح تالتة ثانوي مش تالتة ابتدائي، المفروض تبقى بعيد عن الفيس والإنترنت. عارفين يا ولاد، الإنترنت ده عامل زي الوباء اللي ملوش علاج، بيأثر على حياتنا بشكل سلبي جداً. وأفضل حاجة تعملوها إنكم تبعدوا عن المواقع دي دلوقتي لغاية ما تفهموا الدنيا شوية، انتوا كده ممكن تضيعوا.

عمرو بمرح: يعني انتي مش هتخلي أولادك يستخدموا الإنترنت يا لوما؟ حلم بضحك وحنان: طب مانتوا ولادي ومش هخليكم تستخدموا الإنترنت دلوقتي. وبصراحة كده يا عمورة، أنا مستحيل أخلي أولادي يستخدموا الأجهزة والإنترنت قبل سن 16 سنة على الأقل. الفترة اللي قبل كده لازم ينموا مواهبهم ويعيشوا طفولتهم ويحفظوا القرآن زيكم كده. مروان: طيب، انتي قولتي إنك هتتكلمي عن أجمل شخصية في الكون، مين بقى؟

حلم بحب: شوفوا بقى، احنا قولنا هنتكلم عن الصحابة، وأول شخصية كان لازم أبدأ بيها هي شخصية النبي محمد صلى الله عليه وسلم. الأطفال بفرحة: عليه أفضل الصلاة والسلام.

حلم: أولاً، لازم نبقى حافظين اسم النبي كامل. اسمه "محمد بن عبد الله بن عبد المطلب بن هاشم بن عبد مناف بن قصي بن كلاب بن مرة بن كعب بن لؤي بن غالب بن فهر بن مالك بن النضر بن كنانة بن خزيمة بن مدركة بن إلياس بن مضر بن نزار بن معد بن عدنان". ولد يوم الاثنين في 12 ربيع الأول في عام سمي بعام الفيل، في قبيلة تسمي قبيلة قريش. أبوه هو عبد الله بن عبد المطلب الهاشمي القرشي، وأمه هي السيدة آمنة بنت وهب. كانت مرضعة النبي صلى الله عليه وسلم هي السيدة حليمة السعدية. وتوفيت والدته وهو في سن السادسة من عمره. والمرة الجاية إن شاء الله هكمل الباقي عشان محدش يتأخر، ماشي؟

الأطفال بفرحة: ماشي يا لوما. سلام بقى. حلم بحنان: مع السلامة. مساءً في بيت حلم: أحلام بطيبة: بقولك يا حاج. عبد الرحمن بمشاكسة: قولي يا قلب الحاج. أحلام بخجل: بس بقى يا عبد الرحمن. عبد الرحمن بضحك: يا الله! لسه بتتكسفي مني لغاية دلوقتي. أحلام بتلعثم: بس بقى، خليتني نسيت كنت عاوزة أقولك إيه. عبد الرحمن بضحك: هههههههه، خلاص قولي. أحلام بحنان: مش آن الأوان بقى نشوف عروسة لأدهم؟ الولد قرب يخلل جنبي.

عبد الرحمن بحنان: ده يوم المنى والله، لم أشوفه عريس. ربنا يطول في عمري لليوم ده. أحلام بدموع: ربنا يباركلك في عمرك ويخليك لينا يا رب. عبد الرحمن بحنان: ربنا يباركلي فيكي يا رب. قوللي بقى، لقيتي عروسة؟ أحلام: لا والله، بس إحنا نسأله الأول. ممكن يكون عاوز حد معين، مش هنجبره على حاجة. عبد الرحمن: عين العقل يا حاجة. لم يجي نسأله إن شاء الله ونشوفله عروسة. حلم بصدمة: عريــــس! أنا سمعت إن فيه عريس؟ ليه بس يا بابا؟

أنا مش عاوزة أتجوز دلوقتي. عبد الرحمن وهو يكتم ضحكته: عروسة يا زردة، عروسة ها، ولعبد الرحمن. أحلام بضحك: ليه كده بس يا حاج؟ صدمتها. حلم بمرح: يا ماما، مانتي عارفة إني رافضة الموضوع ده طالما مخلصتش تعليم. وبعدين أنا سمعتكم وأنا في المطبخ إنكم هتجوزوا أدهم. ها، مين العروسة؟ عبد الرحمن بحب: مش عارفين يا لمضة. لم يجي، هنعرف. صوت دقات على الباب. حلم بمرح: لولولولولولولي! العريس جه. تفتح الباب.

أدهم بمرح: السلام عليكم يا زردة. حلم بخبث: وعليكم السلام ورحمة الله وبركاته يا عريس. أدهم: عريس؟