رواية حمقاء في الموساد الفصل العشرون 20 - بقلم إيزيس

في فرح سيف وملك عدنان موبايله رن. ولسة هيطلع يرد برا القاعة بعيد عن الدوشة، خبط ف بنت كانت ماسكة كولا وادلقت الكولا علي هدومه. عدنان بغضب: مش تفتحي بص... هو انتي... هو انت؟ عدنان: لاااا دي إشارة بقا. أنا قلت البت اللي اخبط فيها مرة واحدة هاتجوزها. وانتي كل ما أمشي خطوة اتكعبل فيكي. البنت: انت بجد مستفز. تتجوز مين يا شحط انت؟

عدنان: وماله الشحط يا بت. كده تبوظيلي الجاكيت. أمشي ازاي أنا وسط الناس بقا. وقام قلع الجاكيت. خدي يا حلوة اتصرفي ف دا ونضفيه. البنت: هات خليني أخلص من وشك. عدنان: خدي يا لمضة. خسارة الجمال دا يبقي بطولة اللسان دي. بس أنا بشبه عليكي. وسع كده من طريقي. الأشكال دي مش بشوفها إلا مرة واحدة في حياتي. سابته ومشيت. وعدنان جري علي ملك اللي كانت بترقص علي أغنية "حلوة بلادي السمرة". عدنان بيتكلم في ودن ملك عشان

الصوت عالي وبيشاور ع البت: ملك مين الواتكة دي؟ أكيد تعرفيها. أنا قابلتها يوم كتب كتابكم. ملك: ركزت. قصدك أم حجاب روز؟ عدنان: أنا مش بفهم ف ألوانكم دي. أم حجاب بمبي؟ ملك: إيه يا عدنينو، عجباك؟ عدنان: حاجة زي كده. ملك: بخبث. بص عايزاك تروح تسأل سيف عليها وتقوله نفس الكلمة اللي انت قولتها (الواتكة) . صح؟ عدنان: تفتكري يعرفها؟ ملك: اه اكيييييد.

عدنان ساب ملك وراح لسيف. سأله نفس السؤال بنفس اللفظ. قام سيف مديله بوكس في وشه. عدنان اتفاجئ: يابن المجنونة، إيه اللي انت عملته ده؟ سيف: انت بتقول علي اختي واتكة؟ عدنان: اه يا ملك يا بنت اللذينة. هي دي اختك ومخبيها عني؟ وأنا بشبه عليها؟ دي كانت عيلة لما شوفتها. إحنا عجزنا أوي يا صاحبي. سيف: عشان تعرف أنه لازم تتجوز يالا.

عدنان ابتسم وقاله: مانا هافكر. أنما قولي هو أنا ليه حاسس إني في حفلة تكريم بطل وطني. أو ذكري ٦ أكتوبر. دي الأغاني كلها وطنية. سيف: أعمل إيه في الست محاسن مصابات دي اللي اتفقت مع الدي جي ع الأغاني الوطنية وبس. عدنان: ضحك. قااابل يا معلم. مش بقولك تهمة؟ ربنا يعينك. كمل بخبث. طب طالما الواتك... قصدي الآنسة طلعت اختك. هاروح أعتذرلها بقا علي قلة ذوقي معاها. سيف: تعتذر باحترامك يالا. أنا مراقب الموقف.

عدنان: ضحك. خليك ف بلوتك. كمل بخبث. طب طالما الواتك.. قصدي الآنسة طلعت اختك. هاروح أعتذرلها بقا علي قلة ذوقي معاها. سيف: تعتذر باحترامك يالا. أنا مراقب الموقف. عدنان: ضحك. خليك ف بلوتك. عند نور. لقت عدنان جي عليها. حبت تهرب منه. عدنان: اعترض طريقها. مسكتك. بتهربي مني ليه؟ نور: علي فكرة انت زودتها أوي. وأنا ممكن أصوت وألم عليك الناس لو ما بعدتش عني. عدنان: مش كنتي تقولي إنك اخت الغالي. دانا وسيف صحاب الروح بالروح.

نور: بفرحة. بجد أنت البطل عدنان. دي ملك بتقول فيك أشعار من لما رجعت. عدنان في سره: أصيلة يا ملك يا غبية. أول مرة تعملي حاجة كويسة في حياتك. وبعدين قالها: بصراحة ما بحبش أتكلم عن نفسي كتير. احكيلي بقا أنت بتدرسي ولا خلصتي؟ نور: أنا في تانية السن انجلش. عدنان في سره: عز الطلب. لغاية ما تخلص جامعة أكون أنا أنهيت شغلي في إسرائيل وأرجع لها. خطفت قلبي. الله يخرب بيت حلاوتها.

وبعدين ابتسم وقالها: أوعي تفكري ترتبطي وانتي بتدرسي. ركزي في مذاكرتك. انتي فاهمة؟ نور: بصتله واستغربت وابتسمت. واكتفت بهز رأسها يعني حاضر. عدنان مد أيده لنور: نبقا صحاب بقا يا نور. نور: سلمت. أكيد صحاب. وطبعًا ملك نفذت اللي ف دماغها. وطول الفرح وهي بترقص ع الأغاني الوطنية. وأخيرًا خلص الفرح على خير. وسيف أخد ملك وطلعوا على شقتهم. في شقة سيف. سيف: قرب وباس راس ملك. بجد أنا أسعد واحد في الدنيا دلوقتي.

ملك: وأنا كمان سعيدة أوي يا سيفو. أخيرًا اتجوزت الإنسان اللي بحبه وهيحافظ عليا. بص بقا أنا بحب الأوض الكبيرة. أنا هاخد الأوضة دي. وانت تاخد الأوضة الصغيرة دي بتاعة العيال. تمام؟ ونبقا أحلى جيران في الدنيا بقا يا معلم. سيف: نعم؟!!! جيران دا اللي هو إزاي يعني؟ بقا بعد الفرح والهيصة وعيد تحرير سينا اللي انتي عملتيه دا وتقوليلي جيران؟ ملك: اه. ماحنا قعدنا قبل كده شهر مع بعض. وانت كنت محترم جدًا معايا.

سيف: زمان حاجة ودلوقتي حاجة تانية. انتي مراتي. ماينفعش أبقى محترم معاكي. ملك: اخص عليك يا سيف. يعني أنا اتخدعت فيك. وأنا اللي كنت فاكرة إنك هتحافظ عليا. طلقني يا سيف. سيف: ملك انتي مجنونة؟ أطلقك إيه؟ مش لما أتجاوزك الأول. وبعدين كمل بهدوء وخبث. انتي زعلتي؟ ما ملكة قلبي تعالي ياختي. تعالي في حضن جوزك حبيبك. ملك حضنته ببرأة. ورفع وشها بهدوء وباسها. وهي تاهت في عالم سيف. &&& في أوضة عدنان.

عمال يتقلب يمين وشمال. وصورة نور مش قادرة تفارق خياله. قام مرة واحدة واعتدل. يووه. وبعدين بقااا؟ أنا مش قادر أنام. بقا البت نور المفعوصة تعمل فيا كده. دا شكله حب من أول نظرة. ولا أقول من أول خبطة. نام يا عدنان وبطل هبل. أنت مسافر بكرة إسرائيل. سيب مشاعرك على جنب شوية لغاية ما تحقق حلمك هناك. وبعدين حط المخدة على دماغه ونام. &&& في الصبح عند سيف وملك. ملك فاقت من النوم لقت نفسها في حضن سيف.

ملك: يا نهار أسود. أنت يا جدع انت. قوم يا سيف يا خاين. سيف: اشششش. نامي يا ملك. بطلي صداع. ملك: اصحي. دانا هطين عيشتك. سيف فتح عينيه وابتسم. بقا هي دي صباح الخير بتاعتك. ملك: انت ضحكت عليا. شربتني حاجة صفرا وخدتني على خوانة. وأنا اللي اتمنتك على نفسي. أنا بجد مصدومة فيك. سيف: حضنها. ملوكتي. حد قالك إنك عبيطة قبل كده؟ ملك: ماحدش يقدر يقولها. سيف: باسها. ملك: ابعد. لأقتلك.

سيف: ضحك. والله هبلة ومجنونة. بس أعمل إيه بحبك يا بلوة. وبعدين الباب خبط. ملك: يا فضيحتيييي. دي أمك صح؟ أودي وشي فين منها دلوقتي؟ سيف: يخرب بيتك. هو أنا شاقطتك؟ انتي مراتي يا حمارة. ملك: اجري افتح يا بعيد بدل ما تطب علينا. والله أنتحر. سيف: خلاص خلاص. قايم. سيف فتح مامته اللي راحت لملك على طول. سيف: ماما. استني. يوووه مستعجلة أوي. ماما أمينة: صباحية مباركة يا عروسة. ملك من الصدمة غطت وشها بالمخدة وما ردتش.

أمينة: ضحكت. مكسوفة ليه يا قلبي. سيف: بتسألي يا أمينة. في حد يدخل على حد كده من غير ما يخبط؟ روحي يا أمينة الله يهديكي. أمينة: الله. مش زي بنتي. يلا يا خويا الفطار على السفرة. قومي يا عروسة. ملك: والله ما أنا قايمة ولا مورياكم وشي انهاردة. سيف: همس لوالدته. روحي انتي. وأنا هاتصرف. &&&

عدنان طبعًا سافر إسرائيل. واتفاجئ هناك أنه حصل على منصب مساعد الرئيس في الموساد. ودي مكانة مش أي حد يحصل عليها. ومن هنا بدأ عدنان تنفيذ مشروعه اللي حلم بيه. &&& بعد مرور شهر. ملك كانت بتتكلم على الموبايل. سيف رجع من الشغل. وهي قفلت على طول لما رجع. سيف: مساء الخير يا قلب سيف. ملك: مساء النور يا قلب ملك. سيف: ضحك. كنتي بتكلمي مين بقا؟ ملك: لا ابدا. مافيش. دي سلمى صاحبتي. كانت بتطمن عليا.

سيف: تمام. حضريلي العشا بقا عشان مفرهد من الجوع. ملك: حاضر. ملك حضرت العشا. وأكلوا وناموا. في الصبح ملك وسيف صحيوا بدري عشان شغل سيف. فطر وخرج. وبعدها ملك فطرت وخرجت بسرعة وراه. في مبنى المخابرات. سيف قاعد على مكتبه بيحقق مع واحد. وفجأة تدخل ملك. ولابسة لبس ظابطة. سيف برق عينيه. ملك بتعملي إيه هنا؟ ملك: برسمية. كابتن ملك لو سمحت. وبعدين كملت بدعابة. أنا ظابطة معاك في المخابرات يا سيف.

سيف: لااااا. ظابطة إيه يا ماما. المهمة اللي فاتت نجحت ببركة ربنا ودعا الوالدين. انتي مكانك مش هنا. روحي يا ملك يا حبيبتي حضريلنا الغدا. ملك: مهو أمثالك دول اللي مش عايزين المرأة تتقدم. 😥 سيف: أمثالي وتتقدم من امتى يا ست ملك النبرة دي. حازم: سيف أنا اللي كلمت ملك عشان عايزها في مهمة ماحدش هيقدر ينفذها غيرها. سيف: يعني إيه؟ حضرتك عارف إني ما أقدرش أعرض حياة ملك للخطر يا باشا. حازم: وإحنا روحنا فين؟

إحنا هنفضل في ضهرها. بصراحة ملك بعفويتها وطيبتها ماحدش يشك فيها أبدًا. ملك: احم. اللهم زيدني تواضع. 😎 سيف: تواضع إيه يا هبلة. قصده إنك عشان غبية ماحدش هيشك فيكي. ملك: شايف يا حازم باشا بيغلط فيا إزاي. حازم: سيف أنا أخدت قراري. وملك من انهاردة زميلتك هنا. يعني ظابط في المخابرات. ماحدش هيصلح للمهمة دي غير ملك. سيف: بإحباط. أمري لله. قدامي يا كابتن ملك. ملك اتشعبطت في دراع سيف. بحبك.

سيف: ابتسم. وهمس. هتسكتي ولا أبوسك ونترفضح؟ حازم: انتوا ف شغل مش ع الكورنيش. سيب إيدها. سيف: بص لملك. شوفتي اهو من أولها تحكم. ملك: ربنا يعنا. &&& في الموساد. عدنان: سلم الرئيس ورق. سيدي هذه هي فكرتي بخصوص مصير فلسطين. الرئيس الجديد: آران. اشرح لي فكرتك وبعدها سأدرس الأوراق.

آران: سيدي لقد اطلعت على رأس المال الذي ننفقه على الأسلحة والمتفجرات سنويًا. فوجدت أنها أموالًا طائلة تصرف على هذه الأشياء. لما لا ننظر نظرة أخرى ونقيم مشاريع ضخمة ونسحب قواتنا من فلسطين. ونعقد اتفاقية سلام ونترك لهم أرضهم. بل ونستخدم شبابهم في العمل في مشروعاتنا التي سنقيمها بأموال الأسلحة. ونتعايش معا كدولتين متجاورتين. هما أعطوا لنا جزء من أرضهم. يجب ألا نطمح في أكثر من ذلك. هذا هو مشروعي سيدي الذي لا طالما حلمت به.

الرئيس صمت شوية. شكله كان بيفكر في أبعاد الفكرة. سأفكر آران. وبعدها أرد عليك. آران: شكرًا سيدي. إنه حقًا حلمي. في الحقيقة دا مش حلم عدنان لوحده. دا حلمي وحلمك وحلمنا كلنا. إنه القدس تفضل عربية. وتتحرر من أي احتلال وقهر. وهنفضل نحلم لغاية ما يظهر صلاح الدين جديد يحرر أرض الأقصى. والحلم مافهوش مستحيل مادام تحقيقه مباح. والليل لو صار طويل أكيد من بعده صباح.

اتحدي الكون واتمرد واتعلم تبقا جرئ. مشوار الألف ميل خطوة بتبدأ بطريق.