رواية حمل بالتراضي(آخر امل الفصل الثالث والعشرون 23 - بقلم رانيا ابو خديجة

خلاص بقى ويا ستي معنتش أديكي حقن تاني. هخلي الدكتورة هي اللي تديهالك بدام أنا إيدي تقيلة كده. لأ، قوليلها إن أنا مش عايزة حقن خالص. قلتله بعياط وأنا دافنة وشي في صدره. ماشي... هقولها حاضر. رفعت وشي. انت بتهاودني ولا هتقولها حاجة صح؟ حط راسي على صدره تاني بإيده. لأ مش بهاودك يا حبيبي ولا حاجة وهقولها طبعاً. سكت شوية وأنا حاسة بيه بيمرر إيده عليا مكان الوجع. بعدين رفعت وشي أبص له لقيت عينيه بتقفل للنوم من كتر التعب وبيحاول يفتحها بالعافية. "أحمد." "همممم..." "هو... هو انت عايز محامي لإيه بالظبط؟" فتح عينه الحمرا دي فجأة وبصلي. "وإنتي عرفتي منين إني عايز محامي؟" سكت شوية أبص له. "سمعتك بتتكلم في التليفون." اتعدل تاني وبص للسقف. "شغل... عايزة في شغل."