رواية حملة برعاية الحب الفصل الثاني 2 - بقلم سلسبيل

غضب رحيم بشدة وصفع بيان على إحدى وجنتيها بقوة، وقفت مندهشة من فعلته فبالرغم من غضبه الشديد في كل مرة إلا أنه لم يرفع يده عليها أبدًا من قبل. بيان: الفطار جاهز. بيان: يلا يا ملاك البسي هدومك، ساعدها يا مالك. غادرت بيان المكان وذهبت إلى غرفتها وأغلقت خلفها الباب. نظر مالك بغضب إلى أبيه وجذب ملاك إلى غرفتها ليساعدها في ارتداء ثيابها. أبدلت بيان ثيابها وهي تحاول تهدئة نفسها حتى لا تُصاب بنوبة. بيان: ألو مدام نعمة.

بيان: أنا والدة مالك وملاك. بيان: النهاردة مش هيقدروا ييجوا المدرسة. بيان: بعتذر لحضرتك. نعمة: تمام مفيش مشكلة مدام بيان. بيان: شكرًا ليكي. بيان: الأتوبيس بكرة يبقى جاهز أه في ميعاده. بيان: تمام شكرًا. أغلقت بيان الهاتف ونظرت إلى مالك وملاك اللذين شرعا في تناول طعامهم. بيان: يلا يا حبايبي خلصوا بسرعة عشان أشيل الأطباق. تعالى رنين هاتف بيان فالتقطته ووضعته على أذنها لتقوم بالرد. بيان: أستاذ عاطف.

عاطف: أعمل فيكي إيه يا مصيبة؟ بيان: جاية ليك وأعمل اللي أنت عايزه، المهم أستاذ مهند غير رأيه؟ عاطف: لا. بيان: أنا مش عارفة أذنبت في إيه يعني، ده هو خدت يوم أجازة. ملاك: ماما خلصنا. بيان: تمام يا حبايبي يلا قوموا اغسلوا إيديكم عشان تنزلوا مع بابا يلا. بيان: تمام يا أستاذ عاطف هتحرك أهو، قول لأستاذ فاروق ميشيلش هم مش هنخسر الصفقة دي. بيان: تمام تمام.

نقلت بيان كل الأطباق إلى المطبخ وعادت مرة أخرى لتصطحب مالك وملاك وغادروا المنزل وخلفهم رحيم. رحيم: هوصلك في طريقي. بيان: شكرًا مفيش داعي، أهم حاجة خلي بالك من الأولاد ويا ريت متزعلهمش. حاول رحيم أن يقبلها على جبينها ولكنها ابتعدت عنه وغادرت المصعد. بيان: مالك ملاك خلوا بالكم من بعض ومتزعلوش بابا منكوا. مالك: حاضر يا ماما. ملاك: ما تيجي معانا يا ماما، تيتة نجدت بتزعق لينا. بيان: معلش يا حبايبي هي طبعها حامي شوية.

بيان: يلا باي. رحيم: قولتلك هوصلك في طريقي. بيان: قولتلك شكرًا مفيش داعي، عن إذنك. تركت بيان رحيم وهي تحاول ألا تبكي أمامه فهي لا تستطيع أن تتحمل إهانته لها. استقلت سيارتها وتوجهت إلى عملها. قاد رحيم سيارته إلى بيت أبيه ووقف أمامه وترجل من السيارة. هبط كل من مالك وملاك ثم دخلا جميعًا إلى تلك الفيلا الكئيبة المزودة بالحرس. رحيم: سيادة اللواء. قبّل رحيم يد والدته ثم احتضنها. نجدت: حمدلله على سلامتك يا بطل.

نجدت: أنتوا واقفين كده ليه قربوا. اقترب مالك وملاك من نجدت وقبلوا يديها كما تريد، ربتت على رأسهم. نجدت: فين مراتك؟ رحيم: عندها شغل يا سيادة اللواء، يلا ندخل. نجدت (بحدة) : يعني إيه عندها شغل؟ البيت ده ليه قوانينه، قولت تيجي يبقى تيجي. نجدت (بحدة) : اتصلي بيها تيجي. رحيم: لو كنت عايزها تيجي كنت جبتها يا سيادة اللواء، لكني مجبتهاش. يلا ندخل. دلف الجميع إلى الصالون ونظرت نجدت إلى رحيم ثم إلى أبنائه.

نجدت: إيه اللبس ده يا ملاك! ملاك: ماله يا تيتة؟ نجدت: هي مامتك دي إيه؟ إزاي تسيبك لابسة قصير وعريان كده. ملاك: تيتة أنا عمري ست سنين. نجدت: ولو. نجدت: ما تقول حاجة يا رحيم. رحيم: هي طفلة يا سيادة اللواء وكمان بيان بتعرف تحافظ عليهم كويس. مالك: هي مش أمك بتفضل تقولها ليه سيادة اللواء؟ هي مش بتحبك زي ما أنت مش بتحبنا. نجدت: إيه الكلام ده!! ده أكيد كلام ست بيان حابة تكرههم فيك. رحيم: فين سيادة الوزير؟

نجدت: هيخلص شغله وييجي يتغدى معانا. رحيم: تمام. نجدت: تعالوا معايا. ملاك: هتعملي معانا إيه؟ نجدت: هأكلكوا، تعالوا ورايا، ولا هي خلتكم تكرهوني أنا كمان. رحيم: سيادة اللواء أرجوكي حاولي تحافظي على هدوئك. تنهدت نجدت وجذبت مالك وملاك من يدهما وذهبت بهما إلى الدور الثاني.

نجدت ربيع: تعمل في الداخلية لواء وحازمة وجدية في عملها وحياتها الشخصية أيضًا، لا تحب بيان نظرًا لشخصيتها بأنها متفتحة إلى العالم كما أن والدها مرح ويحب الحياة وترى أن ليس لديه وقار. كانت ترفض تلك الزيجة من البداية. عند بيان... بيان (بتعب) : صداع من كتر الشغل. منال: أومال لو عرفتي أن مهند بيه جه هنا لما لاقاكي مصممة أنك مش اللي تنفذي المشروع. بيان: هي ناقصة؟ تعالى رنين هاتف بيان ووجدت المتصل رحيم فأغلقت الهاتف تمامًا.

عاطف: تعالي ورايا. بيان: هو ليه الحظ بيعمل معايا كده؟ منال: حظك. منال: في إيه؟ شايفة الدنيا مقلوبة بسببك يا بيان. بيان: لو دي الشهرة فأنا مش عايزاها. منال: مهند بيه قالب الدنيا بسببها يا كارمن. كارمن: قابليه يا ست بيان. بيان: يا رب الصبر من عندك. نهضت بيان وذهبت إلى مكتب فاروق وجدت مهند وعاطف. بيان: أحم استاذ فاروق ممكن كلمتين. فاروق: أستاذ مهند قال هيسمع سبب رفضك. بيان: طب كويس. بيان: أنا زوجي مش هيقبل حضرتك.

مهند: ولكن التصميم لازم أنتِ اللي تنفذيه. بيان: يا فندم أنا هبقى مسؤولة عن اختيار أكفأ شخص للمشروع ده بالإضافة إني هتابع أول بأول ولو في أي مشكلة هتدخل. مهند: تمام. بيان: شكرًا لتفهمك. بيان: أستاذ فاروق أجازة بقى بدل اللي نزلتني منها امبارح. فاروق: أجازة يا مجنونة. غادرت بيان المكتب بابتسامة تزين ثغرها وأخذت تلملم أشياءها لتستعد للرحيل. مهند: بتتعامل معاها عادي كده إزاي؟

فاروق: بيان قريبة من الكل هنا وإنسان مرح كده ومتقنة في شغلها. مهند: المهم عندي القرية تبعي، الافتتاح آخر الشهر ده. عاطف: متقلقش طالما الموضوع مع بيان. مهند: هنشوف. غادر مهند هو الآخر ولكنه ألقى نظرة سريعة على بيان التي تتحدث مع كارمن ومنال. بيان: الحق أمشي بقى. منال: طبعًا عايزة تطبخي لسي رحيم. بيان: هيأكل عند أمه، ابعدي كده. كارمن: عارفة يا منال رحيم زوج بيان ناقصه إيه؟ منال: إيه؟ كارمن: يضحك ويبقى زي القمر وربنا.

منال: عندك حق. كارمن: يا بنتي ده حتى في الفرح مضحكش، أنتِ متخيلة. منال: محضرتش الفرح. كارمن: لا لازم أحكيلك. منال: اشطا. عند بيان... استقلت بيان سيارتها وذهبت إلى منزل والدها وبمجرد ما التقت به حتى ذهبت إليه سريعًا ارتمت في أحضانه وشرعت في البكاء فهي قد تحملت ولكنها لا تستطيع تخبئة حزنها أمام والدها. صلاح: اهدئي يا حبيبتي اهدئي عشان خاطري، أنتِ تعبانة، هتتعبي نفسك ليه بس؟ صلاح: طب عشان خاطري أنا.

خرجت بيان من أحضان والدها وأزالت دموعها بيدها بهدوء ونظرت إلى أبيها. بيان: آسفة يا بابا أ.. صلاح: هتزعليني منك ليه بقى؟ صلاح: الواد رحيم زعلك! بيان: لا يا بابا ولكني بقالي كتير منكدتش. صلاح: جاية تنكدي عليا؟ هو أنا ناقص! بيان: إيه يا عم صلاح مش عاجبك ولا إيه؟ أنا كنت شاكة أنك مش والدي. صلاح: كلمة كمان وهطردك. بيان: شكرًا شكرًا يا حاج هتطردني من بيت أبويا؟ هي حصلت! صلاح: مجنونة بنت مجانين. بيان: هقوم امشي أنا.

صلاح: الولاد مين جابهم من المدرسة؟ بيان: لا خدوا أجازة راحوا مع رحيم عند جدتهم. صلاح: أنتِ متضايقة عشان كده؟ بيان: لا طبعًا يا بابا أنا بس حسيت فجأة بخنقة. صلاح: طيب يا حبيبتي. صلاح: مش هضغط عليكي. استأذنت بيان من والدها ورحلت، بينما صلاح هاتف رحيم على تليفونه المحمول. رحيم: ألو. صلاح: هي دي أمانتي ليك يا رحيم؟ رحيم: في إيه يا صلاح بيه؟ صلاح: بنتي إزاي تبقى زعلانة؟ رحيم: هي جت لحضرتك!

صلاح: آه ومشيت ويا عالم هتعرف توصل البيت ولا لا. نهض رحيم من موضعه بمجرد أن استمع كلمات حماه وتخيل أن بيان قد تعرضت لأزمتها أثناء قيادتها وأصيبت في حادثة. رحيم: هي مشيت من عندك من امتى؟ صلاح: من ربع ساعة كده. رحيم: تمام يا صلاح بيه شكرًا على اتصالك. أغلق رحيم المكالمة ونظر إلى والدته التي تساءلت عما حدث. رحيم: سيادة اللواء خلي الأولاد عندك هروح مشوار وأجي. مالك: لا بابا متسبناش هنا لوحدنا. ملاك (بدموع)

: بابا خلي ماما تيجي أنا عايزة ماما. نجدت: بس منك ليها، أنتوا عيال صغيرة. نجدت: وهي فين ست بيان يا رحيم؟ رحيم: مش وقته ده. غادر رحيم المنزل واستقل سيارته وحاول أن يهاتف بيان ولكنه هاتفها مغلق منذ الصباح. ذهب رحيم إلى منزله وقد استغرق هذا وقتًا. رحيم: الهانم فوق يا عوض؟ عوض (البواب) : لا يا باشا من ساعة ما خرجت مع جنابك مرجعتش. رحيم (بضيق) : طيب.

قاد رحيم سيارته وأخذ يبحث عدة مرات في أماكن قد تذهب إليها وكان يحاول مهاتفتها طوال تلك الفترة ولكن الهاتف مازال مغلق. توقف رحيم وهبط من سيارته وهو ينظر إلى تلك الواقفة المستندة بيدها على سور الكورنيش وقد علم بأنها هي. تقدم رحيم منها عدة خطوات حتى وقف خلفها مباشرة ووضع يده على كتفها ولكنها لم تشعر به لشرودها ثم بدأت تشعر بيد تتمادى فوق جسدها. التفتت سريعًا وصفعته على وجهه بقوة.

صُعقت بيان عندما وجدت رحيم. أخذت تتنفس بسرعة غير طبيعية بينما رحيم لم يغضب ولم يبدِ أي ردة فعل، فقط نظر لها بهدوئه المعتاد. بيان: رحيم أنا أنا أسفة أنا افتكرت شخص م... تقدم رحيم منها ووضع يده على فمها. رحيم: عملتِ الصح مفيش داعي تبرري. رحيم: اهدئي. بيان: مش قادرة أتنفس. أخرج رحيم من حقيبة بيان تلك البخاخة وأخذت بيان تستنشق الأوكسجين بداخله. رحيم: اهدئي.

وضع ذراعه على كتفيها بينما هي تمسكت في ثيابه وشرعت في البكاء مرة أخرى. انتظر رحيم حتى هدأت فمسح بقايا دموعها بجانب عينيها وقبّل جبينها بهدوء. رحيم: تعالي نجيب الأولاد. أومأت بهدوء وذهبت لكي تستقل سيارتها. رحيم: لا هتركبي معايا. بيان: وعربيتي. رحيم: هطلب من الحارس يجيبها. بيان: تمام. استقلت بيان سيارة رحيم وجلست بجانبه وقاد رحيم إلى منزل أهله.

أمسك رحيم بيد بيان بهدوء ونظر إلى الطريق، بينما بيان لم تتفاجأ من ردة فعله لمصالحتها فهذا هو في كل مرة يصالحها بصمت وأسلوبه الغير مباشر لن يغير معاملته. توقف رحيم أمام منزل والده وارتجل منها. رحيم: مش هتنزلي؟ بيان: لا مش لازم، جيب الولاد. رحيم: هاتي مفاتيح عربيتك وانزلي يا بيان. بيان: يا رح... رحيم: كلمة واحدة يا بيان. فتحت بيان باب السيارة وأغلقته بانفعال وذهبت إلى رحيم الذي جذبها لديه بحدة خفيفة. رحيم: المفاتيح؟

بيان: اتفضل. تقدم رحيم من ذلك الحارس يخبره بمكان سيارتها ليذهب بها إلى منزلهم ويعود إلى هنا مرة أخرى وقد أخرج بعض الورقيات النقدية ليضعها في يده. حارس: تؤمر يا فندم. دلف كل من رحيم وبيان إلى المنزل، جرت ملاك بفرحة عارمة إلى بيان التي حملتها بين يديها وقبلتها. ملاك: وحشتيني يا ماما أوي أوي. بيان: حبيبة ماما. مالك: ماما.

احتضنته بيان بحب وابتسامة تزين ثغرها فهذا هو ابنها البكر الذي يكبر ويكبرها كل يوم يمر عليهما. تدعو الله أن يحفظ لها أبناءها. نجدت (بحدة) : خير، مش شايفاني. بيان: ازيك يا طنط. نجدت: بخير. بيان: يا رب على طول يا طنط. نجدت: شغل إيه اللي أهم من عائلة جوزك؟ بيان: زي ما شغل رحيم وشغل حضرتك وشغل سيادة الوزير مهم عندكم كذلك شغلي. نجدت: أنتِ بتردي عليا. بيان: ا.. رحيم: سيادة اللواء عن إذنك هنمشي. رحيم: يلا يا بيان.

بيان: يلا يا حبايبي عن إذنك يا طنط. أمسكت بيان بيد مالك وملاك وغادرت المنزل وهي تحاول ألا تشغل بالها بنجدت فهي ستبقى هكذا ليوم مماتها. بيان: احكولي عملتوا إيه يا حبايبي النهاردة. ملاك: معملناش حاجة يا ماما هنا مفيش ألعاب زي ما جدو صلاح بيعملنا هنا في تعليم والألعاب الصعبة دي. رحيم: كلها سنتين تلاتة وغصب عنك هتلعبها. مالك: أنا هبقى مهندس زي ماما. رحيم: مفيش هندسة، هتكمل مسيرتي.

مالك: لا شغلك كله صعب ومتعب، أنا هبقى مهندس زي ماما حبيبتي. بيان (بابتسامة) : ذاكر أنت واتفوق يا حبيبي الأول. رحيم: ا.. بيان: رحيم حبيبي ده طفل لو سمحت تتعامل معاه بهدوء ولما تكون عايز توصله فكرة مش بتيجي بالأسلوب ده. بيان: مش شرط عشانك ظابط يبقى هو يطلع زيك، أنت مش هو يا رحيم. ملاك: بابا. رحيم: خير؟ ملاك: أنت ليه شرير ومش طيب زي ماما؟

نظرت بيان إلى ملاك بحزن ثم عادت نظرها إلى رحيم الذي التزم الصمت وقاد بهدوء. وضعت بيان يدها على يد رحيم وملست عليه بحب. بيان: بابا بيحبك يا ملاك وبيحب مالك، هو بس بيتعب من شغله المفروض نعذره يا حبيبتي، لكنه بيوفر ليكم كل اللي بتتمنوه، لعب، مدرسة، كتب، هدوم، شنط، كل حاجة يا حبايبي. مالك: دايما بتدافعي عنه. بيان: مش جوزي ولا مش جوزي يا سي مالك. مالك: عارفة يا ماما لو كان ينفع أتجوز كنت اتجوزتك. ملاك (بصوت مرتفع)

: براحة يا بابا. بيان: براحة يا رحيم معانا أطفال، سوق براحة. توقف رحيم أمام منزلهم وصعدوا إلى الشقة. بيان: يلا يا حبايبي كل واحد على أوضته واغسلوا سنانكم بكرة في مدرسة يلا. ملاك: يوووه. مالك: تصبح على خير يا ماما. بيان: وأنت من أهله يا حبيبي. دلف كل من مالك وملاك إلى غرفهم، بينما بيان اتجهت إلى المطبخ لتغسل صحون الفطار التي لم تقم بتنظيفهم. دلفت إلى غرفتها.

فتحت خزانة الملابس لتبدل ثيابها. خلع رحيم قميصه ثم نظر إلى بيان وتقدم منها عدة خطوات. التفتت بيان ونظرت إلى رحيم وعلمت بنيته فأغمضت عينيها. في الصباح الباكر. استيقظت بيان أثر تلك الضجة التي يفعلها رحيم. فتحت عينيها بكسل شديد ونظرت إليه. رحيم: اصحي يا بيان. بيان: إيه يا رحيم؟ إيه حد يصحي حد الساعة ستة الصبح كده. رحيم: قومي جهزيلي فطار عشان أروح للشغل. بيان: يا رحيم ده معاد شغلك أنت مش شغلي أنا، سيبني أنام.

اقترب رحيم من بيان وقبلها على إحدى وجنتيها. رحيم: قومي يا بيان. بيان: واحدة تانية هنا. رحيم (برفعة حاجب) : قومي يا بيان. بيان: يا رحيم ما هو حرام اصحى من ستة الصبح كده حرام والله. حمل رحيم بيان بين يديه ودلف إلى المرحاض المرافق لغرفتهم ووضعها على الحوض. رحيم: عشر دقايق الاقيكي جهزتي فطار. بيان: يا رحيم أنا تعبانة يا رحيم. رحيم (بهمس) : تحبيني أقعد معاكِ النهاردة طول اليوم.

نظرت بيان إلى رحيم بغيظ ونهضت من على الحوض وأخرجت رحيم خارج المرحاض. غسلت وجهها عدة مرات حتى تركز. خرجت وجدته يقوم بتمريناته الصباحية. بيان: عاش. دلفت بيان لتجهز فطور لها ولأولادها ثم شهقت عندما تذكرت كونها لم تحضر الفينو لأبنائها. بيان: رحيم رحيم رحيم. رحيم: بطلي زن وقولي عايزة إيه؟ بيان: فينو. رحيم (برفعة حاجب) : نعم. بيان: نسينا نجيب فينو للأولاد معلش يا رحيم انزل اشتري من الفرن اللي في الشارع اللي جنبنا.

رحيم: انزلي أنتِ. بيان: هتنزل مراتك الساعة ستة الصبح لوحدها. رحيم: وهو في فرن فاتح حاليًا؟ اصبري ساعة كده. بيان (بضيق) : طيب يا رحيم. جهزت بيان الفطار ثم بدأت في إيقاظ الأولاد. نهض مالك بينما ملاك ما زالت نائمة. بيان: يلا يا ملاك هخلي مالك يأكل كل الأكل. بيان: رحيم حبيبي يلا. تعالى رنين هاتف بيان عدة مرات. بيان: أستاذ منصور أيوه الولاد هيحضروا النهاردة. بيان: تمام هنتظرك. بيان: تمام يا أستاذ منصور.

أغلقت بيان الخط مع منصور المسؤول عن أتوبيس المدرسة ولكنها وجدت هاتفها يرن مرة أخرى. بيان: إيه يا منال؟ بيان: طيب حاضر جاية. بيان: من الصبح كده يا منال الساعة ستة ونص يا بنتي. منال: بأكد عليكي أن الصفقة مهمة والاجتماع أهم. بيان: حاضر حاضر. بيان: يلا يا ملاك منصور زمانه على وصول يلا يا بنتي. منال: يا عيني صاحية من بدري عشان الولاد. بيان: هدعي عليكِ يا منال. منال: يا ريت يا أختي ألاقي عريس. بيان: ربنا يهديكِ يا بنتي.

منال: عمومًا أنا نص ساعة وهتحرك. بيان: ليه نروح ساعة بدري يعني كده أوڤر أوڤر. منال: ده هو يوم. منال: هقفل عشان الحق ألبس يلا باي. بيان: باي. بيان: رحيم كويس أنك خلصت لبس انزل جيب الفينو زي ما قولتلك وأنا هغير هدومي وتأخدني في طريقك. رحيم: وليه تروحي بدري؟ اقتربت بيان من رحيم لتعدل له ياقة القميص وتغلق أزراره وتنظره. بيان: عشان في اجتماع مهم أستاذ فاروق عايزنا كلنا نحضره يا حبيبي.

بيان: ويلا عشان زمان منصور جاي والولاد كده مش هيأخدوا سندوتشات معاهم. بيان: وأه وديهم مصروفهم لأن فلوسي خلصت. دلفت بيان غرفتها لتبدل ثيابها. ارتدت ثيابًا رسمية للعمل كانت عبارة عن بدلة باللون الأبيض عكس رحيم الذي كان يرتدي بدلة باللون الأسود حتى قميصها. بيان: أكلتوا يا حبايبي؟ مالك: آه يا ماما. بيان: كويس. بيان: يلا جيب شنطتك يا حبيبي. بيان: خدي يا ملاك جهزتلك الجدول. بيان: خلي بالك منها يا مالك. رحيم: خدي يا بيان.

بيان: اقعد افطر يلا. كانت بيان تهتم بجميع الأمور حتى عملها فهي تحب دومًا أن تقوم بمسؤوليتها على أكمل وجه. بيان: يلا يا حبايبي أكلكم جاهز. وضعت بيان طعام كل واحد في حقيبته. تعالى رنين هاتف بيان وكان المتصل منصور. بيان: يلا يا حبايبي يلا انزلوا. هبطت بيان إلى أسفل لتساعدهم في ركوب الأتوبيس. بيان: خلي بالك من ملاك يا دادة جميلة. جميلة: متقلقيش يا ست بيان في عيوني. بيان: شكرًا. بيان: خلي بالك منها يا مالك يلا باي.

صعدت بيان مرة أخرى إلى المنزل وجلست بجانب رحيم لتتناول طعامها. بيان: عندك شغل لحد امتى؟ رحيم: على حسب يا بيان. بيان: طب وصلني في طريقك. رحيم: خلصي فطارك واجهزي. بيان: حاضر. تناولت بيان فطارها ثم نهضت لتغسلهم وخرجت لرحيم الذي كان يتحدث في هاتفه. رحيم: تمام يا سلمى. رحيم: جهزي كل الملفات على مكتبي وانتظريني أنتِ والباقي عشان نتناقش. رحيم: مش عايز غلطة المرة دي. رحيم: تمام يا سلمى.

بيان: هي مش كانت سلمى اتنقلت لمبنى تاني. رحيم: ورجعت. بيان (بضيق) : طب مش يلا بينا. رحيم: يلا. يحيي: أهلاً أستاذ رحيم ازيك يا مدام بيان. بيان: الحمدلله يا دكتور يحيي. يحيي: مالك يا رحيم بيه؟ رحيم: مستعجلين عن إذنك يا دكتور يحيي. يحيي: طيب متنسيش تزورينا يا مهندسة بيان بقى عشان أكلك عمايل إيدي بقى. نظرت بيان إلى رحيم الذي يحاول السيطرة على أعصابه عند سماعه إلى تلك الكلمات ثم نظرت إلى دكتور يحيي وابتسمت باصطناع.

بيان: إن شاء الله. جذب رحيم بيان إليه من خصرها وضغط على خصرها بقوة ثم ركب المصعد. بيان (بوجع) : يا رحيم أبعد. رحيم (بحدة) : أنتِ دخلتي بيت الراجل ده قبل كده؟ بيان (بوجع) : كده يا رحيم بتوجعني؟ رحيم (بحدة) : انطقي يا بيان عشان أنا على أعصابي. بيان: آه دخلت مرة أو مرتين. رحيم (بحدة) : إزاي من غير إذني؟ وكمان كنتوا لوحدكم مش كده؟

بيان: أولًا مش لازم إذنك لأن مفيش بينا إذن إلا لو ضرورة. ثانيًا أنا مستحيل أدخل بيت راجل لوحده يا أستاذ يا رحيم، أنا متربية كويس وعارف يعني إيه أحترم جوزي وعيالي. بيان: كانت والدته موجودة في كل مرة قعدنا فيها مع بعض. رحيم (بحدة) : طب اسمعيني يا بيان، الراجل ده متعرفيهوش تاني ولا تدخلي عنده ولا تذكري اسمه ولا أي حاجة تخصه فاهمة. غادرت بيان المصعد وهي غاضبة من غضب رحيم عليها دون سبب ووقفت بجانب سيارته.

بيان: افتح العربية. فتح رحيم السيارة وصعدت بيان وبجانبها رحيم الذي قاد إلى الشركة التي تعمل بها. كارمن: أهو رحيم يا منال. منال: شفته مرة قبل كده من بعيد. كارمن: شايفه حلو إزاي. منال: ربنا يخليه لبيان. كارمن: يا رب بس ده ميمنعش أنه حلو وجميل وعسل هه. بيان: لما أخلص شغل هتصل بيك. رحيم: تمام. ترجلت بيان من السيارة وكادت أن تدلف إلى الشركة حتى وجدت من ينادي عليها وكان رحيم وكذلك كارمن. كارمن: أستاذ رحيم أهلاً وسهلاً.

رحيم: تمام. رحيم: بيان. بيان: نعم يا رحيم. رحيم: موبايلك. بيان: شكرًا. منال: يلا هنتأخر على الاجتماع. موظف أمن: مهندسة بيان مهندسة بيان. بيان: نعم يا معتز. معتز: جاتلك الهدية دي النهاردة الصبح وبلغني أول ما تيجي أودهالك علطول. نظرت بيان إلى رحيم ثم نظرت إلى تلك العلبة المغلفة. كارمن تحمست ونظرت إلى بيان. كارمن: افتحيها لما نشوف مين بعتها.

أزالت بيان الرباط ثم الغلاف وبمجرد أن قامت بإزالة غطاء العلبة حتى استمعوا إلى صوت انفجار.