رواية حمل خطأ الفصل الثاني 2 - بقلم نجلاء عبد الظاهر

الدكتور بابتسامة: ألف مبروك، المدام حامل. محمود بصدمة: حامل!!!!!!!! الدكتور: أيوه، هي مش متجوزة؟ محمود: لـ لاء، متجوزة أكيد. تمام، شكراً. الدكتور: يا ريت الاهتمام بالصحة عشان حياتها وحياة الجنين. عن إذنك. الدكتور مشى وهو كان مصدوم. دخل عشان يشوفها، لاقاها بتعيط. محمود بسخرية: بتعيطي ليه؟ مش انتي حامل من أخويا اللي هرب هو كمان؟ نغم بدموع: والله لاء، أنا متأكدة إني مش حامل، محدش لمسني.

محمود قرب منها بغضب: انتي هتعمليهم عليا يا بت انتي؟ خلاص اتكشفتي. لما سألتك أخويا هرب ليه مردتيش، وأنا دلوقتي عرفت. أكيد هرب بعد لما غلط معاكي عشان ميشيلش الليلة كله. نغم بانهيار: أنا مش حامل، الدكتور ده كذاب، مش حامل، مش حامل. محمود بسخرية: والـ... الدكتور قاله؟ نغم بقوة: كذاب، ويا عالم انت اللي متفق معاهم. محمود بوعيد: تمام، هنروح لدكتور تاني، بس على الله أسمع صوتك. عشان لو طلعتي حامل فعلاً، حياتك هتكون جحيم.

نغم بخوف: انت أكيد مجنون. محمود بغضب: أيوه مجنون، لما أخويا يهرب وألاقي اللي كانت خطيبته حامل منه من قبل الجواز، وأنا اتدبست. عايزاني أكون عاقل؟ ده غير أن جوازنا باطل دلوقتي، بس وربنا ما هرحمك. نغم برعشة: هـ... هتعمل إيه؟ محمود بتسلية: يا إما أفضحك، ياخد حقي منك بطريقتي. اعملي حسابك، هنروح لدكتور تاني بليل. سابها وخرج، وهي بصتله بدموع. نغم بدموع: يارب ارحمني، أنا حاسة إن فيه حاجة غلط، أنا مش حامل.

افتكرت ذكرياتها مع أحمد. أحمد بمشاكسة: إيش هاد الجمر؟ نغم بكسوف: أحمد، إحنا قولنا إيه، ضوابط الخطوبة. أحمد بضحك: احم، خلاص، إذا كان على كده، هانت، الفرح قرب. نغم اتكسفت وسكتت. أحمد: أنا هروح أقول لعمي يقدم الفرح بكرة، يااااااعمي. نغم ضحكت على كلامه. رجعت من تفكيرها على اللي حصل. نغم بدموع: ليه كده يا أحمد، تسيبني وأنا مش فاهمة إيه اللي بيحصل لي، لييييه؟ المجهول: هتعملوا إيه في المتـ... ـلقح جوه ده؟

المجهول الآخر: الكبير قال، سيبوه مرمي كده لحد ما يقولنا نخلص عليه. المجهول: تمام. رباب (والدة نغم) : تفتكر اللي عملناه مع نغم ده صح؟ أكرم (والدها) : اومال كنتي عايزانا نتفضح؟ رباب بحزن: أنا معرفش، البت دي طول عمرها حظها قليل. أكرم: ربنا معاها بقى، إحنا عملنا اللي علينا معاها وخلاص. رباب: ربنا يسترها معاكي يابنتي يارب. "مدام نغم أكرم، اتفضلي." محمود بسخرية: اتفضلي يا مدام.

نغم كانت داخلة متوترة، وكان معاها محمود، ومش قادرة تقف من الخوف والتوتر. دخلوا، والدكتور كشف عليها. نغم بلعت ريقها بخوف: خـ... خير يادكتور؟ الدكتور: حضرتك حامل في الشهر التاني، مبروك. نغم بصدمة: حامل!!!! محمود: يلا يا مدام نغم، قدامي.