رواية همس الفهد الفصل الثاني 2 - بقلم بسملة احمد

في مكان آخر في الاسكندريه داخل بيت متوسط الحال لاكنه مليان دفا وحب وأمان. استيقظت بطلتنا همس بكل نشاط وحماس على صوت مامتها وهي تحصيها وتقول: نهال (مامت همس) : اصحي يلا يا همس هتتاخري على الجامعة. نوم إيه دا بس ياربي؟ بت متعبه. همس وهي تفرك في عينها: صباح الخير يا نهولة. نهال بابتسامة: صباح الفل عليكي يا هموسة. يلا عشان تفطري وتروحي الجامعة. همس: حاضر يا ست الكل. قائمه أهو.

وبعدها قامت وهي متجهة للحمام. خلصت وتوضت وأدت فرضها ولبست هدومها المكونة من دريس بالون أسود في ورود بينك وحزام من لون الفستان وعليه حجاب نفس لون الورد وخرجت. همس بعد ما خرجت قالت بمرح: إيه الحلاوة دي كلها يا ست الكل؟ دا انتي راضية عني بقي. نهال: وهفضل راضية عنك لآخر يوم في عمري يا بنت عمري. انتي يلا عشان تفطري. همس اتجهت ليها وبست أيدها وقالت: ربنا يديمك ليا يا حبيبتي ومش اتحرم منك أبداً.

وبعد ما خلصوا فطار، همس راحت جامعتها. وهي ماشية في طريقها للمدرج عشان تحضر محاضرتها، خبطت في شيء. رفعت همس عينها عشان تشوف خبطت في إيه، لقت شاب طويل بعضلات وما يكن إلا فهد السيوفي. فهو لسه متعين معيد جديد في الجامعة بتاع همس. بص فهد ليها وسرح في عيونها وبريتها اللي يسرحوا أي حد. فاق من سرحانه على حمحمة همس وهي بتقول: احم، أنا آسفة. فهد بص ليها وقال: ولا يهمك. اتفضلي. وكل واحد اتجه لطريقه. وصلت همس المدرج تلاقي صحابها

(لارين وأروى) . وصلوا ومستنيين همس بابتسامة جميلة. قالت: صباح الفل على الحلوين. عاملين إيه يا بنات؟ لارين: صباح الفل على أجمل همس. الحمد لله تمام. انتي عاملة إيه؟ أروى: صباح القشطة على القشطة. إحنا تمام وإنتي؟ همس: الحمد لله تمام. وقعدوا يتكلموا سوا لحد ما الدكتور دخل وقال: السلام عليكم يا شباب. عاملين إيه؟ كلهم ردوا عليه السلام وبدأ في الشرح. وبعد حوالي ساعتين المحاضرة خلصت والدكتور خرج.

أروى: يا أخيراً. دا الواحد زهق. دا دكتور رخــم ومن مادته أرخم. لارين: معاكي حق. يلا نروح نجيب حاجة من الكافتيريا لحد ما المحاضرة التانية تبدأ. أروى: هو دا الكلام. يلا بينا. همس: مش قادرة أجي يا بنات. روحوا انتوا وهاتوا ليا معاكم ومش تتأخروا. ياعالم الدكتور الجديد شكله إيه. البنات في نفس واحد: أشطا يا موزة. هنروح ومش هنتاخر. هزت راسها ليهم وبعد حوالي ربع ساعة رجعت البنات وهما معاهم الطلبات.

أروى لهمس: ها يا موزة. اتأخرنا عليكي؟ همس قالت: لأ. هاتوا العصير دا عشان بموت من العطش والحر دا. وأخدت منهم العصير وقعدوا يشربوا وياكلوا ويتكلموا لحد ما الدكتور دخل. الدكتور: السلام عليكم يا شباب. إزيكم؟ أنا دكتور فهد وهشرح ليكم المادة من مكان دكتور محمود. هنخليها النهارده تعارف وأعرفكم بنفسي وقوانيني. لآني لو بعد كده حد خلفها مش يلوم اللي نفسه.

بدأ يعرف نفسه وقال: أنا دكتور فهد السيوفي. هبقي هنا أخوكم الكبير. ولو أي حد احتاج حاجة تبع المنهج هشرحها له. غير كده لأ. طول ما انتوا حلوين وبتسمعوا الكلام هتبقي صحاب وأخوات. غير كده فا اعتبر نفسك شيلت المادة. مش بحب حد يدخل بعيني ولا أنا بشرح يكون فيه صوت. وقعدوا يتعرفوا على بعض لحد ما جه الدور على همس. أول ما وقعت عينه عليها سرح فيها تاني. وهي افتكرت اللي حصل وخدودها احمرت ووطت راسها في الأرض.

لكن هو سألها وقال: اسمك إيه؟ ردت عليه: همس. قال ليها: تمام. اتفضلي. وبعد فترة خلصت المحاضرة واليوم الدراسي بأكمله. وراح كل واحد على بيته وهو سرحان و بيفكر في التاني. دخل فهد البيت لقى مامته قاعده. (إيمان) : وقال بابتسامة مش بتظهر إلا ليها من يوم اللي حصل لأخوه. وقال: السلام عليكم يا ست الكل. عاملة إيه؟ وراح باس أيدها. ردت أمه عليها وقالت: وعليكم السلام يا بني. أنا الحمد لله. انتي عامل إيه ويومك كان ماشي إزاي؟

قال: كله تمام يا حبيبتي. إيمان: أخليهم يحضروا ليك الغدا يا حبيبي؟ فهد: لأ يا حبيبتي. تسلميلي. أنا هطلع آخد شاور وأنام لآني هلكان على الآخر. إيمان: ربنا يعينك يا حبيبي. يلا يا حبيبي قوم نام ولما تصحى كل. فهد: يارب يا حبيبتي. يلا تصبحي على خير.

وسابها وطلع. رمى جاكت بدلته على الكرسي باهمال ودخل أخد شاور وخرج وهو عاري الصدر يرتدي بنطلون أسود مريح مناسب للنوم. ورمى نفسه على السرير من كتر التعب. أول ما جه يغمض عينه وينام افتكر همس. ابتسم أول ما افتكرها وافتكر عيونها اللي سحرته. لكن الابتسامة دي اختفت أول ما جه في باله بعدها يوم حادثة أخوه ورجع افتكر كل ذكرياته معاه وذكريات اليوم دا اللي شقلب كل كيانه وحياته. فلاش باااك....