رواية همس الزين الفصل الثاني عشر 12 - بقلم منة يوسف

همس بتوتر: زين، أنا مش بنت. زين بصلها وقال بهدوء: أنا عارف إنك كنتِ متجوزة قبلي، بس قالوا جواز على ورق وكنتِ صغيرة. وبعدين يا غبية، محدش يقول كدا. همس بتوتر: أنا... أنا خايفة. زين، أنت بتحبني؟ زين بحب: وأنا لو محتكيش أحب مين يا همسي. همس بدموع: وأنا بحبك، بحبك أوي يا زين. أنت مش متخيل لما قالوا إنك هتتجوز تاني كنت هموت من الغيرة. أنا معرفكش من زمان بس حبيتك بسرعة.

زين بحب وغمزة: طيب إيه، طلعنا بنحب بعض يبقى نكمل حياتنا مع بعض. وهمسلها في ودنها: بعدين أنا عايز بيبي ألعب بيه شوية. همس بكسوف: زين، اتلم. زين بضحك: هتلم، حاضر. عند علي وكيان، كانوا قاعدين في الجنينة وبيتكلموا في حياتهم اللي جاية. علي بإعجاب: أنتِ طلعتي عاقلة بجد ورزينة. كيان بحزن: ممكن عشان حياتي كلها هروب من حتة لحتة من ساعة موت بابا.

علي بحب: إن شاء الله هعوضك على كل اللي فات، وحياتنا إن شاء الله تكون كويسة ومتفاهمين ونكون رعد وقمر تالت. كيان بإستغراب: رعد وقمر تالت، إزاي يعني؟ علي بغمزة: يا ستي دي حكاية طويلة هحكيهالك لما نتمم بقا. أما بالنسبة لتالت، فزين وهمس أكيد هيحبوا بعض وإحنا هنبقى أصغر عصفورين. كيان ضحكت وقالت: إحنا لسه متعرفناش يا علي، يعني أنا وأنت لسه عارفين بعض من يومين أو بالكتير أسبوع، يعني ادينا شوية وقت.

علي بتفهم: أنا فاهمك، بس إحنا لازم نتجوز يا كيان. قعدتك هنا هتسببلك مشاكل لو عيلة مامتك وعيلتك جم. كيان بحزن: أنا مش عارفة هما بيعملوا معايا كدا ليه. هما المفروض سندي ومفروض كنت عندهم وبطلب إيدي، حتى دي اتحرمت منها. حتى ماما جدو خدها ومش عارفة حالتها إيه. علي بحزن عليها: أنا عارف إن العيلة مش بتتعوض، بس إن شاء الله كل حاجة هتتحل، وأنا هوعدك بكدا. كيان بحزن: إن شاء الله يا علي.

علي بهزار: يا ستي فكي كدا، وأنتِ عاملة زي ستي كدا. أنتِ عندك كام سنة؟ ٣٠ ولا ٤٠؟ كيان بصتله بصدمة وفتحت عينها: ٣٠ ولا ٤٠ إيه؟ أنا عندي... علي بسرعة: عندك ٤٥، مفرقتش يعني. كيان: صغرتني ليه كدا يا علي؟ دانت من دور أصغر أحفادي يبني. وفجأة سمعوا أصوات زعيق من برا. الكل خرج على الأصوات دي. علي: هو فيه إيه؟ رعد: مش عارف، تعالي نشوف مين عايز يدخل. وانتِ يا كيان ادخلي بسرعة. كيان جريت على جوا لأنها كانت شاكة إنهم أهلها.

وفجأة دخل ناس وماسكين سلاح. واحد منهم: كيان فين يا رعد؟ رعد لما بص عليهم وركز عرفهم: كيان مين يا حج محمد؟ محمد بزعيق: كيان حفيدتي يا رعد اللي جات استخبت عندك، وأنت عندك ولاد في البيت؟ هي فين الفا... جرة دي؟ هطلعها ولا إيه؟ رعد بصوت عالي: أنت جاي تهددني في بيتي؟ محمد بصوت عالي هو الآخر: أنا دلوقتي سألتك، يا تطلعها من عندكم، يا تتر... حم على ابنك. ووجه السلاح على علي.

رعد بزعيق: ابني لو حصله حاجة، والله ما هتعرفوا تطلعوا من هنا. وفجأة كيان خرجت ووقفت قدامهم وقالت: أنتو عاوزين مني إيه؟ ابن عمها وهو بيمسكها من شعرها: أنتِ يا .... بتهربي من بيتنا وتجيبي لنا الفضا... يح. علي بعصبية وبيضرب ابن عمها: سيب مراتي يلااا! أنا لغاية دلوقتي متكلمتش، بس الا مراتي، فاهمين؟ محمد وهو بيوجه السلاح ناحية كيان: أنتِ لازم تمو... تي، جبتي لنا العا... ر وسط الخلق.

وفجأة خرجت طلقة، بس الصدمة إن علي وقف قدامها. هنا قمر وزين وهمس طلعوا يشوفوا إيه اللي فيه هنا، وكانت الصدمة. كان علي واقع والدم حواليه. قمر بصدمة: علي!