رواية همسة واسد الفصل السابع 7 - بقلم نجلاء عبد الظاهر

انصدموا لما لقوا أسد واقف بيضحك. جاسر: أسد، فيه إيه؟ وإيه الصوت ده؟ وبسبب إيه؟ همسة من خلف أسد: بسببي يا أبونا الحج. جاسر شاف همسة، ضحك هو ومنه ومازن. منه بضحك: هههه، إيه ده؟ همسة بغيظ: ما خلاص يا عم أنت وهو، بتمسكوا في الهايفة! أووووو إيه ده؟ نزل إيدك يا برنس. أسد بغيظ: أنتِ يا شبر ونص أنتِ، لسانك ده قصريه شوية، إيه ده؟ أطول من طولك. همسة بغيظ: ما تقولش صغيرة، أنا بحذرك. أسد بسخرية: هتعملي إيه يعني؟

همسة بغيظ: هعمل كده! ومسكت شعر أسد وبدأت تشده بإيد، والإيد الثانية عضت إيد أسد. أسد بألم: آآآه يا مفترية! همسة بغيظ: اعتذر. أسد بغيظ: حلمك أقرب من إني أعتذر. ومسك شعرها وشده. همسة بألم وغيظ: آآآه، أنت بتشد شعري! ماشي. وسابت همسة أسد وطلعت الجنينة، والكل طلع وراها. همسة كانت ماسكة خرطوم الماية وفتحاه. همسة بغيظ: قابل بقى. وبدأت ترش مايه على الكل، والكل طلع يجري وهما بيضحكوا، وأسد مسك الخرطوم من همسة وبدأ يرش عليها.

همسة: عااا يا مجنون! بوظت التيشيرت! ماشي. وطلعت تجري وراه، والكل كان سعيد بالبهجة اللي انتشرت. معتز كان واقف متابع الوضع من بعيد ومبتسم وحزين في نفس الوقت. معتز بحزن: العيلة اللي سلبت الفرحة منك يا بابا، هي نفسها العيلة اللي أختي بترسم الفرحة ليها. غريبة الدنيا دي، بس لما تعرف حقيقة العيلة دي يا ترى الوضع هيفضل كده؟ وأخذ يفكر. حمزة بغضب: تعرفي كل حاجة عن عيلة الجارحي، فاهمة؟ الشخص: أمرك يا باشا.

بعد مدة، حمزة كان بيقرأ كل حاجة خاصة بعيلة الجارحي. حمزة بشر وخبث: من جاسر الجارحي، وماله، انتقامي منك هيبدأ من أولها يا همسة. الكل طلع يغير هدومه. عند أسد وهمسة. أسد: همسة، أنا بعتذر على اللي عملته. همسة بهدوء: وأنا كمان ما كانش ينفع أقول كده، أنا آسفة. أسد ابتسم ليها. همسة راحت تنام، لقت اللي نام جنبها على السرير وشدها ليه. همسة بتوتر: ابعد يا عم. أسد بنوم: همسة نامي بدل ما أتمم جوازنا دلوقتي. وغمز ليها.

همسة بتوتر: أصل أصل أنا هقول لك، أنا بالليل بتقلب وبعمل شقلبظات وكده يعني، أنا خايفة عليك وأنت بصراحة صغير على المرمطة. أسد: همسة نامي. همسة بشر وغيظ: حاضر، أنا نبهتك وأنت حر. يلا بقى تصبح على خير. في منتصف الليل والكل نايم. أسد كان نايم في سلام وبيحلم كأي مواطن مصري وبريء، فجأة لقى الرجل اللي ضربته ووقعته على الأرض. أسد قام من على الأرض بخضة وبص لهمسة بصدمة. أسد بصدمة: يا دي المرار الطافح!

همسة كانت قاعدة على السرير وباين إنها بتمشي وهي نايمة. أسد بصدمة: كملت معايا! همسة كانت عيونها بيضاء. همسة: سكسك سكسك بالعناب، واللي بحبه طلع كذاب. سيكسك، قوول معايا يا ولاااا. أسد بص ليها بصدمة. همسة: قوول! أسد بصدمة: سك إيه؟ همسة: سكسك سكسك بالعناب، واللي بحبه طلع كذاب. وسيكسك. وكانت بتسقف. أسد كان بيسقف معاها. أسد: وسيكسك. همسة فجأة نامت. أسد بصدمة: إيه البنت دي؟ أنا دبست نفسي في إيه يا رب! همسة قامت فجأة.

همسة بصدمة: متحرش، حرامي، سارق أعضاء! ده أنت ليلتك سودة. وقامت وقفت على السرير. أسد قام وقف وبص ليها بصدمة. أسد بصدمة: أنتِ أنتِ! همسة بغضب: هجووووووووووم! ونطت على أسد وفضلت تشد في شعره. أسد بألم: آآآآآآه شعري! آآآآآآه! همسة بغضب: وكمان بتحس! إيه عندك دم؟ أسد بغيظ وغضب: أمال عايش إزاي يا فقيه هانم؟ همسة بتضرب أسد على دماغه. همسة بغيظ: وكمان بتستظرف! أنا هوريك الاستظراف يكون إزاي. ومسكت ودنه وعضتها.

أسد بألم: آآآآآآآآآآآآآه! ومسك ودنه. همسة بغضب: هاااااا، مين اللي بيستظرف دلوقتي هاااا؟ أسد بغضب: ده ليلتك مش معدية النهاردة يا همسة. همسة شهقت بصدمة. همسة بغيظ: وكمان عارف اسمي! مهو أكيد، أمال جاي تسرق إزاي. خد يالا. ولقت جنبها مضرب، وبصت لأسد بشر. أسد وهو ماسك ودنه. أسد بخوف: همسة، اعقلي! همسة لا. همسة بدأت تقرب من أسد وكلها نظرات شر. أسد بخوف: همسة، اهدي وفوقي! يااا معتز يا معتز! همسة بغيظ: وكمان بتنادي لشريكك!

ماشي. ونزلت فوق أسد ضرب على جسمه، وأسد يا حرام صعبان عليا. أسد بغضب وغيظ: احمدي ربنا إنك مش في وعيك وإلا كنت وريتك تصرف ما كانش عجبك. معتز دخل الأوضة بسرعة. معتز بخضة: همسة مالها؟ همسة بغيظ: شريكك جه بسم الله ما شاء الله. ونزلت ضرب في معتز كمان. أسد بألم: أنت متأكد إن دي أختك أو إنها أصلاً بني آدمة؟ معتز بألم: لا. أسد: الله أكبر، رحنا فيها! همسة كانت قاعدة على كرسي وحاطة رجل على رجل.

همسة بغرور: بقى يا شحط منك ليه جاي تسرق وأنا موجودة! إيه الغباء عندكوا كتر للدرجة دي؟ أسد بغيظ: لا كده كتير. وجه يروح ليها، معتز مسكه. معتز: أسد اهدي. همسة بسخرية: أيوه كده، اسمع الكلام يا شاطر علشان أجيب لك المصاصة. أسد بصدمة: مصاصة! معتز ضحك وفضل ساكت. أسد رياكشن وشه اتغير والغضب بدأ يظهر عليه. أسد بغضب: مصاصة! همسة بدأت تفوق وترجع لوعيها. همسة بصدمة: معتز، أنت بتعمل إيه هنا؟ وإيه اللي حصل؟

معتز بضحك: اللي حصل إنك لازم تجري دلوقتي. أسد بغضب: همسسسسسسسسسسه! همسة: طب الحق أصلي العشاء، سلام عليكم. وطلعت تجري وأسد طلع يجري وراها. أسد بغضب: بقى أنا يتقال لي هجيب لك مصاصة! همسة وهي بتجري: الله ومالها المصاصة! حد يطولها يا سيدي. نععععععععع. وطلعت تجري. أسد بغضب وغيظ: والله لأعلمك الأدب من أول وجديد يا همسة. مااااشي، خدي هنا يا بت. همسة بضحك: عبيطة أنا علشان أجي! روح إلهي توقع دلوقتي يا أسد وأنت بتجري.

أسد بسخرية: إيه للدرجادي دعواتك واصلة! وهوب أسد وقع ونظر بصدمة لهمسة. همسة بضحك: نععععععععع، أحسن! نععععععععع. وهوب همسة وقعت كمان. أسد راح ليها ومسكها من قفاها. أسد بغيظ: مصاصة هاااا! همسة بضحك: قلبك أبيض، أنا أنا نبهتك صح وأنت اللي ما سمعتش الكلام، أنا ذنبي إيه؟ أسد بغيظ: ووداني اللي اتأكلت ذنبها إيه؟ همسة بضحك: بالهنا والشفا ليا، إيه مستخسر فيها الأكل يا سيدي. أسد بصدمة: بنت، أنتِ مين؟ أنتِ إيه؟

همسة بسخرية: إيه أكلت عقلك كمان ولا إيه؟ أسد بغيظ: والله لأوريكي. وشالها. همسة كانت حاطة إيدها تحت خدها وأسد شايلها كأنها كيس شوال. منه بضحك: إيه ده؟ إيه الدوشة دي؟ همسة بمرح: بقول لك إيه يا أختشي، أخوك تقريباً كده رايح يسلخني، ماشي. لو جه ومعاه لحمة كثيرة اعرفي إنها لحمتي، ماشي. وأنا لحمي مر يا بت، أوعي تاكلي.