رواية همسه الفهد الفصل الحادي عشر 11 - بقلم بسملة احمد

همس ردت وهي وشها في الأرض وخدودها حمرا من كتر الكسوف وقالت: موافقة. فهد مصدقش نفسه وشالها ولف بيها وقال بصوت عالي: بحببببببببك يا همستي بحببببك اووووي. همس هتموت من الكسوف: نزلني يا فهد بلاش جنون الناس بتتفرج علينا وأنا دخت نزلني. فهد نزلها وباسها من خدها وأخدها في حضنه:

ظز في الناس انتي أهم عندي من أي حد. أنا مش عارف يا همس انتي عملتي فيا إيه بس كل اللي أعرفه إني مكنتش عايش من غيرك. حياتي من غيرك مكنتش حياة. فهد اللي مافيش بنت كانت تشغل باله، جيتي انتي وشقلبتي كل كيانه ومش بقيت أقدر أستغني عنك وعندي استعداد أخسر كل حاجة عشانك. همس: بجد يا فهد الكلام ده؟ فهد: بجد يا قلب فهد. ممكن إيدك بقي ألبسك الخاتم. همس مدت أيدها ليه وفهد لبسها الخاتم وباس أيدها وقال:

مبروك عليا انتي يا همستي. وبكرة يتعمل لك فرح إسكندرية كلها تحكي عنه. همس: مش عاوزة حاجة يا فهد، عاوزاك جنبي وبس. من ساعة ما دخلت حياتي وأنا حاسة بأمان مش طبيعي. فهد: لأ كده كتير عليا والله يا بشر. بقولك إيه تعالي نروح المأذون دلوقتي. همس: اتلم يا فهد. يلا بينا عشان نروح. وسابته ومشيت وهو قال: اتقلي براحتك، ولما تيجي تحت إيدي مش هرحمك يا همستي. وأخد حاجته ومشي وطلع لقي همس واقفة على العربية مستنياه. فتح العربية

وفتح ليها الباب وقال: اتفضلي يا أميرتي. همس اتبسطت أوي من الاسم ده وركبت وهو ركب وشغل أغاني رومانسية وكل كلمة في الأغنية كان بيبص ليها وهي مبسوطة وحاسة إن الدنيا ضحكت ليها أخيراً. لحد ما وصلوا البيت وهمس جت تنزل فهد قال: استني يا همس نازل معاكي. همس باستغراب: ليه؟ فهد: نازل أسلم على طنط. إنتي مالك؟ إيه البت دي؟ ونزل ومسك أيدها وطلع. وهمس فتحت الباب ولسه جايين يدخلوا لقوا هارون اللي قال:

والله عال يا بنت أخويا يا محترمة جايبة رجالة البيت. همس بصت ليه ولسه هترد، فهد مسك أيدها وسكتها وبص لهارون وقال: اتكلم معاها عدل. وإنت مين أصلاً عشان تتكلم معاها؟ هارون: أنا عمها. إنت اللي مين بقي؟ فهد بثقة وباصص لأيدها وقال: أنا أبقى خطيبها وجوزها في المستقبل إن شاء الله. يلا عاوز حاجة؟ وسابه وشد إيد همس ودخل وقفل الباب في وشه وقال: نهال ازيك عاملة إيه؟ وحشاني والله. وراح حضنها. نهال بحب وفرحة

من اللي عمله واللي سمعته: الله يسلمك يا حبيبتي. إنت عامل إيه؟ فهد: كله تمام يا حبيبتي. وحشاني. نهال: ديماً يا قلبي. وإنت كمان ليك وحشة والله. همس: لأ والله ما أجيب ليكوا اتنين لمون بالمرة. إيه وصلة الحب دي؟ فهد: أيوه ياريت يا همستي. اعملي اتنين لمون ويكون ساقع أصل الراجل البومة ده عكر دمي. همس: ده انت بارد يا جدع والله. فهد بخبث: اتلمي يا هموس بدل ما أقوم أعقبك بطريقتي. همس في سرها: قليل الأدب والله.

ويقوم يعملها بس قالت: ها لاء، وعلى إيه هدخل أعمل العصير. وجريت. وفهد ونهال ضحكوا عليها. وفهد قال: والله يا طنط بنت دي مجنونة وهتجنيني معاها. نهال: حصل والله يا بني. بس بلاش طنط دي. أنا مش زي ماما ولا إيه؟ فهد: لأ طبعاً يا ست الكل. ماما وأحلى ماما كمان. نهال بحب: تسلم يا قلب أمك. فهد: عاوزك في موضوع مهم يا أمي، وأتمنى توافقي على اللي هقوله. نهال: خير يا بني قول. لسه فهد هيتكلم لقي الباب بيخبط. قام فتح لقي هارون وقال:

خير؟ عاوز إيه؟ هارون زقه ودخل وقال: والله عال. بقي البيت بيت أخويا والغريب يسألني أنا اللي مين؟ نهال قالت بعصبية: ده غريب يا هارون. وإللي غريب هو إنت مش هو. همس طلعت من المطبخ وقالت: إذن سمعت ماما قالت إيه؟ يلا بقي هش من هنا عشان بنام بدري. هارون قام ضربها بالقلم على وشها. فهد مسك أيده اللي ضربها بيها وحطها ورا ضهره وقال بغضب وعصبية:

أقسم بالله لو اتكررت تاني اللي حصل لهكون دفنك مكانك. إيدك متمسش عليها تاني ولا أصلاً تتكلم معاها. واعتبِر إنهم مش موجودين في البيت لحد ما تغور منه. والبيت اللي سرقته منهم يرجع ليهم تاني. هارون: بقي انت عاوز تطردني من بيتي؟ فهد: قصدك بيتهم. وأه بطردك منه. ولو تعرف تعمل حاجة اعملها. آخرك فاضي إنت أصلاً مش راجل وماشي ورا واحدة ست وعامل نفسك راجل على اتنين ستات. امشي اطلع بره بدل ما أزعلك على الباقي من عمرك. امشي.

هارون خاف وطلع يجري على شقته. وفهد راح لهمس اللي كانت منهارة من العياط وأخدها في حضنه وقال: هششششش هشششش. اهدى خلاص يا قلب فهد. اهدى مفيش حاجة. أنا جنبك مش تخافي. مفيش حد هيقرب منك طول ما أنا عايش. اهدى خلاص. همس بشهقات عالية: أنا خايفة يا فهد. خايفة أوي. مش عليا لاء خايفة عليك وعلى ماما. أمتى أرتاح من الهم ده بقي يارب. أمتى؟ أنا تعبت والله. فهد وهو بيملس على راسها: مش عاوز أسمع كلمة خايفة دي مفهوم؟

طول ما أنا عايش وفيا الروح مسمعش منك كلمة خايفة مفهوم؟ همس بصت ليه بحب: ربنا يخليك ليا يا فهد. فهد باس عينها وقال: ويخليكي يا حياة فهد. يلا بت أجري هاتي اللمون خليني أقعد مع حماتي العزيزة شوية. همس ضحكت: حاضر. ودخلت. جابت اللمون وفهد راح قعد جنب نهال اللي قالت: أنا كده اطمنت على بنتي معاك يا فهد. وأموت وأنا مطمنة. أوعي تزعلها في يوم يا فهد. حتى لو غلطت علمها غلطها بالراحة. فهد:

بعد الشر عنك يا حبيبتي. وهمس بنتي وأختي وصحبتي قبل ما تكون مراتي. مش محتاجة توصية عليها. المهم بقولك أنا عاوز الخطوبة تبقى الخميس الجاي. إيه رأيك؟ نهال: أنا عن نفسي يابني موافقة ومش عندي مانع. نشوف رأي عروستنا. فهد: وعروستنا موافقة. وهيبقى كتب كتاب وخطوبة مع بعض. همس في الوقت ده خرجت وقالت: هو إيه؟ أنا ماليش رأي في أم الليلة دي ولا إيه؟ ده حتى بيقولوا إني أنا العروسة. فهد: لأ طبعاً. ودي تيجي؟ قولي رأيك يا عروسة. همس:

مش موافقة. فهد: نعم يا روح أمك؟ مش إيه؟ أنا والله اقتلك فيها وبعدها اقتل نفسي. قال مش موافقة قال. إنتي هبلة ابت؟ همس خافت منه: إيه يا أبو صلاح؟ بنهرج معاك. إنت مبتهزرش. طبعاً موافقة. هو في رأي بعد رأيك. بس اهدى كده وهدي أعصابك. فهد: أيوه كده. ناس مش بتيجي إلا بالعين الحمرا. كده ياما مفيش حجة. العروسة موافقة وكل حاجة جاهزة. البيت جاهز بس همس طبعاً هتيجي تشوفه عشان لو محتاجة تعدل فيه حاجة. نهال:

ربنا يتمم ليكم على خير يا حبيبي. ومش يغير عليكوا أبداً يا رب. على البركة. يلا بس جهزها يا حبيبي. لسه... فهد: جهز إيه بس يا ست الكل؟ بقولك كل حاجة جاهزة. يعني أنا هاخد همس بشنطة هدومها ومش هتحتاجها كمان. نهال: إزاي بس يا بني؟ الحمد لله الفلوس موجودة باسم همس في البنك. فهد:

خلاص يا نهال بقي. خلي الفلوس في البنك زي ما هما. من بكرة بقي إن شاء الله هنزل أنا وهمس وأروى. ولو لارين تيجي معانا عشان نجهز كل حاجة. وإحنا نازلين نشتري الدهب حضرتك وماما هتبقوا معانا. والشبكة وكتب الكتاب زي ما قولنا الخميس. اتفقنا؟ نهال: اتفقنا يا حبيبي. ربنا يسعدكم ديماً يا رب. فهد بص بص لهمس وقال: عاوزة تقولي حاجة يا همس؟ أو تسألي على حاجة؟ همس: أيوه. الصراحة كنت عاوزة أقولك حاجة وأسألك على حاجة برضه. فهد:

اتفضلي يا حبيبتي. همس بتوتر: هو إحنا لما نتجوز هنقعد فين؟ وأنا مش هقدر أسيب ماما لوحدها. وإنت فاهم؟ فهد: هنعش في فيلا لوحدنا يا حبيبتي. وعلى ماما نهال فاكيد مش هسيبها لوحدها وهخدها تقعد مع ماما. همس: إزاي يعني يا فهد؟ هنقعد لوحدنا ونسيب ماما إيمان لوحدها؟ لأ طبعاً. بص إحنا هنقعد كلنا مع بعض. أنا وانت وأروى وماما نهال وماما إيمان. فهد فرح جداً إنها بتحب مامته كده وبتفكر فيها. بس قال: إزاي يعني يا همس؟

هتبقي مرتاحة وإنتي كده؟ همس: أيوه هبقى مرتاحة. وده شرطي الوحيد عشان أتجوزك يا فهد. فهد: خلاص يا همس. اللي تشوفيه. بس بشرط بقي كل فترة هنروح نقعد في بيتنا لوحدنا. وممكن أختطفك ونسافر. أشطا؟ همس: اشطاطات يا كبير. موافقة. فهد ضحك عليها وقال: واحدة تقول لي خطيبها يا كبير؟ صبرني ياربي عليا. أنا ماشي يا ماما بدل ما أتشل بسببك بنتك. نهال: لسه بدري يا حبيبي. اقعد شوية. فهد:

لأ أنا اتأخرت أوي. مرة تانية بقي عشان لسه هروح أصلح مراتاتي التانيين على التأخير ده. همس: لأ والله. هما مين بقي إن شاء الله؟ فهد: الله! دا إحنا بنغير بقي. همس: أغير على مين؟ عليك إنت؟ هو حد يبص ليك؟ فهد بثقة مصطنعة قدامها: يا بنتي بنات مصر كلها بتجري ورايا ومستنيين مني كلمة واحدة بس. همس: طب اعملها يا فهد. وهتبقى آخر كلمة إن شاء الله. فهد: أموت أنا في الشرس بتاعي. يلا باي باي يا موزة. هكلمك بليل. همس: ماشي. باي.

وفهد مشي. وهمس جريت على نهال وحضنتها وقالت: أنا فرحانة أوي يا ماما. فرحانة أوي بجد. مش مصدقة. يعني فهد كان هنا حالا وطلب إيدي منك وكتب كتابي عليه الخميس الجاي. نهال بفرحة لبنتها: ربنا يفرحك كمان وكمان يا قلب أمك. لأ يا حبيبتي صدقي. همس: ربنا يديمك ليا يا ست الكل. أما أقوم أحضر ليكي الأكل عشان تاخدي العلاج. نهال: ماشي يا حبيبتي. قومي يلا بس غيري هدومك الأول. همس: حاضر يا حبيبتي.

ودخلت غيرت هدومها ببجامة خفيفة ودخلت المطبخ عملت أكل لمامتها وطلعت وقالت: اتفضلي يا حبيبتي الأكل اهو. نهال: تسلم إيدك يا هموسة. مش هتاكلي؟ همس: لأ يا حبيبتي. أكلت بره مع فهد. هدخل أروق المطبخ على ما تخلصي. نهال: ربنا يعينك يا حبيبتي ويسعدك. معلش يا همس تعباكي معايا. همس: تعبك راحة يا ست الكل. وسابتها ودخلت المطبخ وبدأت تروق فيه وهي مشغلة أغاني ومندمجة معاها.

عند فهد بقي وصل البيت ودخل لاقي إيمان وأروى قاعدين في الإنتريه قدام الشاشة. دخل وقال: السلام عليكم يا أهل البيت. عاملين إيه؟ أروى: لأ والله لسه فاكر يا أستاذ إن ليك بيت وأخت وأم تسأل عنهم. كل ده صايع مع الست هانم؟ فهد ضحك عليها وقال: إيه يا بت في إيه؟ إحنا هنبدأ شغل العنات من أولها ولا إيه؟ أروى: أها يا خويا. وإزاي كان عاجبك؟ فهد زقلها بالمخدة وقال: اقعدي يا شبر ونص إنتي. وإنتي كل اللي فيكي لسان على الفاضي. أروى:

شوفي يا ماما ابنك بيقول إيه. إيمان: اعقلوا يا ولاد المجانين. جنتوني معاكم. قولي يا حبيبي عملت إيه؟ فهد: بصي يا ست الكل أنا قولت ليها إني بحبها. وبعدها رحت لي مامتها وحددت معاد الشبكة وكتب الكتاب هيبقى الخميس الجاي. إيمان وأروى في نفس واحد: زغروطو! وكانوا طايرين من الفرحة. وإيمان قالت: مبروك يا بت يا حبيبي. أمك ربنا يتمم ليك على خير. فهد: الله يبارك فيكي يا بت يا حبيبتي. أروى حضنته وقالت: مبروك يا فهودي. فهد:

الله يبارك فيكي يا قلب فهودك. بص لي إيمان وقال: تعرفي يا ماما إنها مش رضيت تتجوز في بيت لوحدها. وقالت أنا مش هعيش غير مع ماما إيمان وأروى. إيمان فرحت وخصوصاً إنها بتحب همس جداً وقالت: بنت أصول ومتربية. ونهال عرفت تربي. لو زعلتها يا فهد في يوم من الأيام أقسم بالله ما حد هيقف ليك غيري. فهد بمرح: هو في إيه يا جدعان؟ هو أنا شرير للدرجادي؟ كل شوية حد يوصيني عليها. دا إيه؟ أروى:

لأ يا قلب أختك. مش تقول كده. إنت الراجل الأخضر بس. فهد ضربها بخفة على رأسها وقال: بقي كده يا لمضة؟ شوفي مين بقي اللي هيجيب لك الحاجة الحلوة. أروى: يا كبير أنا بهزر معاك. ده إنت مافيش أحن منك ولا أطيب منك. فهد: ثبتني يا بت. ثبتني. أروى: هل أنا وش ذلك؟ فهد: لأ يا بت يا سمح الله. أنا اللي وش ذلك. أنا طالع بدل ما أتشل. أروى ببرود: بعد الشر عليك يا فهود من الشلل. فهد: أبرد عيلة شوفتها في حياتي.

ودخل أوضته وخلع هدومه ودخل أخد شاور وخرج نام على السرير وابتسم وقال: خلاص يا همستي. كلها أيام وتبقي مراتي أخيراً. وطلع تليفونه ورن عليها. عند همس كانت خلصت ترويق وادت لمامتها العلاج ودخلت أوضتها أخدت شاور وخرجت سرحت شعرها وبعدين رمت نفسها على السرير من كتر التعب. افتكرت اللي حصل النهارده وسرحت في حياتها الجاية. وفقت من سرحانها على رنة تليفونها. مسكته تشوف مين لقت فهد. توترت وأخدت نفس عميق وفتحت وقالت:

الو. إزيك يا فهد؟ فهد: أحلى الو وأحلى فهد سمعتهم في حياتي. همس بكسوف: اتلم. فهد: أنا علمت حاجة. أنا غلبان أهو. عاملة إيه؟ همس: غلبان خالص. ما شاء الله. الحمد لله. إنت عامل إيه؟ فهد: بقيت كويس لما سمعت صوتك. وحشتني. همس: لحقت أوحشك؟ ده إنت لسه ماشي. فهد: إنتي بتوحشيني وإنتي معايا يا همستي. همس اتكسفت وغيرت الموضوع وقالت: فهد هو أنا ممكن آخد إجازة من الكلية لحد ما نعمل كتب الكتاب. لأني هبقى ملبوخة أوي. فهد: بس كده؟

عنيا ليكي. اعتبري نفسك إجازة. بس الشركة لاء. أنا مقدرش مش أشوفك كل ده. همس: برضه ماليش فيه؟ هو مفيش إجازة يعني مفيش إجازة؟ فهد: يووووووه بقي يا فهد. فهد: مفيش. فهد ولا نيلة. اللي أقوله يتسمع. وأنا قولتلك قبل كده مبحبش كلامي يتكرر مرتين. صح ولا لأ؟ همس: صح. فهد: يبقى كلامي يتسمع. همس: حاضر. وفضلوا يتكلموا والوقت عدى بسرعة عليهم والاتنين كانوا في دنيا تانية ومش حاسين بالوقت لحد ما سمعوا صوت أذان الفجر. همس قالت:

نهار أسود! إحنا بقينا الفجر يا فهد وإحنا مش حاسين بالوقت. فهد: الوقت الحلو ديماً بيعدي بسرعة يا هموسة. وإنتي كل حاجة معاكي حلوة. فا عشان كده مش حسينا بالوقت. همس: بطل كلام وقوم صلي يلا ونام. فهد: حاضر. هخلص وأكلمك أقولك تصبحي على خير وننام. أشطا؟ همس: أشطا. والاتنين قاموا اتوضوا وصلوا. وبعد ما خلصوا فهد رن على همس وقال ليها: تقبل الله. همس: منا ومنكم. فهد:

يلا يا روحي تصبحي على خير وعلى كل حاجة حلوة. نفسي أقعد معاكي أكتر من كده. بس في شغل الصبح. همس: وإنت من أهله. بكرة بقي نكمل كلام. حالا نوم لآني فصلت. فهد: تمام. بت يا حبيبي يلا باي. همس: باي. وقفلوا هما الاتنين وهما مبسوطين وكل واحد بيفكر في التاني لحد ما ناموا. وتاني يوم الصبح...