رواية همسه الفهد الفصل الثامن عشر 18 - بقلم بسملة احمد

تاني يوم الصبح صحي مراد ودخل الحمام وخرج. دخل المطبخ عمل قهوة وأخدها وراح قعد في الصالون وفتح اللاب توب بتاعه. شاف حاجة في الشغل وقفله تاني وفتح فونه على صورة لارين وهو بيتأملها وقال: "هتبقي ليا يا لارين في يوم من الأيام، حتى لو انتي مش حابة هتبقي ليا غصب عنك. آها، عملتي فيا إيه يا لارين." بعدها رن على فهد اللي كان نايم وصحي على صوت الفون وقال: "خير يا زفت على الصبح، عاوز إيه؟ مراد: "يا أخي نفسي مرة تحترمني مرة."

فهد: "خف في يومك، مش طالبة على الصبح، بلاش صداع." مراد: "يا عم ماشي، انت لسه نايم ليه؟ فهد: "هو إيه اللي لسه نايم لي؟ مراد، أنا عاوز أنام، اقفل." مراد: "طب والشغل والجامعة؟ فهد: "مش رايح الجامعة والشغل، البركة فيك." مراد: "ده بجد والله؟ فهد: "آها والله، معلش يا مراد عارف إني متقل عليك، بس بجد محتاج أنام. وكمان همس تعبانة، فا هروح ليها وممكن أخرجها." مراد: "ولا يهمك يا صاحبي، ألف سلامة على همس."

فهد: "حبيبي يا مراد، تسلم." مراد بمرح: "بس في مقابل." فهد: "مادي حقير وربنا." مراد: "حبيبي يا فهود، أنت تشوف موضوع لارين ده بسرعة، بدل ما أبص له هعمل حاجة نندم عليها احنا الاتنين." فهد ضحك وقال: "خلاص خلاص يا عم، يلا طير خليني أنام." مراد: "ماشي، يلا غور." وقفل الفون. فهد كمل نوم. ومراد قام عمل فطار لنفسه، فطر ولبس ونزل راح على الشركة.

على الساعة 12 صحي فهد ورن على همس يشوفها. وكانت لسه نايمة وصحيت على صوت الفون. شافت مين لقت فهد، ردت وقالت: "صباح الخير يا حبيبي، إيه المصحك بدري؟ فهد: "صباح الحلويات يا عيون حبيبك، بدري إيه الساعة 12." همس: "بجد؟ أنا نمت كل ده إزاي؟ فهد: "نوم الهنا يا حبيبتي، عاملة إيه حالا؟ همس: "الله يهنيك، الحمد لله أحسن." فهد: "الحمد لله يا حبيبتي، بقولك إيه؟ همس: "إيه يا حبيبي؟ فهد: "ما تيجي نتغدى بره ونقضي اليوم بره انهارده."

همس: "وشغلك والجامعة يا فهد؟ فهد: "ولا رحت ده ولا رحت ده، انهارده بتاع هموس وبس." همس: "بجد يا فهد؟ يعني هتفسحني؟ فهد: "بجد يا عيون فهد، هفسحك وأعملك كل اللي انتي عاوزاه، انهارده بتاعك وبس." همس: "حبيبي يا فهودي، ربنا يديمك ليا." فهد: "ويديمك ليا يا أحلى حاجة في حياة فهودك. يالا، أنا ساعتين وهكون عندك." همس: "اشطا يا حب، يلا باي، خليني أجهز." فهد: "باي يا مجنونة." قفلوا سوا. وهمس طلعت على نهال وقالت: "نهول يا نهول."

نهال: "إيه يا بنت المجانين، على الصبح مالك؟ همس: "الله يسامحك. المهم، الولا فهودي حبيبي هيجي ياخدني يخرجني." نهال: "الولا وفهودك؟ صبرني يارب. عارفة يختي، رن عليا وقالي." همس: "حلو أوي، يلا أروح أجهز أنا." نهال: "ماشي يا حبيبتي، ربنا يسعدك كمان وكمان يا همس يارب." همس دخلت رنت على فهد واستنت لما رد وقالت: "إيه يا فهودي؟ بقولك." فهد: "إيه يا قلب فهودك؟

همس: "إيه رأيك بما إن دي أول خروجة لينا مع بعض، تيجي نلبس زي بعض ونعمل ماتش؟ فهد: "بس كده، تحت أمر أميرتي طبعًا، اللي أميرتي عاوزاه." همس: "بحبك يا قلب أميرتك أنت." فهد: "أنا بعشقك يا همستي. ها، نلبس ألوان إيه؟ همس: "أنت عندك ألوان إيه وعاوز تلبس لون إيه؟ فهد: "عندي كل الألوان، بس معظم لبسي أسمر." همس: "مممم، أسمر. طب إيه رأيك تلبس قميص أسود على بنطلون جملي وحزام أسود؟ فهد: "عيوني يا همستي. وأنتي هتلبسي إيه؟

همس: "هلبس بلوزة سمرا على جيبة جملي." فهد: "هتبقي قمرآية يا همستي. بس لو اللبس طلع فيه حاجة كده ولا كده هنكد عليكي ومش هيبقى فيه خروج." همس: "لأ يا عم، لا تقلقل، كل تمام." فهد: "أما نشوف، يلا روحي البسي وأنا كمان هقوم ألبس." همس: "ماشي يا حبيبي، يلا."

وقفلوا مع بعض. وكل واحد قام لبس. فهد لبس قميص أسود وبنطلون جملي وحزام نفس لون البنطلون وساعة سمرا والجزمة سمرا. وبدأ يلبس. وهمس طلعت لبسها المكون من بلوزة سمرا على جيبة جملي وطرحة نفس لون البلوزة وكوتشي أبيض. وهمس بدأت تلبس هي كمان. ولما خلصت رنت على فهد اللي كان خلص لبس ورد وقال: "إيه يا حبيبتي، خلصتي؟ همس: "آها يا حبيبي، وأنت؟ فهد: "خلصت، أجي يلا." همس: "آه يا حبيبي، يلا مستنياك أهو." فهد: "ماشي يا قمر، يلا باي."

همس: "باي." همس كملت لبس. وفهد أخد حاجته ونزل. لاقى مامته قاعدة، راح باس إيدها ورأسها وقال: "صباح الخير يا إيمو يا قمر." إيمان بحب: "صباح الخير على عيونك يا حبيبي، ها رايح فين كده؟ فهد: "خدت إجازة من الشغل ورايح أخد همس أخرجها." إيمان: "مم، قولتي، وأنا أقول الشياكة والابتسامة دي لي. ربنا يبارك لك يا همس عشان قدرتي ترجعي الضحكة الحلوة دي تاني." فهد: "يا سلام يا ستي إيمو، يعني طول عمري مش شياكة ولا إيه؟

إيمان: "لأ، طول عمرك شياكة، بس انهارده مختلف." فهد: "بجد يا إيمو؟ يعني شكل حلو والبنات هتعاكسني؟ إيمان: "شوف الواد، جرب تبص لوحدك، أو واحدة تبصلك، وهمس هتعمل منكم شاورما." فهد: "عندك حق بصراحة. المهم، إيه رأيك في الأوتفيت؟ إيمان: "قمر يا حبيبي، ما شاء الله، ربنا يحميك ويحمي همس ويسعدك ديما يارب." فهد: "آمين يا حبيبتي، يلا أنا همشي عشان متأخرش عليها. صحيح، البت أروى فين؟ إيمان: "في الجامعة." فهد: "ماشي، يلا باي."

وسابها وخرج. ركب عربيته ومشي. الحرس وصل تحت بيت همس وطلع فوق. خبط الباب ونهال فتحت وقالت: "إزيك يا حبيبي، عامل إيه؟ فهد باس إيدها وراسها: "الله يسلمك يا نهول، أنتي عاملة إيه؟ نهال: "حلوة يا بني، ادخل تعال." دخل فهد وقال: "أومال فين همس؟ نهال: "جوه في الأوضة، هدخل أنادي عليها أهو." فهد: "لأ، سيبها براحتها." قعدوا يتكلموا مع بعض لحد ما همس خرجت وراحت ليهم وقالت بمرح: "هاي يا جماعة." فهد أول ما شافها قام وراح

واخدها في حضنه وقال بحب: "إيه الحلاوة دي يا همستي؟ همس: "فهد، ابعد، ماما عيب." فهد: "يا لهوي على فهد وسنينه، يا بت انتي مراتي." همس: "مممم، وأي يعني، عيب برضو." فهد: "مش تخليني آخدك جوه الأوضة وأوريكي العيب اللي بجد." همس وفهمت قصده، وشها احمر وبعدت عنه وقالت: "انت قليل الأدب على فكرة." فهد ببرود وغمزة: "عارف على فكرة." نهال ضربت فهد في كتفه بهزار وقالت: "اتلم يا واد، ده أنا حتى قاعدة." فهد: "وفيها إيه يعني يا نهول؟

مش مراتي وبنتك قمر الصراحة، ومدوخاني. ما تحني عليا يا نونو وتقدمي الفرح." نهال: "لأ، يلا بقى خدها وانزل قبل ما أرجع في كلامي وأقول مفيش خروج." فهد سحب إيد همس وراه وقال: "لأ، وعلى إيه، أنا ماشي أحسن." وبعدها نزلوا. وفهد فتح ليها باب العربية وراح يركب وقال: "ها، أميرتي تحب تروح فين؟ همس: "انت قلت إني اليوم ده بتاعي واللي هقوله هتعمله، صح؟ فهد باس إيديها وقال: "صح." همس: "طب أنا عاوزة أروح الملاهي."

فهد: "ملاهي يا طفلة؟ همس مدت شفايفها لقدام وقالت بصوت طفولي: "أيوه، مش أنت قلت أي حاجة أنا عاوزها هتعملها؟ فهد باس شفايفها وقال: "الحركة دي مش تتعمل تاني عشان انتي اللي هتتعزلي في الآخر. و أها، قلت أي حاجة انتي عاوزاها هعملها." همس: "فين ده بقى؟ ما أنت مش راضي توديني الملاهي." فهد: "أنا أقدر. أنا تحت أمر أميرتي." همس: "قلب أميرتك شكل حلو أوي." فهد: "بجد؟ يعني البنات هتكسعني؟

همس: "طب خلي واحدة تبص لك كده يا فهد، ولا أنت بس على واحدة؟ لهيكون آخر يوم في عمرك." فهد: "أموت أنا في قطتي الشرسة. مافيش حد مالي عينك غيرك يا همستي." همس: "أيوا كده اتعدل." فهد: "وبعدين ما انتي موزة أهو. أما نشوف هنضرب كام واحدة انهارده." همس: "كتير، مش تعد. أصل يا بني مفيش حد يشوف الجمال ده ويسكت." فهد ضربها على رأسها بخفة وقال: "لأ، وحياة أمك، اعدل بدل ما أقولك مفيش خروج خالص."

همس: "لأ، وعلى إيه، يلا أمشي بقى عشان أنا جعان." فهد: "ماشي يختي." وبعدها اتحرك بالعربية وقال: "تحبي تأكلي إيه؟ همس: "مممم، عاوزة آكل بيتزا وشاورما." فهد: "عنيا لعيوني." همس: "تسلميلي، ها العيون." فهد: "بحبك يا أحلى حاجة حصلتي في حياتي." همس: "وأنا بموت فيك. هات فونك أما أشغل أغاني." فهد: "اتفضلي يا حبيبتي." همس: "الباسورد إيه؟ فهد: "أميرتي وعيد ميلادها." همس: "ها؟ أنت عامل الباسورد كلمة أميرتي وعيد ميلادي؟

فهد: "آها." همس: "أنت أحلى فهودي في الدنيا." فهد: "قلب فهودك." همس شغلت أغاني وقعدت تغني معاها. وفهد كمان اندمج معاها. وفضلوا كده لحد ما وصلوا المطعم. نزلوا من العربية وفهد مسك إيد همس ودخل وقعدوا. وفهد قال: "ها يا حبيبتي، هتطلبي إيه؟ همس: "مش عارفة، أنا اخترت الأكل، اختار أنت بقى." فهد: "بتحبي فراخ ولا لحمة؟ همس: "لأ، فراخ. وأنت؟ فهد: "فراخ." همس: "طب يلا اطلب بقى عشان أنا جعان."

فهد: "حاضر يختي، أخلص من أروى تتطلع همس." همس: "مالنا بقى يا أخويا؟ أن شاء الله." فهد: "زي العسل، أنا قولت حاجة." همس: "آه، بحسب." فهد: "لأ يختي، مش تحسبي." وبعدها طلب الأكل. وفضلوا يتكلموا لحد ما الأكل جه وقعدوا ياكلوا. وفهد ياكل همس وهمس تأكله. والاتنين في عالم تاني مش شاغلين بالهم باللي حواليهم. وبعد ما خلصوا أكل، فهد قام يغسل إيده. كان في شاب في المطعم عينه على همس. أول

ما فهد قام راح ليها وقال: "الحلو قاعد لوحده لي؟ همس بصت له بقرف وخافت من جوها من فهد وقالت: "نعم؟ هو حضرتك بتكلمني أنا؟ الشاب: "في غيرك يا قمر." همس: "لو سمحت امشي. جوزك لو جه وشافك اللي هيحصل مش هيعجبك." الشاب: "خليه يجي و نشوف مين اللي هيكسب، واللي يكسب انتي حلال عليه يا جميل." همس قامت وضربته بالقلم وقالت: "انت اتجننت يا حيوان أنت؟

الشاب مسك إيدها ولسه هيضربها لقي اللي مسك إيده ونزل في ضرب. ومكنش حد غير فهد اللي نزل في ضرب بكل غيل والغيرة سيطرت عليه وقال: "بقي عاوز تمد إيدك على حرم فهد السيوڤي؟ ده انت أمك داعية عليك انهارده." ونزل في ضرب والشاب مش عارف يدافع عن نفسه. والي في المطعم خايفين يجوا جنبه. همس راحت له بخوف وعياط وقالت: "خلاص يا فهد، عشان خاطري سيبه، هيموت في إيدك." فهد أول ما سمع عياطها رماها على الأرض وقام ليها وأخدها

في حضنه وقال وهو بينهج: "انتي كويسة؟ عملك حاجة؟ همس بعياط: "لأ، ممكن نمشي." فهد: "يلا يا حبيبتي." راح على الترابيزة ساب الفلوس ولم حاجته ومشي. ركبوا العربية واتحرك من قدام المطعم. وبعدها وقف في حتة هادية. ولما لقى همس لسه بتعيط قال: "مالك يا همس؟ بتعيطي لي؟ انتي كويسة؟ همس بعياط: "آه، بس كنت خايفة عليك أوي. وأول مرة أتحط في موقف زي ده." فهد أخدها في حضنه وقال: "خلاص يا حبيبتي، اهدي، أنا كويس، مافيش حاجة."

همس: "أنا عاوزة أروح." فهد: "تروحي إيه؟ إحنا لسه عملنا حاجة. اهدي يا همس، مافيش حاجة. مش هنكد على نفسنا عشان كلب زي ده يا حبيبتي." همس: "ماشي." فهد: "يعني هنكمل اليوم؟ همس: "آه." وبعدها بعدت عنه وقالت: "يلا قبل ما أرجع في كلامي." فهد ضحك واتحرك بالعربية وقال: "بس إيه رأيك وأنا بضرب حلو؟ همس ضحكت وقالت: "قمر يا أخواتي، بس خوفت منك." فهد: "لي يا حبيبي؟ همس: "مش عارفة إزاي فهد الحنين اللي معايا ده يبقى كده."

فهد: "يا حبيبتي قلبي، ده مفروض لأني راجل. وبعدين، انسي إني في يوم من الأيام أتعصب عليكي، ولا اللي انتي شفتيه جوه ده يطلع عليكي انتي." همس: "بجد يا فهد؟ فهد: "بجد يا قلب فهد. بس لو عملتي حاجة تضايقني، هتتعاقبي." همس: "لما أعمل بقى." فهد: "ماشي يا لمضة، يلا انزلي." نزلو. وهمس انبهرت من المكان وقالت: "دي حلوة أوي." فهد: "مش أحلى منك يا همستي." همس: "حبيبي، يلا ندخل، أنا متحمسة أوي." فهد: "يلا يا حبيبتي."

دخلو وقعدوا يلعبوا ويضحكوا ويتصوروا مع بعض وناسّين العالم كله. وفهد جاب ليها دبدوب. وفضلوا كده لحد ما تعبوا من كتر اللعب وقرروا يروحوا. وهما خارجين من الملاهي لقوا....