رواية همسه الفهد الفصل الثاني 2 - بقلم بسملة احمد

في مكان آخر في الإسكندرية، داخل بيت متوسط الحال لكنه مليان دفء وحب وأمان. استيقظت بطلتنا همس بكل نشاط وحماس على صوت مامتها وهي تحصيها وتقول: نهال (مامت همس) : اصحي يلا يا همس هتتأخري على الجامعة، نوم إيه دا بس يا ربي، بت متعبه. همس وهي تفرك في عينها: صباح الخير يا نهولة. نهال بابتسامة: صباح الفل عليكي يا هموسة، يلا عشان تفطري وتروحي الجامعة. همس: حاضر يا ست الكل، قايمة أهو.

وبعدها قامت وهي متجهة للحمام، خلصت وتوضت وأدت فرضها، ولبست هدومها المكونة من دريس بالون الأسود في ورود بينك وحزام من لون الفستان، وعليه حجاب نفس لون الورد، وخرجت.

(همس توفيق فتاة جميلة ذات ملاح بريئة، أحلى أي حد يحبها وينجذب ليها. تمتلك بشرة ناصعة البياض وعيون باللون الأزرق تشبه لون البحر والسماء الصافية، وهي أيضًا فتاة ذكية جدًا ومتفوقة في دراستها، لكنها تعاني من صعوبات مالية بسبب وفاة باباها، وعايشة هي ومامتها لوحدهم في الشقة.) همس بعد ما خرجت قالت بمرح: إيه الحلاوة دي كلها يا ست الكل؟ دا انتي راضية عني بقى.

نهال: وهفضل راضية عنك لآخر يوم في عمري يا بنت عمري، انتي يلا عشان تفطري. همس اتجهت ليها وباست إيدها وقالت: ربنا يديمك ليا يا حبيبتي ومش اتحرم منك أبداً. وبعد ما خلصوا فطار، همس راحت جامعتها. وهي ماشية في طريقها للمدرج عشان تحضر محاضرتها، خبطت في شي ما. رفعت همس عينها عشان تشوف خبطت في إيه، لقت شاب طويل بعضلات وما هو إلا فهد السيوفي، فهو لسه متعين معيد جديد في الجامعة بتاعت همس.

بص فهد ليها وسرح في عيونها وبريتها اللي تسرح أي حد. فاق من سرحانه على حمحمة همس وهي بتقول: احم، أنا آسفة. فهد بص ليها وقال: ولا يهمك، اتفضلي. وأسف، وبعدها كل واحد اتجه لطريقه. وصلت همس المدرج تلاقي صحابها (لارين وأروى) . وصلوا ومستنيين همس بابتسامة جميلة. قالت: صباح الفل على الحلوين، عاملين إيه يا بنات؟ لارين: صباح الفل على أجمل همس، الحمد لله تمام، انتي عاملة إيه؟ أروى: صباح القشطة على القشطة، إحنا تمام وإنتي؟

همس: الحمد لله تمام. وقعدوا يتكلموا سوا لحد ما الدكتور دخل وقال: السلام عليكم يا شباب، عاملين إيه؟ كلهم ردوا عليه السلام، وبدأ في الشرح. وبعد حوالي ساعتين، المحاضرة خلصت والدكتور خرج. أروى: يا أخيرًا، دا الواحد زهق، دا دكتور رخمه ومن مادته أرخم. لارين: معاكي حق، يلا نروح نجيب حاجة من الكافتيريا لحد ما المحاضرة التانية تبدأ. أروى: هو دا الكلام، يلا بينا.

همس: مش قادرة أجي يا بنات، روحوا إنتوا وهاتوا ليا معاكم، ومش تتأخروا، يا عالم الدكتور الجديد شكله إيه. البنات في نفس واحد: أشطا يا موزة، هنروح ومش هنتأخر. هزت راسها ليهم. وبعد حوالي ربع ساعة، رجعوا البنات وهما معاهم الطلبات. أروى لهمس: ها يا موزة، اتأخرنا عليكي؟ همس قالت: لأ، هاتو العصير دا عشان بموت من العطش والحر دا. وأخدت منهم العصير وقعدوا يشربوا وياكلوا ويتكلموا لحد ما الدكتور دخل.

الدكتور: السلام عليكم يا شباب، إزيكم؟ أنا دكتور فهد، وهشرح ليكوا المادة من مكان دكتور محمود. هنخليها النهاردة تعارف، وأعرفكم بنفسي وقانوني، لإن لو بعد كده حد خلفها مش يلوم اللي نفسه.

بدأ يعرف نفسه وقال: أنا دكتور فهد السيوفي، هبقى هنا أخوكم الكبير، ولو أي حد احتاج حاجة تخص المنهج هشرحها ليه، غير كده لأ. طول ما انتوا حلوين وبتسمعوا الكلام، هتبقوا صحاب وإخوات، غير كده، فاعتبر نفسك شلت المادة. مش بحب حد يدخل بعيني، ولا أنا بشرح يكون في صوت. وقعدوا يتعرفوا على بعض لحد ما جه الدور على همس. أول ما وقع عينه عليها سرح فيها تاني، وهي افتكرت اللي حصل وخدودها احمرت ووطيت راسها في الأرض.

لكن هو سألها وقال: اسمك إيه؟ ردت عليه: همس. قال ليها: تمام، اتفضلي. وبعد فترة، خلصت المحاضرة واليوم الدراسي بأكمله، وراح كل واحد على بيته وهو سرحان و بيفكر في التاني. دخل فهد البيت لقي مامته قاعدة. وقال بابتسامة مش بتظهر غير ليها من يوم اللي حصل لأخوه: السلام عليكم يا ست الكل، عاملة إيه؟ وراح باسل إيدها. ردت أمه عليها وقالت: وعليكم السلام يا بني، أنا الحمد لله، انتي عامل إيه ويومك كان ماشي إزاي؟

قال: كله تمام يا حبيبتي. إيمان: أخليهم يحضروا ليك الغدا يا حبيبي. فهد: لأ يا حبيبتي تسلميلي، أنا هطلع آخد شاور وأنام لإن هلكان على الآخر. إيمان: ربنا يعينك يا حبيبي، يلا يا حبيبي قوم نام ولما تصحى كل. فهد: يارب يا حبيبتي، يلا تصبح على خير. وسابها وطلع، رمى جاكت بدلته على الكرسي بإهمال ودخل أخد شاور وخرج وهو عاري الصدر، يرتدي بنطلون أسود مريح مناسب للنوم.

ورمي نفسه على السرير من كتر التعب. أول ما جه يغمض عينه وينام، افتكر همس. ابتسم أول ما افتكرها وافتكر عيونها اللي سحرته. لكن الابتسامة دي اختفت أول ما جه في باله بعدها يوم حادثة أخوه، ورجع افتكر كل ذكرياته معاه وذكريات اليوم ده اللي شقلب كل كيانه وحياته. فلاش باااااك....