رواية حنين الليل الفصل الخمسون 50 - بقلم أميرة رمضان

حنين طالعة من أوضتها وفجأة حاجة فرقعت جامد. حنين بصراخ: يا مامااااااا. رعد جه بسرعة: في إيه؟ ميرا بضحك: ههههههههههه هموووووت كل سنة وانتو طيبين. ولعت صاروخ تاني جنب رجل حنين. حنين بخوف هستيري استخبت في ضهر رعد. حنين: ميراااااا متتجننيش. ميرا: أنا مش عارفة انتي خوافة ليه كده ده صاروخ. رعد: تعرفي لولا اللي حصل ده (إن حنين استخبت فيه) كنت ولعت فيكي. ميرا بغمزة: أي خدعة عد الجمايل.

حنين بغضب: والله انت واختك مجانين أنا نازلة. يوسف جه بسرعة وقال: كل سنة وانتو طيبين. ولع صاروخ جنبيهم. رعد: حنين ابعدي في صااااروخ جنبيك. حنين بخوف: فين؟ (رعد وقف على الصاروخ طفاه) حنين بانفعال: منك لله يازفت انتو عيلة مجنونة. يوسف: بت ياميرا تعالي نروح نفرقع عند ماريا وجنة كده حنين خدت حقها. ميرا بجنان: يلاااااا. رعد: حنين انتي رايحة فين؟ حنين بزعل: أنا داخلة أوضتي. رعد: انتي زعلتي منهم دول بيهزروا وفرحانين بالعيد.

حنين: منا كمان فرحانة بس هما عارفين إني بخاف من الصواريخ وبرضه لازم يغيظوني عليا. رعد: طب ما تخفيش تعالي نفطر واقعدي جنبي ومش هخلي حد يقرب منك. حنين: بجد ولا هتبيعني؟ رعد: عيب عليك ياعشري. حنين بضحك: طب قدامي عشان تبقا في وش المخاطر. *** "أهلاً أهلاً أخيراً نزلتي ولا مكنتيش حابة تفطري معانا؟ كارما: لأ ياطنط عادي أنا بس كنت تعبانة شوية. ميس بتمثيل قدام عمر: ألف سلامة عليكي ياقلبي خلاص متعمليش حاجة وأنا هعملها بدالك.

كارما باستغراب: سبحان مغير الأحوال وبعدين شكراً مش محتاجة منك حاجة ولا هحتاج. ميس بدموع مزيفة: شوف ياعمر طول عمري مش طيقاني ومش بتقبل إني أكون صحبتها و طول عمري شايفاني وحشة. دنيا بصوت واطي: مش لوحدها اللي شايفاكي وحشة. عمر بص لميس ومش مصدقها: طيب نفطر الأول عشان كارما تطلع ترتاح. كارما بصت لميس بنظرة نصر وميس كانت هتولع. *** بعد الفطار. ميرا: ياليلة العيييييد انيستيناااااا و و.

جنى: مش عارفة تغني اسكتي متشوهيش الأغنية. حنين بفرحة: كل سنة وانتو طيبين يابنات. ماريا: وإنتي طيبة يابنتي. حنين: مالك يابنت؟ ماريا: إحنا قاعدين كده ومفيش واحدة حتى عملت ماسك خلينا كده جعانين في نفسنا. ميرا: قال يعني خلقتنا هتتغير ماهي بتفضل هي هي. حنين: أيوا أنا مع ماريا على الأقل حتى نرضي ضميرنا وأنا كلمت مليكة تيجي وقالتلي حيدر هيوصلها وتالين ومالك وسليم هييجوا يقعدوا شوية. ميرا بخبث: أشطاااا وأنا مجهزة لاستقبالهم.

حنين: بت انتي ابعدي عني. ميرا: عيب عليكي يابنت مش هعملك حاجة كفاية عليكم كده. ماريا بعصبية: دي مجنونة رمت الصاروخ على الستارة وكانت هتولع فيها بس ربنا ستر. ميرا بضحك: العيد فرحة بقا. *** أيان قاعد في الجنينة محتار. حنين: قلبي مالك كده كل سنة وانت طيب. أيان: وإنتي طيبة يابنت قلبي. حنين بمكر: في حاجة ولا إيه؟ قولي. أيان: لأ مفيش. حنين: اممممممم أصل أنا كنت هكلم زهرة أعيّد عليها عايز منها حاجة. أيان: انتي معاكي رقمها؟

حنين: شور دي صحبتي أصلاً. أيان: بجد تعرفيها منين أومال مقولتليش ليه؟ حنين: منا مكنتش أعرف إن هي البنت دي اللي انت حكيتلي عنها وبعدين هي مش صحبتي أوي بس اتقربنا من بعض الفترة دي. أيان: طب رني عليها وأديني أكلمها. حنين: يعني بعد الكلام ده كله عنها وفي الآخر مش معاك رقمها؟ أيان: شوفتي بقااا. حنين: طب استني طلعت التليفون ورنت عليها. "آلو إزيك يازوزة؟ زهرة: حبيبتي بخير كل عام وانتي بخير.

حنين: وإنتي بخير صحتك عاملة إيه دلوقتي؟ زهرة: يعني الحمد لله بقيت أحسن. حنين: يعني هتخلصي على اللحمة بكرة؟ زهرة: هههههههه دي حاجة أكيدة. حنين: طب يبقى خليلي حتة. زهرة: انتي هتبصيلي في اللحمة ولا إيه وبعدين أنا هستناكي بكرة انتي وماريا. حنين بخبث: أنا وماريا بس؟ زهرة بتوتر: لو عايزة تجيبي حد معاكي هاتيه انتوا تنوروا كلكم. حنين: امممم لأ من ناحية هنور فإحنا فعلاً هننور. زهرة: هستناكم.

حنين: طيب ياقلبي أشوفك بكرة بقا سلام. أيان بغضب: قفلتي ليه يابنت انتي أنا مش قولتلك عايز أكلمها؟ حنين بضحك: أهدي بس. (وقالت بغمزة) بكرة هتاجي معانا نزورها. *** كارما: أيوااا علقها هنا كده الحمد لله خلصنا. عمر: آه ياضهري منك لله مش قادر أقف. كارما: شوف عشان تحس احنا بنتعب إزاي. عمر: ده على أساس إننا بنلعب منكم لله عشان مش مقدرين تعبنا. كارما: ده على أساس إنكم بتقدرونا.

عمر: باااااااااس احنا هندخل في حوارات حقوق المرأة دلوقتي الليلة ليلة عيد. كارما: أيوا يعني عايز إيه يعني؟ عمر بغمزة: تعالي أقولك بس جوا مش هنا. كارما: هتقولي على إيه وبعدين انت بتغمز ليه؟ عمر بضحك: يخربيت الغباااا*ااااء. *** ماريا: أنا هقوم أشرب. ميرا: هاتيلي معاكي. يوسف: وأنا. ماريا: لأ اللي عايز يطفح يقوم يطفح. (ومشت) وفجأة مليكة وسليم ولعوا صواريخ جنبيهم وقالوا: كللللل سنههههههه وانتووووووو طيبيييييييين.

ميرا وقفت على الكرسي: يخربيتكم خضتوني منكم لله. يوسف: اللي هنعمله في الناس هيطلع علينا ولا إيه؟ حنين بضحك: ههههههه تسلميلي يابنت عملتي زي ما قولتلك. مليكة: عيب عليكي جبتلك حقك. ميرا: انتو متفقين بقااا. حنين بصت لها بنصر: بظبط كده. ميرا: دانا هولع فيكي بقا المرادي. كلهم جروا ورا بعض وفي جو من الفرحة والضحك واللعب. *** في المطبخ. ماريا جالها رسالة فتحتها.

الرسالة: "انتي بقا اللي بلغتِ علينا لو مفكرة إنك كده ناصحة وعملتي كده عشان تنقذي عز تبقي بتحلمي وهدفعكم التمن اللي عملتيه بس هاخده من عز. لو عايزة تشوفيه وهو بيموت تقدري تطلعي فوق البيت وتشوفيها وهو بيلتقط أنفاسه الأخيرة." ماريا اتوترت: لأ لأ مستحيل مستحيل. جرت على فوق وهي حرفياً مش عارفة تمشي من الخوف الرعب. ماريا وصلت فوق واتصدمت من اللي شافته.