رواية حنين الليل الفصل التاسع والأربعون 49 - بقلم أميرة رمضان

انتي رايحة فين أنا مش قولت مفيش طلوع إلا بكونه. مليكه: وأنا قولت يا تعملهم أنت يا أعملهم أنا، خلينا نخلص. سليم بصوت عالي: أنا مش بحب الكلام الكتير، هاتي المنفضة. مليكه بضحك: أحلى منفضة لأحلى سولي. سليم: فرحانة عشان دبستيني، هاتي منك لله. مليكه: ههههههه، كل سنة وأنت طيب، عيش بقى مع السجاد. سليم بغمزة قال بصوت واطي: عقبال السنة الجاية أما أنفض سجادنا. مليكه بصدمة ممزوجة بفرحة: بـ بـ بتقول إيه؟

سليم بحب: إيه الرقة دي، اللهم أنت صايم. وطلع البلكونة. ومليكة واقفة مصدومة مكانها. *** دنيا: كارما كفاية عليكي كده، وأنا هكمل، اطلعي ريحي شوية. كارما: الشغل كتير عليكي لوحدك، أنا هساعدك ونخلصوا مع بعض. دنيا: لااااء، سيبي اللي في إيدك، قولتلك. سعدية دخلت المطبخ: أنتم بتتعازموا على إيه؟ وبعدين يا ست دنيا أنا اللي أقول مين يطلع ومين يقعد، مش أنتِ. كارما: والله هي عندها نظر وشايفة إني تعبانة عشان كده قالتلي أرتاح.

سعدية: تعبانة إيه؟ محسساني إنك أول واحدة تحملي، ما إحنا كنا حوامل يا أختي وكنا بنشتغل ويطلع عنينا وكان عادي. كارما: دانتي بقى، لكن أنا محدش يقدر يطلع عيني. سعدية: أنتِ قليلة أدب وأنا هخلي ابني يربيكي، الله يجازي اللي وقعنا فيكي. كارما: أنا محترمة غصب عنك وعن أي حد. ميس: أنتِ بتردي على خالتك كده ليه؟ متحترمي نفسك. كارما: شوفي مين اللي بتتكلم عن الاحترام. ميس بتقرب من كارما: أنتِ واحدة قليلة أدب وأنا اللي هربيكي.

وقربت من كارما زقتها أوي وكانت هتقع بس دنيا سندتها. دنيا: أنتِ اتجننتي؟ كنتِ هتوقعيها. ميس: كان هيبقا أحسن. كارما بخوف على ابنها: أنا طالعة شقتي. وسابتهم وطلعت على طول. دنيا: الله يسامحكم، لازم تنكدوا علينا في أيام العيد. *** حيدر: أنتِ يابت واقفة كده ليه؟ مليكة واقفة سرحانة. حيدر: يـ بااات. مليكة بخضة: إيه. حيدر: إيه مالك واقفة زي الصنم كده ليه؟ هو الصيام ماثر عليكي لدرجادي؟ سليم طلع من البلكونة: خلصت أهو، منك لله.

حيدر بضحك: إيه يـ سوسن؟ أنتِ اللي كنتِ بتنفضي السجاد؟ يـ بيضة. سليم: إحنا مش هنخلص بقى من التحفيل ده. ندي طلعت من المطبخ: سوسن مين يولا؟ إياك تجيب اسم جدتك على لسانك. مليكة: أوووو، لقد وقعت في الفخ. حيدر: هي هتاجي على دماغي أنا في الآخر ولا إيه؟ سليم: أحسن من أعمالكم، سلط عليكم. حيدر: طب سلام أنا داخل أكمل نوم، ياريتني ما طلعت. ندي: خليك افطر معانا يا سليم انهارده.

سليم: والله ياريت، بس انتي عارفة أمي هـ*ـتقتلني لو فطرت برا انهارده بالذات، دي عاملة حظر لمالك ومراته وأولاده، بس أنا هربت منها. ندي: ربنا يخليهالكم ويبارك فيها. ودخلت تشوف الأكل. سليم: حلو كده السجاد ولا عايز يتنفض تاني؟ مليكة بكسوف: لأ حلو. سليم بمشاكسة: مالك وشك أحمر كده ليه؟ أنتِ عيانة. مليكة بسكوت أكتر: آه عيانة. وسابته وجرت على أوضتها وسليم ضحك عليها. *** بعد ساعة في المطبخ.

حنين: طنط حلو كده البشاميل ولا أخليه على النار شوية؟ سندس: خليه بس دقيقتين كمان عشان قوامه يكون كريمي. بس إيه الشطارة دي؟ نفسك في الأكل حلو زي مامتك. حنين بفرحة: بجد حلو؟ ميرا: مالك مبسوطة كده ليه؟ كل ده عشان عملتي البشاميل، اومال لو عملتي المكرونة كلها هتعملي فينا إيه؟ حنين: وأنتِ مالك يا حقودة؟ ميرا: أنا بقول رأيي، ولا يعني كله بييجي عند كلمتي ويزعل. حنين: طب أنتِ عملتي إيه بقى من ساعة ما قعدتي؟

ميرا: فرمت الطماطم وتعبت، قعدت أريح شوية. ماريا: يالهوووووي الكوسة اتخرمت برضه. خديجة: يختااااااي، هو أنتوا هتتعلموا إمتى؟ مافيش واحدة عملتوها سليمة، كله مشوهاها كده. ماريا: هو العيب في الكوسة بتتخرم بسرعة. خديجة: تصدقي فعلاً العيب في الكوسة، اطلعي يابت من هنا بدل ما أخبطك بالسكينة دي. ماريا: طب والله أنتِ عملتي الصح. جنه: خوديني معاكي. خديجة: اقعدي يابت واتعلمي، مش كفاية عليا الفاشلة بنت الفاشلة دي.

ماريا بضحك وهي برا: شكراااا يـ ديداااااا. عز: بتكلمي نفسك؟ ماريا مردتش عليه. عز: أها، أنتِ لسه زعلانة؟ على فكرة انهارده يوم عرفة، ومينفعش حد يكون زعلان من حد. ماريا: والله خدت بالك إن انهارده يوم عرفة، وماخدتش بالك من كلامك اللي زعلني. عز: على فكرة أنا خايف عليكي منهم بجد. ماريا: وأنت مش هتعرف تحميني؟ عز بصلها وقال: أنا أفديكي بعمري، وأنتي عارفة كده، بس مش هسيبك ترمي نفسك في النار واقف أتفرج.

ماريا: أنا عملت كده عشانك، عايزة أساعدك وخلاص، مش هسيبهم يتحكموا فيك، لو على الفلوس أمرها سهل، لكن هما مش هيسكتوا وهيمسكوا لك زلة عليك، وكل شوية يطلبوا منك حاجات. عز: منا برضه قولت كده، عشان كده مردتش أدفع لهم، بس ليه بلغتِ عنهم بذات في الوقت ده؟ ماريا: رغم إنه مش بيطمر فيك، بس أنا رحت للبنت اللي أنت خبطتها بالعربية واتكلمت معاها. عز بصدمة: رحتي لميييين؟ أنتِ اتجننتي. ماريا: أنت برضه هتتعصب عليا؟

عز: أنا مش حكيت لك وقولت لك متقوليش لحد؟ رايحلها بنفسك. ماريا: أنا معملتش حاجة غلط، ده الصح، وكان لازم يحصل واتصرفت، ولما رحت أكلمها مكنش الوقت مناسب، كنا عايزين شوية وقت كمان، عشان كده بلغت عن أصحابك، أهو على الأقل ياخدوا فترة بعيد عن دماغنا، وأكون عرفت أكلم البنت وأقنعها إن مكنش قصدك، وباين عليها طيبة وهتسامحك والموضوع يعدي. عز: ومين قالك إنها هتمشي ببساطة زي ما أنتِ مفكرة كده؟

ماريا بعصبية: على الأقل أنا فكرت واتصرفت، تقدر تقولي أنت بقا عملت إيه؟ من وقت اللي حصل وأنت واقف مكانك سر، مستني في أي وقت لما تلاقي البوليس جاي يقبض عليك، أو أصحابك يتحكموا فيك، شاطر بس تقعد تغلطني. عز: قصدك إيه؟ ماريا: مقصدش حاجة، عن إذنك. عز اتنهد بغضب وسليم جه وقف قدامه. سليم: عندها حق في كل كلمة قالتها. عز: سليم أنت متعرفش حاجة. سليم: وإيه بقا اللي أنا معرفوش؟ منا عرفت منها، بدل ما كنت أنت اللي قولتلي.

عز: أنا دماغي مش فيا اليومين دول وربنا، وهي ضغطتني أكتر باللي عملته، أنا مقولتش تصرفاتها غلط، بس هي مكنش ينفع تعرض نفسها للخطر كده، والله أنا خايف عليها. سليم: طب تعالا نقعد كده ونشوف الحوار ده عايز مننا إيه. *** عمر: تعالي ننزل نفطر. كارما: لأ مش هنزل، هفطر هنا. عمر: ليه؟ في حاجة؟ كارما: لأ عادي، مش قادرة أنزل. عمر: أنتِ تعبانة؟ كارما: شوية. عمر: طب تعالي ننزل، العيلة كلها متجمعة، مينفعش نقول لأ مش هننزل.

كارما بعصبية: يووو، قولت مش هنزل. عمر: مالك يا كارما؟ أنتِ مصرة إنك تصغريني قدامهم وخلاص. كارما: انزل أنت، لكن أنا لأ. عمر: في حد زعلك صح؟ كارما: أنا اتخانقت مع مامتك كالعادة، بس المرة دي ميس اتدخلت. وقالت ببكاء: وكانت هتقعني بس ربنا ستر ودنيا سندتني. عمر بغضب: ااااي؟ هي اتجننت دي؟ يومها مش معدي. وقام عشان ينزلها بس كارما مسكت إيده. كارما: أنت رايح فييييين؟ عمر: نازل أعلمها الأدب.

كارما: عمر، أهدي ياحبيبي، أنا حكيتلك عشان أنت عايز تعرف اللي حصل، لكن بالله عليك خلي العيد يعدي على خير، مش عايزة مشاكل، وبذات مع ميس. عمر: أنتِ خوفتي منها؟ كارما ببكاء: أيوا خوفت، خوفت على ابني، أنا مكنتش بخاف وبجيب حقي منها في وقتها، بس حالياً بقيت خايفة ومرعوبة منها. عمر حضنها وقال: متقلقيش، طول ما أنا موجود محدش يقدر يعمل لك حاجة. كارما: ابعد، هو الحضن عجبك ولا إيه؟ عمر: آه عجبني أوووي ومش هبعد عشان واحشني.

كارما: عمررر، انزل افطر، أنا لسه عندي شغل في الشقة. عمر: قلب عمر، طب تعالي أنا وأنتِ ننزل ناكل لقمة خفيفة ونطلع نخلص الشقة مع بعض. كارما بفرحة: بجد هتعمل الشقة؟ عمر: مالك يابت فرحتي أوي كده ليه؟ وبعدين أنا قولت نعملها مش أعملها، طيرتي حرف النون في ثانية، منك لله. كارما: هههههههه، لازم يطير حد، يلاقي الدلع ومايتدلعش، يخليك ليا يـ عمرررري. عمر: بت رايحة فييين؟ أنا قولت أنا وأنتِ، بت خدي هنااااا.