رواية حنين الليل الفصل الحادي عشر 11 - بقلم أميرة رمضان

زهره باستغراب: أه أنا، انتو مين؟ ريما: طب أنا كده وصلتكم ليها، سلام أنا بقا. وقبل ما تمشوا كلموني. حنين: ماشي. زهره: في حاجة؟ ماريا: لأ، إحنا بس جاين نطمن عليكي. هدي: طب اتفضلو اقعدو، هنزل أجبلكم حاجة تشربوها. ماريا: لأ ي طنط تسلم إيدك، إحنا صايمين. هدي: صومًا مقبولًا ي حبيبتي، طب اقعدو براحتكم وأنا هخرج برا شوية. حنين قعدت بتوتر وقالت: أنا بشبه عليكي.

زهره: متزعليش مني، انتي جاية تزوريني وتقوليلي بشبه عليكي، معلش أنا مش فاهمة. حنين بتلقائية: أنا حنين ليل الحديدي، معاكي في الكلية بس انتي أكبر مني، تقريبًا في سنة رابعة. ماريا بصوت واطي لحنين: الله يخربيتك، إحنا مش قولنا مش هنعرفها إحنا مين. زهره بابتسامة: أيوا، أنا بردو بقول حاسة إني شوفتك، انتي في صيدلة؟ حنين بتوتر وخوف إنها لخبطت الدنيا: أه.

ماريا قالت بسرعة: إحنا كنا هنا مع صحبتنا وشافتك، وقالت لازم نزورك لأنها تعرفك يعني وكده. زهره: نورتو، بس انتو كنتو بتسألو عن اسمي وإني جايه في حادثة؟ ماريا: مـ... ماهو سألنا ريما الممرضة دي، وهي اللي عرفتنا. زهره: أهلًا وسهلًا، هو انتي قولتي حنين ليل الحديدي، هو انتي أخوكي؟ ماريا بخوف وبتقول جواها: يالهووووي، أوعي تكون عرفت عز. زهره: هو انتي أخوكي أيان؟ ماريا باطمئنان: أيوا، أخوها الكبير، ويبقا ابن عمي.

حنين بخوف: هو انتي هتقوليلو إني جيت زورتك؟ زهره: انتي خوفتي كده ليه؟ ماريا: أصل صحبتي كانت تعبانة وأنا خدتها معايا نزورها من غير ما تقول لأيان، وهو لو عرف هيتعصب عليها إنها خرجت من غير ما تقوله. زهره: خلاص ي حبيبتي، مش هقوله. وعلعموم أنا فرحانة بزيارتك ليا. _كارما نايمة والباب خبط، قامت ملقتش عمر وعرفت إنه نزل الشغل، فتحت الباب. دنيا: عاملة إيه ي قلبي، وحشتيني. (وحضنتها) كارما: وانتي والله.

دنيا: منا لو كنت وحشاكي مكنتيش قعدتي الفترة دي كلها من غير ما تتصلي تطمني على سلفتك. كارما: طب وانتي مكلمتنيش ليه؟ دنيا: دانا مش مبطلة رن، بس تليفونك مقفول، هوصلك إزاي يعني؟ كارما بضحك: تصدقي صح. دنيا: والله كنت هاجيلك، بس انتي عارفة أنا في حصن هنا مش بعرف أخرج. كارما: عارفة ي حبيبتي، بس مش عارفة هما عرفوا إني جيت ولا لسه. دنيا بضحك: لأ عرفوا يا أختي، منا عرفت منهم.

كارما: بس أنا زهقت منهم وهمشي تاني، مش هقدر استحملهم. دنيا: نعااااام، تمشي تروحي فين؟ كارما: هرجع بيت أهلي، وأنا وعمر كل واحد يروح لحاله. دنيا: تبقي عبيطة وهبلة، هتخليهم يفوزو عليكي، هتخلي ميس الحرباية وسعدية وبنتها يخسروك حياتك وجوزك. كارما: وضيفي عليهم ابنك. دنيا بفرحة صادقة: حاااامل! لولولولولوووووووووووووووي! كارما بضحك: بس بس، فضحتيني. دنيا: فضيحة إيه بس، ده فرح وهيصة، لولولولوووووووووووووووووي!

سعدية وهي داخلة: اااااي، في إيه، عاملين دوشة كده ليه؟ إيه الصوت ده؟ كارما ببرود: سلامة السمع ي حماتي، دي زغاريط. ميس بكرة: ومالكم فرحانين كده ليه؟ دنيا: أكيد هتفرحي كمان لما تعرفي السبب. ميس: إيه، هتطلقي انتي وهيك؟ كارما بضحكة مستفزة: لأ، ده العيلة هتزيد واحد. ميس بغيظ: يعني إيه؟ كارما قعدت وريحت ضهرها وحطت إيدها على بطنها وقالت: يعني في بيبي جاي في الطريق. سعدية بفرحة: بجد هتجيبي ابن لابني؟

كارما: ممكن بنت، لسه مش عارفين. سعدية: لأ، هيبقا ولد إن شاء الله، أخيرًا هشيل ولادك ي عمر قبل ما أموت. كارما بصوت واطي: موتي إنتي بس ومتشغليش بالك. دنيا بضحك: اسكتي يخرب عقلكم. ميس: لسه جاية امبارح وانهارده تقولي حامل، ده إيه ده؟ كارما بصتلها بغضب وقالت ببرود: حامل في شهرين ي روحي، مش هتقولي مبروك بقا؟ ميس سابتها ونزلت بغيظ. سعدية: مبروك، بس خلي بالك على الواد، بلاش جنانك، خلي الواد يجي بسلامة.

كارما: هو انتي هتعرفيني أحافظ على ابني إزاي؟ سعدية بغضب: أنا نازلة، ولما ابني يجي ليا كلام معاه. كارما باستفزاز: طب اقعدي اشربي حاجة. _بعد ما نزلت. كارما: شوفتي الشر كان في عين ميس إزاي؟ دنيا: قولتلك احرصي منها وحافظي على جوزك وابنك وبيتك، بلاش تخسري أي حد فيهم، وأنا معاكي متقلقيش. كارما: والله انتي اللي مصبراني على البيت الهم ده. دنيا: أنا بردو، ولاااااا عووووومر. كارما: بس ي بت، ده عمري أنا.

دنيا: طب ردي على مامتك ي اختي، بترن من بدري. كارما: الو. خديجة: كوكي عاملة إيه ي حبيبتي؟ _ماريا وحنين بعد ما طلعوا من المستشفى. حنين: انتي ليه مكلمتهاش في موضوع عز؟ ماريا: مش دلوقتي، البت طلعت تعرف أيان، ولو قولنا حاجة ممكن تقول لأيان، يبقى إحنا كده خربنا الدنيا، لازم نتصاحب عليها الأول وبعدين يبقا نكلمها. حنين: واحنا لسه هنستنى؟ انتي متعرفيش إن صحاب عز بيهددوا، مش معانا وقت.

ماريا: عارفة، وعارفة هتصرف معاهم إزاي، متقلقيش. حنين: بتفكري في إيه؟ ماريا بضحكة خبث: هقولك. _وجدان: كل ده عشان ترد عليا. حيدر: بترني على أمي يعني عشان تحطني قدام الأمر الواقع وأكلمك. وجدان: يعني انت مش عايز تكلمني؟ حيدر: لأ، مش حابب أتكلم مع حد مش بيقدر وجودي في حياته. وجدان بحزن: والله مكنتش أقصد. حيدر: والمطلوب؟ وجدان: ي حيدر خلاص بقا، أنا آسفة ومكنتش أقصد أقول كده، أنا بس كنت عايزة أخرج وانت بترفض.

(وبعد كلام كتير أقنعت حيدر إنه يسامحها) حيدر: أنا عارف إن دماغك ضاربة، بس خلاص، سماح المرة دي، بس الكلام الهبل ده لو اتكرر تاني. وجدان بتسرع: خلااااص، والله ما هيتكرر. حيدر: وعشان متقوليش كاتم على نفسك ومبتخرجيش، إن شاء الله اليومين اللي بعد العيد مش هتكوني فاضية أصلًا. وجدان: ليه؟ حيدر: لأنك هتبقي مشغولة في تحضيرات الفرح. وجدان بفرحة وجنان: انت بتتكلم بجد؟ لولولولوووووووي! حيدر بضحك: بس ي بنت الهب*لة.

_نيفين: اخلص، أنا دماغي هتنفجر. سراج: ده نوع بقا أقوى من أي حاجة انتي جربتيه. نيفين: إيه ده، حقن؟ لأ ياعم، البرشام أحسن. سراج: انتي خايفة من الحقن ولا إيه؟ ههههههه. مصطفى: هات، أنا بحبها. (ومسك الحقنة، ملاها مادة مخدرة، وحطها في دراعه) سراج: خدي انتي، خليكي في البرشام. (وفجأة الباب خبط جامد) نيفين: يالهووووي، مين اللي جاي؟ سراج: انتي مستنية حد؟ نيفين لسه هتتكلم، كانت الشرطة كسرت الباب ودخلوا، قبضوا عليهم متلبسين.

_جنة قاعدة تذاكر على السفرة. هميرا: بت ي بتاع ثانوية عامة، هتقضي معانا العيد ولا يعيني هتقضيه مع الفيزياء؟ جنة وهي بتمثل البكاء: أنا نفسي مرة تدعموني إني في ثانوي، مش تزلوني. يوسف: إيه ده، انتو لسه بتمتحنوا؟ ده إحنا زهقنا من الإجازة. هميرا: هو انت بتروح أصلًا في الدراسة عشان تزهق من الإجازة؟ جنة: ده فاشل وخسارة فيه أي كلية بيدخلها. يوسف: يابنتي دي كاريزما، اسكتوا، انتو متعرفوش حاجة.

جنة: طب يلا امشوا من هنا، عايزة أذاكر. يوسف: ما انتي عمالة تذاكري من أول السنة، إيه، مزهقتيش؟ جنة: وانت ماااااالك؟ انت مفكرني فاشلة زيك؟ يوسف: قومي ي بت من هنا، السفرة للأكل مش للمذاكرة. جنة: هو أنا بذاكر على دماغك؟ يوسف: أيوا، رجل السفرة عايزة تتصلح، وأنا هصلحها دلوقت. جنة: هو لازم تصلحها دلوقتي؟ يوسف: لا تؤجل عمل اليوم إلى الغد. هميرا: ي سلاااام على الحكم.

يوسف: طبعًا، يلاااااا ي بت، قوومييي، خلييييينا نشووووووف شغلنا. جنة: ي مامااااااااا، تعالي شوفي الزفت ده، مش عارفة أذاكر منه. يوسف: مامتك مش هنا، ولو مقومتيش هخبط دماغك بالشاكوش ده. هميرا: ههههههه، طب يارب انكل نوح ولا أيان ولا رعد يسمعوك، وهما هيعملولك انت شخصيًا شاكوش، بس للأسف كلهم خرجوا. يوسف: أنا مابخفش من حد. عز: جو بتقول حاجة؟ يوسف: زيزو الكبير بتاعنا. هميرا: يخربيتك، نفسي مرة تكون قد كلامك.

جنة: الحقني ي عز، مصدعني ومش عارفة أذاكر منه، وبيقولي هيصلح رجل السفرة دلوقتي. يوسف: مين ده اللي هيصلحها؟ جنة: هو. عز: يوسف ده مرة مات من العطش بسبب إنه كسل يقوم يشرب، تقوليلي هيصلح السفرة؟ هميرا: هههههه، بيقولها لا تؤجل عمل اليوم إلى الغد. عز: هههههه، سبحان الله، ذاكري ي بنتي، محدش هيجي جنبك، وانت غور، خليها تذاكر. (وضربوا بالقفا)

يوسف: لااااا، بقولكم إيه، أنا عندي شغل في مكان تاني، أوعي ي حجة، خليني أخلص شغلي وأمشي، مش عايز لوكلوك. عز: لوكلوك؟ تعالي جاي أقولك حاجة. (وهجم عليه بالضرب) ماريا وحنين وصلوا. ماريا بضحك: الله يرحمك ي جوووو. يوسف: اااااه، حد يبعد الواد ده عني، أه، رجلي. تليفون عز رن، وساب يوسف ورد عليه. حنين: ربنا يستر، ويكون البلاغ جه في وقته. ماريا: هو بنسبة كبيرة أوي جه في وقته، بس انتي قولي ياربي. حنين: ياربي.

يوسف: ربنا ياخدك انتي وأخوكي، اااااه، جسمي اتكسر. جنة: أحسن، عشان تبطل رخامة. يوسف: والله لما يمشي، هانفخكم، بس استنوا. هميرا: جوووو، اسكت ي قلبي، انت مفيش حتة في جسمك سليمة. يوسف: يعني أخوكي يتضرب وانتي واقفة ساكتة ومدفعتيش عني؟ يوسف مسك كتاب من جنبيه وحدفه على دماغها. جنة بصراخ: كتااااب! هميرا: ياعززززز، تعالي اقت*ل الواد دددددده. حنين وماريا قربوا من عز وسمعوه بيقول: اتقبض عليهم إمتى؟

حنين: هيهيهييييي، اتقبض عليهم؟ دانت دماغك جاااااااامدة. ماريا: بس ي بت، لحد يعرف إننا اللي بلغنا عليهم. عز من وراها: انتي اللي عملتي كده؟ حنين وماريا.