رواية هو عوضي الجميل الفصل الرابع 4 - بقلم بسمله ابراهيم

ندي بصدمة. الفون وقع من ندي. نوح: في إيه؟ وأخد الفون من على الأرض. نوح: في إيه يا يعقوب؟ يعقوب: تيتا يا بابا مش بتقوم. نوح: متخافش يا حبيبي، أنا هطلب الإسعاف بسرعة. وقف وطلب الإسعاف. كل ده وندي في حالة صدمة. نوح: ندي حبيبتي، ماما كويسة، متخافيش، يلا بسرعة نروح البيت. ندي في حالة لا وعي، وبتردد كلمة "ماما" بس. نوح بينادي عليها وهي مش بترد. راح شايل ندي وخدها العربية. وصل البيت، كانت الإسعاف جات وأخدوا سهرة.

ندي أول لما شافت أمها رجعت تاني لوعيها وجريت على أمها. ندي: ماما، يا ماما، ردي عليا، يا نوح، ماما مش بترد ليه؟ نوح: اهدي يا حبيبتي، ماما كويسة، كويسة والله، اهدي. الممرض: لو سمحت، لازم ننقل المريضة بسرعة. ندي: أنا جاية معاها. ركبت عربية الإسعاف. نوح جه يركب معاها. الممرض: واحد بس يا أستاذ. نوح: ندي، أنا جاي وراكي، أوعي تخافي، ماشي. وراح ركب العربية. الولد بعياط: يا بابا. نوح: حبيبي، كل حاجة كويسة، مافيش حاجة، اهدوا.

هاجر (المربية) : خدي الأولاد لجوه، خلي بالك منهم. وجري ركب العربية وراح ورا عربية الإسعاف. بعد مدة، وصلت عربية الإسعاف ووراها نوح. دخلوا بسرعة على الطوارئ، وندي ماسكة في إيد أمها، ونوح جنبها. الممرض: ممنوع حد يدخل. نوح أخد ندي في حضنه. قعدت تعيط. ندي بعياط: ماما يا نوح. نوح: اهدي يا حبيبتي، والله هتكون كويسة، اهدي. بعد ربع ساعة من الانتظار. الدكتور: جريت عليه ندي بخوف. ندي: ماما، يا دكتور، هي كويسة، صح؟

الدكتور: هي عندها غيبوبة سكر، بس الحمد لله لحقناها، هي هتفوق بعد ساعة، بس لازم تبعد عن أي مشاكل أو ضغط. بعد إذنكم. ومشي. ودخلت ندي عند أمها، ونوح وراها. ندي فضلت قاعدة ماسكة إيد أمها. بعد ساعة، سهرة حركت إيديها وهي ماسكة إيد ندي. ندي: ماما، انتي كويسة؟ حاسة بحاجة؟ سهرة: عايزة مايا، عايزة مايا. نوح: امسكي يا ندي. أخدت شربت أمها. ندي: ألف سلامة عليكي يا حبيبتي، إيه اللي حصل؟ نوح: ألف سلامة عليكي يا مي.

سهرة: الله يسلمكم يا حبايبي، أنا كويسة والله. الدكتور خبط ودخل. الدكتور: ألف سلامة عليكي يا حاجة. سهرة: الله يسلمك يا دكتور، أقدر أروح امتى؟ الدكتور: أول ما المحلول ده يخلص، تقدري تروحي على طول. نوح: طيب، في أي مضاعفات يا دكتور؟ الدكتور: لا، الحمد لله عدت على خير، بس لازم تاخد العلاج بتاعها بانتظام. نوح: شكراً يا دكتور. الدكتور: بعد إذنكم. بعد ساعتين، وصلوا البيت.

الأولاد كانوا قاعدين، وأول ما سهرة ونوح وندي دخلوا البيت، جريوا على سهرة. الأولاد: تيتا، انتي كويسة؟ سهرة: أنا كويسة يا حبايبي. سما: أنا بكره الراجل اللي زعل تيتا. ندي: مين يا حبيبتي اللي زعل تيتا؟ سما: معرفش يا ماما. يعقوب: يا ماما، في حد رن على تيتا وهي قاعدة تزعق، وبعد شوية وقعت على الأرض. نوح: طيب، يلا كل واحد على أوضة، تيتا بقت كويسة. عيسي: يا بابا، أنا عايزة أقعد مع تيتا. سارة: وأنا كمان. سما: وأنا زي سارة.

نوح: بكرة إن شاء الله، هنقعد زي ما أنتم عايزين، بس تيتا لازم ترتاح، يلا كل واحد على أوضة. الأولاد راحوا سلموا على سهرة وراحوا على الأوضة. ندي: مين يا ماما اللي كلمك؟ سهرة بتعب: شعبان. ندي: عايز إيه؟ سهرة: بيقولي إن نور هربت من البيت هي وأمها، وأخدوا كل حاجة منه، وعايز يشوفك، وإنه قاعد في الشارع ومش لاقي حتة يروح فيها، وكمان عايز يرجعني على ذمته. ندي: دلوقتي عايز يشوفني ليه؟ عشان بقى في الشارع؟

طيب، نسي اللي عملوه فيا؟ افتكر دلوقتي إن عنده بنت؟ طيب، لما طلق، مفتكرش لو نوح مكنش رضى تقعدي معانا أنا وانتي، كنا هنبقى في الشارع، مفتكرش كل ده ليه؟ نوح: اهدي يا ندي، ارتاحي انتي يا أمي، وأنا هتصرف. وخد ندي وخرج. نوح: أنا عارف إنك مدايقة، بس ممكن تهدي عشان طنط تعبانة. ندي: ليه راجع دلوقتي؟ ليه يا نوح؟ ليه يفتح الوجع تاني؟ نوح: حبيبتي، أنا عارف إنك مدايقة، وعارف اللي هقوله هضايقك، بس ده الصح، انتي مش بتثقي فيا؟

ندي: أه. نوح: يبقى اسمعي الكلام، ده أبوكي مهما كان، وأنا عارف انتي اتوجعتي قد إيه، بس صدقيني، انتي محتاجة تقعدي معاه عشان قلبك الأبيض ده فيه نقطة لازم تتشال، وهي خلافك مع شعبان. أنا عارف إن عمر الوجع اللي في قلبك ما اتقفل، حتى لو انتي مش بتظهري ده، خليكي واثقة فيا، أنا عمري ما هأوجعك. ندي: بس يا نوح. نوح: من غير بس، متخافيش، أنا معاكي. ندي: ماشي، بس هتيجي معايا صح؟ نوح ابتسم: صح يا حبيبي، تعالي. وراح عند سهرة.

نوح: ندي هتقابل شعبان. سهرة ابتسمت: هي دي بنتي، أم قلب أبيض زي الفل. نوح: هاتي يا أمي الرقم اللي كلمك منه. وأخد الرقم منها واتواصل مع شعبان وحدد تاني يوم إنه يتقابل معاه. تاني يوم. نوح: يلا يا حبيبتي. ندي: نوح، مش عايزة. نوح: تاني يا ندي، إحنا مش اتفقنا يا حبيبتي؟ أنا معاكي. ندي: طيب. وصلوا عند المكان اللي كان عبارة عن كافيه، كان شعبان واقف مستني ندي.

نوح جه ومعاه ندي اللي اتصدمت من شكل شعبان اللي بقى رفيع جدا وهدومه متسخة. نوح: إزيك يا عمي؟ شعبان: الحمد لله يا بني. نوح: واقف كده ليه؟ كنت دخلت جوا. شعبان بحرج: أصل محدش رضى يدخلني. عاملة إيه يا بنتي؟ وكان جاي يحضنها. ندي: .........