رواية هو عوضي الجميل الفصل الثاني 2 - بقلم بسمله ابراهيم

نوح قام وقف قدامها وكان مضايق جداً. حط إيده في جيبه وقال بعصبية بيحاول يسيطر عليها: "اممم، تمام أوي. مفيش خروج تاني." وسابها وراح الحمام يغير هدومه. ندي كمان راحت غيرت هدومها. نوح كان قاعد على السرير. ندي: "احم، تحب أحضرلك العشاء؟ نوح وهو بينام: "مش عايز حاجة. اطفي الزفت النور ده." ندي راحت طفت النور ونامت جنب نوح. ندي: "نوح، أنا آسفة والله ما هعمل كده تاني." نوح لا رد، مديها ظهره وساكت. ندي: "طيب مش هتحضني؟

لما لقت نوح مش بيرد عليها فضلت تعيط. لقت نوح فاقها: "يعني انتي اللي غلطانة، بتعيطي ليه دلوقتي؟ ندي بعياط: "أنا آسفة والله مش هعمل كده تاني." نوح: "طيب خلاص بلاش عياط." ندي مسحت عيونها: "يعني مش زعلان مني؟ نوح: "لا، أنا زعلان." ندي: "طيب أصلحك إزاي؟ نوح قرب من شفايفها وطبع قبلة عميقة، وبعدين بعد عنها وهو بيتنفس بسرعة. نوح: "مستعدة ولا لسه خايفة؟ ندي بكسوف: "مستعدة."

في الصباح صحي نوح، قرب من ندي وبعد شعرها اللي على وشها. في اللحظة دي صحيت ندي، ابتسمت. ندي: "صباح الخير." نوح: "صباح النور، صباحية مباركة يا عروسة." ندي بكسوف: "الله يبارك فيك." وقامت تاخد دوش. ولما خرجت لقت الأوضة نضيفة، ونوح باسها ودخل الحمام. سرحت شعرها وراحت تحضر الفطار. وهي بتحضر الفطار لقت إيد بتلف حوالين وسطها، ونوح بيدفن راسه في رقبتها. ندي بكسوف شديد: "نوح، ابعد كده هتتأخر على شغلك."

نوح: "لا، ما أنا إجازة النهاردة يعني براحتي." ندي: "طيب ابعد عشان خاطر." نوح: "أهو يا ستي، تحبي أسعدك؟ ندي: "آه يا حبيبي، خد الأطباق دي حطها على السفرة." نوح: "عيوني يا حبيبتي." وبعدين استوعب: "انتِ قولتي إيه؟ ندي: "أنا مقولتش حاجة." نوح: "يعني إيه؟ أنا سمعت غلط، انتي مش قولتي يا حبيبي؟ ندي: "أنا لا مقولتش كده، أنا قولت نوح عادي." نوح: "طيب." وأخد الأطباق ومشي. بعد الفطار ندي ونوح قاعدين قدام التلفزيون، ونوح حضن ندي.

ندي: "ما تيجي نخرج بليل؟ نوح: "ليه؟ مش خرجتي امبارح لحد الساعة ١٠، عايزة تخرجي تاني؟ ندي بزعل: "لا مش عايزة." وجات تقوم، نوح مسك إيديها. نوح: "زعلتي ليه؟ مش دي الحقيقة؟ ندي: "وأنا اعتذرت منك، ومكنش قصدي أتأخر بره كده." نوح: "خلاص يا حبيبي، عايزة تخرجي فين؟ ندي: "لا مش عايزة." نوح: "لسه زعلانة؟ خلاص بقي، وبعدين أنا كنت خايف عليكي." ندي: "خلاص مفيش حاجة، وصدقني مش هكررها تاني."

نوح باس إيديها: "ها حبيبي، عايزة تروحي فين؟ ندي: "عايزة أروح النيل وكمان نتغدا بره." نوح: "عيوني، هخلص شوية شغل على اللاب وأقوم نلبس. بعد 3 ساعات." ندي: "أنا خلصت." نوح: "لا، روحي البسي حاجة تاني." ندي: "ليه؟ ما حلو أهو." نوح: "لا، الفستان ضيق وكمان... ندي: "بس لسه فيها كمان؟ حاضر يا نوح، هغير الفستان." نوح: "وامسحي الميكاب."

ندي: "يا لهوي، أنا حيوانة إني قولت عايزة أخرج. يا نوح أنا مش حاطة غير مرطب شفايف، ميكاب إيه ده؟ نوح: "امسحي، ولما نيجي نحط هنا." ندي: "نوح، تصبح على خير." نوح: "خلاص، روحي غيري الفستان بس وتعالي." على النيل. نوح: "يا بنتي خلاص بقي، فيها إيه يعني لما قولتلك غيري الفستان؟ ندي: "أغير الفستان ده؟ انت خليتني أغير خمس فساتين. صدقني لو كل خروجة كده أنا مش عايزة أخرج." نوح: "طيب أنا أعمل إيه؟

ما انتي اللي حلوة زيادة وبتحلي الحاجة أكتر." ندي ضحكت بحب وسكتت. نوح: "تطلبي إيه؟ ندي: "مش عارفة، مفيش حاجة معينة." نوح: "اطلبلك أنا؟ ندي: "ماشي." خلصوا وهم مروحين، نوح وقف عند محل آيس كريم. نوح: "آيس كريم مانجا لأحلى ديدا في الدنيا." ندي: "انت عرفت الاسم ده؟ نوح: "الفون بتاعك كان معايا امبارح قبل ما تدخلي الأوضة، صاحبتك بعتت وصلي يا ديدا." ندي: "اممم، تعرف إن بحب الدلع ده أوي، بس بحب منك كلمة حبيبتي أكتر."

نوح ابتسم ليها وروحوا البيت. تاني يوم نوح رجع من الشغل بدري. ندي بفرح: "حمدلله على السلامة، أخير جيت بدري." نوح: "ما أنا جيت بدري عشان مسافر أسبوع في فرع لندن تبع الشركة." ندي: "مسافر ليه؟ نوح: "في مشاكل ولازم أروح الفرع بكرة." ندي: "طيب وأنا؟ نوح: "حقك عليا والله، انتي لو كان معاكي جواز سفر كنتي جيتي معايا، وكمان عشان يعملوه هياخد وقت. طيب إيه رأيك تروحي تقعدي مع مامتك وأنا هحاول أخلص الشغل في أقل وقت وأجيلك؟

ندي: "تروح وترجع بالسلامة يا حبيبي." نوح حضن ندي: "أخير قولتيها يا شيخة، هتوحشيني أوي." ندي: "وانت كمان، هروح أحضرلك الشنطة." نوح: "أنا جاي معاكي." ندي: "طيرتك امتى؟ نوح: "الساعة ٩ الصبح، هوصلك عندك أهلك وهروح على المطار." ندي بزعل: "تروح وترجع بالسلامة، هروح أحضر الغداء على ما تخلص وتاخد دوش." نوح: "ماشي يا حبيبي." نوح خلص ودخل المطبخ لقي ندي بتعمل الأكل وبتعيط. نوح حضنها: "بتعيطي ليه؟

ندي لفت ليه وحضنته: "هتوحشني أوي." نوح: "والله غصب عني، بس هحاول أرجع بدري." بعد الغداء. نوح: "تسلم إيدك يا روحي." ندي: "الله يسلمك من كل شر، ألف هنا يا حبيبي." ودخلت الأطباق. نوح: "روحي انتي، أنا هغسلهم." ندي: "مستحيل، هطلع بره يا نوح." نوح: "والله أنا اللي هغسلهم، روحي يلا." ندي: "اغسلهم بس أنا هفضل واقفة." وحضنت نوح من ظهره. نوح: "هتفضلي واقفة كده؟ ندي: "بحاول أشبع منك بس مش عارفة." نوح: "ولا أنا والله."

قدام التلفزيون. نوح: "غمضي عيونك." ندي: "ليه؟ نوح: "بس غمضي يلا." ندي: "أهو." نوح: "إيه رأيك؟ ندي فتحت عيونها: "الله، السلسلة دي عشاني؟ نوح: "أكيد، حلوة." ندي: "حلوة أوي يا حبيبي." وباسته نوح من خده، لبسها لرقبته. نوح: "أنا مكنتش أتخيل إنها هتكون حلوة على رقبتك كده." ندي: "دي عيونك اللي حلوة." نوح: "يلا بقي ننام عشان أعرف أصحى بدري." تاني يوم. ندي: "خلي بالك من نفسك." نوح: "وانتي كمان، اطلع معاكي."

ندي: "ماشي، سلم على ماما وبابا عشان مش هيصدقوا إنك مسافر، ويفتكروا إني زعلتك عشان كده جيت." نوح: "في حد يزعل من قمر زيك يا حبيبتي؟ يلا يا روحي." وأخد الشنطة منها وطلع. سهير بفرحة: "ندي، وحشاني يا نور عيني، وحشاني أوي يا حبيبتي." ندي: "وانتي كمان يا ست الكل." نوح: "إحنا هنا." سهير: "نوح، أهلاً يا حبيبي، معلش والله بس ندي وحشاني أوي." نوح بص لندي: "عندك حق تنسي الدنيا وانتي معاها." سهير: "ابتسم، اتفضل يا بني، اتفضل."

سمر مرات شعبان التانية: "مين؟ ندي، انتي لحقتي يا ختي؟ نوح: "تقصدي إيه؟ سمر: "لا ولا حاجة." ودخلت، وشعبان جه. شعبان: "إيه ده؟ أوعي تكوني زعلتي جوزك، ما أنا عارفك." نوح: "يزعلني ليه؟ ده أنا ربنا أكرمني بجوهرة، بس أنا مسافر أسبوع عندي شغل ومش عايزة أسيب ندي لوحدها، قولت تيجي تقعد مع طنط." شعبان: "ماشي." نوح: "ندي تعالي يا حبيبتي، عايزة... ندي: "نعم؟ نوح: "خدي دول، معلش والله نسيت أدهملك تحت." ندي: "بس أنا معايا."

نوح: "معلش، خليهم معاكي لو عايزة حاجة." ندي: "ماشي يا حبيبي، تروح وترجع بالسلامة." نوح باس رأسها ومشي. سهير: "تعالي يا حبيبتي، أجيبلك فطار." ندي: "لا تسلمي يا حبيبتي، أنا فطرت مع نوح." سهير: "طيب تعالي يا حبيبتي نقعد جوا." في الأوضة. سهير: "عاملة إيه مع جوزك؟ مبسوطة؟ ندي: "نوح أحن وأطيب وأرجَل راجل أنا عرفته، حنين عليا أوي يا أمي." سهير: "ربنا يسعدك يا نور عيوني، يلا غيري هدومك واقعدي براحتك."

سهير: "يا حبيبتي، بردو مش عايزة تتغدي؟ الغدا اتحط من ساعتين، وقولتي مش جعانة، هتفضلي كده؟ ندي: "معلش يا ماما، ماليش نفس." ودقيقة ورن فون ندي. ندي: "أخدت الفون بسرعة، الو يا حبيبي، طمني عليك، انت كويس؟ وصلت؟ وحشتني أوي أوي أوي." نوح بضحك: "لو أعرف إني هوحشك كل ده عشان سبتك ٥ ساعات بس، أنا كنت سافرت من زمان." ندي: "انت بتوحشني لو غبت عني دقيقة، من خمس ساعات."

نوح: "وحشاني أوي يا حبيبتي، أنا لسه نازل من الطائرة، المهم انتي كويسة؟ ندي: "لا مش كويسة من غيرك، هتيجي امتى؟ نوح: "يا حبيبتي أنا لسه واصل، بس بإذن الله هرجع في أقرب وقت." ندي: "طيب خلي بالك من نفسك كويس، وكلمني على طول، ماشي؟ نوح: "حاضر يا نن عيوني، كل شوية أرن عليكي، خلي بالك من نفسك، لازم أقفل دلوقتي، ماشي؟ ندي: "ماشي، لا إله إلا الله." نوح: "محمد رسول الله." وقفل. دخلت نور أخت ندي، بس من باباها بس.

نور: "هتفضلي قاعدة كده يا ختي؟ ندي بضحكة سخرية: "والله عمرك ما هتتغيري." سهير: "ملككيش دعوة بندي، واطلعي بره." طلعت نور وهي بتتوعد لندي. سهير: "متخديش عليها، هروح أجيبلك الغداء." ندي: "ماشي يا ستي الكل." عدى تلات أيام بدون أحداث، غير إن ندي قاعدة في الأوضة، ملهاش علاقة بحد، ونوح بيطمن عليها. سهير: "مالك، في إيه يا بنتي؟ رايحة جاية في إيه؟ ندي: "برن عليه مش بيرد، يا ماما، والفون مقفول، خايفة يكون حصل حاجة."

سهير: "بإذن الله مفيش حاجة، ادخلي يلا اتوضي، وإن شاء الله خير." ندي: "بإذن الله." وراحت، خلعت السلسلة اللي جابهالها نوح، وسابتها على الكومدينو. راحت الحمام، وسهير خرجت بره الأوضة. بعد ساعة. ندي: "يا ماما، يا ماما." سهير: "في إيه يا حبيبتي؟ ندي: "شوفتي السلسلة بتاعتي؟ أنا كنت سيباها هنا." سهير: "أيوة، أنا شوفتك سبتيها هنا." ندي: "أنا عارفة مين اللي أخدها." وخرجت. ندي: "نور، يا نور! نور: "في إيه؟ بتنادي كده ليه؟

ندي راحت عليها ومسكت إيديها بغنف: "السلسلة بتاعتي فين؟ نور: "سلسلة إيه؟ أوعي كده، سيبي إيدي." ندي: "مش هسيبك غير لما تجيبي السلسلة. مش كفاية أخدتي فلوس، مش شنطتي، وشوفتك بعيني وسكت، لكن تاخدي حاجة جايبها ليا جوزي دي بقي مش هسكتلك عليها." وزعقت: "فين السلسلة يا حرامية؟ شعبان: "في إيه؟ بتزعقي كده ليه؟ سمر: "مالك ماسكة بنتي كده ليه؟ سبيها." نور بعياط تمثيل: "الحقني يا بابا، بتقول عني حرامية. كل ده ليه؟

عشان شفتها واقفة مع نبيل اللي كانت ماشية معاه قبل ما تتجوز؟ قولتلها إني هقولك، عملت حوار إني سرقت السلسلة بتاعتها عشان مقولش اللي هي عملته." ندي بصدمة: "يخربيتك! ده أنا صدقتك! أنا اللي كنت ماشية مع نبيل؟ لا بجد؟ مش أنا اللي قفشتك في حضنه على السلم، وانتي جيتي قولتي إن أنا اللي كنت واقفة معاه؟ وبسببك قعدت من الجامعة، وسكت؟ جاية تسرقيني وكمان بتكذبي تاني؟ انتي إيه القرف اللي فيكي ده؟ شعبان: "آه يا وس...

يعني قولنا نجوزك عشان تنضفي، بس زي ما انتي. وكمان بتقولي على اختك حرامية عشان تداري على فضحتك! ندي بانهيار: "والله العظيم ما في أوسخ من بنتك اللي مش محترمة، اللي بترمي في حضن ابن الجيران. اتأكد إنك مربيها كويس، وبعدين تعالي اتكلمي معايا. بس أقول إيه؟ شعبان بزعيق: "أنا بنتي أنضف منك يا زبالة! ومسك شعرها، وندي بقت تصوت. الباب كان بيخبط. سهير راحت تفتح، يمكن حد يساعد بنتها من إيد جوزها المفترس. سهير: "نوح!

الحق ندي يا بني." نوح بصدمة: "ندي! ودخل بسرعة. ٠٠٠٠٠٠٠٠٠يتبع ٠٠٠٠٠٠٠٠٠٠