رواية هو والشرسة الفصل الخامس 5 - بقلم نور عصام

مراد. غلي الدم في عروقه من منظرها. راح عليها. نور. بصت في عيونه وبكل قوة وتحدي قالت: هايمراد. مراد. هيتجنن من طريقتها. يوسف. مساء الخير يا آبيه. مراد. بصلها وقال: انتي مش قولتي مش هتحضري الحفلة؟ نور. وانت مالك احضر ولا لأ. مراد. غمض عيونه وأخذ نفس بصوت عالي وبعدين قالها: إيه الزفت اللي انتي لبساه ده. نور. بصت لنفسها وبعدين قالت: حلو وشيك صح، كنت عارفة إنه هيعجبكم. مراد. هيعجبني. نور. طبعاً يا آبيه. مراد. غوري ادخلي.

نور. قاطعته وقالت: نعم. مراد. ادخلي غيري قميص النوم اللي لبساه ده لو كنتي عاوزة تحضري الحفلة ويومك يعدي على خير. نور. ومين بقى اللي هيمنعني. مراد. شدها من دراع أخوها وقالها: أنا طبعاً. يوسف. آبيه مش كده. نور. شدت دراعها منه وقالت: امنعني لو كنت تقدر. والتفتت تروح للحفلة. مراد. أقسم بالله يا نور. نور. قالت بدون ما تلتفت له: متحلفش على اللي مش ليك. ومشيت. مراد.

هيتجنن وبص لأخوه وقاله: وانت يا حيوان إزاي تسيبها تنزل كده، إيه معندكش نخوة. يوسف. إيه اللي بتقوله ده يا آبيه، أعتقد أنت عارف إن كل لبسها كده، وده بحكم عيشتها في أمريكا، وواحدة واحدة بتتغير. مراد. واحدة واحدة، طيب اتفرج يا سبع الرجالة على اللي هيحصل من الكل لما يشوفوها كده. يوسف. على فكرة مش موضوع لبسها بس اللي مدايقك. مراد. يعني إيه يا أستاذ يوسف. يوسف. أنت غيران وسواء لبسها أو غيره. مراد. قاطعه وقاله: اخرس خالص.

والتفت. زينب. شاورت لنور تروح عندها. نور. راحت وبابتسامة قالت: مساء الخير. الكل رد. نرمين. ما شاء الله مين القمر دي يا زينب. زينب. بكل حب مسكت إيد نور وقالت: دي بنتي. نرمين. بنت. زينب. أيوا دي نور بنت كمال، وطبعاً بتكون بنتي. نرمين. قالت: طول عمري أسمع عنك من زينب بس متوقعتش تكوني حلوة قوي كده. نور. ميرسي يا طنط. نرمين. ها يا قمر ناوية ترجعي أمريكا تاني ولا. زينب.

قاطعتها وقالت: لا بنتي حبيبتي خلاص ناوية تستقر في حضن أمها، كفاية بقى سفر وبعد لحد كده. نور. بصراحة أعجبت بزينب وحبها ليها. ماهر. وصل لعندهم وقال: ممكن يا طنط تعرفينا بالقمر اللي في الحفلة. وبص لنور بإعجاب شديد. زينب. قالت: نور بنتي. ماهر. بجد يا طنط، أول مرة أشوفها. زينب. كانت بأمريكا. ماهر. قرب منها وقال: أهلاً بالقمر اللي نور مصر والدنيا كلها. نور. بابتسامة مصطنعة قالت: أهلاً ماهر.

ماهر. طيب ممكن القمر يتنازل ويرقص معايا. مراد. بعصبية راح عليه. نور. أول ما شافته قالت: طبعاً وليه لأ. ماهر. فرح جداً إنها وافقت ومد إيده ليها. مراد. وصل وحط إيده في إيد ماهر وقال: خير يا ماهر بيه. ماهر. أبداً يا مراد، أنا بس كنت حابب أرقص مع أنسة نور. مراد. بصلها وتوعد لها وبعدين قال: بس آنسة نور مش بتعرف ترقص. ماهر. إزاي بقى، معقول كل الجمال ده والعيشة في أمريكا ومش بتعرف ترقص، لا. مراد.

مسكها من إيدها وقال: عن إذنكم. ماهر. اتضايق وقال في نفسه: مستحيل أسيبك يا قمر. نور. قالت: ممكن تسيب إيدي. مراد. ولو ماسيبتهاش. نور. بلاش أحسن تتحديني وتوقف قصادي، وخصوصاً الليلة، إحنا في حفلة ومش عاوزين الكل يلاحظ تصرفاتكم. مراد. مالها تصرفاتي يا آنسة يا محترمة. نور. محترمة غصب عنكم. مراد. بالبس ده وتقولي محترمة، مبسوطة والكل عينه هتطلع عليكي، مبسوطة والكل بيبص لجسمك اللي تقريباً كله عريان وباين، مبسوطة يا هانم.

نور. مش مشكلتي إنكم متخلفين. مراد. لوى دراعها وراها وقالها: إحنا متخلفين. نور. قدرت تلف لوشه وقالت: وانت أولهم. مراد. قرب منها وهمس جنب ودنها وقال: أقسم بالله. نور. قاطعته وقالت: متكملش، لأنك ولا حاجة بالنسبة ليا، فكلمتك مش هتمشي عليا، فاهم. مراد. هتمشي، ودلوقتي تشوفي. وسابها ومشي. يوسف. جري عليها وقالها: معلش حبيبتي، أنا عارف إنه عصبي، حقك عليا، متزعليش. نور. بعند قالت: يلا، أنا عاوزة أرقص.

يوسف. ممكن تهدي، أنا عاوز أقولك إن مراد بيحن. نور. قاطعته وقالت: هتيجي معايا ولا أروح أرقص لوحدي. يوسف. مسك إيدها وقالها: عيب عليا أبقى موجود وحبيبتي ترقص لوحدها. ومشيو. مراد. شافها رايحة ترقص اتعصب وقال: ماشي. نور. بترقص مع يوسف على كل الأغاني اللي اشتغلت بكل مهارة وحرفية. مراد. خلاص معتش قادر وهو شايف الكل عينه هتطلع عليها وعلى جمالها ورقصها، وبدون وعي راح عليها ووقف قدامها. نور. بصتله ورفعت حاجبها. يوسف.

قال: آبيه ممكن. مراد. قاطعه ومسك إيد نور وأخذ المايك وقال: مساء الخير على كل الموجودين، شرفتونا أكيد. وطبعاً أنتوا عرفين إن الحفلة دي بسبب إننا كسبنا المناقصة، لكن في الحقيقة فيه سبب تاني. وبص لنور وابتسم وقال: والسبب التاني هو خطوبتي من آنسة نور كمال خطاب، وبعد أسبوع كتب الكتاب والدخلة. نورتونا جميعاً. نور. بصتله ومصدومة من اللي قاله. يوسف. وقف قدامه وبهمس قال: إيه اللي عملته ده. مراد. اخرس انت.

كمال. مش مصدق اللي حصل، ولكن حاول يداري واتقبل المباركات والتهاني. زينب. عرفة إن ابنها حب نور، لكن ما اتوقعت يعمل كده. ماهر. زعل واتغاظ وبعدين قال: ألف مبروك كمال بيه. كمال. الله يبارك فيه، عقبالك. نرمين وكل أصدقاء زينب باركولها. مراد. بص لنور وقالها: مبروك يا قلبي. نور. وقفت بكل شراسة في

وشه وبصت في عيونه وقالت: أوعى تكون بكده فاكر إني هوافق على تصرفك، أو إنك تكون أحرجتني وارغمتني على حاجة، لا تبقى غلطان يا آبيه، أنا مش موافقة على هبلك ده وهثبتلك دلوقتي. وراحت تاخد المايك علشان تقول إنها مش موافقة. يوسف. مسكها من إيدها وقالها: حبيبتي اهدي، عشان خاطري وعشان خاطر بابا، بلاش تحرجيه قدام الكل. نور. بغضب قالت: يعني إيه أسكت. يوسف. لا حبيبتي، كان مفروض يقولك الأول.

نور. وأهو مقاليش، وأحرجني، وأنا بقى لازم أحرجه وأخلي رقبته زي السمسمة قدام الكل، مش هخليه تقوم له قومة تاني، مش هو اللي ابتدى. يوسف. طيب وبابا. نور. ماله بابا، هو هيغصب عليا عشان البيه ولا إيه. يوسف. لا طبعاً، بس فكري في شكله وهيبته قدام الناس، يرضيكي تحرجيه. نور. بصتله. يوسف. مهما كان الخلاف اللي بينك وبين بابا، برضه مينفعش تحرجيه وتقللي منه قدام الناس، مش حلو في حقك ولا حقه. نور.

بغيظ قالت: ماشي يا يوسف. وبصت لمراد. مراد. ابتسم وقالها: مبروك يا روحي. ومسك إيدها ونزل بيها وراح عند أبوها. كمال. بصلها وابتسم وقال: ألف مبروك يا روح بابا. وحضنها. زينب. باركت لها وضمتها وبصت لابنها. مراد. ابتسم وباس إيدها. كمال. قال لمراد: نور دي نور عيني، أو إوعى تزعلها. مراد. في عيوني يا عمي. نور. بصتله واتوعدت لهم. مراد. استأذن من كمال وأخذ نور ودخل الفيلا. يوسف. شافهم وراح وراهم. نور. أول ما دخلت

جوا بعدت إيده عنها وقالت: ممكن أفهم إيه اللي عملته ده، وعلى أي أساس أصلاً تعمله، ومين اداك الحق إنك تعمله. مراد. بكل هدوء قالها: انتي. نور. نعم. مراد. انتي اللي ادتيني الحق. نور. وانبي. مراد. عليه الصلاة والسلام. نور. بغضب قالت: أنا بس سمعت كلام أخويا وخوفت على إحراج بابا قدام الناس، لكن إن كان عليك أنا كنت عاوزة أحرجك وأخليك متقدر ترفع عينك في أي حد بعد كده. مراد. قرب منها وقالها: واهون عليكي.

نور. متغوري في مصيبة تاخدك. مراد. قرب أكتر منها ومال عليها. نور. ابعد عني، هتعمل إيه. مراد. هشيلك يا قلبي. نور. انت اتجننت. مراد. الله خطيبتي وعاوز أشيلها. نور. شالوك على نقالة يا بعيد. مراد. كدا عاوزه تموتيني قبل ما أخلي دنيا وأتهنى. وغمز بعينه. نور. قالت: مراد، لآخر مرة بقولهالك، ابعد عن طريقي أحسن لك، واللي حصل أنا هعديه وكأنه ما حصل. مراد. طيب والناس اللي أنا عزمتهم على ميعاد الفرح.

نور. مراد متخلنيش أرد عليك بطريقة تزعل الكل، مش تزعلك لوحدك. مراد. هتعملي إيه. نور. لو ما بعدت عني هتشوف بنفسك. مراد. طيب وأبوكي. نور. وهنا دخل كمال وزينب. نور. فهمته وقالت: بابا خط أحمر يا مراد، وإذا كنت على خلاف معاه، ده ميمنعش إنه أبويا وأخاف عليه وعلى سمعته. مراد. طيب ويوسف إيه، مش خايفة عليه قدام صحابه.

نور. أخوك زي ما هو أخويا، وأعتقد أنت كمان تخاف عليه، وعشان أريحك، يوسف عندي غالي قوي، واللي يبصله أقتله بدون ما أتردد ثانية واحدة. وبعدين قالت: حتى طنط ميهونش عليا زعلها وإحراجها قدام الناس. يوسف وأبوه وأمه كانوا واقفين ومبسوطين بكلام نور. مراد. فرح جواه إنها اتخلت شوية عن عنادها وشراستها مع الكل وحبتهم فعلاً، ولكن بتكابر. نور. بصتله ورفعت حاجبها. مراد.

ابتسم وقرب منها وقال: تمام كدا يا قمر، مدام خايفة على الكل، تبقي موافقة على جوازنا. نور. ههههه. مراد. ليستفزها أكتر قالها: ضحكتك تجنن يا روحي. نور. لسه هتتكلم. كمال. دخل وقال: ألف مبروك حبيبتي. نور. قالت: أنا مش موافقة يا كمال بيه. الكل بصلها. كمال. ليه كده يا حبيبتي. مراد. كنور. نور. قاطعته وقالت: مراد حطني قدام الأمر الواقع وغصب عليا من غير ما ياخد رأيي، واتحداني، وأنا مستحيل أوافق. مراد.

وقف قدامه وقالها: يعني انتي زعلانة إني ما أخذت رأيك. وبابتسامة غيظ فيها قالها: خلاص يا ستي، حقك عليا، أنا آسف، ودلوقتي بقولك حبيبتي، تقبلي تتجوزيني. نور. ببرود لأنها فهمته قالت: لأ طبعاً. كمال. ليه بس يا حبيبتي، مراد كويس وشكله كده وقع ولا حد سمي عليه، انتي مش شيفاه عامل إزاي. نور. ولو أنا مش بحبه إيه، هتجوزه غصب عني. مراد. رفع حاجبه وقالها: لو فيه حد تاني، قول. نور. فهمت إنه عاوز يعصبها قالت: وايه. مراد. يتفضل يجي.

نور. مش شغلك بقى الحوار ده. مراد. بهمس قالها: يبقي خايفة تقربي مني وتحبيني. نور. انت. مراد. بغرور قالها: كل بنات العائلات تتمنى بس مني كلمة. نور. أكيد نظرهم ضعيف. مراد. زيك كده، وانتي بتحاولي تداري مشاعرك ناحيتي. نور. عشم إبليس في الجنة. مراد. أنا متأكد من كلامي كويس قوي. نور. بعند قالت: تمام، أنا هوافق وهثبتلك إني قربي منك ولا حاجة، ولا قربك مني هيأثر عليا. مراد. الفرحة مش سايها، صحيح فيه عند وتحدي، بس مبسوط.

نور. بصتله وعضت على شفايفها. مراد. انتفض قلبه من شفايفها الساحرة، وتلاقت الأعين بنظرات تحدثت بحديث غير معلن منه إلا الحرب الظاهرة للكل، والحب الباطن للقلوب العاشقة، وبدون وعي منه قرب أكتر عليها ومال حتى يقبلها. كمال. مرااااد. مراد. انتبه لنفسه وغمض عيونه وفتحها ولسه هيتكلم. كمال. نور حبيبتي، خلاص لو انتي مش موافقة. نور. لا يا بابا، هو أنا هلقي زي آبيه مراد. مراد. بصلها. نور.

بصت لمراد وقالت: طبعاً مستحيل ألاقي حد زيه، ده كفاية طيبته وحنيته وأخلاقه، ولا غروره. كمال. يعني موافقة. نور. اللي تشوفوه يا بابا. كمال. على خير إن شاء الله. نور. بس أنا ليا شرط يا بابا. الكل بصلها. كمال. إيه هو يا حبيبتي. نور. قالت... تفتكروا نور قالت إيه، ويا ترى مراد هيوافق ولا.