رواية هو والشرسة الفصل السادس 6 - بقلم نور عصام

بس أنا ليا شرط يا بابا. إيه هو يا حبيبتي؟ مراد وامه ويوسف خايفين. راحت ووقفت جنب مراد ومسكت ايده وقالت: أنا عاوزه أكبر فرح اتعمل ف البلد ويكون فيه شخصيات مهمة. أبوها بصلها ولسه هيتكلم. قال: غالية والطلب رخيص يا قمر. وقالت: ويكون ف أكبر فندق ف البلد. قال: من عيوني يا حبيبتي، هو يعني الواحد بيتجوز كام مرة. وقالت: وكل دا من مالك الخاص يا مراد.

مراد فهمها وقال: طبعًا حبيبتي متقلقيش، أنا مستحيل اخلي حد يساعد ف جوازي وكل شئ يخص تكاليف الفرح. ومال عليها وقال: أنا مش شوية يا قلبي. نور اتنهدت وضغطت علي شفايفها وقالت: تمام. يوسف راح عليها وقالها: تعالي يا نور نطلع فوق. قالت: حاضر. وطلعت مع اخوها. زينب: بس نور طلعت، قالت: مراد ليه عملت كدا. مراد: آسف يا ماما. وبص لكمال وقال: آسف عمي، بس هي اللي اجبرتني على كدا.

كمال: أنا محبتش أحرجك قدام الكل، وبصراحة اللي عملته... مراد قاطعه وقال: آسف مرة تانية. واحرج وقال: بصراحة يا عمي، أنا معجب بـ نور جدا. كمال ابتسم لأنه لاحظ إنه حبها من أول ما شافها، وبعدين قاله: إعجاب بس يا مراد؟ مراد بابتسامة خجولة قاله: أعتقد حضرتك شايف بنفسك. كمال: نور عنيدة وشرسة ودا واضح ف تصرفاتها وخصوصًا معاك، فلازم تهدي شوية من ناحيتها وتحاول تكسبها وتحسسها بحبك، وأنا واثق إنها هتتغير.

مراد: متقلقش يا عمي، أهم شئ عندي إن حضرتك توافق. كمال: المهم موافقة نور وتكون مقتنعة، مش عند. مراد: أنا فاهم كلامك يا عمي وبقول لحضرتك متقلقش. كمال: هنشوف يا مراد. زينب: ألف مبروك حبيبي، نور بنت حلال وأنت تستاهل كل خير، ربنا يسعدكم. مراد باسها من خدها وقالهم: تصبحوا على خير. يوسف: نور حبيبتي، إنتي بجد موافقة على آبيه مراد؟ نور رفعت حاجبها وقالت: طبعًا طبعًا. مراد كان معدي من

قدام أوضتها وسمعها بتقول: دا أنا موافقة جدًا، وبكرة يشوف إيه اللي هعمله فيه. يوسف: ناوية على إيه يا بنت كمال خطاب؟ نور: كل خير إن شاء الله. يوسف: لازم أعرف، وصدقيني مش هقول لحد. نور: وعد. يوسف: وعد. نور: زي ما أحرجني واتحداني، هخليه يعمل كل اللي قولتلـه عليه وأحرجه أضعاف ما عمل فيا. يوسف: يا دي المصيبة السودا، هتعملي إيه يا بت نور؟ نور: هحجز وأسافر قبل الفرح بساعة. يوسف: ينهار أسود.

نور: إيه إيه، عادي يا حبيبي، دا رد على اللي عمله فيا. يوسف: لا يا نور، يعني بعد اللي طلبتيه دا وف الآخر تهربي؟ نور بغضب: أنا مش ههرب، أنا برد على عجرفته معايا وتحديه. يوسف: بس كدا بابا كمان هيتحرج وخصوصًا إن الفرح هيكون فيه فعلاً ناس مهمة، مراد بيحبك وهيعمل كل اللي قولتي عليه.

نور قاطعته وقالت: عادي، شوية والناس بتنسي، وبابا يرجع لطبيعته، أما مراد ف مش هيقدر يواجه الناس بعد كدا وخصوصًا لما العروسة تهرب من فرحها ومتكونش عاوزاه. يوسف: بس بكدا إنتي كمان بتدمري سمعتك. نور: أنا مش بهتم بالحاجات التافهة دي، وكمان مش هكون هنا. يوسف: طيب وأنا مفكرتيش فيا؟ نور غصت ف قلبها لما اتوقعت اللي ممكن يواجهه أخوها. يوسف: إيه يا نور، حتي أنا مش همك؟ نور حضنته وعيطت وقالت: هو اللي أجبرني.

يوسف: طيب اهدي ونشوف حل. نور: لا، مفيش غير كدا. مراد: بقا كدا، ماشي يا نور، إن ما وريتك. ومشي على أوضته يفكر بكل كلامها وإزاي يرد عليها وعلى اللي ف دماغه. وتاني يوم. نور صحيت من نومها ولبست شورت قصير جدًا وعليه تيشرت قط ونزلت عالسلّم. زينب: صباح الخير يا حبيبتي. نور: صباح النور. والتفتت تمشي. زينب: رايحة فين؟ نور: لسه هترد. مراد كان نازل عالسلّم، أول ما شافها فتح عيونه وانصدم من لبسها القصير

أكتر من اللازم وقال: نهار أبوك أسود، إيه اللي إنتي مهبباه دا؟ وبعدين نادي عليها وقال: نوووور. نور التفتت وبصتله. مراد نزل لعندها ووقف قدامها وقال: إيه اللي إنتي عملاه دا؟ نور عوجت بوئها وبعدين قالت: اللي هو. مراد: لبسك اللي مش لبساه دا. نور: أعتقد دي حاجة تخصني ومحدش له إنه يدخل فيها. مراد بقا على آخره قالها: نعم. نور بقلة اهتمام قالت: عن إذنك. والتفتت تخرج. مراد

بعصبية وقف قدامها وقال: أعتقد إني ليا الحق أتكلم عن أي شئ يخصك يا آنسة، ولا نسيتي إن... نور قاطعته لأنها فهمته وقالت: إنت جوزي. مراد بصلها وهو على آخره منها. نور: إنت أبويا. مراد غمض نص عين وبعدين قالها: لـ... نور: قالت ومعتقدش إنك أخويا. مراد: قالها يعني إيه بقا يا ست هانم؟ نور: يعني ملكش كلام عليا غير لما تبقي حاجة من دول، وصدقني ساعتها هسمع كلامك وهكون مطيعة جدًا. ورفعت حاجبها وقالت: بس بردو بمزاجي.

ومشيت قبل ما يرد. مراد هيتجنن من كلامها ولبسها اللي بيفكر إزاي دي هتخرج بيه. زينب: قالت: حبيبي اهدي. مراد بغضب قالها: أوعي يا ماما، أنا لازم أعرفها كويس إزاي تتعدل وهي بتتكلم معايا وإزاي أصلاً تلبس اللبس الزفت دا. زينب مسكت ابنها من إيده وقالت: أهدي، نور مش مجنونة عشان تخرج برا كدا، أي نعم هي شرسة ف كلامها معاك وكمان متحررة ف لبسها، بس دا ميمنعش بردو إنها عارفة الصح من الغلط، وأنا متأكدة إنها مستحيل تخرج كدا.

مراد: إنتي مش شفتيها خرجت، دي مجنونة وتعمل أي حاجة. زينب: لا، دي أكيد قاعدة برا ف الجنينة أو بتجري شوية، وبردو ف الجنينة، مش هتخرج برا البيت. مراد: عن إذنك يا ماما. ومشي، ولما طلع شاف نور قاعدة ف الجنينة عالمرجوحة ومغمضة عيونها. راح عليها وقعد جنبها وهز المرجوحة بقوة. نور اتخضت وفتحت عيونها وبعدين أخدت نفس وقالت: حد يعمل كدا؟ دا جنان على فكرة. مراد ماردش عليها ومال على كتفها العاري وباسها.

نور قامت وقفت وقالت: بجد إنت مجنون، وأوعي تكون فاكر إني هسكتلك، لا تبقي غلطان. مراد ببرود قالها: ليه كل دا؟ نور اتغاظت من بروده وقالت: بجد إنت مش طبيعي. مراد: ليه بس يا قلبي؟ وبعدين قالها: مش إنتي اللي قولتيلي أعمل كدا؟ وكمان مش أنا لوحدي. نور بعصبية قالت: نعم؟ مراد قالها: أيوا، لما تلبسي لبس زي اللي مش لبساه دا، يبقى إنتي اللي عاوزة كدا، ومش مني بس، لاااا دا من كل واحد يشوف القمر يبقى نفسه ياخد منه حتة.

نور: أنا ألبس وأعمل اللي عاوزاه مادام أنا عارفة نفسي كويس. مراد: ليه عايشة ف الدنيا لوحدك؟ نور: متخلف. مراد: بردو مش مقتنعة إنك غلطانة؟ نور: لأ، وبراحتي، وإنت ملكش دعوة بيا. مراد: لا ليا. نور: بتحلم. مراد: من وقت قولتي إنك موافقة تتجوزيني، وإنتي خلاص بقيتي بتاعتي، وكلمتي تمشي عليكي، فاهمة؟ نور: دا بعينك. مراد فكر لحظات وبعدين قال: مش مراد الزيني اللي حتة عيلة زيك تمشي كلمتها عليه و... ياترى مراد هيعمل إيه؟

وإيه رد فعل نور؟ وهل هيكون ردها ف صالحها أم هتخرب على دماغ الكل؟