رواية هو والشرسة الفصل الثالث 3 - بقلم نور عصام

لما شافته فرح قالت: عندي مشوار مهم ولازم أعمله ضروري. وفي نفسها قالت: أنا هعرفك إزاي تتكلم وتحرجني. كمال: هتروحي فين يا حبيبتي؟ نور: (بحزن) هروح أزور قبر ماما. كمال: حبيبتي خليكي يوم تاني وبعدين آخدك ونروح مع بعض، بلاش تروحي لوحدك. نور: معلش يا بابا مش هقدر أستنى، وكمان أنا لازم أروح أشوف خالو وخالتي، هما عرفوا إني وصلت وكلموني. زينب: وماله يا حبيبتي، نعزمهم على الحفلة وييجوا هنا وتشوفيهم.

نور: لا يا طنط، خلينا على راحتنا. يوسف: يعني مش هتحضري الحفلة؟ نور: (نظرت لمراد وقالت) لأ. كمال: يا حبيبتي أنا كنت عايزك تحضري وتتعرفي على الكل، وكمان لو حابة تنزلي الشركة مفيش مانع. نور: بعدين يا بابا. كمال: على راحتك يا حبيبتي، وأهو مراد موجود، وقت تحبي تنزلي الشركة هو بيعرفك كل حاجة لأنه شغال معايا. نور: (بصتله بأرف وعيونها كلها شراسة وقالت) آه. مراد:

(اتضايق من نظرتها ليه، بس فرح إنه قدر يخليها ما تحضر الحفلة، وإن قدر يمشي كلامه عليها) كمال: طيب، أنا هروح الشركة شوية، محتاجين حاجة؟ زينب: تسلم يا حبيبي. كمال: (راح لنور وباسها من جبينها وقالها) محتاجة حاجة يا حبيبتي؟ نور: شكراً يا بابا. يوسف: يا ريت تراجع شوية، أنا اتفقت مع مدرسين هييجوا البيت علشان دروسك، أنت خلاص داخل تالتة ثانوي ودي مرحلة صعبة، ياريت تهتم شوية. يوسف: حاضر يا بابا.

كمال: نور حبيبتي، في عربية بره بسواق، خليه يوصلك مكان ما إنتي عايزة، وبس تخلصي الحفلة بروح معاكي وبشتريلك أحلى عربية تشاوري عليها. نور: مفيش داعي، أنا هركب تاكسي. زينب: ليه كده يا بنتي تتبهدلي؟ خدي العربية من غير السواق وروحي براحتك المكان اللي عايزاه، وبعدين قالتلها: خدي يا حبيبتي، ده خط مصري علشان تطمنينا عليكي. نور: إن شاء الله. والكل قام. يوسف: (خبط على نور) نور: تعالي يا يوسف. يوسف: (دخل وقالها)

عرفتي منين إني أنا؟ نور: مين يعني هيتجرأ ويخبط عليا غيرك يا لالا؟ يوسف: هههه، علشان تعرفي إنه محدش معبرك غيري. نور: لا، وانت الصادق، محدش يجرؤ يعملها غيرك وإلا بقتله. يوسف: ههههه، شرانية قوي أختي دي. نور: ههههه، أيوا خاف مني بقى. يوسف: ممكن أجي معاكي؟ نور: (بصتله وحست بحنيته وخوفه عليها وحبه القوي ليها) يوسف: ها يا قمر قلتي إيه؟ نور: (لسه هتتكلم) يوسف: (قاطعها وقال) احيات أبوكي، أشخله، خديني معاكي. نور:

(ابتسمت وقالت) بابا قال راجع شوية عقبال ما المدرس ييجي، وكمان دي ثانوية. يوسف: والله حرام عليهم، هما الناس دي إيه؟ دا أنا مصدقت أخلص مذاكرة وامتحان، المفروض أرتاح شوية مش أذاكر للي جاي ده، إيه ده، مفيش رحمة خالص. نور: معلش يا يوسف، انت عارف هما خايفين عليكي. يوسف: خلاص هاجي معاكي، ومن بكرة أذاكر، وكده كده المدرس مش هييجي النهارده. نور: أوكي، يلا أجهز علشان ما نتأخر. يوسف: دقيقة واحدة. وفعلاً بعد شوية نزلوا.

نور: أمك فين مش باينة. يوسف: تلاقيها راحت تعمل حاجة بخصوص الحفلة. نور: هي حفلة إيه دي؟ يوسف: بابا كان داخل مناقصة مهمة وكسبها. نور: آها. يوسف: يلا بينا. ومشيوا. في الشركة: مراد: (أوووف) (وف نفسه قال) : وبعدين بقى في البت دي ليه شاغلة بالي كدا وكل تفكيري؟ (دي حتة رخمة) قلبه: (در عليه وقال) : بس متنكرش إنها زي القمر وتستاهل تفكر فيها. عقله: (دي تستاهل أقطع رقبتها) قلبه:

(براحة عليها، هي لسه مش متعودة عليك ولا على حد، وطبيعي تكون مختلفة، وخصوصاً إنها كانت عايشة برا) وغير كدا... (وقطع تفكيرهم) مصطفى: إيه يا عم، ساعة بخبط عليكم. مراد: معلش، ما خدتش بالي. مصطفى: اللي واخد عقلك يا باشا. مراد: (ابتسم وافتكر شكلها وهي طالعة من المية) مصطفى: إيييييه، هو إحنا بقينا كدا؟ لا دي عايزة قعدة. مراد: اخلص يالا، عايز إيه؟ (وده بيكون صاحبه وشغال معاه) مصطفى: (بهزار قاله)

مين بقى تعيسة الحظ اللي عاملة فيك كدا؟ مراد: تعيسة الحظ؟ مصطفى: أيوا طبعاً، دي أمها داعية عليها كمان. مراد: بقا أنا اللي تقرب مني أمها داعية عليها يا متخلف. مصطفى: طبعاً، انت مش شايف نفسك ولا إيه؟ مراد: مالي يا خويا؟ مصطفى: شاب حلو وأمور ووسيم ومن عيلة كويس. مراد: (ابتسم لمدحه فيه) مصطفى: (كمل وقال) وعصبي وأحياناً لا تطاق، وعمرك ما كلمت بنت، وكل البنات شايفينك متكبر ومغرور. مراد: بقا أنا عصبي ولا أطاق؟

مصطفى: أكذب عليك يعني؟ مراد: طيب قوم بقا من وشي دلوقتي بدل ما أطلعها عليك. مصطفى: هي إيه دي؟ مراد: عصبيتي. مصطفى: (بمرح قال) جبتش حاجة من عندي. مراد ومصطفى: ههههههه ههههههه. وبعدين اتكلموا في الشغل. نور: (راحت زارت قبر والدتها، وبعدين راحت عند أخوالها) وبس خرجت قالت ليوسف: تعالي نتمشى شوية. يوسف: من عيوني يا قمر. وهما بيتمشوا ابتسمت وقالت: يوسف، انت جبت بدلة جديدة تحضر بيها الحفلة؟ يوسف: لا، عندي، مش لازم أجيب.

نور: انت أهبل يلا، تعالي نجيب. ودخلت مول واشترت لأخوها بدلة على ذوقها، وبعدين اشترت لنفسها فستان حلو كتير. يوسف: واو، تجنني يا قمر. نور: حلو بجد يا يوسف. يوسف: يجنن يا قلبي، بس قصير شوية. نور: (بتفكير قالت) لا كدا حلو. وبعدين راحت غيرت. يوسف: إيه رأيك نقعد شوية في الكافيه ده؟ نور: مااااشي. كلام الصغار وضحكوا وراحوا وطلبوا عصير. يوسف: (فونه رن) أوف. نور: مين؟ يوسف: آبيه مراد. نور: ومالك يالا خايف منه كدا ليه؟ يوسف:

(بصلها) نور: (عوجت بئها وبعدين قالت) طيب، رد عليه. يوسف: لا لا، خدي انتي رودي عليه. نور: أنا؟ يوسف: أيوا انتي، وقوليله أي حاجة. نور: هات يا جبان. وفتحت وقالت: الوو، أنا نور. مراد: (اتنهد وبعدين قالها ببرود) أهلاً. نور: إيه الرخامة دي؟ مراد: نعمة؟ نور: خير، في حاجة؟ مراد: (بزهق قالها) كنت برن على يوسف، هو فين؟ نور: آها، يوسف إيه؟ يوسف بيذاكر. مراد: إيه؟ نور: (بهـمس قالت) الله يخرب بيتك يا يوسف.

وبعدين قالت: يوسف دخل يراجع زي ما بابا قاله. مراد: يعني هو بيذاكر دلوقتي؟ نور: آه يا عين أمه، وموت نفسه من المذاكرة، وأداني الفون بتاعه علشان مفيش حاجة تشغله، انت عارف بقى ثانوية عامة. مراد: اممم. نور: (استغربت رده وبعدين قالت) أنا بتحايل عليه يريح شوية مش راضي، وعمال يقولي: ابدأ يا نور، أنا لازم أهتم بدراستي، تصدق يا آبيه، صعبان عليا قوي. مراد: (اتغاظ من كلمة آبيه وبعدين قالها) نعم؟ نور: (ببرود قالت)

دخلت عليه لقيته بيجهد نفسه أكتر من اللازم، وقولتله: كفاية علشان عينك يا بني، بس هو مفيش فايدة، أصر يكمل. مراد: طيب، وماما فين؟ نور: خرجت. مراد: متعرفيش راحت فين؟ نور: وأنا مالي، هو أنا هسألها؟ متروح مكان ما هي عايزة، اللهم. مراد: (بتوعد ليها قالها) روحتي عند خالتك؟ نور: آها، روحت وجيت، وأنا دلوقتي في البيت، أومال بكلمك من فون يوسف إزاي؟ مراد: يعني إنتي دلوقتي في البيت؟ نور: أيوا. (وقفلت قبل يتكلم تاني)

وقالت: إيه ده، بني آدم رخـم ودمه يلطش، أعوذ بالله. يوسف: آبيه مراد. نور: هو زفتي. يوسف: آبيه مراد. نور: ما قولنا أيوا، زفت الطين، هو إحنا هنغنيها يعني؟ يوسف: (قام وقف وقال) آبيه مرااااد. نور: (الله يحرقـه متروح ما هو قاعد) وبعدين قالت: اتنيل اقعد، وقفت ليه؟ طبعاً ماهي سيرته تعصب. (كـتم الأرف في تقل دمهم) مراد: (من وراها رد وقال) بتقولي حاجة يا نور؟ نور: (بصت لأخوها وقالت)

اتنيل يالا اقعد، مالك قلبت كده على المنيل على عينه أخوك. يوسف: (بصلها وقال) آبيه مراد. (وبيحرك راسه لها) نور: (بصت وراها وانصدمت) مراد: كنتي بتقولي إيه بقى يا ست نور؟ نور: (بصت ليوسف وقالت) هو أنا لو اغمى عليا دلوقتي هيحصل حاجة ولا هيبقي عادي؟ يوسف: (كتم ضحكته ومش قادر يتكلم) مراد: بقا يا آنسة يا كبيرة بتكذبي وتعلمي أخوكي كمان الكذب؟ إيه هو ده اللي اتعلمتيه برا؟ نور: (استجمعت شجاعتها وبكل شراسة وقفت قدامه وقالت)

أولاً، انت إزاي تكلمني كده؟ مراد: (بغضب قالها) أنا أكلمك زي ما أنا عايز. نور: ليه إن شاء الله؟ كنت أبويا ولا أخويا ولا جوزي ولا حتى خطيبي ولا حتى تقربني بأي صفة؟ مراد: (اتعصب من ردها وقرب منها وقال) ...