رواية حور الاسر الفصل السابع والعشرون 27 - بقلم اية جميل

اسر: حاضر هبعد بس اهدي. وتركها اسر وخرج من الغرفة، وظلت حور تبكي بشدة. وبعد فترة هدأت حور. حور: أنا لازم أمشي من هنا، اللي اسر بيعمله دا غلط. وكمان أنا أول مرة أشوفه عصبي كدا. وفجأة خبط الباب. حور: مين؟ اسر: دا أنا يحوري. حور: عاوز إيه؟ أنا مش عاوزة أشوف وشك تاني. اسر وهو يتمالك عصبيته، فتح الباب ودخل: خدي كلي علشان تاخدي دواكي. حور: مش هاكل ومش عاوزة آخد أدوية، أنا كويسة.

اسر بعصبية: أنا قولت تأكلي يعني تأكلي، والأكل كله يخلص. حور وهي تري عينه تتحول إلى اللون الأسود: حاضر، بس سيبني لوحدي. اسر: ماشي، أنا هخرج ونرجع بعد ربع ساعة يكون الأكل خلص. فاهمة؟ حور: آه فاهمة. وتركها اسر وخرج من الغرفة. حور لنفسها: أنا لازم أعمل حاجة، بس لازم أسمع كلامه لحد ما أهرب من هنا عشان مش يأذيني. وأكلت حور الطعام وظلت تفكر كيف تهرب، حتى انتهت الربع ساعة وجاء اسر.

اسر: حلو أوي، خلصتي الأكل. شاطرة يا حوري. خدي الدوا بتاعك اهو. وأخذته حور دون أن تقول أي شيء، وكل ما يشغل عقلها كيف تهرب منه. اسر: حور، أنا عاوز أتكلم معاكي. حور: ... اسر: حورى اسمعيني، أنا آسف والله مكنش قصدي أمد إيدي عليكي، بس انتي اللي عصبتيني وأنا الغضب عمّاني. سامحيني يا حور، والله مش هعملها تاني. حور: .... اسر: علشان خاطري يا حوري، والله مش هعملها تاني. حور: ماشي، خلاص سامحتك. اسر: بجد؟

وأخذها في حضنه وظل يبكي ويعتذر منها لفترة طويلة. حور: اسر. اسر: نعم يا قلب اسر؟ حور: أنا عاوزة أنزل تحت. اسر: بس انتي تعبانة. حور: لا أنا كويسة، بس عاوزة أنزل. اسر: ماشي، تعالي. وأخذها ونزل وجلس بها في الحديقة. وبعد فترة رن هاتف اسر. اسر: عن إذنك يا حوري، هرجعلك تاني. حور: ماشي. وذهب اسر بعيداً عن حور، واستغلت حور بعده عنها وحاولت الهرب، ولم تجد أي طريقة أمامها غير القذف من على السور.

حور لنفسها: يلا بقا، هنط وأمري على الله. وكلما تنظر تجد المسافة طويلة وتخاف وترجع. لا، أنا لازم أنط قبل ما اسر يأخذ باله. وفجأة قفزت، ولكن لم تتوجع. حور: إيه ده؟ هي أنا كنت مغمضة عيني؟ إيه ده، ولا كأن حد شالني، وكمان متعورتش ولا حتى حصلي حاجة. وكانت تفتح عينيها ببطء، وفجأة صدمت بـ اسر يحملها. حور: اسر! اسر: إيه ده؟ إيه اللي انتي عملتيه ده؟ حور: دا أنا كنت بشوف هيحصلي إيه لو نطيت من على السور الكبير ده.

اسر وهو يكتم ضحكته: أنا هعرفك إيه اللي هيحصلك. وأخذها ودخل الفيلا. حور: اسر، والنبي متعملش حاجة، والله مش هعمل كدا تاني، والنبي يا اسر. اسر: هتتعاقبي يا حور، يعني هتتعاقبي. حور: عقاب إيه دا؟ اسر: هتعرفي دلوقتي. حور: ماشي، أنا جاهزة للعقاب، بس مش تضربني تاني. اسر بحزن لأنها فكرت أنه سيضربها مرة أخرى بعد اعتذاره: ماشي، بس اسكتي بقى، مش عاوز أسمع صوتك. حور: حاضر.

وأخذها اسر إلى غرفتها وجعلها تجلس أمامه وأغمض عينيه، وبعد مرور فترة. حور: اسر. اسر: نعم. حور: انتي هتعاقبني إزاي؟ اسر: هعاقبك عقاب حلو أوي. حور بخوف: دا اللي هو إيه؟ اسر: تحبي تتعاقبي دلوقتي؟ حور: إيه؟ اسر: يلا علشان تتعاقبي. وظل يقرب منها وحور ترجع للخلف. حور: هو إيه العقاب؟ اسر: هتعرفي دلوقتي. حور وهي تلتصق بالحائط: اسر، انت هتعمل إيه؟ ابعد كدا. اسر: تؤتؤ، انتي لسه مش اتعاقبتي.

حور وهي تحاول الهرب: لا، أنا مش عاوزة أتعاقب. اسر وهو يمسكها ويحاوطها: مش بمزاجك. حور: لا بـ... وقاطعها اسر في قبلة طويلة يثبت بها أنها ملكه هو وحده. حور استيقظت: ابعد كدا، انت واحد قليل الأدب وساحل ومش متربي. اسر: امممم، وإيه كمان؟ انتي قد اللي قولتي دا؟ حور: آه. اسر: طب يلا على عقابك التاني. حور: عقاب إيه ده كمان؟ اسر: كل حاجة بعد كدا بعقاب. حور: إيه؟ اسر: إيه، عجبك ولا أعاقبك أنا؟ حور: خلاص، هنفذ العقاب، إيه هو؟

اسر: تبوسيني. حور: إيه؟ انت أهبل؟ اسر: أهبل وماله؟ قعد لحد 3 يكون العقاب اتنفذ، وإلا... حور: وإلا إيه؟ اسر: وإلا هعقبك عقاب طويل أوي وأنا نفسي أعمله. حور وهي تفهم قصده: لا، خلاص هنفذ العقاب. اسر: شاطرة، يلا. حور: حاضر. وأغمضت عيونها ووضعت يدها على عيون اسر. اسر: يلا بقا. حور: حاضر. وبسرعة باسته من خده وجرت من أمامه. اسر: انتي بتضحكي عليا يا حور؟ والله العظيم لأوريكي. وظل يجري وراها.

حور: اسر، خلاص بقا، والنبي أنا تعبت. اسر: لا، لما آخد حقي، أنا هعرفك إزاي تضحكي عليا. حور: أما مضحكتش عليك، انت اللي مقولتش عاوز البوسة فين، وأنا مالي. اسر: بقي كدا؟ حور وهي تضع يدها في وسطها: آه كدا، هو دا اللي عندنا. اسر: ماشي. وفجأة جري بسرعة ومسكها وحاوطها. حور: اسر، ابعد عني. اسر: تؤتؤ، لما تتعاقبي. حور: اسر، أنا... وقاطعها اسر في قبلة طويلة، ولكن فجأة، بعدته حور عنها وذهبت إلى غرفتها مسرعة.

اسر: إيه اللي حصل ليها دي؟ أما أروح أشوف مالها. عند جاسر... جاسر: الو. شخص: الو يا جاسر باشا. جاسر: عرفت حاجة؟ شخص: لا والله، هو اتخانق مع أمه وسابها وراح الفيلا بتاعته. جاسر: تمام، ماشي. شوفلي في حد عايش معاه في الفيلا ولا لأ. شخص: حاضر يا فندم. تؤمر بحاجة تاني؟ جاسر: لا، سلام. شخص: سلام. جاسر: حلو أوي، يا رب تكون حور معاه. أنا عارف إن هو بيحبها، وإن هو مستحيل يخليها لغيره، عشان كدا أنا متأكد إن هو اللي خطفها.

عند زين وأسد... أسد: زين، عرفت حاجة؟ زين: آه، حور طلعت مع اسر بجد. أسد: إيه؟ طب فين؟ زين: معاه في الفيلا. أسد: بجد؟ طب هنعمل إيه؟ زين: مش عارف، بس لازم نخليه يسيبها، أو نحاول نهرب حور. أسد: وإنتي، ده بقا؟ زين: مش عارف، هفكر وأقولك، وانت فكر انت كمان. ولو لقيت خطة، قولي فوراً. أسد: تمام، ماشي. أنا هروح أشوف صافي عشان هيا لوحدها، وكمان مش عاوزها تعرف إن اسر هو اللي خطف حور.

زين: وأنا كمان هروح نيرة عشان مش عاوزها تعرف بردوا. أسد: ماشي، سلام. زين: سلام. عند عائشة... عائشة: أنا أتصل بـ اسر أشوف إيه اللي عمله مع دارين ده. واتصلت به. اسر: الو يا ماما. عائشة: تعال يا اسر عشان عاوزاك. اسر: في إيه يا ماما؟ عائشة: لما تيجي هقولك. اسر: قولي يا ماما، في إيه بصراحة كدا. عائشة: ماشي يا اسر، هو انت لسه مدخلتش على دارين؟ اسر: ااااه، قولي كدا، هي قالتلك.

عائشة: لا، مكنتش راضية تقولي، بس أنا اللي خليتها تقول. وكمان انت عاوزها تخبي عليا؟ اسر: بقولك إيه يا ماما، سلام دلوقتي، وأنا هاجي كمان ساعة ونحل الموضوع ده. عائشة: ماشي يا اسر، سلام. اسر: سلام. حور: في إيه يا اسر؟ اسر: مفيش حاجة، انتي نازلة من أوضتك ليه؟ حور: بصراحة، أنا عاوزة أمشي من هنا. اسر: انتي مش هتمشي يا حور. حور: لا، همشي يا اسر عشان قعدتي هنا غلط، وعيب، متنساش إنك واحد متجوز.

اسر: خلاص يا حور، أنا هطلق دارين النهارده، وبعدين هتجوزك. حور: لا يا اسر، مش تطلقها، أنا مش هتجوزك. اسر: لا يا حور، أنا مستحيل أخليكي لغيري، انتي ملكي، انتي ملكي أنا وبس، فاهمة؟ حور: لا، مش ملكك يا اسر، ولا هتجوزك، ومتنساش إن أنا مقروء فتحتي وهتجوز عمر. اسر: مش هتتجوزيه يا حور، يعني مش هتتجوزيه، وحصري نفسك عشان النهارده هنكتب كتابنا. حور: إيه ده؟ لو آخر يوم في عمري، مستحيل أعمل كدا. اسر: خلاص، يبقي تودعي أمك وأخوكي.

حور بصدمة: إيه؟ انت قصدك إيه؟ اسر: قصدي زي ما انتي فاهمة يا إما تتجوزيني، يا إما أنا هقتلهم يا حور. حور: انت بتهزر؟ انت أكيد مش اسر، لا، انت مش اسر اللي أنا حبيته. اسر: لا، أنا هو اسر يا حور، بس ده وشي التاني، مش بحب أظهره، وانتي اللي خليتيني أظهره ليكي يا حور، عشان أي حد بيقرب من حاجة تخصني، أنا بعرفه مين هو اسر. حور: .....