رواية حور الفارس الفصل الثاني عشر 12 - بقلم زهرة الحياه

بعد ما وصلوا، دخلوا. كل واحد غير ملابسه وخرج. كان فاضل دقايق على أدان العشاء. رامز وصل وفتحله علي. سلم عليه. بص رامز لأحمد وفارس. قالك تعيش، هتشوف الندل والخاينين. وأنا شفت ناس يا زمن، يتلبسوا في الرجلين. الكل سلم عليه. بقى يا ندل، منك ليه تطلعوا على شرم من غير ما أعرف؟ أخص عليكوا، أخص. مرنا: إنت عامل دوشة ليه من ساعة ما دخلت؟ رامز: اوفف، إيه الكنافة بالقشطة اللي بتتكلم دي. مرنا بصتله بقرف.

رامز: أموت أنا من البصة دي. وغمزلها. طب ماتموت. فارس ضربه على قفاه. فارس: احترم نفسك يا لا. حور: إيه القاعدة الناشفة دي؟ انتوا مش هتاكلونا ولا إيه؟ فارس: عارفة يا حور، لو سمعتك بتتكلمي على الأكل تاني، هربنك قلم. الكل وافق. محمد: بس يلا، ملكش دعوة بحور. تعمل اللي هي عايزاه. حور: الله عليك يا دودو، انت اللي صنفر. رامز بضحك: دودو؟ بقى محمد الصاوي يتقاله يا دودو؟ وين هبتك يا دودو؟ احرص يا لا.

حور: فيده، جدعان أنا كدا هزقهق. تعالوا نعمل حاجة. حور: جاتلي فكرة، إنما إيه؟ عنب. فارس: ارحمينا من أفكارك. حور: والله فكرة حلوة. الكل: إيه؟ حور: إيه رأيكم نفرش بره ونقعد ونجيب تسالي ونولع نار ونلعب؟ فارس: إشطى، بس هنولع نار ليه؟ في أنوار بره. حور: يابني عشان القاعدة تبقى حلوة وكدا كدا هتبقى الدنيا ساقعة. الكل وافق على فكرتها. حنان: وأنا هعمل صينيتين كيكة الشوكولاتة نأكلها وإحنا قاعدين. حور: صينيتين بس؟

ماشي، بس خليهم كبار عشان أنا مش هاخد خارطة. إيه دا؟ انتوا جايبين هنا تجوعوني؟ علي بصدمة: نجوعك إحنا؟ من ساعة ما جينا هنا وإنتي اللي مجوعانة وواكلة أكل البيت كله. علي: يلا يا بت قدامي. حنان بدأت تجهز الكيكة مع مساعدة سامية وحبيبة. وفاء بتجيب تسالي. والباقي بيحضر كل حاجة بره. بعد ما جهزوا كل حاجة، قعدوا على شكل دايرة. رفيده: ها، هنلعب إيه؟ فارس: كوتشينة. حور: والله أبداً. قسمًا بالله ما ألعب كوتشينة.

رامز باستغراب: ليه معترضة أوي كدا على الكوتشينة؟ مرنا: كنا بنلعب الشايب، وهي كل شوية تخسر ويتحكم عليها. أحمد: طب هنلعب إيه؟ حور: اممم، نلعب صراحة. ملف الإزازة. والاتنين اللي يجي عليهم الإزازة، واحد يسأل والتاني يجاوب. ولو مش عايز يجاوب على السؤال، يتأمر بحاجة. فارس: إشطى، هتولنا إزازة في حبة مايه. حور: روحي إنتي يا ريماس هتيه. راحت ريماس جابت إزازة وبدأوا يلعبوا. لف فارس الإزازة وجت على رياض وحبيبة.

فارس: طنط حبيبة تسأل عن رياض. رياض: المفروض أنا اللي أسألها. حور: لا، كدا صح. ماما اللي تسأل. حبيبة: حبيت حد غير حنان قبل كدا؟ فارس: أوباااااا. جاوب يا باشا. حنان بصتله بوعيد. رياض: إيه السؤال دا بس يا حبيبة؟ متخليكي محضر خير. مسكت حنان السكينة اللي كانت بتقطع بيها الكيكة. حنان: جاوب، جاااوب يا حبيبي.

رياض: الصراحة راحة. كنت بحب واحدة، أو مش بحبها أوي يعني. كنت في أولى جامعة. وكلابويا رفض. وكنت مصمم عليها. وفي الآخر طلعت كدابة، وهما على فلوسي. بس والله ما حبيتها قدك. وعرفت أن حبي ليها مش حب لما جربت حبك. حور: الله، الله على الرومانسية. رفيده لأحمد: شايف الحب اتعلم. لف فارس الإزازة. جت على محمد يسأل حور. حور: احم. محمد: حابة تبدلي حياتك مع حد من الموجودين؟ لو إجابتك آه، ف ليه. ولو لا، ف ليه. حور: إجابتي لا.

فارس: ليه؟ حور: عشان محدش حياته مثالية. كلنا بنمر بمشاكل. ولو أنا حبيت أبدل حياتي مع حد عشان حاجة معاه مش معايا، ف أنا مش هبقى عايشة حياة مثالية. غير أني لو اخترت أبدل حياتي، ف مش هبقى عايشة مع الناس اللي بحبها. يعني ولا ماما ولا ريماس هيبقوا معايا. وهما دول الحاجة الحلوة اللي في حياتي واللي أنا عايشة عشانهم. بصلها فارس بإعجاب. ومامتها بعتتلها بوسة ع الهوا. لف فارس الإزازة. جت على رامز يسأل رفيدة.

رامز: في حد بتكرهي في اللي قاعدين؟ ولو آه، ف مين؟ حور: إجابتي آه. رفيده: مين؟ حور: الإجابة كله عارف. مين يا حور؟ مرنا: مين غير السحلابة الدحلاب؟ مرنا بغضب: ما تحترمي نفسك. وإنتي من قالك أصلًا إن إني بطيقك. حور: أولًا، متزعليش صوتك. ثانيًا، مين قالك إنك المقصودة؟ والله اللي على راسه بطحة، بيسلم عليها. فادي: عليا النعمة، الراجل دا بيتكلم صح الصح. رامز بصلهم: إنتوا حاطين عليها كدا ليه؟ هيا بتبلع البني آدمين ولا إيه؟

حور: أفظع يا بني. مرنا بصتلها بقرف. وبدلتها حور نفس البصة. فارس: طب يلا. ولف الإزازة. جت على رامز يسأل حور. رامز: إيه أسوأ فترة مريتي بيها في حياتك؟ وكنتي بتحسي بإيه؟ حور: وفاة بابا. كانت كل أمنيتي إنه ياخدني معاه. بس اكتشفت أن الحياة بتاخد مننا أعز حاجة عندنا عشان نحس بقيمتهم أكتر ونتعلم نعتمد على نفسنا. الكل بصلها بحزن مكتوم. بعدها الإزازة جت على فارس يسأل حور. فارس: وزنك قد إيه؟ حور: إيه الإحراج دا؟

ده سؤال يتسأل لأنثى كيوت شبهي. فارس: جاوبي. حور: لا، اديني أمر. فارس: هو أنا ينفع آمرها تجاوب على السؤال؟ حور: هموووت وأعرف. بس يلالا، مينفعش. فارس: طب آمرها بإيه؟ رفيده: تعالي أقولكو. وشوشته. فارس: اممم. حور: قولتيله إيه؟ يابت بتبيعيني؟ يا كلبة، يا اللي مطمرتش فيكي تربيتي. غني. حور: لا، صوتي وحش. ريماس: لا كدابة، والله صوتها جميل. رفيده: صوتها تحفة. رامز: طب ثواني أجيب الجيتار. جابوه وجاه. رامز: يلا، هتغني إيه؟

حور: اممم، مش عارفة. إنت إيه أكتر لحن أغنية إنت حافظه؟ رامز: أغنية اللي هي أولها "خليني في حضنك يا حبيبي". حور: طب يلا. وبدأ رامز يعزف. ومع أول كلمات لحور، الكل بصصلها بصدمة من جمال صوتها، وخاصة فارس. لا رفيده وحبيبة وريماس عشان عارفين صوتها. وكلهم بدأوا يسقفوا وهيا بتغني. كلمات الأغنية………………………………………………. خليني ف حضنك يا حبيبي ده في حضنك بهدى وبرتاح أنا كل مشاعري معاك راحوا وكمان قلبي لقلبك راح ولا بضحك وأفرح من قلبي

غير لو جنبي أنا كانوا عينيك لو تبعد عني ولو ثانية بتجنن يا حبيبي عليك وبتحلى الدنيا في عيني وأنا جنبك ف متبعدنيش حُبك فعلًا بيخليني أتمسك بالدنيا وأعيش وفي قربك بيروح خوفي وده وعد ومُلزم أنا بيه مهما تكون يا حبيبي ظروفي قلبك عمري ما هاجي عليه أنا مكسب عمري إني قابلتك غيرت ف عيني الأيام طمنتني ع الباقي في عمري حققتلي كل الأحلام أول ما عيونك دي بشوفها مش بعرف أشوف غيرها خلاص إنت هدية ربنا ليا إنت حبيبي وأغلى الناس

وبتحلى الدنيا في عيني وأنا جنبك ف متبعدنيش حُبك فعلًا بيخليني أتمسك بالدنيا وأعيش وفي قربك بيروح خوفي وده وعد ومُلزم أنا بيه مهما تكون يا حبيبي ظروفي قلبك عمري ما هاجي عليه ………………………………………….. أول ما خلصت، كله سقف لها بقوة. فارس: بحب صوتك، حلو أوي بجد. غني أغنية تاني. أحمد: طب ماتغني إنت يا شبح وسمعهم صوتك. على فكرة صوتك جامد. حور: سمعنا كدا. بس بشرط، لما أغنيها، نغني أغنية أنا وإنت.

رفيده: وأنا موافقة. يلا بقى سمعنا يا عم. كلمات الأغنية ………………………………… لييييييه أنا بفكر فيك كده لييييه آه لو تعرف اللي انا فيييه تعالى قولي عملتلي اييه فين حبيبي تهرب مني لفين ومين قدي يحبك مين تعالى هنا مفيناش بعدين فين حبيبي تهرب مني لفين ومين قدي يحبك مين تعالى هنا مفيناش بعدين ……………………………………… رفيده: بجد صوتك جامد، جمودة. رامز: ده صوته حلو ودي صوتها حلو. وأنا إيه؟ على فكرة من غير عزفي صوتك هيبقى معفن.

حور: طب بس يا معفن إنت. سامية بضحك: عزفك جميل والله يا ميزو. سامية: قلب ميزو. بقلك إيه؟ إنتي مرتبطة؟ حور: إنت بتعاكس أمي؟ يلا والله أقتلكم قتيل هنا. الله، هو الواحد لما يقول الحق في الزمن دا يبقى غلطان؟ فارس: اسكت، أصل دي مجنونة، إنت مش قده. محمد: طب يلا، هتغنولنا إيه؟ حور: حافظ أغنية الحب الأبدي. أحمد: أيوه بقااا. وغمز. كلمات الأغنية ……………………………… إنت الحب الأبدي وروح الروح بنظرة وحدة بيّ تردي الروح، الروح

إيدي بإيديك وين نروح، نروح إنت أماني وعوضي من الأيام بس بحضنك أقدر أغفى وأنام، أنام حبك جنة وأحلى من الأحلام هو هذا حب حياتي اللي أتمناه يا طعم الغرام وعطره ومعناه أدفع عمري كله، أدفع عمري كله حتى أعيش وياهه هو هذا حب حياتي اللي أتمناه يا طعم الغرام وعطره ومعناه أدفع عمري كله، أدفع عمري كله حتى أعيش وياه (أول مرة أعيشه ها الإحساس (عاشق عاشق من أطرافي لحد الراس مثل الهوى أحتاجه إنت الأنفاس

(إنت جناحي وبيك أتمنى أطير، أطير (أطير بدونك والله ما حس إني بخير، إني بخير إني بحضنك واللي يصير، يصير هو هذا حب حياتي اللي أتمناه يا طعم الغرام وعطره ومعناه، معناه أدفع عمري كله، أدفع عمري كله حتى أعيش وياهه هو هذا حب حياتي اللي أتمناه يا طعم الغرام وعطره ومعناه أدفع عمري كله، أدفع عمري كله حتى أعيش وياه آهآهآهآه، آه ……………………………….

حور: بصوا بقى، مش معنى إني حاطلكم كلمات الأغنية وأول مرة تسمعوها فـ تعجبكم وتروحوا تبحثوا عليها وتبقوا مبتسمعوش غيرها، وأشيل أنا ذنوبكم بقى. أنا ذنوبي على قدي وبريئة من ذنوبكم. أنا مالي يا لمبي الله 😂. نرجع لقصتنا. قعدوا يغنوا ويفرحوا ويقضوا السهرة. بعد ما خلصوا، لموا كل حاجة ودخلوا يناموا. وتاني يوم. الكل صحى وفطر. محمد: هنروح فين النهارده؟ فارس: نروح على البحر العام ونركب كل اتنين مركب ونعمل سباق. ونركب الباراشوت.

حور: الله! أنا نفسي أركبه من زمان. ما ركبتهوش قبل كدا. فارس: وإحنا هنا عشان نحقق الأحلام. يلا بيناااا. والكل خرج بحماس. الأول، حور ركبت الكورة الكبيرة اللي بيدخلو جواها ويفضلوا يمشوا بيها في البحر. وكانت كل شوية تقع. والكل فطسان عليها من الضحك. فارس: يلا يا حور، تعالي نركب الباراشوت. يلا. ركبت حور وفارس الباراشوت. كان عبارة عن باراشوت كبير وفي كرسيين.

بعد ما الباراشوت طار بيهم، حور قعدت تصوت ومكلبشة فيه. وبتضرب فيه. كل ميت عليهم من الضحك تحت. حور: نزلوني من هناااااا. انزلوني من هنا يا ولاد الفرنتوشه. أنا غلطان إني سمعت كلامك يا فارس. يابن الـ... أعععععععع. هقع والله. قلبي حاسس إن إحنا هنقع. فارس وهوا ماسخسخ من الضحك: الفرنتوشه؟ والله ضغطي وطي. نزلونيييييي. حور: خلاص، كلها دقايق وهننزل. إنتي مفكرة إنهم سامعينك وإنتي هنا يعني؟

إقسم بالله أنا شايفة شرم الشيخ كلها من عندي هنا. بعد ما نزلوا، راحوا زورق. حور وفارس ركبوا لوحدهم. وأحمد ورفيده. ورامز ومرنا. وعلي ووفاء. وبدأوا يعملوا سباق. وكانوا في نص البحر. وكان فارس وحور سابقين وبعدوا عنهم بمسافة. حور بضحك: سبقناهم، سبقناهم. ييييس. فارس: مين ورانا؟ بصي كدا. حور: إيه دا؟ إحنا بعدنا أوي. أنا مش شايفة حد. فارس: إزاي؟ بص ملقاش حد خالص. حور: حاسب يا فااااااارس. أعععععععي. يتبع…