رواية حور الفهد الفصل العاشر 10 - بقلم دنيا احمد

حور صحيت واتخضت عشان لقيت حد في الأوضة، بس الشخص ده كان فهد. "صوتك هتفضحينا، هشيل إيدي بس متصرخيش." حور عملت نعم برأسها. فهد شال إيده من على بوق حور. "فهد، أنت كنت فين؟ أنا ق... " وسكتت. "كملي، سكتي ليه؟ "كنت فين؟ "كنت في مشوار." وراح عند الدولاب وأخد فوطة ودخل الحمام. حور قعدت تفكر، ياترى كان فين. فهد طلع من الحمام وقالها: "بلاش تفكري كتير ونامي، بكرة تعرفي كل حاجة."

فهد راح نام على السرير وأخد حور في حضنه، وهي متكلمتش عشان كانت محتاجة حضنه أوي. الصبح مخبي حاجات كتير. صحت حور، لقيت فهد نايم. قعدت تتأمله وحطت إيدها على شعره. "اعترفي إني حليوة وقمور." حور اتخضت وشالت إيدها بسرعة. فهد ضحك وقام عشان يأخد دش. بعد فترة طلع من الحمام وشال حور ودخلها الحمام وقالها: "خدي دش عشان تفوقي." وطلع.

حور أخدت دش بس افتكرت إن مفيش لبس في الحمام. قعدت تنادي على فهد بس ملقتش رد. فلبست البرنص وخرجت، وهوب لقيت فهد قدامها. كانت داخلة الحمام تاني بس إيد فهد منعتها. "رايحة فين؟ "فهد، بتعمل إيه؟ عن إذنك أخرج." "بتبعدي ليه يا حور؟ حور سكتت. فهد شاف سكوتها وقالها: "اجاهزي وانزلي." "ليه؟ "هتفهمي كل حاجة لما تنزلي." "حاضر." فهد نزل وحور قعدت تفكر، ياترى في إيه.

بعد وقت، حور جهزت ولبست وقعدت تفكر في كلام فهد ووقفته جنبها واهتمامه بيها. بتفتكر إنها بتحب قربه وإنه بقى جزء كبير في حياتها. "معقول حبيتك يا فهد؟ أيوه حبيتك يا فهد، أنا لازم أقوله." ونزلت بسرعة ونسيت خالص إنها تعبانة. حور نزلت بس اتصدمت من اللي شافته.